Vengsang Brancg YMA Exe. Comt. Vawi 13-na
The Vengsang 18th December.:
Ni 10 .12. 2011 chhun dar 12:00Pm khan YMA Committee roomah kumtawp Committee tluang taka hman a ni a, he commttee ah hian President Pu Hmingthangsanga’n kai hruaiin, Exe. Committee member 27 lai kalkhawm te rorel hmain hunserh Branch Treasurer Tv F Lalthanmawian Committee Pathian hnenah hlanna a neih zawin in rorel tan nghal a ni. Rorel tlangpuite-
ROREL 1-NA: InthlanNakum 2012 a Vengsang Branch YMA hruaitu thlan chungchang sawiho a ni a, ahun atan Mi 29.12.2011 (Ninga Ni) dan dar 6:30pm ruat a ni. Inthlandan chungchang chu hetiang hian commitee chuan a ruat-
1) Post by post a inthlan
2) Official Nominate theih ni bawk rawh se.
3) Inthlanna hmun atan Vengsang Br. YMA hall ruat a ni.
2) Official Nominate theih ni bawk rawh se.
3) Inthlanna hmun atan Vengsang Br. YMA hall ruat a ni.
Official-a nominate te-
Pu Hmingthansanga, Pu C Zohmingliana, Pu C Lalmuanpuia, Pu David Rualthankhuma, Tv F. Lalthanmawia, Pu Lalrinsanga, Pu H. Remsanga, Tv. K Lalmalsawma, Pu C Lalengkima, Tv K Vanlalenkawla, Tv JC Lalrammawia, Tv C. Vanlalchhuanga, Tv V. Lalmuanapuia, Tv Zodinpuia, Pu C. Lalchhuanawma
Pu Hmingthansanga, Pu C Zohmingliana, Pu C Lalmuanpuia, Pu David Rualthankhuma, Tv F. Lalthanmawia, Pu Lalrinsanga, Pu H. Remsanga, Tv. K Lalmalsawma, Pu C Lalengkima, Tv K Vanlalenkawla, Tv JC Lalrammawia, Tv C. Vanlalchhuanga, Tv V. Lalmuanapuia, Tv Zodinpuia, Pu C. Lalchhuanawma
Inthlan zan hian Member kalkhawmte atangin Mi 3 a nominate theih ang. Inthlanpui tur a Committee in a ruatte-
Pu J. Ralkulhtawna, Pu C. Chalthanga, Pu R. Lalchhunawma, Pu Rohnuna te an ni a, inthlan Programme leh thildang pawimawh chu Branch OBten an bawhzui ang.
ROREL 2-NA : Sum Audit Branch account peng hrang hrang, Section tin leh Vengsang Branch YMA chanchinbu accountte tlawmngaia min audit sak turin Pu SH Lianchhunga leh Pu HC Rohmingmawia te ruat an ni. Vawiin Ni 18.12.2011 Pathianni aia tlai lovah Auditors te hnenah kan account bu te thehluh vek tur a ni.
ROREL 3-NA : Tanpui ngaite tanpui danVengchhung mi harsa leh tanpui ngai, tanpui tlaka ngaihte tanpui dan tur ngaituah a ni a, Branch sum cheng 5000/- a tul anga hman nise. Tin, sum, thawmhnaw leh mahin remchan ang ang tanpuina pe ve duh tan Branch OBte englai pawhin a biakpawh theih reng a ni.
ROREL 4-NA : Duty dan turKrismass leh kumthar vuakveta duty dan tur sawi ho a ni a, Ni 18.12.2011 (Pathianni) atanga duty nghal mai nise; Veng huam chhung a Welfare hrang hrangte hnenah atul anga in tanpui tawn tura sawm a ni ang a; thawhpuina tur a ngenna lehkha pek an ni bawk ang.
ROREL 5-NA : Alcosign Vengsang Prsenyterian kohhran bial standing Committee in chhiat tawh ni a Alcosign a vuitu leh ahnam hming tar thar leh tura min ngenna chu pawm a ni.
ROREL 6-NA : Thlanmual ramKan veng thlanmual leh YMA enkawl ram reng rengah thingphurh leh lak khapan thupek chu uar leh zawka Information leh Br. YMA chanchinbu a puanchhuah nawn leh nise tih chu rel a ni bawk. He Committee ah hian kum 2011 chhunga Committee peng hrang hrangte hmalak dan report ngaihthlak a ni bawk. A kalten bengvar thlakin a Commitee hlawkthlak an ti hle.
