Lalsangliana
LENT ( KHAWNGAIHNA HUN DUH AWM )   
Lent hun kan hmang leh ta reng mai. He khawngaihna hun hi vawi tam tak kan lo hmang liam tawh a. Nidang aia nasa a hmangaihna tihthar tumin, inlamleta Chanchin Tha ring tura sawm thar leh kan ni. Ni khat chu misual pathum hian Father an lo ambush a. Sum tam tak an dil a. Father chuan sum a neih loh thu leh Father a nih thu a sawi a. An zah ta em em mai a! An kal dawn chuan, Father chuan misualte chu meizial a dil ve thung a. Katholik an lo ni ve chek aniang chu. ‘Father, Lent hun a nia, mei kan zu lo’ an ti daih mai.
Sual lian tih hreh loh khan meizuk erawh an insum tlat! Dan ang chauha Lent hun hman hi a hlauhawm reng a ni. Kan sualna avanga Pathian leh vengte nena kan inlaichinna keh chhe fo chu tihdam kan tum thin a. Lent hunin min sawmna chu i ngaihtuah ho dawn teh ang.

1.    Tawngtaina  : 
Pathian nena kan inkar chingfel turin Lent hunah hian nasa lehzuala tawngtai tura sawm kan ni. Kraws kawngzawh te pawh hi kan tana Krista tuarna ngaihtuahna piahlamah, thildang zawng aia hmangaih phu Pathian thlan thar leh kan duhna puanchhuahna a ni. Lal Isua meuh pawh ni 40 leh zan 40 thlalerah a tawngtai a nih kha! A Pa nena inlaichinna tha tak a neih tlat avangin hmelmapa Setana pawh a hlau lo. Zing takah thovin tlangahte a tawngtai a.
Pathian biak nana hun kan inpek phal tam ang zelin kan thinlungah Pathian a rawn lal mai dawn a ni. Mimal leh chhungkaw tawngtaina kan neih loh chuan Pathiannia inkhawm ngawt hian kar tluanin min chawm hlei thei lova. Kan inrin hmain kan tlu leh duai thin a ni lawm ni? Tawngtaina chuan harsatna min lak kian sak vek lo mahse a pawm dan leh thlir dan min zirtir zawk thin a ni.

2. Thilpek  : 
Kan vengte hmangaih duh theuh mah ila chaklohna hrang hrang avangin kan intina tawn a, inbe hlei thei lovin thenawm khawveng kan awm fo awm e. Heng kan unaute nena inremleh kan duhna hi thilpek hmangin kan hlen a. Kan chak em em te ei lovin kan insum a. Thawmhnaw leh pawisa te pawh chanhaite hnenah phal takin kan sem thin. A lova kan awm theih, midangte tana malsawmna nasa tak ni si tih nachang hriat hi Lal Isua duhzawng a ni.
     Sum leh pai chauh hi midangte kan tanpuina leh thawidam theihna a ni lova. Khawvel changkang zelah ngaithlatu neilote pawh an tam tial tial a. Chutianga harsatna tawkte ngaihthlak leh chhawmdawl chu a Pathian thu a, Lent hun pawhin min sawmna urhsun a ni. Vengte hmangaih lo hian Pathian kan hmangaih thei tlat si lo.

3. Chawnghei: 
Mahni mahmawh, duhzawng tak mai tlachhama insiam hi thil har tak a ni. Chaw ei peih loh avanga chaw ei loh chuan hlawkna leh awmzia a nei hran lo. Krista thlan thar leh hmangaih zual zel duh vanga chawnghei erawh Pathian ngaihin a ropui a, a hlawkna ataka hmuh zel theih a ni. Mahni chungah theuh sual kan ti thin a; kan sual apiangin keimahni kan intina a.
Siamtu min kohna kan hawisan thin. Taksa hrehawmna chuan Pathian min auhtir a, mahni inthununna min pe a, tawngtai chakna thinlung min pe bawk. Fate tana tawngtaite, mamawh bik leh damlote tana chaw nghei a hlawkin rah tha a chhuah ngei ngei thin. Lent hun hi kan tan khawngaihna kan temna leh Krista kan thlan tharna hun lo ni mawlh rawh se.


