The Vengsang  28th  August


Chang 34 KHAWTLANG MAWHPHURHNA KAWNG DANGTE
6) In sak leh a bul vel :
 Khuaa mi cheng tu pawhin in a sak dawn chuan khawtlang roreltute a hriattir hmasa tur a ni. In sakna tur hmun chu an sak hmain Khawtlang Roreltutren an endik hmasa tur a ni a, an phal angin an sa tur a ni. Khawtlang tana hnawksak
zawngin tuman in an sa tur a ni lo. Thu awih lo chu Roreltuin a awm tawkin a hrem thei.


7) Ek in, ran in, buh in :
Chhungkaw tinin anmahni ram chhungah mahni pualin ek in te,ran in te, buh in te an sa thei. Amaherawhchu, thenawmte leh vantlang tana hnawksak a nih chuan Khawtlang Roreltuten an thiahtirin an sawntir thei. Hemi zawm lo chu a thu azirin Roreltuin a awm tawkin a hrem thei.


8) Chhan ngai chhan leh tanpui ngai tanpui :
Mi tupawh, rikrum thil vang emaw, mihring vang emaw, ramsa leh ran kawlh vang emaw engvang pawha chhan ngaia a awm chuan a hria apiangin chhan nghal tur a ni a, tanpui a ngaih ang anga tanpui tur a ni. Chutiang bawkin, mahni nupui/pasal lakah emaw, fate laksak emaw nu leh pate lakah emaw unaute lakah emaw, engvang pawha miin chhan a ngaih chuan, a hria apiangin chhan nghal tur a ni a, tanpui a ngaih ang anga tanpui tur a ni. Chhan ngai chhan leh tanpui ngai tanpui hi Mizo hnam nunphung a ni. Chhan tumna avanga thil tihchhiat emaw, a mihring ngei chunga kutthlak emaw chuan lei a kuai lo.


9) Ensan : 
Hman laiin khawtlangah mi hnawksak leh kawhmawh bawl bikte chu, an in leh lovah chuangkai lovin an ensan thin. Thih thua thlan inlaihsak duh loh thleng thlenga ensan erawh chu an awm ngai lo.


Chang 35 THIAN MAN 
Mipa tan thian chi hnih siam theih a ni a, ‘In lam thian’ leh ‘Ram lam thian’ (Heta thian tih hi Inneihnaa thian hi a ni lo).

1) In lam thian: 
Sechhun/Khuangchawi chuan, ran talh nikhuaah a In lam thian chu a sa chanpual a pe thin; ranpuiah chuan, a lung leh a kal pakhat a ni thin. Chu chu ‘In lam thian’ man a ni.


2) Ram lam thian :
Ramvak mi chuan sa a awhin emaw, a kahin emaw, a thian chu ‘Thian Sabeng’ a pe thin. Chu chu ‘Ram lam thian’ man a ni. Thian man hi hmeichhia chuan, Vawkpa sut nghak talh hian a thian hnenah a khabe phawh hlawk leh a hmuiner a pe thin. Chu chu ‘In sahmui’ an ti a, ‘Thian sa kha’ an ti bawk. Hetiang thian insiam hi nghet hle mahsela, chhunzawm theih loh hun a lo awm chuan ban theih a ni a, ban man sawi a ni ngai lo.


BUNG - 3
NUPUI PASAL INNEIH THU
Chang 36 INNEIH CHUNGCHANG
 Hmasang atang rengin Mizote hi Palai hmangin mipa chhungte leh hmeichhe chhungte an inberem a. Sadawtin Rem-ar a talhsak a. Mipa chhungten hmeichhe chhungte hnenah nupui man an pa a, hmeichhe chhungten an dawng a. 
                              [Chhunzawm leh zel tur]



BRANCH   ACTIVITIES
Branch OB hmalakna
Kar hmasa lam Branch Exe. Comt. thu rel bawh zui in , a theihna leh a  tul ang ang ah te hmalak chhoh mek zel a ni. Heng an hnathawhte hi mipuite hriata puan zar a la rem rih lo a. Tin, Comt. thu zawng zawngte hi puanzar vek a ni kher lo tihte pawh kan hrtait nawn a tha awm e.  A tul apianga OBte puibawm tur leh thawhpui thei turin memberte pawh kan inhuam a tha hle ang. 


Lawmthu
Hall leh a chhehvel ah tumah in a ti hnawk emaw a tichhe zawnga thil ti kan awm loh avangin YMA chuan lawmthu a sawi  a ni.


Census Update vawr tawp
Vengsang huam chhunga chengte recordna tunlai hian section hrang hrangten an update tawh sa an edit mek a, hei hi chhungtin ten ngai pawimawhin an zawhnate uluk tak leh tha tak a an lo dawn sawn avangin lawmthu an sawi a. Tunah hian a final edit neih mek anih avangin Branch ah la thehluh a la ni lo thung


In luah chung chang
Misual, rukru leh ruihtheihthil a kan lo fihlim lehzual nan  Veng chhunga In luah tur nei ten In luahtu tur chungchangah fimkhur theuh turin kan in ngen a, a bikin hnam dang mi luah tir lo tur leh YMA leh V.C pem lehkha mumal tak leh belhchian dawl tak nei lo phei chu luah tir lo turin kan in hriattir nawn leh a ni.



KEIMAHNI 
Tun thlathar lo awm tur remchang hmasa berah kan accont bu te edit leh tum a ni a. He hunah hi kan Agentte kim taka an kal theih nan a hun hi uluk taka ruat a nih tawh dawn avangin tumah kal loh phal a ni tawh dawn lo.   Kan pawisa enkawl dan chipchiar taka report thei tura lo in rin lawk vek tur a ni a, kan khawn khawm ang angte Manager Pu R. Lalchhuanawma (Liana Veng) hnena thehluh zel bawk tur a ni. 


Tualchhung
Phone No. thar
Election Office Pu R. Zarzosanga hnen atanga thu kan dawn angin Election branch chungchanga zawhna zawt duh te tan biak man awm lo (Toll free) No. 1950 chu Deputy Commissioner Office Election bran ch Champhaiah dah a ni a. Mi tu pawhin zawh duh nei an awm chuan man chawi lovin Office hun chhungin englai pawh a zawhna zawh theih reng a ni.


