MIZO HNAM DAN
MIZO HNAM DAN CHUNGCHANG
MIZO HNAM DAN CHUNGCHANG
The Vengsang 7th August
Chang 27 PEM:
Khuaa mi cheng mi tupawh khaw dangah a pem thei. Khaw danga a pem dawnin a ruk a rala pem mai tur a ni lo. Mi tupawh a pem chuan a In leh Bungrua te, Huan leh Ramte a kalsan tak emaw, a kalsan tur emaw chu enkawltu siamin a pem thu chu Khawtlang Roreltute hnenah ziakin a hrilh tur a ni. A pemna khuaa Khawtlang Roteltute hnenah a inhriattir bawk tur a ni.
Chang 28 CHIKHUR:
Khuaa mite ram huamchhung khawi laiah pawh miin Chikhur hai chhuak sela, a hai chhuaktuin mahni tan a hauh bik ngai lo.
Chang 29 KHUAI:
Khaw ram chhungah Khuaipui (Kham-Khuai) awm chu tumahin pumbilh bik theih a ni lo. Khawtlang roreltute phalnaa a zu leh a hnun lak thin a ni.
Chang 30 THIH CHUNGCHANGA KHAWTLANG MAWHPHURHNA:
Khawchhungah mi tupawh thi sela, thi leh piang chhinchhiahtute hnenah hriattir tur a ni. Mitthi chungchanga thlan laih lehkhawhar riahpui chu tlangval mawhphurhna;tlaivarpui chu khawtlang mawhphurhna;mitthi puala thil khawn chu nulate mawhphurhna a ni.
Chang 31 HLAMZUIH:
Nausen thla thum (Ni sawmkua) hnuai lam thi chu ‘Hlamzuih’ a ni. Hlamzuih thi chu mitthi pangngai anga khawtlang buaipui a ni lo.
Chang 32 THLANTHUT:
Khualkhuaa mi an thihin, a thihnaa awm ve ngei tur lainaten an hriat a, an awm ve theih loh avanga, mitthi pual awmni an kham chu, Thlanthu a ni. An thlanthut chuan chhungkhat leh thenrual tha ten lenpuiin an ral thin.
Chang 33 MISUAL BIK CHUNGCHANGA KHAWTLANG RORELTUTE
MAWHPHURHNA Khaw huam chhungah, ruk ruk vangte, zu ruih vangte leh thil tha lo dang tih vangtea khawtlang hriat thama mizual leh hnawksak bikte chu Roreltuten an chungthu an relsak thei.
Chang 34 KHAWTLANG MAWHPHURHNA KAWNG DANGTE
A hnuaia sawi angte hi khuaa mi chengte mawhphurhna a ni :
1) Mibo zawn leh tuitla ruang zawn :
Khuaa mi tupawh chin hriatlohva a bovin emaw, tuitla zawn ngai a awmin emaw khawtlangin zawn tur a ni. Mi bo chu ni sarih (7) thleng an zawng thin.
2) Kangmei chhuak :
Kangmei chhuak a awm chuan khuaa mi chengten a rang thei ang berin thelh tur a ni. Kangmei tichhuaktu chu chang 153-a Kangmei thu angin hrem tur a ni.
3) Lui humhalh :
Mahni ram chhunga lui humhalh thuahchuan khawtlang Roreltuten mawh an phur a ni. Khuaa mi chengten an ram chhunga luite chu neitu chan changin an humhalh thin.
4) Ram theikung humhalh :
Ramhnuaia thing leh hrui, a rah leh a zik, a hnah ei chi reng reng, a kung kih leh a hrui chhah hi tih loh tur as ni. Hemi dan bawhchhia chu a thu awmdan azirin Roreltuin a awm tawkin a hrem thei.
5) Vantlang thil venhim :
Khuaa vantlang thil reng reng venhim chu khawtlang mawhphurhna a ni. Chutiang tichhia chu a thu a zirin Khawtlang Roreltuten an chawitir thei.
BRANCH ACTIVITIES
Information
Hun rei tak kan information line tha kim thei lo chu tunah chuan siam that kim a ni leh ta. Veng chung a zauh tham avangin kan information enkawltu ten a chhiat leh that an hre seng bik lova, chuvangin a chhiatna hria chuan a enkawltute hrilh hriat thin nise a lawmawm hle ang.
Village Population Register
Tunlai hian section hrang hrang ten veng chhung a awmte kan inhriat chian leh zual nan Village Population Register an nei mek a, chhungkaw tinte tha taka lo tawi awm tur leh kan chhungkhaw chanchin dik taka lo hrilh turin kan in ngen thar leh a ni.