Inkhawm  Programme

SUNDAY  SCHOOL 
Tantu    :    Pu K.Rodinga
Zirlai    :    Hlauhna laka  chhandamna( Zirlai -29 )

CHAWHNU  INKHAWM
Thuhriltu    :    Upa C.Chalthanga

ZAN  INKHAWM 

Thuhriltu    :    Upa Chalthuama

K.T.P  TAWNGTAI  INKHAWM A hmun    :     Kohhran Hall
Hruaitu    :    Tv Isaac Lalhruaitluanga
Tantu      :    Tv.Lalrinawma (Mes.)
Khawzawl Dinthar Branch KTP tlawh tura inbuatsaihna

KTP   INKHAWM
Hruaitu :    Pu Lalrinawma Varte
Tantu    :      Nl.V. Zothanmawii
AIDS chungchang zir
Sawitu    :    Tv.C.Lalengmawia

KOHHRAN   HMEICHHIA
Hruaitu  :    Pi Lalrambuatsaihi
Tantu    :    Pi Rothuami
Thuhriltu    :    Pi Lianmawii

NILAI   ZAN
Tantu    :    Pi Biakzami
Thupui  :    Sakawlh leh a chhinchhiahna
Hawngtu    :    Pu Ngurthansanga Sailo

PAVALAI  INKHAWM
A Hun      :  Ni.12.08.2011
Hruaitu    :  Pu.Darthanpuia

INRINNI   ZAN
Thuhriltu    :    Pastor Bial fan Programme

TAWNGTAI INKHAWM  5:15Am
Thawhtan    :    Upa Lallianluauva
Thawhleh    :    Pi.Laltlanmawii
Nilai    :    Pu HKL Thanga
Ninga   :   Pi.Lallawmruali
Zirtawp:   Pu PC.Liansailova
Inrinni  :   Pi.R.Laldinpuii
Pathianni  :     Tv Lalrammawia
Zanin inkhawm banah Kohhran Zaipawlten Khawzawla kan hla rem tur zir tur a ni a, thahnemngai turin kan in sawm mawlh mawlh a ni.

NAUPANG  CHAWHNU  INKHAWM 
Naupang Sunday School Inkhawmpui a hnaih tawh a vangin mahni pawl theuhah inkhawm tur a ni ang.


CHAMPHAI VENGSANG BRANCH KTP LEH KHAWZAWL DINTHAR BRANCH INTLAWH PROGRAMME  :

A hun    :  13 - 14th August, 2011
A hmun :  Khawzawl Dinthar

INRINNI  OUTDOOR  PROGRAMME :
A hun      :  Dar 10 : 00 Am
A hmun  :  2nd I.R Parade Ground
Tanna : Rev.C.Lalthazuala, Khawzawl Dinthar Bialtu Pastor
Group hi a kalte a zirin Group 4 ah inthen tur a ni.

Group Convener turte :-
Tv.K.Lalmalsawma
Tv K.Vanlalenkawla
Tv C.Vanlalchhuanga
Tv. Zodinpuia
In tihsiakna hi Items 15-ah neih a ni ang.

INKHAWM  PROGRAMME  INRINNI ZAN 

Hruaitu :    Pu C.Lalremruata,Asst.Leader (Dinthar)
Tantu    :    Nl.Lalduhawmi, Treasurer (Vengsang)
Report &   Thuchah tawi    :    Pu Lalremruata Sailo, Secretary (Vengsang)
Report :    Secretary, (Dinthar)

PATHIANNI  CHAWHNU

 Hruaitu    :    Rev.C.Laltharzuala, Khawzawl Bialtu Pastor
Tantu    :    Nl.F.Lalremruati, Comt. Member (Dinthar)
Thuchah    :    Tv C.Lalengmawia, Fin.Secy.(Vengsang)
Zaipawl     :    Khawzawl Dinthar
Male Voice :    Vengsang Branch

PATHIANNI  ZAN
Hruaitu    :    Pu Zarzokima, Leader (Dinthar)
Thuchah  :    Tv V.Lalmuankima, Asst.Leader(Vengsang)
Solo        :    Pu K.Zoramsangzela (Vengsang)
Zaipawl   :    Vengsang Branch

FELLOWSHIP (Pathianni Chawhnu Inkhawm ban)
Hruaitu    : Pu K.Lalhruaitluanga, Comt.Member(Dinthar)
Tantu    : Nl.Vanlalmuanpuii, Vs.    
Thuchah:    T/Upa.Lalrinawma Varte  Leader (Vengsang)
Items    :    Games- Dinthar Branch
Solo      :    Tv.R.Lalrinmuana(Vs),  Nl.C.Vanlalhriati(Vs)

