Krista ringtu kan inti theuh a. Kohhran mi nih kan duh a, kan ni theuh bawk. Sunday School chauh inkhawm pawhin in kawm chhunah “Ka in pumpek e” tiin kan zai thei mai  a, enkawl sen loh ram neiha, belh zel duh pawhin “Isua neih ka duh zawk ram leh in aiin” kan tui pui leh thei mai a, sum ringawt ngaihtuaha, mawi leh mawi lo pawh thlu thei lo leka che pawhin “Lalpa sum ka ngainep a” tih hlate chu kan lampui leh thei mai bawka, kan ti tha ve thin ngawt mai.
1.Khawiah nge i awm?
    Eden huanah Adama ala awm renga, Pathianin a hmu reng bawk. Mahse, Pathianah a awm tawh lo. Eden huana awm reng leh a hmuh reng Adam kha Pathianin khawiah nge  i awm ? a tih a ngai tlat. Amah Pathianah a awm tawh tlat lo
    Ringtu (Kristian), Kohhran mi, KTP member, Kohhran Hmeichhe member, etc. in ti reng chung leh ni reng chung hian kawiah nge kan awm thin le? kan rilru, taksa leh thlarau hi khawiah awm thin ni maw? Inkawmna, hnatlanna, hla zirna leh Kohhran chettlatna hmuna kan awm hian ti tha ta em em kan ni lo tih tur ti leh awmna tura awm kan ni mai. Kan awmloh / telloh hian awmna turah awm lovin awmlohna turah kan awm a ni mai. “Engatinge mithi zingah minung in zawn? hetah a awm tawh love” (Lk.24:5-6) Kristaa nung i nih chuan i nunpuite awmnaah awm i la a tha ber mitthi zinga awm a pawi thin.
    Sawiseltu thenkhatin inkhawmte, chhung inkhawmte hi ngaia neih mai mai an ti thin. A pawi ber chu “ngaiah kan nei phalo hi a ni zawk” Isua pawh tihdan pangngaiin Pathian biakinah a kal thin a, Daniela pawh a tih dan pangngaiin ni khatah vawi thum a tawngtai thin. Awmna tur dika awm hi a tha in a dik lo a awm hi a pawi thin.
2. Eng nge i tih?
    Elija chu Jezebeli hlaua Sinai tlanga puka a tawm laiin  Pathianin “Hetah engnge i tih?” a rawn ti ta mai. Zawlnei tam tak hneh thei khawpa Lalpan a thuam pawh a ti chaktu Lalpan engnge i tih? tih a ngai leh tlat.
    Kristian, Kohhran mi, Krista nun nei pawh hi awm lohna tura awm palh a awl thin. Kan rilruin enge a ngaihtuah? kan ka in enge a sawi? kan taksain enge a tih? “kal paha in sawi dun kha enge ni?” (Luka 24 : 17) Awmna tura awmloh hian tih loh tur tihin a zui chawk thin. Kan theihtawp kan chhuah theuh hian kan tangtai theuh, kan tih hat duhloh hiak Kohhran hi a kal ngaiin a kal tho. Theihtawk tih mai hi kan chan a ni.
    Kohhran mi nih duh loh hunte, Kristian ni duhloh hunte, KTP member nih duh loh hunte ala thleng dawn. Ka duha kan ni ve ta rau rau anih chuan awmna tur dika awm a, theihtawk tih hi Lalpa malsawm dawmnna a ni. Lalpan athu malsawm rawh se.

PENTIKOS NI
    Vawiin hi (Pathianni) hi pentikos ni a ni a. Pentikos tih awmzia chu ‘Ni Sawmngana’ tihna a ni. Thuthlung Hlui-ah chuan kalhlen Kut tiak ni atanga ni sawmnganaah an hmang thin. Thuthlung Thar hunah erawh chuan Isua thawh leh tuk  (Easter) atnanga ni 50-naah hman a ni ta a ni.

PENTICOS NI  CHAWHMA  INKHAWM
Thupui:     An zain hmun khatah an awm khawm
Sawitu:    Upa Lianzika

CHAWHNU   INKHAWM
Thupui:    Thlarau Thianghlim, nunna petu
Sawitu :    Upa K.Thangkhuma
   
ZAN   INKHAWM
Thupui :    Thlarau Thianghlim khat nun
Sawitu :    Upa K.Vanlalmawia

KTP  INKHAWM
Hruaitu :    Nl Zaihliri
Tantu:    Nl. Jenny Lalrinmawii
Central KTP Kumpuan Zirhona  “Thuawih loh Pawizia”Hawngtu :    Tv Zodinpuia

FELLOWSHIP
A hmun :    Kohhran Hall
Hruaitu :    Nl Lalrimawii
Tantu :    Tv Lalrammawia
Sub Comt. thiltum leh  Aletheia editorial hmalakna

  Aletheia  Board atangin

NILAI   ZAN
Tantu :    Pi Vanlalfingi
Thupui :    Vanram
Hawngtu :    Pi Malsawmi

INRINNI  ZAN
Thuhriltu :    Pu Ch.Hranghleia

TAWNGTAI   INKHAWM
THAWHTAN :     Pu Zirthanga Pachuau
TAWHLEH :     Pu Lalthangmawia
NILAI       :     Upa Lallianluauva
NINGA    :    Pi.Laltlanmawii
ZIRTAWP :     Pu.HKL.Thanga
INRINNI    :     Pi.Vanlalruati
PATHIANNI    :     Tv Lalropuia

Sunday  School      
Vawiin hi Penticos Ni a nih vangin naupang lam sunday school awm lovin Biak Inpui lam ah inkhawm tur a ni e.