Chhiatni Fund
Chhiatni fund ni 100 inhlawhna a pe nghal lo te enfiah tawh an ni in a remchang anga rawn khawn leh tur a ni a, Chhiatni fund la pe lo zawng zawngte lo in ring lawk tura ngen kan ni e.
Hun rei tak kan information line tha kim thei lo chu tunah chuan siam that kim a ni leh ta. Veng chung a zauh tham avangin kan information enkawltu ten a chhiat leh that an hre seng bik lova, chuvangin a chhiatna hria chuan a enkawltute hrilh hriat thin nise a lawmawm hle ang.
Village Population Register
Tunlai hian section hrang hrang ten veng chhung a awmte kan inhriat chian leh zual nan Village Population Register an nei mek a, chhungkaw tinte tha taka lo tawi awm tur leh kan chhungkhaw chanchin dik taka lo hrilh turin kan in ngen thar leh a ni.
Chhiatni Fund
Chhiatni fund ni 100 inhlawhna a pe nghal lo te enfiah tawh an ni in a remchang anga rawn khawn leh tur a ni a, Chhiatni fund la pe lo zawng zawngte lo in ring lawk tura ngen kan ni e.
Branch lawmthu
Tlangval tlawmngaite eitur chhang cheng 470 man lai min petu Pu Manuna Hospital canteen te chungah Vengsang Br. YMA chuan lawmthu a sawi a. Tin, chhiattawkte an awm a, YMA bungrua thing, thuthleng leh atula ang te phur thei lirthei thawhchhuak thin te chungah Branch YMA chuan lawmthu a sawi mawlh mawlh bawk.
Hnatlang
YMA Grape huanah kar leh hun remchang hmasa berah hnatlang koh tum a ni a, member-te hnatlang koh huna atam thei ang ber hnatlang thei theuh tura beisei kan ni.
Zin lo haw
Kan Branch Secretary Tv.(?) C.Lalmuanpuia chhungkaw pawi-mawha Aizawl zin chu nimin khan tluang takin a lo haw leh ta.
In buatsaih
Kumin Central YMA conference Kolasib a neih turah member thahnem zawk kan kal theihna turin Branch YMA chuan ruahmanna dang dang a kalpui mek.
Tualchhung
V/C hmalakna
Vengsang huam chhung a Electric ban, mimal leh kawngpui (Vantlang) tana hnawkzualte siam that beihpui thlak mek a ni a. Tin, kan Veng chhungah Street light hmun 20 ah siam that leh vuah belh a ni ta. A senso, hmanrua leh work charges te hi kan veng VC ten an tum vek a ni. Tun PYKKA sportah khan Vengsang VC hminga tel ve a ni a, kum 16 chin Vengsang VCI hminga tel zawng zawng te, phal taka tel tir tu vengchhung mu leh pa leh Vengsang Sporting Club te chungah lawmthu an sawi bawk. Hetih lai hian khawtlang tana pawimawh tiin VC member pahnih, Pu Lalnuntluanga leh Mathana te Aizawlah an cham mek.
Vengsang MHIP ngenna
No.J.11011/28/2011- HFW part: Mizoram sawrkar chuan Section 7 the prevention of food Adulteration Act, 1954 dan tlawhchhan in khawtlang lo thianghlim zawk nan Gudkha (Tiranga) leh a kaihhnawih ‘Ei leh thial chi, chi hrang hrang zawrh a khap bur a. Mizoram Sawrkarin thuchhuah asiam leh hma chu henga chunga taklan takte zawrh leh ei khapna dan hi tun atanga ken kawh nghal a ni.
Tin, Vengchhung dawrkai zawng zawngte pawh in he thupek hi zawm kim vek turin Vengsang MHIP chuan min ngen a, a ruk a zawrh emaw an lo zuar a nih pawh in lei pawh lei sak lo turin Branch MHIP atang a ngen leh hriattir kan ni bawk. Atul ang zela chak taka hmalak tum a ni.
Vengsang huam chhung a Electric ban, mimal leh kawngpui (Vantlang) tana hnawkzualte siam that beihpui thlak mek a ni a. Tin, kan Veng chhungah Street light hmun 20 ah siam that leh vuah belh a ni ta. A senso, hmanrua leh work charges te hi kan veng VC ten an tum vek a ni. Tun PYKKA sportah khan Vengsang VC hminga tel ve a ni a, kum 16 chin Vengsang VCI hminga tel zawng zawng te, phal taka tel tir tu vengchhung mu leh pa leh Vengsang Sporting Club te chungah lawmthu an sawi bawk. Hetih lai hian khawtlang tana pawimawh tiin VC member pahnih, Pu Lalnuntluanga leh Mathana te Aizawlah an cham mek.
