The Vengsang  11th   December.:   
      Ni 6.12.2011 khan Sub-Hqrs. YMA Office thar lawmna hun hman a ni a, hemi rual hian YMA Kumpuan Ram leh Hnam hulhalh tihchu Central YMA Treasurer R. Lalngheta`n a hawng nghal.
     Office thar hawnna inkhawm Sub-Hqrs. YMA President PC Zohlira kaihhruaiah hian Kumpuan hawnna thusawiin Pu R. Lalngheta chuan Champhai Sub-Hqrs. YMA hruaitute chu fakin Mizorama Sub-Hqrs. YMA hruaitu zinga a chak ber an ni a, District dang pawhin an ni ang hruaitu hi nei ve se a duh thu a sawi. Central YMA hruaitu thlana  Group YMA leh Branch YMA thenkhat ten hruaitu candidate te hnena Conference kalna senso an dil thin leh hruaitu thenkhat ten pawisa pek an ching chuthalo a tih thusawiin CYMA Treasurer chuan YMA hi mi thenkhatin Political Party ang maiah kan chhuah lek lek tawh a, hetiang tih chingte hian YMA hi Muk thing an thel khum mek a ni, a ti.
 Pu Lalngheta chuan Ram leh Hnam huamhalh turin YMA humhalh phawt a ngai tih sawiin kan hmalakna tur hi ahautak dawn a, kan hmabakah tih tur kan in chhawp tam dawn a. YMA hruaitu kan ni sa a, theihtawp chhuahin hma i la ang u a ti a, hma la ngam lo tur hruaitute  chu an nihna bansan ngam tur in a chah a, hma la ngam lo tur hruaitute chu an nihna bansan ngam tur in a chah a, YMA Kumpuan Ram leh Hnam humhalh chu a hawng ta a ni.
      Technical report petu R. Lalhluna, Treasurer chuan Sub-Hqrs. YMA Office sak nan hian MP Fund atangin Rs. 4,21,500; BADP atangin 1,75,950 leh Forest Dept. atangin Rs. 1,00,000 a vain Rs. 6,44,300 an dawn thu a report a, Anti arcotic Squad hnuaia hma la tawh New Champhai, Vengthlang, Vengthlang North, Venglai leh Tlangsam te hnenah an hmalakzui nan cheng sangkhat theuh a sem nghal a ni.
      Secy. VL Chama Hnamte chuan report pein Champhai Sub-Hqrs. hnuaiah Group 8 leh Branch 115 an awm thu leh Sub-Comt. 10 an neih thu a sawi a, heng zingah hian Land & Building leh Science & Environment Sub-Comt. te hmalakna chu chhuan tlak khawpa tha a nih thu a sawi. Sub-Hqrs. YMA hnuaiah YMA Member 49,951 an awma ni tih a sawi.
 Building lawmna inkhawm neih zawh hian Sub-Hqrs. YMA in ruihhlo an man Heroin No. 4 hawng 2 leh Can 27, Zu Rs. 7,50,000 man vel chu Pu Lalhmangaiha CEC, CYMA in a hal a, hemi hnu hian zanriah kilho nghal a ni.

MIZO   HNAM   DAN   CHUNGCHANG

Chang 76 :  SUMCHHUAH                                                       [Chhunzawmna] Hmeichhiain a pasal a duh lova, ama thua a then chuan ‘Sumchhuah’ a ni. Sum a chhuah chuan man pek tawh zawng zawng chu man eituten an pe kir leh vek tur a ni. Man atana tangka aiah bungrua pek ni sela, chumi ngei chu pekkir leh tur a ni. A awm tawh loh chuan a tira an pawm dan ang hu tawk an pe kir tur a ni. Hmeichhiain a thuam leh ama pual a bungrua a chhuahpui thei. Nupui nei laiin nula ngai sela, a nupuiin a pawm duh loh a, a chhuahsan nghal chuan, sumchhuah a ni lovang a, a bungrua mipa ina a luhpui ngeite chu a chhuahpui thei bawk ang. Man bat a awm chuan pek tur a ni. Nula ngai tih emaw tlangval ngai tih emaw hi nula kher emaw tlangval kher emaw ni lovin hnmeichhe mutpui emaw mipa mutpui emaw tihna a ni.

