Nihna hian awmdan tur a rel tlata nu chu nula awmin a awm thei lova, nu a nihna in a awm dan chu a relsak tlat a ni. Mi rethei pawh hosa awmin a awm theilo, mihring nun danah pawh hian mahni nihna phulova nun chu a diklo kan ti thin a, chutiang bawkin he nihna thar Pathian fa nihna hian nun dan tur chu a relsaka chu chu Kristian nun kan tih hi a ni. He mi thuah hian sawi tur tam tak kan hre thei ang. Mahse thil pathum chauh sawi ila tlukna thu kha han ngaihtuah leh ila, rin loh na avangin awilohnaah a lo awm a, chu chuan bawh chhiatna a hring a ni. Tichuan he mi atanga kir leh kan nih avangin heng thil leh lam hi kan tih tur a ni. Awilohna chu awinaah a chang tur a ni, bawhchhiatna chu siam thatnaah a chang tur a ni.
    Krista ringin, awihin, siam thar ni ila tih a ni. Heng thubul hawrawpte hi zawm khawm ila Kraws a ni. Chutichuan Kristian nuna kan nun dawn chuan Kraws bulah kan awm fo tur a ni. Mahni hreawm pawisa lova nitin kan put tur chu Kroaws a ni tih kan Lalpa ngeiin min hrilh tawh a, kan nundan tur chu heihi a ni tih kan hre thei a ni. Kan nihna hi kan hriat reng a pawimawh a ni. Chutilo chuan kan awm dan tur kan theihnghil leh thin. Pathian fa kan nih a vangin a thu kan awi tur a ni. Pa laka fain a bat fo chuan thu awihna a ni Pathian fate chuan a thu awih an ba reng a ni. Tin, a hnathawh kan ba bawk a, a ram zauzelna tura beih zelte hi Pathian fate bat tlat a ni. Tin, pa sum leh pai a rote chu fa in a khawm vek thin a, chung roah te chuan chanvo a neih avangin enkawltu nihna a neilo theilo. Chuvangin Pathian fa nihna chuan Pathian sum enkawltu nihna a siam ngal a ni. Tichuan mawhphurhna ropui tak phurtu kan lo ni a, chung kan mawhphurhnate chu fel taka kan phurh zel turin Pathian kan ring zel tur a ni. Amaherawh chu, mawhphurhna maiah a tawp lova, fa chuan a pa ro a khawma a ro chu a luah ang bawkin keini pawh Pathian ro luahtute Krista roluahpuitute kan ni a, chatuan nuna chauh hi kan changmai dawn a ni lova, Pathian ropuinate pawh kan changve dawn a ni. Chuvangin thlamuang cho ni lovin lawmna tak chu thinlungah a awm thin. Lawmna hian fakna te, rawngbawlnate, chawimawinate a hring chhuaka tichuan Kristian nun chu rawngbawlna a lo ni thin a ni. Mihringin Pathian a chawimawina ropui ber chu Pathian thu a awihna hi a ni. Lal Isua pawhin thi khawp hiala thu zawmnain Pa Pathian chu a chawimawia, chu chu Kristian nun chu a ni. Hemi avang hian Pathian pawhin amah chawimawitute chu ala chawimawi dawn a ni. Krista hi kan zui phawt chuan a ni pawh Pa Pathian ropui takin a chawimawi tawh a, Krista ringtute pawh Pathianin a chawimawive ang tih kan hre thei a ni.
    Hei hian beiseina nung min siam saka chuvangin hreawmnaah te pawh chhel takin kan ding tur a ni. Thih hnu lam atan chauh beiseina nei kan ni lova, he dam chhung ngei atan pawh hian beiseina kan nei Pathian chawimawi tura pa duh zawng tih theih fo hi mihring tan a harsa a ni. Pathian tanpuina kan dawng ngei ang tih kan beisei tlat avangin he thil harsa tak hi kan huam thin. Thlemnaah te, lungngaihnaah te,mangannaah te, Pathian tanpuinaah te, kan beisei tlat avangin kan hlaulo a ni. Engkimah Pathian chu kan rin zel avang leh kan tan rin theih leh rin tura alo awm zel avang hian a mah chu kan fak fo tur a ni a, lawm thu sawi tur kan ngah hle a ni. Fak thinlung pu mi kan ni tur a ni. He mi kawngah hian Lal Davida kan hre reng fo tur a ni. Pathian chunga lawmna tur a hre tam em em a ni. Pathian chawimawina chu kan duh zawng leh kan lawm zawng nilovin Pathian duh zawng kan tih hian kan chawimawi em em a ni. Tichuan Kristian nun dan chu Pathian duh zawng tih hi a ni.