PHE Dept.  hriattirna
PHE E.E Pu K. Zohmingliana hnen atanga thu kan dawn danin tun laiin Tuipui a nut zual avang leh Fallui tui lakna line a chhiat avangin tui pump a khaihlak deuh a, chuvangin mipui hraithiamna min ngen a; chhungkaw tinten a theih ang a tam, van ruahtui khawl theuh turin min ngen bawk.


Damlo
Upa K Vankhuma (Hosp. road) leh Krossthanga Hospital veng a mi chu Aizawl panpui mek an ni a, dam taka an lo haw leh ngei kan duhsak e.


Awmlai
Pu JH Kapzuala Kum 74 K Sec. (PHE Veng) chu Ni 23.8.2011 zinglam dar 2 :30am  khan an chenna in ah Cancer natna avangin a boral a, a ruang hi tlaivarpui a nih hnu in a tukah Vengsang thlanmual (Hospital road) ah vuiliam a ni. Lusun chhungkuate kan tawrpuiin, in hmalam hun lokal zel turah Pathian venna leh thlamuanna chang zel turin duhsakna kan hlan a che u.


Khuangchera Section hriattirna
Vawiin Pathianni zingkarah Section hruaitute Chhiatni fund la pe lo zawng zawngte khawnchhuak vek tawh turin an rawn feh chhuak dawn a, lo pek kim ngei tum tawh tur a ni ang.
(Chhiatni fund hi chhiat tawh nikhua a kan hman Thingfak, thingpui leh chhang, kuang, thutthleng, YMA bungrua atul ang ang a hman ral a ni a, i tlanchhe lo ang u   Ed.) 




     Kan pa, kan hmangaih em em leh hmangaih taka min awpkhawmtu Upa JH Kapzuala’n Ni 23.8.2011 a min boralsan chungchangah a mal te te in lawmthu kan sawiseng dawn lo a,  anat tirh atanga a hun tawp thleng a min buaipuitu thenrual tha leh thenawm khawveng chungah te; Joint YMA Vengsang in phal taka mai a kan mamawh chhung zawng Oxigen concentration min hawh tir avangte, kan buai hlauva PHE Department in phal tak maia Generator min hawh tir avang te, a hun tawp dawna  kan mangan hlauva chhunzan zawma min buaipuitute leh Veng hla atanga a thian thate leh Khualkhua atanga sum seng a min kan tute chungah te, kan mangan leh kan khawhar hlauva vawiin ni thlenga min lenpuitute zawng zawngchungah  lawmthu kan sawi tak meuh a ni tih min lo pawmsak turin kan ngen takzet che u a ni. 
        Mi lainattute zawng zawng chungah alet tam takin Lalpan malsawm mawlh mawlh che u rawh se.







Mizoram health care scheme hnuaia RSBY  tura   AAY/BPL Sub Centre Channem building a in report,  Enrolment la ti lo zawng zawng te Ni 29.8.2011(Thawhtanni) ah Enrolment tih vek tur a ni. Chhungkaw  hotu ber voter ID leh  AAY/BPL card leh cheng sawmthum ken vek tur ani ang. Enrolment ti tawh zawng zawng ten September ni 1 ah thla la tura lo inrin bawk tur a ni e. A hun leh hmun hi Champhai bial tih hun a la hriat theih lova amaherawh chu he huna thla la thei tura lo inrin lawk vek tur a ni.  Thlalakna hmun leh hun tur hi  tlangau lo ngaihchan mai tawh tur a  ni. 
Enrolment la ti lo te :- 
1) Tlanghmingthanga K.sec  
2) Vanramenga K.sec 
3) Chhuangzuala  T.sec                         
4) Zailemi               T.sec
5) Lalropuii             T.sec
6) Thanzama           T.sec
7) Ralthangi             T.sec
8) Vanlalchhuanga    T.sec
9) Lalparlawma        T.sec
10) Lalbiaksanga      T.sec
11) Thanhnuni         K.sec 
12) Vawmliana         K.sec 
13) Lalhnemzingi       K.sec 
14) Zarmuani           K.sec 
15) Lalmuanpuia        K.sec 
16) Rangkhumi         K.sec 
17) Hmingthantluanga  K.sec 
18) Lalsiamthari       K.sec 
19) Rodinga             K.sec 
20) Lalthansanga       K.sec 
21) Mantawna          K.sec 
22) Zonuntluanga      K.sec 
23) C.Parmawia       K.sec       
24) C.Sangvela K.sec 
25) Sawithangi         K.sec 
26) Pahlira               K.sec 
27) Lalhmunsanga   K.sec    
28) Sangrimawia     V.sec
29) Lalrozami         V.sec
30) Lalhmunmawii   V.sec
31) Lalronghaki       V.sec
32) Lalrawngbawla (L) V.sec
33) Hmingthanmawia (L) V.sec
34) Zarzoliana         V.sec
35) Malsawmi         V.sec
36) Lalchhuana         V.sec
37) H.Ramthara       T.sec
38) Hunlawmawmi   N.sec
39) Liansiami           N.sec
40) Lalnunmawia       N.sec
41) Ramthangluaia     N.sec
42) M.T.Khama       N.sec
43) M.S.Dawngliana N.sec
44) Malsawma         V sec.
45) Laldinmawia       K.sec                     (Section awmna kim kan tarlang thei ta lo)





Vengsang SC Jersey thar tur chu, mawi taka Aizawl a man chawi lova design leh ziah saktu JK Business Service neitu Pu Johny Lalthanmawia chungah Vengsang SC chuan lawmthu a sawi mawlh mawlh a. He Jersey thar hi tun Zirtawp liamta khan Vanlalmuana’n neitu chan chang takin a rawn phurh thlen sak a  ni. Mi inphal kan awm  zel avang hian infiammite tan hmasawnna tam tak a thlen ngei a beisei awm.