Branch Activities
Khap tlat a niTun kumtawp Branch Exe. Comt. in a rel thar leh angin, kan veng thlanmual ram 2 leh YMA enkawl ram reng rengah thingphurh leh thinglak khap tlat a ni a, mi tupawh thupek zawm lo, tilui kan awm a nih chuan na takin YMA in a zilhhau bakah Chanchinbu ah an hming mualpho taka thailan an ni bawk ang.
Branch OB CommitteeNi 16.11.2011 zana Branch OB Committee te thuchhuak chuan tun krismass vuakveta mi harsa leh tanpui ngai tanpui tlaka a ngaite an thlir ho va, sum leh thildang pek dantur te pawh rel tel a ni. Tin, mimal emaw chungkua leh pawl hming a tanpuina tlawmngaia pe ve duhte kan awm a nih chuan petu leh pek dan tur mahni zalenna a ni ang a; tin, englai pawhin Branch OBte a biakpawh theih reng an ni bawk ang.
Tlangau hlawh
Naktuk Thawhtan atangin kumin 2011 a tlangau hlawh chu Section tinten an rawn khawn dawn a, harsatna siam lova in tinten lo pe thei theuh tura ngen leh hriattir kan ni.
Naktuk Thawhtan atangin kumin 2011 a tlangau hlawh chu Section tinten an rawn khawn dawn a, harsatna siam lova in tinten lo pe thei theuh tura ngen leh hriattir kan ni.
Duty ngawrh hle dawnKum dang aia bo sawi tur neih neuh atam avangin kan veng YMA ten kumin Krismas leh kumthar ah hian uluk leh strict takin chhun leh zanin an duty dawn. Ruihtheih thil ti leh puaktheithil hal leh zuarte dim an ni dawn lo. Tin, ruai kil laiin Veng chhung hmun hrang hrang ah duty in an kal kual thin dawn bawk a, kum dangah pawh Ruaitheh hlana kan in leh lo te lo veng himin mipui lamin thlamuang takin ruai te kan thehphah thin a, a lawmawm in hah taka duty thin te an fakawm thin hle mai.
Section News Vanapa Section leh Neuva Section ten tunkar lo awm turah hian kumtawp Committee neih an tuma he hunah hian kim taka kal ngei tur a ni.
Karleh lamah chuanKan chanchinbu herna CK Press an chawlh tawh dawn avangin kutin chanchinbu kan her tawh ang.
Karleh lamah chuanKan chanchinbu herna CK Press an chawlh tawh dawn avangin kutin chanchinbu kan her tawh ang.
Tualchhung
Alkatra luan mekProject Veng a Agriculture Office leh Chanmary Veng panna kawngpui chu black topping hna kalpui mek a ni ta, sawi tawh angin chrismass hma ngeia zawh fel tum a ni.
Halpuah hal leh zawrh khapKrismass leh kumthar vuatvetah Vengsang huamchhungah zên hmang a siam puak- theithil reng reng hal leh zawrh khap tlat a ni a, tin, Champhai District Addl. DC leh Addl. Magistrate R. Zarzosanga chuan Cr. PC Section 144 in thuneihna a pek angin niminpiah khan Champhai District huamchhunga mipui leh nunau him nan leh thlamuang taka Krismas leh Kumthar kan hman theih nan Halpuah leh halmawi chi reng reng zawrh leh hal a khap bawk. Naupang silai lem a mu thun a kah chi hrang hrang zawrh leh kah khap tlat a ni tih thupek a chhuah. He thupek hi chhuah a nih atanga chhiar tanin thla hnih chhung a huam ang a, he thupek bawhchhia chu IPC Sec. 188 dan hmanga hrem an ni ang tih a tarlang tel bawk.