Chang 77 : SUMLAITAN Ngam leh ngama nupa inthen hi ‘Sumlaitan’ a ni. Man zawng zawng pek tlak hnua sumlaitana inthen an nih chuan man eituten an man ei atangin a zatve an pekir leh tur a ni. Mipa chuan man zatve pawh a la pe lo a nih chuan, man zatve tlinna tur a pe ngei tur a ni. Sumlaitan ni mahse, bungrua leh thuam hi then chi a nih ve loh avangin hmeichhia chuan a chhuahpui vek thei.

Branch  Activities

Kumtawp  Committee          Nimin Ni 10.12.2011 Inrinni  khan Branch Executive kumtawp Committee koh a ni a, Executive Committee an kal kim tha thawkhat hle. He hun ah hian Branch Minute 2011 adah tur thlalak a ni bawk a, tlai lamah zanriah tuitak khil ho nghal a ni. Rorel Inkhawm hi chhun dar 12 :30 khan tan a ni a,   rorel te-
(1) Kumthar (2012) hruaitu thlanna hun   leh a thlan dan tur
(2) Sum Audit chung chang leh Auditors tur ruat chung chang.
(3) Christmass leh kumthar vuakvela YMA duty dan tur leh duty turte.
(4) Tanpui ngaite tanpui dan chungachang
         Rorel thuleh hla hi kan chanchinbu herna a dah angai tawh avangin chhut hman a ni ta lova; karleh Issue ah kimchang taka tarlan a ni ang.

Kan Branch  Duty
Sub Hqrs. hnuaia kan branch duty routine siam chu kumtawp Branch Exe. Comt. Inrinna a kan hman avangin Vengthlang ‘N’ leh insiam remin Ni 8.12.2011 (Ninga) ni khan Tiau ah va duty a ni a, kut man erawh a awm lo thung, a lawmawm e, ruihlo lamah i fihlim zel ang.

Baltin 6 lei belh a ni.Kan hall a lo lun tak deuh avang leh chhiatni / thatni a hman tur kan indaih lehzual nan baltin 6 chu tunkar liamta khan leibelh leh a ni.

Serchhip HSS riakStudy tour hmang tura Champhai lo kal Serchhip Cl - XII (Geography) te chu tunkar chho khan YMA hall zanriah nan an rawn hmang. Sechhip HSS te hian Branch  YMA chungah lawmthu an sawi.

Nauban parkKhawbung Br. YMA leh Forest RO Khawbung tangkawp chuan Hlakungpui mual ram chhungah Nauban Park an siam a, Khawbung ram chhung a Nauban chi hrang hrangte la khawmin Hlakungpui mual ah hian an khawi a ni.

Ni 100  inhlawhnaTunah hian Ni za inhlawnna lo Ni 8 chu chhuak leh in a thlenna hmun Dak In (Post Office) te peih hunah sem nghal tum a ni.

Kan Veng kawng siam leh mekProject Veng a Agriculture Office leh Chanmary Veng panna kawngpui chu black topping hna kalpui mek a ni a, tun chrismass hma ngeia zawh fel tum a ni. PWD hmanraw awl hun hunah Alkatra luan nghal a ni ang.

Khap tlat a niKrismas leh kumthar thlamuang taka mipui te leh nunau ten kan hman theih nan leh dan in akhap angin ruitheih thil chi hrang hrang leh halpuah leh halmawi chi reng reng vengchhungah hal leh zawrh khap tlat a ni. Thu pek zawm lo leh tilui kan  awm  chuan Branch YMA duty ten na taka an zilhhau  bakah, dan anga  thuneitute  kuta hlan an ni bawk ang.

Ramchhuak lo tura ngenna
Champhai SP C. Lalthanmawia chuan thuchhuah siamin - Ram vaka sakah hi Wildlife Protection Act. kalh a nih bakah ramvahpui te kahhlum hi IPC dan bawhchhiatna a ni, a ti a. Mizoramah hetiang hi a hluar zel tak avangin ramvah sim turin sapel thin te a hriattir a. Ramvak inkap hi anmahni emaw an chhungte emaw lo inrem pawh nise thubuai (case) siam sak zel turin OC zawng zawngte chu hriattir an ni tih a tarlang a. Ramvak thinte pawh an ram vahpui te kah an nih tawh loh nan ramvah bansan turin a ngen nghal bawk.

Bengchheng siam Tunlai hian Project Veng Agri. Office bula cheng, zan rei thleng pawh a Tape ring tak taka  play ching an awm a, tun a chinah midangte tan  bengchheng leh ninawm siam tawh lo tura hriatiir in ni.