Mahni pualin
Kumin chhung hian a vawi 1-na atan keini Chanchinbu lamte mahni pual (kan hlawhchhuah tur) Display Advertisement kan hmu ve ta hloh mai. A petu PHE Dept. chungah llawmthu kan sawi a. Tin, abik takin taima taka a dil chhuaktu kan Editor Pu Remsanga chungah  kan lawm takzet a ni.     




EDITORIAL

Mihringte hi kan piantirh atangin mizia kan nei theuh va, kan nautet laiin a then an tah belh a, a then erawh an tlei ve thung a. Mahni mizia theuh chhawmin kan lo seilian a, thinchhe tak te, zaidam, mize zawi deuhte, ri hawr hawr chite. Thuawih leh luhlul thlengin.  Duham deuh an awma; ngaihsam deuh an awm bawk. Rethei chanai eisak hnail miah lo leh  sumin abual at avanga hmangaihna nei tlem tawlh tawlh an tam bawk.
Kawvel kan awm chhung hian sum hi kan mamawh lian ber pakhat a ni na meuh mai. A tawi zawngin KHAWIH THEIH engkim alei vek thei in ti ve pawp mai teng! Kan thawk ang a, mahni thawhchhuah chu kan ei in kan in tur a ni. Kan thawk chhuak zel tur pawh a ni. Chutih laiin Bible in kuttling lova sum ngah that loh zia min zirtir laiin kuttling lova sum ngah dan ringawt kan lo ngaihtuah ve a. Hna thawk peih tak tak si lovin hausak kan chak a, duh thu te kan sam vel a, Engtikah tak hlawhtling ang i maw. Huiha... kan nula te lah in an awm awla an ei tui theih dawn phawt chuan hmelchhe em em emaw hnam dang pawh ni mahse an hmangaih thut thei ! An mize hriat ngai loh pawh an nel nghal thei mai thin. Thawh chhuah nei hawt si lovin mi neih ang kan awt a, nu leh pa hnenah kan dil a. Nu leh pa thawh sa ringin kan in la lian a, Thil thar han nei deuh ila kan hawi sang a, mite nin thamin thawm kan nei nghal a. Retheite pawh kan lo chapo viau vek zel a lo ni lo maw?
A hausa sum hnâr hmu phak chin lah chinlem kan nei si lo. Sum atchilhna chuan Pathian hmel a hliah fova, chu chuan nun dan dika nung thei lova min siamin, a ni lo lamah min nawr liam thin si. Sum tam tak aia hming that thlang zawk hi duh vek teh reng  ila  a va han nuam dawn tak em.


ENGLO    HUANG

  Lalngaih, champion ve i duh chuan rawn inkhawm ve mai rawh...
- Tetea V.Sec.


  Khawhar In ah hian hla hril tur ringawtin ka kal bik lo a nia, thutpui duh zawngte pawh ka nei ve tho a nia..
- Tetei K.Sec


  Ka grape hralhna man nge tam ang ka pekna senso aw...!!!??
- Pu Hmingtea N.Sec.


  “Aih Hockey ball chu ka nei lo, khelhmum chauh ka nei”
- Zo-a T.Sec.


  Khawhar in a kan tawngtai mai chu Awi... puitak a ni, a hre ve duh chuan In riak ho zawt mai ru...
- Tv. Marova K.Sec.


  U Chhuma neih zawha neih tum ka ni si a, ka nghak rei ta khawp mai..!!
- Tv. Lachhuana N.Sec.


  Kalna apianga neih duh chuan duhtui a har khawp mai, hel zak zak chang a awm fo mai..!!!
- Sawmtea (Khuaia) V.Sec.


  Uiiii.... kei chu LAD Qrt Kahrawt khu... uiiii.... nuam e........
- Nunthari (MPRO bul) V Sec.







Cir. Manager:  All Section Asst.Secy. &  PC Lianmawia Keifangtlang                         
Manager:  R.Lalchhuanawma

The Vengsang 21st   August
Vengsang Branch YMA Executive Committee Vawi 9-na Dt. 16.8.2011 (Thawhleh) zan khan YMA Hall Committee room-ah neih a ni a, Committee hi President Pu Hmingthansang’n kaihruaiin Commitee Member 18 kalin an rorel tlangpui mipui ten kan hriat awm te.


Rorel 1-na : Lehkha lut hrang hrang :
a) Thlamual Sub-Commitee :
Vengsang Branch YMA Thlanmual Sub-Committee Secretary Pu David Rualthankhuma hnen atanga an lehkha dawn chu ngaihtuahin heng:


1) Kan thlanmual neih pahnih ah te hian Thlanmual hraittirna dan te Sign Board a tar ni rawh se.


2) Kan thlanmual te hi ahnim em avangin hnim hlo a kah ni rawh se.


3) Thlanmual a kan hmanlai bawngtuthlawh te hi a chhiat avang leh atlem tak avangin Bawngtuthlawh thar pali leh  fawng lei ni rawh se.


4) Thlan vung dawlna thir pipe PHE Department ah dil ni rawh se.


Khing te khi hmalak theih turin Committee chuan a pawm a. Tin, ‘Thlanmual a hman turin tui kan mamawh dahna turin Syntex lei ni rawh se’ tih erawhchu tundinhmunah kan tlin hrih loh ah ngaiin tih hrih loh mai nise an ti a. Tin, Thlanmual a hman turin lung trip khat dah leh nise an ti a, Sum leh tuldang buaipui ngai chu thlanmual sub-committee kutah an dah a ni.


b) Manager LPG Mizofed Champhai :
Pu C. Ngaihzamvela Manager LPG Mizofed, Champhai in kan veng chhung atang Gas Connection neilo mi panga Dt. 18.8.2011 ral hmaa  thehlut tura a tih angin hetiang hian ruahmanna siam ani. Gas Connection la neilo Khulhthei ngei tur te chu Dt.17.8.2011 zingkarah kohkhawma atul anga hmalak mai nise an ti.