Mipui him nanChamphai SP C. Lalthanmawia chuan Krismas leh Kumthar vuakveta mipuiten him leh hlim taka hunpui lo thleng tura an hman theih nan ruahmnanna siamin, veng hrang hranga duty point leh heng hmuna POlice Duty Commander te a ruat fel bawk a. An huamchhunga mipuiten buaina leh harsatna an tawk a nih chuan a hnuaia duty commander leh an phone number ah hian hriattir vat thin tur New Champhai : ASI Lalremruata - 9436712099; Vaihmun : ASI Zirthanga Pachuau-9612521811; Bethel kawn : ASI (M) Liansangzuala - 9862364396; Kanan Veng : ASI C. Lalrova-9612194724; DK Traffic Point : SI V. Lalbiaksanga - 9615948411 leh ASI (M) Hrangchuailova-9856244294
Lo haw leh ta
Hun reitak Aizawla cham, Chanchinbu lam kan Manager Pu R Lalchhuanawma te nupa chu nizan khan tluang takin Champhai an lo haw leh ta. Hetih lai hian kan Editor Pu H Remsanga thiannu Hlutei te nufa erawh an la cham rih mek. Pu Remsanga lungleng lutuk hi kan khawngaih hle mai.!
EDITORIAL
KAN HMING HI
Mi ten min koh a, kan ‘ei’ na kan hming ngei hi min phuah tute, entirnan hmanlai deuh chuan Thangchhuah pa leh mi huaisen tak chu an fate hmingah a lang chhuak ngei a. Chu chuan an chhungkuaa thil thleng tawh leh an lo tawn tawh tam tak a tilang a ni. Hun a lo kal zela tun kan dih hmunah chuan
mi tam tak in Pathian ropuizia leh thil tihtheihzia te, hmangaihna ngahzia leh ngilneihzia te, A Lal ram zauzia te kan hming atan kan phuah kur ngei nguai a. Then khat ve thung erawh chuan Lal rawngbawl tur kan nihzia te leh chu mi atana inserh hrangin kan hming phuah a ni bawk a. Mahse, hming phuahtute hian hming kan phuah zana tawngtaia kan delhkilh bak chu an tan kan tawngtaisak zui ngai ta meuh lo nge ni dawn? Lalrawngbawla leh Lalrawngbawli tih hming pu tam tak te hian kan Pathian rawng chu an bawl chiah lo maw le? Lalthianghlima leh Lalthianghlimi te nung chang hian a phuahtu an tihmingchhia ni mai lovin an hming an chhing zo thlawt lo chu a nih deuh hi! Lalnunzira hian tu nun chiah nge maw a zir tak le? Heti ema a nun a chhiat a! Vanlalnunmawiate Lallianmawia te hi an nunah hian mawina hmuh tur a va tlem si em!
Tin, inneih sawmnaa kan degree kan ziak lang chiam thin hi hnam dang tihdan kan zir pawh a ni mah na! “Kan fanu/fapain nupui/pasal a nei dawn a, a degree chu hengte hi a ni” tia chapo taka mite va hrilh kan ang viau lo maw? Mithiam kan tehna hi degree-ah a tawp mai a nih ngai chuan degree nei kan puang hluai ang a, mithiam leh rawn tlak kan tlem tual tual thung ang tih pawh ka hlau hlel lo ve! Degree sang tak tak bul thut chu thiamna leh taimakna a ni ngei bawk. Chuvangin, kan hming leh kan nungchang a inpersan viau chuan kan degree leh thiamna pawh sawi hran a la ngai mai palh ang em!!?
VENG MIPUITE HNENA NGENNA
Kum 2011 Krismas leh kumthar te hlim taka chhungkaw tin ten kan hman tlan theuh theih nan Kan Veng huam chhungah Zu leh ruitheih thil dang reng reng zawrh emaw lak luh emaw YMA chuan rem a ti lova. Tin, buaina siam leh ruih vanga midangte tan harsatna thlen leh bengchheng siam pawh a khap tlat a ni. Dutyte man buai ngai lo turin mitinte kan in ngen a, mi tupawh kawhmawh bawlluite chungah Vengsang Branch YMA chuan na takin action a la zel ang.
S/d S/d
( Hmingthangsanga ) ( C. Lalmuanpuia )
President Secretary
President Secretary
VENGSANG BRANCH YMA 2011
====================================================================
EDITORIAL BOARD
Editor : Lalsangliana
Jt. Ed. : H. Remsanga
News Ed. : Zodinsanga
Cir. Manager: All Section Asst.Secy. & PC Lianmawia Keifangtlang
Manager: R.Lalchhuanawma
Post a Comment