VENGSANG BRANCH YMA 2012 HRUAITU THLANNA
The Vengsang 1st January:Ni 30.12.2011 (Ninga) zan dar 7:00pm khan Vengsang Branch YMA hallah kum 2012 chhung atan Vengsang Branch OB hruaitu thar thlanna neih a ni, He inthlanna ah hian Member kal 113 leh a thlanpuite te nen mi 120 ang vel kal khawm ang a ni a, Branch Seretary report Pu C Lalmuanpuia hnen atangin, Finance report Pu Lalrinsanga, Audit Report Auditor Pu HC Rohmingmawia atangin leh Chanchinbu lam ten report kan Manager Pu R. Lalchhuanawm hnen atangin ngaithlak a ni bawk.Tin, inthlan vote thlak chhiar chhung hian Section report ngaithlak a ni a, thingpui leh ahmeh Cake tui tak tak sem a ni.
Tin, kum danga thleng meuh lo pakhat chu Finance Secy. thlanna ah mi 3 laiin vote inang an hmuh avangin chung mi 3 te tan chauh vote thlak nawn leh a ni. Kum 2012 chhung a Vengsang Branch OB tharte chu-
President : Pu Hmingthansanga
Vice President : Pu C. Zohmingliana
Secretary : Pu C . Lalmuanpuia
Asst. Secretary : Pu Lalrinsanga
Treasurer : Tv F. Lalthanmawia
Finance Secy.:Tv C. Vanlalchhunga
Rui an awm lova, buaina siam an awm hek lo Inthlan buaipuitu Pu J. Ralkulhtawna'n (Returning Officer) hneh takin inthlanna hi a kaihruai a; tin Pu C. Lalawmpuia, Pu C. Chalthanga, Pu Rohnuna, Pu R. Lalchhuanawmaten Vote dik tak leh felfai takin an chhiar a ni.
Inthlan tanna leh hun tawp hi Auditors Pu S.H Lianchhunga’n Pathian hnenah min hlan sak a, zan dar 10:10pm khan he inthlanna hun hi tluang taka zawh fel a ni.
2011 SECRETARY REPORT
(Report huam chhung Dt. 30.12.2010 to Dt.28.12.2012)
Vengsang Branch YMA 2011 hruaitu thlan Dt. 30.12.2010 (Ningani) zanah YMA Hall ah inthlan ani. Thlan chhuahte-
President : Pu Hmingthansanga
V. President : Pu C. Zohmingliana
Secretary : Tv. JC. Lalrammawia/Pu C. Lalmuanpuia
Asst. Secy : Pu David Rualthankhuma
Treasurer : Tv. F. Lalthanmawia
Fin. Secy. : Pu C. Lalmuanpuia/ Pu Lalrinsanga
Charge Inhlan ni: Date 5.1.2011
Member Zat: Mipa 734 Hmichhia 276 Total 1010 Life Member 7
Committee Member zat: Memebr 44 Branch OB 6 = 50
Committee neih zat: Vawi 13 neih a ni.
Emergency Committee zat : Vawi 3 neih a ni
Joint Meeting:
Section OB nen: Vawi 6 neih a ni.
VC/ NGO : Vawi 1
OB Meeting zat : Vawi 20 minute bu a ziah ngai lem lo vawi 7 vel
Sub Committee:
1) Property 2) Thlanmual 3) Light & Sound 4) Cultural 5) Anti-Drug Squad
Hnatlang neih zat:
Vawi 33 neih a ni. Branch OB hnatlang Vawi 5
Vengchhunga mitthi neih zat : Mi 19
Member Boral zat :
1) Tv. John Zosangliana (23) s/o Zothanmawia (L)
2) Tv. Lalkrosthanga (44) s/o C. Lalrema
Member Biak In hawnga nupui/pasal nei zat : 5 (lawmpuina thuziak pek vek an ni)
Chhungkaw/ mimal tanpui zat : Chhungkaw 8
Thisen pek zat :
YMA DAY ah 60 unit leh emergency ah unit 15 total Unit 75.
CYMA Chanchinbu lak zat : Copy156
CYMA Genral Conf. vawi 66 2011 Kolasib a neih ah Branch hmingin member 4 kal in hetah hian CYMA Chanchinbu la tam khawpui (Aizawl) pawnah pahnihna kan ni a, hetah hian Rs. 3000/- leh Certificate kan dawng a ni.
YMA Day hlim taka hman a ni a, member te intihhlimna leh ruai nen zan lam thlengin hun hman a ni.
Kumpuan “ Khawtlang Nun Siamthat’ pual report:
Ruihhlo man zat : Heroin No. 4 Cane 9 Rs. 22500
Kumpuan pual hnatlang neih zat/ tha sen zat :
Hnatlang vawi 19 chuang neih a ni.
Member’ Meeting neih zat : Vawi 6 neih a ni.
Naupang Kum 10-16 inkar kohkawm a ni a. He hunah hian Resource Person mi 3 sawmin thupui then hrang hrang siamin hun hman a ni a naupang an kaltha in hlawkthlak kan ti hle.
BRANCH ACTIVITIES
YMA duty kohna
Kumthar ruaitheh laia YMA duty leh tur a ni a, hetah hian Section OBte leh Branch Exe. Comt. memberte abik taka kal ngei tura hriattir kan ni a, tlailam dar 2:00pmah YMA hall ah kim vek tur a ni e.
Branch OB charge inhlan
Kumhlui leh kumthar branch OB charge inhlanna chu YMA danbu in a sawi angin, a hma thei ang bera neih tum a ni.