c) Central YMA: Pu Lalbiakzuala General Secretary CYMA hnen atanga lehkha an dawn hrang hrang ngaituah lehin hengte hi an thlen a ni ang
i)  General Conference 2011 Kolasib a neih turah YMA Member boral sun tur leh Hruaitu Chawimawina dawng thei tur an awm anih chuan Branch OB ten lo buaipui mai se an ti a.
ii) Central YMA leh Mizoram Athletics Association tangkawp ten Marathon Race leh Inter Branch YMA Table Tennis Tournament an buatsaih turah ahranpa a hma la lovin Branch Chanchinbu ah akimchang chhuah phawt ni se an ti.
iii) General Conference 2010 Lunglei a neih an rorel zinga mi ‘Kan ram thing chereu ven nan Kuang atan thingphel hmang tlem turin leh remchang dang hmang zawk turin Central YMA in hmala rawh se’ tih Central YMA in hmalakna an siam chu ngaihtuahin OB ten lo zir chiang se Committee leh ah pharh ni mai se 


Rorel 2-na: Chhiatni Fund chungchang: 
Chhiatni Fund chungchang sawiho in tun hnaia Chhiatni Fund Job Card nei zawng zawngte atanga khawn Job Card nei lo te khawn dan tur chungchang sawiho in Sum enkawltu ten chhiatni Fund pe list lo siam se Section tin ten mahni section ah lo khawn in September 10th 2011 hmaa thehluh leh nise an ti bawk.


Rorel 3-na : Grape huan hnatlang chungchang :
Grape huan tifaia hnatlang neih chungchang sawiho a ni a hun remchang hmasa berah hnatlan ni se an ti a, ahun chu Branch OB kutah an dah.



Rorel 4-na : Mitthi Lumen zana sawhchiar siam leh siam loh chungchang:
Vengchhunga mitthi awma lumen zana sawhchiar siam leh siam loh chungchang sawi ho a ni a,  thu leh awm hma chu sawhchiar siam hi enchhinna an neih tawh atanga alan danin siam tawh hrih loh mai nise.


Rorel 5-na : Thlanmual mitthi hming ziahna chungchang:
Thlanmual Mitthi hming ziahna chungchang an sawiho a tun aia tha leh mawi deuh zawka siam tawh thin nise an ti.


Branch Activities
Branch hnatlang: 
Dt. 19.8.2011 (zirtawp) zingkar khan Grape huan tifaia hnatlang neih a ni a, member 15 vel thawk chhuakin an la zo lo deuh a, Nimin Inrinni zingkarah khan chhunzawm leh niin member  7 an thawkchhuak. Branch hnatlang hi Information a au a nih loh avang in mi tam zawkin kan lo mang nghilh niin a lang a, naktuk Thawhtan zingkar hnatlang ah chuan atam thei ang ber thawhchhuah tum tur a ni.


Branch thuthleng:
Vengsang Branch YMA in Thuthleng kan neih te atlem tak telh telh avangin pawl emaw chhungkua emaw YMA thuthleng lo kawl kan awm anih chuan khawngaihin tunkar chhung ngei hian YMA Hall-ah dah tura ngen kan ni e.


Section News 
Section tin ten Cencus update leh siam rem ngaite ennawn hna an thawk mek. Kan vengin chhiattawhna kan neih nual avangin hmasakna tur tam tak chu hmachhawp mek a la ni.  



VC News
Remchang hmasa ah chhuat nawhna siama hnatlang neih tur ani a,member te lo inring tur in kan in hriattir e


Weightlifting coaching
Pu Ramdinthara V Sec. hnenah Weigh tlifting coaching lama tui te tan coaching trainning a dil theih. Dil turte chuan naktuk thawtana Aizawl a kal nghal a ngaih tawh avangin vawiin Pathianni ah ngei in report vek  tur a ni.   Kalna leh haw lehna (TA / DA) pek an ni ang a, amaherawh chu mahni pawisa hman hmasak phawt a ngai dawn thung a ni.

Hriattirna
Jamadr thlanmual hnuai YMA Grape huanah tumahin thlai chin tawh loh tur.Tuna chinlai hi chu an seng thei ang a, a bak ching leh an awm chuan paihsak zel an ni tawh ang.


Vengsang Sporting Club
Kan hma lawk thla thar hian CDHA tournament a awm dawn a,Hockey players zawng zawng te thahnem ngai taka practice tan tawh tur a ni.


In luah chung chang
Misual, rukru leh ruihtheihthil a kan lo fihlim lehzual nan  Veng chhunga In luah tur nei ten In luahtu tur chungchangah fimkhur theuh turin kan in ngen a, a bikin hnam dang mi luah tir lo tur leh YMA leh V.C pem lehkha mumal tak leh belhchian dawl tak nei lo phei chu luah tir lo turin kan in hriattir nawn leh a ni.



Tun PYKKA champhai District VC in elna kan neih zawh takah kan veivah nan a motor min tum sak tu mi tlawmngai Upa Thangkhuma T.sec te chungah kan lawm em em a,Veng tana an in phalna leh an in pek naah hian lawmthu kan sawi takmeuh a ni.



1) Central YMA leh Mizoram Athletics tangkawp ten Marathon Race(Mipa leh Hmechhe tan) Dt. 23.9.2011 hian Aizawlah a buatsaih dawn a Vengsang Branch YMA Member he Marathon Race a tlan duh te chu August thla chhung ngeiin Branch OB te hnenah in report tur a ni ang.


2) Marathon Race tlan thui zawng tur hi 21 Km a ni ang.


3) Lawmman (Cash Prize) mimal tlan ten an dawng ang.


4) Central YMA 4th Inter Branch YMA Table Tennis Tournament Dt. 7th - 10th Sept. 2011 chhung hian Kulikawn Indoor Stadium ah neih a ni dawn a, Vengsang Branch YMA atanga mipa leh hmeichhe tel duhte chu August thla chhung ngeiin Branch OB te hnenah in report tur a ni ang.


