The Vengsang  4th   December.:                                    [Chhunzawmna]

Chang 71 NUPUI PAWI KHAWIH

Nupuiin mi pawi a khawihin, a pawi khawih dan azirin a mawhphurtu a hrang thei. Tingthul leh mipat hmeichhiatna kawngah nupui avanga lei chawi tur a nih chuan, a pasal ni lovin, ama man teltu mawhphurhna a ni. Amaherawhc hu, tingthul leh mipat hmeichhiatna kawng ni lo, kawngdangah reng reng chuan, a nupui chawi tur leh tel tur kawngah a pasal  mawhphurhna vek a ni.

Chang 72 NUPUI LAKA PAWI KHAWIH 

Mi nupui laka pawi khawiha lei  chawi chu a pawi khawih a zirin a dawngtu a hrang thei. Tingthul leh  mipat hmeichhiatna kawngah nupui lakah miin lei an chawi chuan, a pasal
ni lovin, a man teltute dawn tur a ni. Amaherawhchu, tingthul leh mipat hmeichhiatna kawng ni lo,  kawng dangah reng reng chuan, nupui lakah miin lei an chawi chuan, a  pasala dawn tur a ni.

Chang 73 FANGHMA NO EI 

Fanghmano ei chu rulh leh tawh loh tura  eiral hi a ni. Nupui tlan kohnaah hian, hmeichhe nu leh pain Tlai emaw, a  aia sang emaw an lo phut chuan, chu chu man ba rulh nan hman a ni thin. Man ba a awm tawh loh chuan Fanghmano eia ei a ni thin. Chumi bakah chuan,Sehrui sahchah man te, charsut phawi  man te, hmingchhiat man te, inneih nia mipa lamin hmeichhe lam tana a sensote hi Fanghmano ei a ni vek. Sumchhuah nikhuaa chhuak ve tur a ni lo.

Chang 74 HNAM DANG NENA NUPUI PASAL INNEIH 

Mizo mipain hnam  dang nupuia a neih chuan Mizo Dan angin engkim a kal thin. Anmahni  inkarah intiamna bik neih pawh lo duh sela, roluah thu leh fate thuah Mizo Hnam Dan kalhin a ti thei lo. Mizo hmeichhiain hnam dang pasala a neih chuan hnanm dang chhungkuaah a luta ngaih a ni.

Branch Emergency Comt.
Ni 28.11.2011 Nilai zan inkhawm banah Vengsang Branch YMA Emergency Committee koh a ni a, hetah hian YMA in in kan sak sak Pi Vanlalremi’n in extend a dilna chu pawmin a tukah YMA in a zauh sak nghal. Tin Ni 10.12.2011 khian kumtawp Committee koh tum a ni a, Executive Committee kim taka kal tur a ni. Minutse a dah tur thlalak a ni bawk ang. Agenda turte-
(1) Kumthar (2012) hruaitu thlan dan leh a thlan dan tur

(2) Sum Audit chung chang leh Auditors tur ruat chung chang. (Branch, Section leh Chanchinbu ten Committee hma a kan sum kawlte Audit theih tura peih hman tur a ni ang)

(3) Christmass leh kumthar vuakvela YMA duty dan tur leh duty turte.

Kawngpui siam hnatlang
Ni 29.11.2011 zing khan Neuva Section kawngpui,  District Hospital kawng chhe lutuk siamthain hnatlang neih a ni a, he hnatlangah hian Police Station hnuai atangin kawng khuar lai hnawhkhah hna hi thawh a ni.He hnatlangah hian YMA Member 80 bawr vel an thawkchhuak a, a ropui takzet a ni. Keimahni theuh mah ni i la, tlawmngaia member hnatlang a kalte zawng zawng chungah Vengsang Branch YMA chuan lawmthu a sawi mawlh mawlh a ni.

Information line siam a ni 
Zirtawp zing (2.12.2011) khan Mualbawk veng, Vanapa Section huam chhung Information line chhelai siam a ni a, tin, Vanapa Section huamchhung line tha lo dangte pawh siam leh thuai tum a ni.

Taitesena  Section
Hun remchang hmasa berah Section Committee koh tum a ni a, kim taka kal turin in OBten Comt. memberte an hriattir lawk che u.

Kan fanu Rosangpui’n Dt 22.11.2011 a min boral san chungchangah Vengsang branch YMA in kawng tinrengah min buaipui a, athlan hmunah hmun tha lai min pek chungchangah te kan lawm em em a,tin vengchhung nu leh pa nula leh tlangval ten hmangaihna leh tha leh zung in sen zawng zawng te, MHIP ten an mahni dan pela min duhsakna te leh kawng tinrenga min tanpui na leh min thlamuan na zawng zawngah kan lawm em em a, phu loh malsawmna kan dawn zozai hi engti kawng mahin kan rulseng lo che u. He chanchinbu kaltlanga kan lawmthu sawina hi min pawmsak tur in kan ngen a che u .LALPAN a let tam takin malsawm che u rawh se.

In khawngaihna dawngtu
Lalngenga te chhung
PHE Veng, K Section