Vengsang MHIP ngenna
No.J.11011/28/2011- HFW part: Mizoram sawrkar chuan Section 7 the prevention of food Adulteration Act, 1954 dan tlawhchhan in khawtlang lo thianghlim zawk nan Gudkha (Tiranga) leh a kaihhnawih ‘Ei leh thial chi, chi hrang hrang zawrh a khap bur a. Mizoram Sawrkarin thuchhuah asiam leh hma chu henga chunga taklan takte zawrh leh ei khapna dan hi tun atanga ken kawh nghal a ni.
Tin, Vengchhung dawrkai zawng zawngte pawh in he thupek hi zawm kim vek turin Vengsang MHIP chuan min ngen a, a ruk a zawrh emaw an lo zuar a nih pawh in lei pawh lei sak lo turin Branch MHIP atang a ngen leh hriattir kan ni bawk. Atul ang zela chak taka hmalak tum a ni.
PHE in Commord sem
Kan Veng a chhungkaw 60 te hnenah PHE Dept.hnuaia Total Sanitation Campaign chuan athlawn in ekin (Commord) an sem a, Veng mipui zawng zawng aiawh in kan Veng VC ten lawmthu an sawi.
Kan Veng a chhungkaw 60 te hnenah PHE Dept.hnuaia Total Sanitation Campaign chuan athlawn in ekin (Commord) an sem a, Veng mipui zawng zawng aiawh in kan Veng VC ten lawmthu an sawi.
Vengsang Criket Club
Vengsang Criket Club-in Pu Lalhlira & Pi R.Lalnuntluangi Memorial Criket Tournament (Under 14) leh Tv. Rinmuanawma (Amtea) Memorial Criket Tournament (Under 17) tana a buatsaih chu nimin khan tluang taka zawh fel a ni ta. He tournament-ah hian Under 14-ah Bethel Vengthar leh Seni club ten final a khel a, Tin, Under 17-ah hian Seni club Vengsang ve ve ten final an khel a ni. Chanchinbu buatsaih lai hian result kan hre hman ta lo. Tin, tournament an buatsaih theihna tura sum lama tanpuitute zawng zawng chungah lawmthu an sawi mawlh mawlh a ni.
Lawmthu sawina
Kan tupa John Zosangliana (23) thihna a min buaipuitute leh min tawiawmtute chungah lawmthu sawi tur kan ngah hle a ni. Chennai Mizo Welfare a, a ruang min buaipuitute, Kolkatta Mizo Welfare in min lo dawnsawn sak danahte, Lengpui Airport a thenrual tha a ruang min hmuahpuitute, leh Champhai thlenga min zuitute chungah lawmthu kansawi a. Tin, In lama a thihthukan hriat tirh atangin thenawm khawveng leh thenrual tha ten kan kan khawhar hlauvin min vil reng a. Kan mamawhtinreng min ngaihsak tute leh a ruang pawh kan duhna lai taka min dahsak tu Vengsang Branch YMA chungah lawmthu kan sawi e. Pawl leh mimal min lainat a, min khawngaihtu zawng zawngte he kan lawmthu sawina hithinlung taka min lo pawmsak ngei kan beisei.
A let tam takin Pathiana in malsawm in vur theuh che u rawh se.
A let tam takin Pathiana in malsawm in vur theuh che u rawh se.
In khawngaihna dawngtu,
PC Zaingena te nupa
Champhai; Vengsang
PC Zaingena te nupa
Champhai; Vengsang
EDITORIAL
Ngaihtuah chian a ngai
YMA hi sorkar hian pawl rintlaka a ngaih a nih avangin a hman rim ber pawl a ni awm e. Dik taka kal kan duh chuan thil tha tak pawh a ni awm e. Chutih rual erawh chuan YMA pawh hi a in bihchiana a hming lana ringawt ngaihtuah lova a tobul atanga a chhut chian a tul hle awm e.
Thil tam tak chu kan ziak lang seng lo anga, inngaihtuah chian a tul zia ti lang turin kawng hnih khat lek han thailang teh ang.