                        Sd/-       Sd/- 
                      (Hmingthansanga)         (C.LALMUANPUIA)
                    President      Secretary


                          AWMLAIA  THI  TIH  HI           -CYMA Website
 Tun hnai mai atang khan mitthi thih chhan ziah naah hian “Awmlai” tih an hmang ta fova,adik chiah lem si lova,chin zui zel loh atan atha khawp mai,thihchhan sawina kawnga Awmlai tih in a kawh chu Sarthi leh raicheh ni lo,natna danga thi hi ani.natna chi hrang hrang a awma,Ngawr te,khawsik te,awmna te lungna te cancer te etc. tamtak a awm.Chung natna avanga thi zawng zawng chu “AWMLAI” a thi an ni vek. “AWMLAI” tihhi hman kan duh tlat a nih chuan Sarthi leh Raicheh ni lova thi zawng zawng te thihchhan ziahnaah hian AWMLAI tih dah vek mai tur a ni,chu lah chu a tih chi hlek si loh.
       Thihchhan ziaktu ten tih lan kan tum leh alen pui tu ten hriat kan duh chu natna zinga engvang ber in nge athih tih kha ani a,AWMLAI tih ngawt chuan a chiang thei lo.sarthi leh raicheh anilo tih chiah ati chiang.Chuvangin upa deuh leh tar natna bik chiangfak neilo te thih changa AWMLAI tih ngawt bik hi a dik thei lo.naupang deuh in tar thi tihna emaw an tih phah ahlauhawm hle ani.mizo tawng tih khawlohna ani palh hlauh dah ang e.


Kan Nu / Kan pi Vaineli Chhakchhuak (91) in Dt 9.8.2011 zan dar 7:30 a chatuan ram min pansanna ah khawtlang mipui, YMA member leh  Nula leh Tlangval ten kan mualphona tur tam takah min hliahkhuhna avangin lawmthu kan sawi mawlh mawlh a,  aruang tlaivarpui ngai a nih avangin tlawmngai taka min tlaivarpuitute chuangah lawmthu kan sawi tak meuh a. Tin, kan khawhar min hnem tura min riahpuitu tlangval te chungah lawmthu kan sawi bawk a, min lainattute zawng zawng chungah pawh Pathian hmingin lawmthu kan sawi  mawlh mawlh a ni e.





Keimahni
Kan chanchinbu herna CK Press ten thil to chho zel avangin an Press a chanchinbu lut zawng zawngte tlem te te in a her man an ti sang. Hetih rual hian Power supply awmloh pawh a phal taka Generator min hman tir thin a, a neitu Pu Sangtea leh Nula LT-i te chungah lawmthu kan sawi.


Mizo hming hawha hnamdang sumdawngte kohkhawm an ni.
Ni 10.8.2011 dar 1:00 PM khan Central YMA Hall-ah Hnamdang Mizo hming hawha Dan lova sumdawngte leh anmahni Sponsor tute kohkhawm an ni. Heng kohkhawmte hi ni 6.8.2011 (Inrinni)-a Central YMA hruaitu ten an dawra kala an endikte an ni a, mi 125 an lo kal khawm a ni. YMA General Conference 2010, Lungleia neih thurel "Mizo hming hawha dan lova hnamdang sumdawngte titawp turin Central YMA-in hma la rawh se" a tih bawhzuina a ni a, Thalai Sorkar hna thawk lo ten sumdawnna kawng an zawh theih nan leh Mizote Economics-a chimrala kan awm loh nana hmalakna a ni a, Mizo mipui zawng zawngte hnamdang sumdawngte mahni hming hawhtir lo tur leh a lo ti mekte pawh August 2011 thla chhung ngeia titawp turin an ngen a, tin, a bawhzuitu tur pawl pawh insiamin a tul anga hmalak zel CEC chuan a rel a ni. 
YMA General Conference 2010-in a rel bawhzuiin, Central YMA chuan Mizo hming hawha hnamdang sumdawngte dapchhuah hna a thawk mek a, hetiang anga sumdawnna kalpui mek hi tam tak an awm a ni. Sum leh pai tlemte vanga mahni hming hawh tir a, hnamdang sumdawn tir chu dan kalh a nih ziate, ram leh hnam hralhna  anih ziate hre turin Central YMA chuan mitinte a ngen a, chuvangin hetiang anga sumdawnna kalpui thinte chu August 2011 ral hma ngeia titawp turin a ngenin a hriattir a, Central YMA chuan a hlawhtlin leh tlin loh a vil zui zel dawn a ni.
Hemi rual hian ILP-a hnathawh tur tarlan anga hna thawk lova hnamdang awmte zawnchhuah hna pawh a thawk chho zel dawn a ni.


11th Central Executive Committee Meting
Ni 5th August, 2011 chawhnu dar 3:00 khan Central YMA Committee Room-ah 11th CEC Meeting neih a ni. He meeting hi Pu Lal Chungnunga,President-in a kaihruai a, member 45 an tel. He meeting-ah hian Pu Lalbiakzuala, General Secretary chuan CEC hmasa leh tun inkara hmalakna report a pe. ILP leh Electoral Roll fimkhur taka kalpui a nih theih nana hma la tura District tin DC leh SP te ngenna siam a nih thute, Mizo hming hawha dan lova hnamdang sumdawngte zawnchuah tura ruahmanna awm chu meeting a hriattir a, ni 6th August, 2011 hian area 7 a in thenin, mahni area theuhva hma lak nise tih a ni. Tin, Assembly House-a kan ram roreltu ten Foreigner te thlavang hauhzawnga thu an sawi avanga Central YMA-in thuchhuah kan siam chu CEC Meeting hian a pawmpui. 10th CM Running Trophy 2011 neih leh tum a ni a, a hun chungchang chu Sorkar thneitute nen la ruahman tur  ani.
    66th YMA General Conference-ah Khuallian neih tha  ti a, Khuallian atan Pu R.Lalzirliana, Home minister chu sawm nise tih a ni. Detailed Programme Committee te ruahmanna siam chu tha kan ti a, kan sawihona hre rengin Programme siam nise tih a ni.
    Ni 27th June - 10th July, 2011 chhunga Krista Hnungzuitu Tawngtai Bethel Camping Centre-a Camping kan neih zawh tak chu Followup Programme neih pui leh nise tih a ni a, a tul angin Kumpuan Sub-Comittee ten ruahmanna lo siam se tih a ni.