BRANCH   NEWS
    Ni.10.06.2011 (Ningani zan) khan Branch Committee neih  ni a,  Khawpawn branch tlawh chung changte leh Branch anga hmalakna tur tam takngaihtuah a niin, memberte pawh kan tan rual angai dawn hle a ni. Tin, Branch KTP in a Member tinte hnena Talent tih pun tur a, a sem chhuah chu lakkhawm zawh a ni ta a, Sum hnuh zawng zawng cheng 20,000 chuang lai a ni a, a lawm awm hle a ni. Memberte sum leh pai Branch in kan mamawhna hria a, thil pek petu zawng zawng te Lalpan alet tam takin malsawmna in vur che u rawh se.

KOHHRAN   HMEICHHIA
Kohhran Hmeichhia ten vawiin Pathianni nilengin Biak In hulhliap ah Lawm Bawm an hung dawn a, Kohhran Hmeichhe Memberte thahnemngai turin hruaituten min ngen a ni.

Synod Music Committee chuan July-December 2011 chhunga Theory of music leh Keyboard zir duhte tan admission a hawng leh ta a. Dilna Form chu Synod Music department, Synod Office-ah office hun chhung in a duhte tan lak theih a ni.

Dilna theh luh theih hun  : July 11,2011
Admission tih hun : July 13&14.2011
Class tan hun    : July 15,2011

June ni.7 atanga June  ni 9 chhung khan Synod Office-ah Synod Executive Committee vawi 234-na neih a ni a thu ngaihtuah lian zual bik te :
1. Secular College din chung chang
2. Pavalai chung chang
3. Sikulpui lak let leh zir chianna
4. Pro.Pastor lak dan en that
5.Consulation on Women’s ordination chung chang
6. Will Graham crusade Aizawla neih tur chung chang
7. MPF Budget 2011 - 2012
8. Mipat Hmeichhiatna chung chang  pawm dan puanchhuahna
9. Bishop of  Pune Diocese nena inremna
10. Pastor nemngheh tawh hnua an nupuitesawrkar hna tawh thu.

B.S.I  Life Member
G.M.Thangi D/o T.Lalhmingmawia
Ramhlupuii D/o T.Lalhmingmawia
Gidion Lallianzama  S/o T.Lalhmingmawia
Absolom VL.Ruatfela S/o T.Lalhmingmawia

Life to Patron
Denghmingthangi H/o T.Lalhmingmawia
T.Lalhmingmawia S/o Tlangliana

Donation
T.Lalhmingmawia S/o Tlangliana

Editorial  

       Lalpan a khawngaihna avang liau liau in a rawngbawlhna thawk ve turin leh thawk thei  min siam hi a lawmawm tak zet a ni.
      Lalpa tana kan theih ang tawka kan thawhve naah hian, achang chuan thawk tha ve viau te, thawk nasa viau tein kan in ngai thin, amaherawhchu Lalpa tana kan thawh naah hian thawkve viau a kan inhriat chuan a aia nasa zawk a kan la thawh a ngai ngei ang.
      Tin, kan rawngbawl hona kawng hrang hrang ah hmalakna tur tam tak a awm thin a, tha pawh kan thawh thin reng a ni. Mahsela, kan thathawh naah hian mi dangte phut run in leh, fakhlawh tum run tein kan thawk thin em?
      Tha thawhve lote, kal chhuak ve ngailote phut run leh kan thawh that te sawi chhuak mai mai lovin, Lalpa in a rawngbawlhna thawk ve tura, min duh avang hian lawmthu i sawi mawlh mawlh ang u. Tin, Ringtu chu engtiklai pawhin a thil tih na leh a hnathawn na kawng tin reng ah  Lalpa a rawn in, a pawl reng thin tur a ni.

INCHEINA   ( BIAK IN-AH )
    Kan thawmhnaw neih dan a inchen lova, kan inchei duh dan leh peih dan a inchen lo bawk. Hmeichhia leh thalai te chu sawi tel rih lovin Kohhran hruaitute leh rawngbawltu pawimawh then khat te incheina chung chang in sawi lawk teh ang.
1.  Kohhran hruaitute hian inkhawmnaah Casual Dress- T.Shirt, Jeans,Cotton Jeans leh khawlai Jaket te ha lo thei hram se.Tin, Sport Shoes lam rawng kai bun lovin Smart Shoe bun hram se. Hetiang thawmhnaw nen a inkhawm hi an mawipui lova, kohhran ati mawi lo pha bawk.
2.  Chairman, Thuhriltu leh Thupuangtu te phei hi chu in uluk zual se. Coat leh Nectie nen inthuam thei hram se, Kohhran leh mahni a ti zahawm. Coat hak a harsa anih pawhin sweater emaw gentlemen jacket tal hak theih hram a tha.
3.  Rawngbawltu pawimawh leh chanvo pawimawh changtute inchei dan hi an chanvo nen a inmawi em tih an chhungten enpui thin a tha.

EDITOR : C. Vanlalchhuanga 
JT. EDITOR : Isaac.Lalhruaitluanga,  Zodinpuia 
 NEWS  EDITOR : K.Lalengzuali
               CIRCULAR MANAGER : All Groups Asst. Secy.
MANAGER : Lalduhawmi