SUNDAY SCHOOL
Tantu    :    Pi Lianhmingthangi
Zirlai    :    Thlarau Thianghlim   (Z-21)

CHAWHNU INKHAWM
Thuhriltu    :    Pu HKL. Thanga
  
ZAN INKHAWM
Thuhriltu    :    Upa Lallianluauva

K.T.P  TAWNGTAI INKHAWM
A hmun    :    Kohhran Hall
Hruaitu    :    Nl K.Lalnuntluangi
Tantu      :    Victor Lalchandama
Report & Thuchah Tawi : Tv Lalrinsanga

KTP INKHAWM
Hruaitu    :    Tv V.Lalmuankima
Tantu      :    Tv H.Zirsangliana
Thusawitu    :    Pu Rambuatsaiha Chawnghlut

KOHHRAN  HMEICHHIA
Hruaitu    :    Pi K.Saitluangi
Tantu      :    Pi Lalrinsangi
“Sharing leh tawngtai rual a hun hman a ni ang”

NILAI  ZAN
Tantu    :    Pi Zolina
Thupui  :    “Hremhmun”
Hawngtu    :    Pu R.Lalhmingthanga

INRINNI  ZAN
Thuhriltu    :    Pi Laldinsangi

TAWNGTAI INKHAWM  5:45Am
Thawhtan    :    Upa C.Laldingliana
Thawhleh    :    Pu Daithanga
Nilai        :        Pi Vanlalthlani
Ninga       :        Pu C.Zohmingthanga
Zirtawp    :        Pi R.Laldinpuii
Inrinni       :       Pi Lalhmingmawii
Pathianni   :      Tv Lalrammawia

Branch Committee-in a lo rel tawh angin Branch Committee te leh Evangilism Sub-Committee ten Member-te intina tlawh chhuah nise a tih chu, Pathian hruaina avang liau liau in zawh fel a ni ta a, a lawm awm hle a ni. Kohhran chhungkaw tinte minlo dawn sawn naah KTP Committee chuan lawmthu a sawi mawlh mawlh a ni. Pathianin kan hun hmante mal-asawm zel theih nan tawngtaina lamah pawh i hre reng ang u. Tin, Talen IP Member in tina sem chhuah kha thla a lawklawh deuh avangin tunthla ni.6 hmaa lakhawm tur a sawn hlat leh a ni a. Memberte kan inhriattir  a ni.Tin, KTP Memberte inkhawm lamah tan la hram hram turin leh inkhawm kal hma hram hram tuirn kan in ngen mawlh mawlh a ni. Kan kumpuan bawhzuina atan Kohhran Inkhawmban apiangin tawngtaina hun hman zel a la ni bawk.

SYNOD
INDIAN MUSIC ADMISSION
Synod Music Committee hmalaknain hman dang zinga rawngbawlna atana tangkai tur Indian Music School (Khuang ben leh rimawi dangte) zirna chu hawn a ni leh dawn a, dil duhte tan Synod Office, Music Department-ah Dilna Form la chhuakin Kohhran lehkha thil telin thehluh tur a ni.
Zir hun chhung          :  Thla ruk(July-December 2011)
Dil theih hunc hhung  :  June 24,2011
Class tan hun              :  July 1, 2011
Fee ngai zat  : Registration Fee-Rs.100 Monthly Fee - Rs.200/-



YOUTH  FOR CHRIST :
Hruaitu        :    Tv.K.Vanlalenkawla
Tantu          :    Lalhriatpuia(Senior Dept.)
Audio Quiz- Buatsaihtu : Tv.C.Lalmuanpuia

CHILDREN FOR CHRIST
Hruaitu     :    Tv.Lalpianmawia
Tantu        :    Nl.R.Zatluangi
Games      :    Tv.H.Lelremruata
BMV          :    Nl.Vanlalduati

KOHHRAN
 Biak In sak hna kalpui mek zel a ni a, tunah hian hnatlangpui anga thawh tham ni silo chu thawh tur ala awm reng a ni.Nakum maia  PCI Assembly kan thlen na tur atan inbuatsaihna tur tam tak ala awm a ni. Kohhran mipuite sum leh pai kan mamawhna ala sang hle mai a, thil pek lamah tan la thar zel turin kan in ngen tak meuh meuh a ni.