Meeting tluang takin tlai dar 5:30 ah zo
Ni 6th August, 2011 chhun dar 12:00 khan Aizawl khawpui chhunga hnamdang Mizo hming hawha dan lova sumdawngte enfiah a ni a, Gruop 7 a inthenin Khatla, Sikulpuikawn - Republic Road, Tuikual - Vaivakawn Road, Dawrpui Area, Zarkawt Area, Chanmari Area leh Bawngkawn - Zemabawk ah CEC te in sem darhin neih a ni a, hetah hian Permit lem, Vai leh Vai insponsor leh Mahni leh mahni in sponsor tam tak hriat chhuah a ni. Hnamdang Mizo hming hawha sumdawngte hi ni 10th August, 2011 hian Central YMA Office-ah kohkhawm an ni ang.  


MAHNI  INBUMNA?
       Kum 10 kalta ah khan eiruk hi suala ngai chungin lo ti ta ang ni la,  Sual ngawih ngawihin i inhriat phah ang. Sim lovin tun thlengin chhunzawm zel la, eiruk chu sualah pawh ngai tawh lovin tihphung pakhatah i ngai ang a, suala inhriatna pawh i nei tawh dawn lo tihna a ni. Eiruk sualna chu a ngai reng a ni a, kum 10 hnuah thil tha a ni thei chuang lo. Mahse, i ngaihdan zawk kha a inthlak tak avangin suala inhre thin khan sual lovah i inngai ta mai tihna a ni. Chutiang mi chuan, sual sim si lovin sual tehna an thlak a, sual dan ngai renga sual chungin kum 10 hnuah mifel niin a inhre ta tlat mai a nih chu!
      Mi thenkhat chu, fel tak tak miah si lovin, mi fel lem an chang thiam tial tial thei tlat!   Zing thawh tawngtai leh zan mut dawna tawngtai inkar zawng hian mi fel lem a chang ta ngat ngat mai a. Chhungrilah a fel tial tial miah lo, pawn lamah erawh chuan mi fel tihdan a entawn thiam tial tial a, a pawnlang hmutute chuan A va fel sawt em!    an ti a. Chutia kum tamtak a beih hnu chuan, a  lemchan chu amah chuan tak tak emaw a ti a, sual sim chuang miah si lo hian, mi fel tak tak emaw a  inti mai thin. Chutiang mi chu pawn lamah hahdam tak angin lang mah se, chhungrilah a hah kumkhua ang a, mi fel lohna zawn ching tak a ni bawk ang.  Chuvangin, mahni inbum ai chuan mahni inhriat a fing zawk. I inhriat danin i derthawng tial tial nge i ngelnghet tial tial?  Taksa hriselna mai piah lamah, Pathian hriatnaah te, hringnun zinkawng  chhenfakawmna hriatfiahna chungchangah te, i fiah tial tial nge i bo tial tial?
      Kum khatah vawi khat tal he zawhna hi i inzawt ngai lo a nih chuan mahni dinhmun inhre chiang lo takin i hun tamtak i hmang dawn tihna a ni. A hlauhawmzia i ngaihtuah thiam em? Kan zin kawngah hian mahni car theuh khalhin hma lam panin kan tlan a. Kan oil leh tyre dinhmun te chu, kan zinchhuah tirha mi ang kha a ni thei tawh lo. A khat tawka endik a ngai a ni. Kan engine dinhmun hi mi dang min hriatsak tur a ni lo (driver rawih theih a ni si lo!) he car chhunga chuang chunga khalhtu, keimahni ngei hian Pathian rawn chingin a khát tawka kan endik a ngai a ni.

   Kan hnung deuh mai ah khan Hnahlan nula lo zin a, ka leng rei thei fu ni..! Tun thlengin ka hmui hi a la vung deuh in ka hria.. Ropeka lo chuan engmah in hre ve si lo va le..
- Lalmama (BA) Vawmbal bul   


   Ka zak ngai lo emaw ka tia, Mi, chawei ah kan sawm, kan theihnghilh, chaw kan lo ei tawh,  chaw ei turin an lo kal si.........
-Pu T. Rochungnunga. N. Sec


   Sawi teh suh... Khawhar inaha ka phone a lo riii.. Hallo ti ta lo chuan, ring tawkin Halleluaih kan ti mai chuuu.......
-Pi Darthangpuii T. Sec


   Kei aia pa awm thei ni tur chuan beih fe a ngai ang..........
-Pu Hmingtea, N. Sec Hospital 


   Nuthlawi nih ringawt chu anuam vak chuang lo. Lengchhuak dawn i la fa ten min kap tawh si a, Manun min tanpui teh..
-Mapuii (Nuthlawi Havilder)  V Sec.  


   Facebook ah ‘Saichalruma’ tiin ka in dah ngawt a, tuman min add duh lo mai ni lovin min accpet duh maih lo!
- Valpuia  K Sec.


   Kei zawng Keifangtlang sawn ka lung min leh leh ta daih mai.....
-Valtea  (Baju) V Sec.

The Vengsang 14rd  August
Human trafficking chu mihringa sumdawnna ani a,ualau tak emaw aruk emaw mahni mahring pui te chunga pawikhawih na huatthlala awm tak ani a,chung pawikhawih na chu heng hnathawka in chhawrluihna te,hmun danga in bum leh in hruaichhuah te,ma thianghlimna leh zahawmna tih chhiatsak vek hnu a sum hmuh nanain hralhna te hi HUMAN TRAFFICKING chu a ni.
         Mihring hmang asumdawnna sawifiah nana hman tlanglawn deuhdeuh te han tarlang ila.
 1. Diklo taka hman atana mihring lo lakkhawm te,chutiang atana lo phur sawn tu te lo hruai kual tu te,lo dawnsawn te,bumna hmang a mite hruaikawi te mi te sihhnip lai rem changa lo hman te.
2. Mi kum 18 hnuai lam kum tlinglo te chu an mahni duhthlanna ngeia traficking pawh ni mahse “ama duhthu reng ani” tih chu chhuanlamah atling zo lo.
3. Mihring hmang a sumdawng te hian tihluihna an hmang reng bik lova,awih awm taka vehthlema bumna awihawm tak hman te an ching hle a ni.
                                 ENGVANG IN NGE ALO AWM ?
1. India ram khawpui hrang hrangah massage parlour lo thang lian nasa lutuk   vang.
 2. Sex film DVD CD etc.hmanga sumdawnna lo thang lian zel vang.
 3. Sex tourism lo thang nasa ta em em vang.
 4. Hotela hmeichhia leh naupang te chhawr nasat lutuk vang.
 5. Aruka dan lova sumdawnna leh thilsiamna lo tam tak vang.
 6. Khawpui hrang hrangah awmpui tur mamawhna sang lutuk vang. 