Taitesena Section
Kum tawp Section intih hlimna neih tum kha hun remchang a awm theih tak loh avangin neih a ni ta lo a. Section OBten memberte hriatthiamna an ngen a ni.
Fanu thar nei
Pu David Rualthankhuma kan branch OB kumhlun chuan Ni 30.12.2011 khan District Hospital Champhai ah a pathumna atan fanu thar duhawm tak a nei leh ta. Kan lawmpui takzet e.
Information siam
Ni 29.12.2011 khan Vanpa section Information line chiang lo lai chu Branch OBte leh Light & Sound ten an siam.
YMA chanchinbu man
Branch sum puka central YMA chanchinbu kan lakna hnawhkhah kha, tunah a khawntu lamten hnawhkhah leh ran i tum ang u khai., rei tak Branch sum puk hi amawi lo e, tifel thuai ang.
SECTION DINHMUN
Kumtawp report atanga alan danin Section hrang hrang atanga YMA member zat chu hetiang a ni-
Taitesena Section
Mipa 179, hmeichhia 70
An vaiin : 247
Khuangchera Section
Mipa 160, hmeichhia 52
An vaiin : 212
Neuva Section
Mipa 160, hmeichhia 87
An vaiin : 242
Vanapa Section
Mipa 197, hmeichhia 91
An vaiin : 288
Grand Total : 989
Tualchhung
VC News
Project Veng a Agriculture Office leh Chanmary kawng black top chu zawh fel a ni ta. Tin. PHE Veng Kaphnuna te inphei chu boulder phah mek a ni a, kumthar hna hmasa ber atan Road-roller rah tih a ni ang.
MHIP Inthlan
Ni 6.1.2012 Zirtawp zan dar 6: 30pm khian Vengsang Branch MHIPte chuan kumthar hruaitu thar thlanna Vengsang Br. YMA hallah an nei dawn. Memberte thahnem ngai taka hruaitu thlanna a kal theuh tura ngen kan ni.
Vengsang High School
Kan Veng High School alut duhte tan tun thla Ni 4.1.2012 (Nilai) atangin Vengsang High School ah admission hawn a ni dawn. I fate Matric pass tir ngei tumin Zirtirtu taima tak tak, Tv JC Mawitea leh a staff ten an lo enkawl sak ang che.
Zin mek
Kan Editor Pu H . Remsanga chu Aizawl lamah naute neih an tum avangin a chhukthla ve ta. Tluang taka an lo haw leh ngei kan duhsak e.
PHE Veng rukru
K Sec. PHE venga mi huan leh thlai rukching kha hriatchian i ni a, ti tawhlo tura hriattir i ni.
Inneih sawmna
Ni 5.1.2012 (Ningani) zing dar 8:00 a Vengsang kohhran halla Br. Secy MPA te inneih kha hretharin atam thei ang ber inkhawmna hmanpui i tum ang.
ZUALKO
B. Rorela (Mambawiha) kum 32 Project veng, LAD Dept thawk chu nimin zing khan kaihthawh zawh a ni ta lo( A muhlum ni a rin a ni) a ruang hi post mortem anih hnuah Aizawl lamah phurh thlak a ni.
EDITORIAL
KUMTHAR THUCHAH
Pathian hruaina leh enkawlna dawngin Kumthar 2012 kan thleng ta reng mai, lawmthu i sawi mawlh mawlh ang u. He kumthar lawmawm takah hian khawtlang mipui te kumthar chibai kan buk a che u a. Mi zawng zawng tan hunbi fel taka ruatsa a ni a, he kumthar lo thleng hi ngui tak leh a thim zawng a thlir lovin, mahni phak tawk theuh a ruahmanna siamin, beiseina sang tak nen hma i la tan leh teh ang u.
Kumthar kan hman tan leh turah hian hun dang ang bawkin, chhungkua leh khawtlang himna, hmasawnna leh beiseina te innghahna lian ber chu thalaite, YMA member-te kan ni tih hre thar leh i la, ho taka nung mai mai lovin he kumtharah hian nu leh pa chawimawitu, khawtlang tana michhuanawm ni turin tan in la sauh sauh teh ang u.
Hun thar kan hmachhawn leh mekah hian khawtlang miputen inpekna nasa lehzual nena khawtlang nun siamthatna kawngah ke kan pen a ngai. Khawvel thang zelin a ken tel a ni ang e an tih mai thin suahsualna chi hrang hrang ten tan an la ve sauh sauh zel ni berin a lang si. Mithenkhat ten ngaihtuah thui lo takin, ‘Ruihhlo te zawng in do rem chuang lovang e’ an ti chawk mai. Ruihhlo hi do rem a la ni lo chung pawh a, heng hmalakna avanga kan lo nawm tak zia lah kan thangthar rualte fel tawh zia hi i ngaihtuah chiang zawk ang u.
ENGLO HUANG
- Zote*-a Branch OB
-Tetea (Lalkhuma) V Sec.
-Hmuna (TMC) Vawmbal road
-Zoramthara N Sec OB
-Sawmtea Zokawngchho
-Nl Thanthuami Tower hnuai
-Zorina T.sec
-Patea T. Sec
-Ropuia V. Sec
-Engliana V. Sec
Editorial board
Editor : Lalsangliana
Jt. Ed. : H. Remsanga
News Ed. : Zodinsanga
Cir. Manager: All Section Asst.Secy. & PC Lianmawia Keifangtlang
Post a Comment