GROUP NEWS
MESAKA GROUP :
Mesaka Group chuan an Group Nite hmanna tur atan inbuatsaihna an kalpui mek zel a, Memberte pawh an phur tlang hle a ni.Tin, lehkhabu zuarin leh a tul ang ang ti in an in tuak mek zel bawk a ni.. Hun rem chang hmasa berah Group Committee neih leh tum a ni a, committee memberte lo in ring lawk turin kan in hriattir a ni.

CENTRAL   KTP
Central KTP chuan hmeichhe humsual daite pual camping buatsaih leh tumin hma ala chho mek a, ruahman dan chuan September 28-Ocotober8 chhung hian camping neih leh tura tih a ni. He camping buatsaih tur hi hlawhtling leh tluang taka neih anih thei nan Kohhran leh Branch KTP zawng zawngte tawntainaah lo hre reng turin min ngen mawlh mawl a ni.

HLA  ZIR
Zanin inkhawm banah hian KTP Memberten kan hma lawk a Presbytery KTP Meet kan hman na tur a mi hla zir leh tur a ni a,Memberte thahnemngai taka hla zir theuh turin kan in ngen tak meuh meuh a ni. A la zirlote pawh inthlahrung lo a hla zir turin kan in sawm mawlh mawlh a ni. Mipa lam te pawh hla zirna lamah hian tan lak kan ngai tak zet a ni.

Editorial
    Pathian hruaina avang liau liau in Kum chanve kanlo chuang kai ta reng mai a, alawmawm hle a ni. Chutih rualin kan rawngbawlpui ten mual min liam san mek zel bawk a ni.
    Kum chanve chhunga kan thil tih hi inzawt ta theuh ila, a inanglo hle awm e. Kan hun hlu neihte kan hmang tha reng em le? Thufing pakhat chuan Hun hi tangka a ni ati a tun ang laia Mi kan buaitawh dante en phei hi chuan a dik viau reng a ni. Hun hi tu pawhin kan nei vek a, a hmang hlu thiam tan chuan a hluin a kham awmloh thin reng a ni. Amaherawhchu holam mai mai a hmangtu tan chuan hlutna a nei awm love?
    Fak hla siamtu chuan i hun ti thianghlim la, Lalpa pawl fo rawh tiin a lo sawi ve bawk a ni. Ringtute tan chuan fuihna hla tha tak a ni. kan hun hman kawng tin reng ah hian han ngaihtuah chiang vang vang ila, minsiamtu, athu lova Minute khat (1) Second khat (1) pawh nung theilo kan ni tih hi kan in hriat tahr fo a ngai a ni.
    Kan hun hmanah hian Lalpa biak nan hian tam lua a awm lo a ni. Engkimah kan thil tihna kawng tinrengah- kan hnathawhna hmunahte, kan chaw ei dawn ten,kan mut dawnten engkimah Lalpa kan rawnin kan biak fo a ngai a ni. NIkhatah Lalpa hnenah tawngtaina vawikhat nei thin kan nih chuan, a tlem berah vawi hnih tal neih tum ila, chutiangin a aia tam zel. Lalpa kan biak ngun na na na chuan amah kan bulah a awmve in malsawmna te kan dawn phah thin a ni.
    “Ka aw leh i thilthlawn min pêk te hi Lalpa,
    Hun tha leh hun lâwmawm min pêkte hi;
    Nangmah fak nân ka lo hmang ngai lo,
    Tûnah erawh Lalpa ka hmang ve tawh ang e.”

PAVALAI  PAWL
Ni.2.6.2011 Nilai thawhtan zan khan thlathar tawngtai ho na hun hmasa ber hman a ni a, tunkar ningani zan hian he hun hi hman leh tur a ni a, pavalai memberte bakah Kohhran mipui a tam thei ang ber he hun hmang tur hian kan in ngenin kan in hriattir a ni e.

EDITORIAL  BOARD