                          HETIANG HI TU TEN NGE TUAR BER ?
1. Eileh bar zawnna kawnga mi harsa leh rethei te 
 2. Thiamna mumalnei lo leh chinchang hrelo te
 3. Nu leh pa ngaihsakna tlachham tu te


          Hetiang human trafficking hi khawvelpumpuiah hian 27 million aia tam mah in an tuar mek ani,hmeichhia an thianghlimna tihchhiat saka nawhchi zawrh luih tir te,mipa sal ang mai a chhawr luihna te hi ahluar em em ani.keini mizote pawh hi kan him theih nan chuan kan hna zawnna ah te fimkhur leh zual ila heng TV/Internet/Chanchinbu a hnaruak an chhuah te hi hrechiang hmasa lo chuan bawhzui loh hi ahim ber ani.hetinga hmala tu leh tih tit tu te hi mihausa leh phai lama milian tak tak te an nih thin avang hian phai lam a    Hotel leh Massage parlour a thawk tur te in an in chahthla thin a,nimahse hetiang hian diklo takin an lo chhawr ta thin ani.kan khawtlang kan ram hi “HUMAN TRAFFICKING” ah kan lo fihlim theih nan nasa takin kan hna zawnah te fimkhur lehzual ang u. 


Branch  Activities

Committee :
Tun thawhleh lo awm tur 16.8.2011 zanah branch Exe. Comt. pawimawh tak neih tur a ni a, kim taka kal theuh tur a ni ang. Sawmna hnu lo tan pawh hei hi sawmna a ni e.


Information :
Kan information Mualbawk a mi chu kar hmasa lawka siam that ni mahse a che leh a siam tha tura hma lak mek a ni. Kan information line-te hi a thui tham deuh hlawm avangin a che duh hle mai a, mipuite hriatthiamna kan Branch YMA-in a ngen a ni.


Bawhzui mek :
Hall kawt kawngcho siamna ah hian sum neihsa neih awm mang lova thawh a ni a, tunah hian Branch hruaitute leh kan VC te chuan kan kawng siamna atana kan ba rulhna turin theihtawp a chakin hma an la mek.


Sub-Headquarters YMA Committee :
Tun kar lo awm tur Ni 19.8.2011 zing dar 10:30 hian tlangrawta YMA in ah Sub-Headquarters YMA committee a nei dawn. He committee ah hian agenda paruk an ngaihtuah ang.


Hriattirna :
Branch YMA committee neih hnaih tum a ni a, Branch YMA ngaihtuah awm chi agenda thehlut duhte tan Branch O.B te hnenah thehluh theih a ni.


Chhiatni fund :
Tunlai hian Branch O.B ten chhiatni fund la pe lo te Chhiatni fund an khawn mek a, la pe lo te chu lo inring lawka, khawn nawn ngai lo tura lo pe theuh turin kan in ngen a ni.


Bawlhhlawh :
Fur lai a ni a mahni bawlhlawh tuihawk len tir mai duh kan awm leh zauh thin. Heng mite hian kan thlang lawka awmte tan harsatna leh hnawmhnawk kan siam sak thin tih hria in sim a tha khawp mai.


Dah leh :
Kan Branch Finance Secretary Pu Lalrinsanga chu Lungphunlian (CMO?) lamah dah leh a ni a, Tluang taka he  a eizawnna, a hna a thawh theih nan duhsakna kan hlan.





Ni 3-6 .8. 2011 a Champhai RD blog hnuaia VC huam hrang hrang kum 16 chinte Items hrang hranga  infiamna a buatsaih  PYKKA Sport  neih zawh takah khan Vengchhung nu leh pa ten kan fa te, he inelna a tel tura kan ngenna te phal taka in rawn tih hlawlthlin thin avangin leh min rawn tawiawm thin avangin lawmthu kan sawi a. He Champhai RD Block infiamna hrang hrang a  kan champion theih nana tha leh zung, hun hlu tak sengtu Vengsang Sporting club OBte chungah pawh lawmthu kan sawi mawlh mawlh a ni.







Branch YMA lawmthu
Aitea, kum 83, Dt. 18-7-2011 (Thawhtanni)  a boralta hriatreng nan a fate pathumin thingpui dahna (Tea Urn) pathum 15 lts zeta lian Vengsang Branch YMA min pe a, an chhungkaw chungah lawmthu kan sawi mawlh mawlh a ni.


Damlo
Pu Kapzuala, K-Sec, Pu Pachhunga, N-Sec. te inlama enkawl mek an ni a, an dam leh theih nan mitinten i tawngtai pui theuh ang u.





Job  card thar
Heng mite hian kum 18 chin hnathawk thei ngei thlalak (Hmunkhata lak) passport size copy 3 nen VC Secretary Pu Rambuatsaiha  Chawnghlut hnenah tun karchhung ngeiin thehluh tur a ni. 
1) Lalbiakdiki w/o Hualzidinga
2) Lalrosiama s/o Thanghleichuanga
3) H. Lalzamlova s/o Ramdingliana
4) F. Lalremruata c/o J. Rosiama


PYKKA  Champion
Ni 3-6 .8. 2011 a Champhai RD Block hnuaia VC huam hrang hrang kum 16 chinte Items hrang hranga  infiamna a buatsaih  PYKKA Sport  neih zawh takah khan kan Veng VC I chu a pumpuiah pakhatna an ni. 