A pakhatna ah chuan a telna thin tuna tel tlak tawh loha a ngaihna BBL leh AAY thlan chungchang hi han sawi ta ila. Tunhma khan Supply Department a BPL leh AAY thlanna ah khan YMA hi a tel thin a, chumi piah lamah Veng chhunga NGO hrang hrangte pawh an tel thin a ni. Hmun khatah ngaihtuah in a ni awma an ngaihte thlang felin Seal nena hming ziah hnanin Supply Department-ah theh luh thin a ni a, chutihlaiin a taka a lo chhuah meuh chuan thlanchhuah tawhte hming lang kim si lovin thlan loh zawte hming a lo chhuak leh thin. Hetiang hi anih thin vangin YMA chuan a thlanna ah tel tawh loh nise a ti hial a ni.
A pahnihna ah chuan tunlaia BPL te tana PHE Department hnuai a an sem Ek-in chungchang hi han sawi leh ta ila. A thlanna ah pawh tel hauh lo YMA chu an sem ngei a ni tih hriatpui tura beisei a ni leh a. Hei pawh hi ngun taka ngaihtuah ngai a ni. A tobul thatna pela a mamawh zawkte duhsakna aia mahni lamtangte duhsakna thil awm thei a nih avangin tel loh ngam hi YMA hian a thatpui zawk thei a ni. YMA in inenkawlna atana sum leh pai a mamawh hi sokar chuan a pe thei teh meuh mai, chutih rual chuan YMA nihna hi ngaihtuah chian a tul hle awm e.
Thil tam tak chu kan ziak lang seng lo anga, inngaihtuah chian a tul zia ti lang turin kawng hnih khat lek han thailang teh ang.
A pakhatna ah chuan a telna thin tuna tel tlak tawh loha a ngaihna BBL leh AAY thlan chungchang hi han sawi ta ila. Tunhma khan Supply Department a BPL leh AAY thlanna ah khan YMA hi a tel thin a, chumi piah lamah Veng chhunga NGO hrang hrangte pawh an tel thin a ni. Hmun khatah ngaihtuah in a ni awma an ngaihte thlang felin Seal nena hming ziah hnanin Supply Department-ah theh luh thin a ni a, chutihlaiin a taka a lo chhuah meuh chuan thlanchhuah tawhte hming lang kim si lovin thlan loh zawte hming a lo chhuak leh thin. Hetiang hi anih thin vangin YMA chuan a thlanna ah tel tawh loh nise a ti hial a ni.
A pahnihna ah chuan tunlaia BPL te tana PHE Department hnuai a an sem Ek-in chungchang hi han sawi leh ta ila. A thlanna ah pawh tel hauh lo YMA chu an sem ngei a ni tih hriatpui tura beisei a ni leh a. Hei pawh hi ngun taka ngaihtuah ngai a ni. A tobul thatna pela a mamawh zawkte duhsakna aia mahni lamtangte duhsakna thil awm thei a nih avangin tel loh ngam hi YMA hian a thatpui zawk thei a ni. YMA in inenkawlna atana sum leh pai a mamawh hi sokar chuan a pe thei teh meuh mai, chutih rual chuan YMA nihna hi ngaihtuah chian a tul hle awm e.
ENGLO HUANG
Sakei riltamin Satel ei tum a a kuai zang thal ang chiah khan, a thar zanah ‘thil’zawng re2 in kan buai tlaivar chu.. -Thlanawma [Englo thar..!] V Sec.
Kan chhungkaw zingah tlangval awm chhun ka ni ta reng mai, ngaihtuah ve vat vat a ngai a ni....- (Pu?)Upa Chhiara V Sec.
Nupuite hmaizah avangin duh tawkin Scooter ka khalh ta zur zur mai!!??- Upa Zadinga K .Sec.
Han phur tak tak chuan makpa tirhna chang pawh kan hre ta lo, mahni kan liam vut2 mai. - Pu Chala V Sec.
Inkhawm ban dawna muthlu kaihthawh hi ka rawngbawlna pawimawh ber chu ni ta berin ka hria!!- Pu Chawia T Sec.
Kei chu hmangaihna bawk a ni ka la tuipui ni, kan veng nula zingah hmangaihna lam a tui an awm ve a nih chuan min rawn sawi kawhhmuh te u! - Ropuia K Sec.
Remsang, i mumang a fuh ka phal dawn lo reng reng.. Ka dahna ka sawn daih..! -Hlute-i [YMA Hall hnuai] Pasalte zawk hi han tlan thurh mai i la, nupuite hi an lo buai zawk...SALA-Mama [Rick show Pu] V Sec.
=======================================================================
Editorial board
Editor : Lalsangliana
Jt. Ed. : H. Remsanga
Cir. Manager: All Section Asst.Secy. & PC Lianmawia Keifangtlang
Manager: R.Lalchhuanawma
Post a Comment