Beat  post  tharInrinni hmasa khan  Champhai Vengthar JAC leh Police tangkawpte chuan Krisms leh Kumthar vuakveta an veng a lo thianghlim a, an veng chhung mipui leh nunau ten zalen leh thlamuang taka hun an hman theih nan Champhai SP C.althanmawia hmalakna in Thingsulthliah kawnah YMA Office leh temporary police beat post ni bawk chu an hawng thar. Helai hmunah hian police leh JAC te an duty reng dawn a. buaina leh harsatna siam lui an awm chuan a tul anga hmalak an tum tih an sawi a, hlim taka Krismas hmang theuh turin duhsakna Champhai mipuite an   hlan nghal bawk.

Zin  mekKan Manager  Pu R  Lalchhunawma chu tunah hian chhungkaw thil pawimawh tak avangin Aizawl a zin mek. Tin, Branch Secretary Pu C. Lalmuanpuia pawh a nupui man hlan in Serchhip lamah a buai lauh lauh mai. Kan News Editor Tv Zodinsanga pawh a pa hnathawhna lam Tuipui ah a  riak rih. Tluang taka an lo haw kan duhsak e.

Neuva  Section  hriattirnaSection huam chhung a Electric bill khawn tu ten vawiin Pathianni ngeia kan khawnchhuah billte Section OBte hnena thehlut vek tura hriattir kan ni.

Phek  khatNimin  Inrinni Kumtawp YMA Committee avang khan tih tur neuh neuh leh in siamrem hma angai avangte, kan Manager Pu Chhunawma leh kan News Editor Tv Zodina te zin bo vangin te leh Internet connction lama harsatna kan tawh avangin  Chanchibu phek khat chauh kan chhu hman ta hram. Veng mipuite ngaithiamna kan ngen rualin tun Ni 100 inhlawhna chhuak turah kan chanchinbu man cut kan tum tih kan in hriattir nghal bawk e.

       Chhungkaw sawprawp, keh chhia (Broken family) kan hmu thin a, kan pung tual tual lehnghal. A chhan leh a vangte zawn chhuah anih vat loh a, siamthat hna thawh thuai a nih loh chuan hnam boralna hmahruai a ni ngei ang. Heng chhungkua-in a tawh langsar tak chu Zu leh ruihtheihthil a ni. Kan Bible chuan, “Zu hi nuihza bura mi siamtu a ni a, zupui hi insual bung bungna a ni” a lo ti a, thu dik tak a ni. Zu hi amahin sual a ni ngawt lova, a hmangtu-in a hman thiam loh vangin suala ngaih a ni mai zawk. Chhungkaw pa berin zu ringawt a buaipui chuan, chu chhhungkua-ah chuan hlimna tak tak a awm thei lo. Chhungkaw nitin khawsak a buai a, ei leh bar tur a harsa a, chutah innghirnghona a lo chhuak lo thei lova, thin thiin a mut theih ta thin loh. A tawpah chhungkaw lu ber ve ve nupa chu an lo inthen ta nge nge thin. An fate Lalpa laka an rochante chu thlabar leh mangangin an lo seilian ve ta thin a, chu chu a ni chhungkaw kehchhia lo pianna bul chu.

       Bible vekin “Insumtheihna hi thlarau rah a ni”  ti a sawi  laiin insumtheihlohna erawh hi chuan chhiatna tinreng a thlen bakah, hriselna   kan damchhunga ro hlu ber a khawih pawi thuai thin. Mahni tam lam phu tawka India rama ‘Ber’ kan kaina HIV Positive te, Cancer tihte hi kan ruihhlo - Drugs, Zu, zuk leh hmuam khawih nasat lutuk avanga kan hlawh a ni. Kan hmalawk Lal pianchan lo thleng turah hian khawvel hlimhlawp leh ruihhlo kan chin thinte bansan turin mitinten kan puanven sawichhing theuh ang u.

   Tunah chuan Phing-phi-hlip kawppui hmu ang hlauh ka ni ta, zui det det mai teng ..zingpik keu vel in.

-Valpuia  K Sec.

   Ka motor dahna hi a hranpa ngata  Zokongchho a siam mai ka duh.!
-Thanmawia  Br. Treasurer 

  Ka insawnna thar chu ka kalna awm rêng a ni, a nuam keih2 khop mai..
-Sena  K Sec.