MGNREGS
Ni 100 inhlawhna  MGNREGS hnuaia Ni 10 thawk a chhuak a.  A thawhdan tur erawh VC thu leh hla lo ngaihchan mai tur a ni.


Ram khuahkhirh
Tunali hian Vengchhungah Ui leh Ar khuahkhirh lo, thenawmte tana hnawksak a tam leh ta hle mai a. Kan Ran ten kut palh a a lo tuar a nih pawh in dan dinglai angin kan sawisel thei lovang. Chhungtinte te kan ran te khuahkhir  theuh turin kan inhriattir   nawn leh a ni.


YMA bungrua :
YMA bungrua hi chhiatni thathni a kan lek lam ber a ni a, hetiang anih rual hian lo pel he tawk a awm thin a. YMA bungrua lo kawl palh kan awm chuan YMA Hall-ah dah thei ila a lawmawm hle ang. Tin, Property Sub-Committee kan neih angin a hmang duhte chuan Sub-Committee kaltlanga hawh chhuah thin tur a ni ang.



Awmlai
Pi Vaineli  (91)  Pu K. Doliana Nu , (Neuva  Sec). Liana Veng a cheng chu Ni 9.8.2011 zan dar 7:20pm khan a chenna Inah natlawkna em em nei lovin min liam san. A ruang hi tlaivarpui a nih hnuin Vengsang thlanmual (Hospital road) ah vuiliam a ni. Pi Vaineli hi Neuva Section OB hruaitu hlun leh tun a Secretary hna chelh mek Tv K. Vanlalenkawla Pi a ni. Lusun chhungte kan tuarpui in  thinlung takin Pathian awmpuina kan dilsak takzet e. 


Keimahni 
Kum chawhnu lam kan lo thleng leh ta reng mai. Agent ten tan han la thar leh ila, chanchinbu man khawn lamah thjahnem i han ngai leh zual teh ang.  





THIL THLAWN  PEK     
     Pathian tello chuan nun hian mumal a nei lo, mumal nei lova nun chu nun awmze neilo a ni. Chuvang chuan kan nun hman danah te hian fimkhur takin i nung fo ang  u. Awmze nei lovin hun tha kan lo khawhral mai mai dah ang e. Pathianin a talent ropui tak min pek te hi a hmang tangkai thiam apiang mifing an ni mai in ti tan tawp mai teng.
      Thlarau lamah he khawvela mihring taksa kan put laia kan hun hman dan leh kan nun dan chuan chatuana kan nun dan tur a hril dawn a ni. Chatuan a kan chenna tur hmun hnih – Vanram leh Hremhmun kawng hi he khawvel a kan chen lai atang hian ka duhthlan lam chu kan zawh tan mek a ni. Chutih laiin  he khawvelah hian tumah nung tlak lo khawp a pachhia leh chan chhia an awm lo. Pathian hian mitin hi talent hrang theuh, dinchhuahna tham theuh min pe a, chu min pek hmang thiam apiang chu an dingchhuakin an hlawhtling a awhawm takin hun an hmang mai a ni.
   Thahrui i nei a, finna i nei a, remhriatna i nei a, chhia leh tha hriatna i nei a, chu lo liama thilpek nasa chu a awm thei dawn em ni? Heng i talent dawn zawng zawng te hi nangma hamthat nan chauh em ni i lo hman thin? Nge Pathianin a siam chhan che awmze neia nun hman nan i hmang ngai em? Pathian atanga kan talent dawn a danglam bik avanga te, midang tih theih ang kan tih ve theih loh avangte hian beidawnga indawmkun mai tur kan ni lo. Kan theih tawk te tlem hle mahse kan theih tawka A rawng kan bawla hun kan hman hian Pathian chu a lungawi tawk em em a ni. Chuvang chuan awmze neia hun kan hman hi a phut tlat a ni. Awmze neiin kan hun hlu tak kan hmang thin tur a ni.




ENGLO  HUANG
 Heiden trial over lai hallelui--ahh
-Zova (ted), V.President.


 Min rawn rim tur chuan black belt chin ngat an nih loh chuan ka kick chhuak tawk tawk ang che u.
-Tlani. Zokongchho 


 PYKKA Sport hi nitin ni reng ni  reng mai se ka va ti em..a kham lo ber ka ni awm e.
-Thlenga  Mualbawk


  Round dawt leh ka thlen theih chuan ‘Thlawi hmeltha’ tih hla ka sa ngei tawh ang...
- Zara K.Sec.


  A pu lut a, a pu chhuak leh tih zawng zawng ka nei zo, engmah tih ka tui thei hrih lo a ni e...
- Tv (Pu?) M.P-a Br. Secy


 Hming bula PU han dah theih meuh chuan a van theih hle mai, huan lamah tih tuah hum reng a ngai mai!!??
- Pu S.H RKa N.Sec


 Ka pa hna min han zawn sak vat vat teh, ka dar pawh a inhniam hleih zawh vek tawh hi...
- Pu Kiki-a V.Sec


  Kan chhung chu zawnglai thiau kan ni a, han rip hup pawh duh mahila Nu te leh u te han tihkhalh a rem si lo. Traffic jam hi a buaithlak khawp ami!!!
- Vavani T.Sec.


  Ka Pa, kei zawng Sawrkar chawmah min dah leh mai loh chuan tih ngaihna thlawt a awm lo. Thutthlengah ka mu zawi ‘ngui’ reng a nih reng hi maw...
-Zochunga Liana Veng 


  Nupui fanaute avang chuan  Sunday pawh sawi lovin Vangchhe khua ah Pu Sangpuia Scooter a kal thei ngat ka ni. 
-Sangri-a  Rahte Veng


  Ram riah nan khua a thiang dawn tan e.  Lo inring ‘tu tu emawte ho kha..’
-Pu Chunga  V Sec.


  Hui ha.. Damlai lusun zawng a na a nih hi.,
- Isaka & Nunthara  V Sec.