FELLOSHIP (Pathianni Zan Inkhawmban) 

Hruaitu    :    Vengsang Branch
Thuchah    :    Pu Zarzokima, Leader (Dinthar)
Solo    :    Nl.Lalremchhungi (Vs) Tv.Zosangliana(Dinthar)
Musical Drama: Vengsang Branch
Special Item:    Vengsang Branch
Male Voice   :    Dinthar Branch 
 

 
BRANCH   KTP
    Kan hriat theuh angin kan hmalawkah Khawzawl Dinthar Branch KTP te kan tlawh dawn a ni a, Memberte pawh inbuatsaih a hun ta hle mai Ni.13.08.2011 Inrinni zingah chhuah tur a ni ang a, Khawzawlah tuk thuan ei tur a ni ang, chhunah nilengin IR Field-ah infiamna chi hrang hrang ropui tak tak leh intihhlimna hun hman tur a ni dawn a ni. Tin, Pathianni zan thlengin intlawh Programme hi hman tur a ni  ang. Memberte he hun hmang theuh tur hian kan in sawm tak meuh meuh in, lo in lak fit char char a hun ta hle mai. Kan Branch Leader T/Upa.Lalrinawma Varte pawh  he kan intlawh tawnna pualin Exer ala ngawrh tawh hle a ni.He intlawh na hunah hian Zaipawl neih tur a ni dawn bawk a ni.
    Tin,Naktuk Zan inkhawmah Khawzawl Dinthar kan tlawh tur pual hian Thilpek lakkhawm tur a ni a, memberte thilpek lamah thahnem kan gaih theih chuan a lawm awm ngawt ang.

BIAL   KTP
    Ni.05.08.2011 Zirtawpni khan Bethel Kohhran Biak Inah Central KTP buatsaihin Bial KTP OB’te Training neih a ni a, Mizoramah Bial kua(9) ah Training hi a ruala neih a ni in, Champhai bikah hian Bial sawmpanga(15) atangin Bial hruaitute an kal khawm a, Mi 90 vel beisei an nih lai in mi 70 an tel thei a ni. He Training ah hian resource person ah Pu.Zohmingliana Asst.Secretary Central KTP leh T/Upa.Lalramdina Cmt. member Cental KTP te hman an ni in Sum vawn dan chung chang te HIV chung changte leh lehkha kal vel chung changte in zirtir a ni in. Tlaiah zanriah kilho nghal a ni bawk. Kan Bial OB te pawh an tlai in hlawk hlawkthlak an ti hle a ni.

ABEDNEGO   GROUP
Ni.04.08.2011 (ningani zan) khan Upa.K.Chawikungate in ah Group Committee neih a ni a, Group Nite hman dan tur chung changte leh group hamlakna tur chung changte ngaihtuah a ni. Tin, Nimin Inrinni khan Apron zuarin hnatlan a ni.


EDITORIAL
TIH TUR/CHANVO
    Rawngbawlnaah hian eng hi nge pawimawh ber ni ang? Thuhriltu hna em ni? ni bik lo,Inkhawm hruai hna  em ni? ni bik lo, tantu,zaihruaitu, hla hriltu adt. em ni? ngaithlatu nih hi em ni? ni chuang lo kan za vaiin kohhran mipui zawng zawngte rawnglbawlnaah hian kan pawimawh vek a ni.
    Tin, Kohhran hmalakna hrang hranga peng pakhat pawimawh em em mai thilpekah pawh Kohharn mipuiten inphal tak leh lungrual taka kan pek khawm chuan thil ropui tak a ti theiin hna a thawk thei thin a ni.
    Chuvangin Kohhrana Lalpa rawng kan bawlnaah hian kan za vai maiin kan pawimawh vek a ni tih hre thar chungin kan theihna zawn theuh ah theihtawp chhuahin i thawk zel ang u. Midangte tih tur ah inkhawmte, thilpekte, hnatlante dah mai lovin Lalpa  Kohhran hoah hian in lungrual takin i thawk in iin pe thar zel ang u.



EDITOR        :       C. Vanlalchhuanga  
JT. EDITOR  :        Isaac.Lalhruaitluanga Zodinpuia 
NEWS EDITOR :     K.Lalengzuali
CIR.MAN.       :     All Groups Asst. Secy.
MANAGER      :     Lalduhawmi

             

   
 
0 Responses

Post a Comment

Make Flying Twitter Bird Gadget