   Naupuak paha Washing machines bula ka awm reng pawhin kan Nu lung ka ti awi zo thraks lo.!
-Kima  Liana Veng (N Sec.)

  Nuthlawi hi kawm an lo nuam ber..
- Khawngaiha  Liana  Veng

   Kei chu a changtupa a lo zin a Nuthlawi - Mahajor pawh ka ni leh lo tunkar liam kha chuan.. HAhaha..
- Mapuii (Vengsang ber!) V Sec. 

=====================================================================

Editor :   Lalsangliana  

Jt. Ed.  : H. Remsanga  

News Ed.  : Zodinsanga            

Cir. Manager:  All Section Asst.Secy. &        PC Lianmawia Keifangtlang   

                     

Manager: R.Lalchhuanawma

Alkatra luan mekProject Veng a Agriculture Office leh Chanmary Veng panna kawngpui chu black topping hna kalpui mek a ni ta, sawi tawh angin chrismass hma ngeia zawh fel tum a ni.

       Mi ten min koh a, kan ‘ei’ na kan hming ngei hi min phuah tute, entirnan hmanlai deuh chuan Thangchhuah pa leh mi huaisen tak chu an fate hmingah a lang chhuak ngei a. Chu chuan an chhungkuaa thil thleng tawh leh an lo tawn tawh tam tak a tilang a ni. Hun a lo kal zela tun kan dih hmunah chuan 
mi tam tak in Pathian ropuizia leh thil tihtheihzia te, hmangaihna ngahzia leh ngilneihzia te, A Lal ram zauzia te kan hming atan kan phuah kur ngei nguai a. Then khat ve thung erawh chuan Lal rawngbawl tur kan nihzia te leh chu mi atana inserh hrangin kan hming phuah a ni bawk a. Mahse, hming phuahtute hian hming kan phuah zana tawngtaia kan delhkilh bak chu an tan kan tawngtaisak zui ngai ta meuh lo nge ni dawn? Lalrawngbawla leh Lalrawngbawli tih hming pu tam tak te hian kan Pathian rawng chu an bawl chiah lo maw le? Lalthianghlima leh Lalthianghlimi te nung chang hian a phuahtu an tihmingchhia ni mai lovin an hming an chhing zo thlawt lo chu a nih deuh hi! Lalnunzira hian tu nun chiah nge maw a zir tak le? Heti ema a nun a chhiat a! Vanlalnunmawiate Lallianmawia te hi an nunah hian mawina hmuh tur a va tlem si em!
      Tin, inneih sawmnaa kan degree kan ziak lang chiam thin hi hnam dang tihdan kan zir pawh a ni mah na! “Kan fanu/fapain nupui/pasal a nei dawn a, a degree chu hengte hi a ni” tia chapo taka mite va hrilh kan ang viau lo maw? Mithiam kan tehna hi degree-ah a tawp mai a nih ngai chuan degree nei kan puang hluai ang a, mithiam leh rawn tlak kan tlem tual tual thung ang tih pawh ka hlau hlel lo ve!  Degree sang tak tak bul thut chu thiamna leh taimakna a ni ngei bawk. Chuvangin, kan hming leh kan nungchang a inpersan viau chuan kan degree leh thiamna pawh sawi hran a la ngai mai palh ang em!!?

Kum 2011 Krismas leh kumthar te hlim taka chhungkaw tin ten kan hman tlan theuh theih nan Kan  Veng huam chhungah Zu leh ruitheih thil dang reng reng zawrh emaw lak luh emaw  YMA  chuan rem a ti lova. Tin, buaina siam  leh ruih vanga midangte tan harsatna thlen leh bengchheng siam pawh a khap tlat a ni. Dutyte man buai ngai lo turin mitinte kan in ngen a, mi tupawh  kawhmawh bawlluite  chungah Vengsang Branch YMA chuan na takin action a la zel ang.

                  S/d                               S/d

      ( Hmingthangsanga )      ( C. Lalmuanpuia )
                    President                 Secretary

VENGSANG  BRANCH  YMA  2011

====================================================================

  

Editor :   Lalsangliana  

Jt. Ed.  : H. Remsanga  

News Ed.  : Zodinsanga          

Cir. Manager:  All Section Asst.Secy. & PC Lianmawia Keifangtlang        

                

Manager: R.Lalchhuanawma