Aletheia (Vengsang Presby. Kohhran chanchinbu)
Lalsangliana
LUNGAWINA
“Kei zawng engkimah lungawi zêl ka ching tawh si a”  (Phil - 4:11)
    He khawvêlah hian, mihrng tung chhova kal zawng zawng zinga thil neih reng harsa ber nia lang chu ‘LUNGAWINA’ hi niin a lang. Khawvêl tihreawmtu ber pawh ‘Lungawi lohna’ hi a ni a, “Pathian laka helna” a ni bawk. Mahni nuna lungawi lohna hian- ‘inawhhlumna te, inchiuhlumna te leh thil tha lo tam tak kahni leh midang te tân a hring chhuak thei’. Mahni nupui a lungawi lohna avangin- ‘hmeithai leh fahrah’ kan tam phah a, mahni pasala lungawi lohna avangin- ‘uirena’ a pun phah. Mahni thil neiha lungawi lohna avangin duhâmna tha lo Corruption a pun phah a. Kan hausa tual tual a, neih belh zêl duhnaah tawlh lûtin kan rilru a châwl lova, rilru lam riltamna lo piângin kan rilru retheihna khurah a tlu lût a. Chutih laiin mhring thinlung chu ‘a aia tam duh, a aia lian duh, a aia mawi leh ropui duh’ a nih tlat avangin a nun a chawl (peaceful rest) lova, a neih tam poh leh a thihni thlengin a rethei dâwn a ni mai.
    Khawvêla mi hausa zinga Millionaire pakhat John D.Rock Feller-a chuan, “Ka sum leh paite hi tam hle mahse lungawina tak min pe lova, ka la duhtâwk loh zia chu; chawlhkâr khatah Dollar thum emaw chauh la lût thin ang lek ka ni e,” a ti! Tin, Millionaire pakhat John Jaccob Aster-a pawhin, “Lei chunga awm zingah mi khawngaihthlâk ber ka ni e,” a ti thlâwt mai bawk a ni.
    Lal Solomon-a, khawvêl thila lungawina leh hlimna zawngtu pawhin, nawmsip bâwlna chi tinrênga a inhman zawh hnuin lungawina a hmuh lohzia chu- ‘mit chu a thil hmuhah a tlai lova, beng pawh a thil hriatah a tlai chuang lova, kâ pawhin a thl eiah duhtâwk a hmu bawk hek lo (Thuhr. 1:8)’ Duh khawp lohna hian mihring rilru leh nun pumpui hi a khawih pilh vek a ni ber mai e. Solomon-a vekin, “Finna a nasat poh leh buaina a tama, hriatna a pun poh leh manganna a pung (Thuhr. 1 : 18),” a ti bawk.
    Anih leh khawvêl thila lungawi theih lohna hi khawi atanga kan neih nge ni le? A chhânna atân hei hi i’n hmang teh ang. Lungawi lohna hi “Adama te nupa atanga kan rochun a ni,” tih Gen. 3:7 thu ah kan hmu: Hetiangin- “Saruaka awm kan nih kan inhriat avangin kan hlau che a, kan bihrûk san ta che a ni,” tiin. He saruak nih inhriatna  vawiin thleng hian kan ta ni chho ta zêl a ni hi!! Duh khawp lohna avangin sum leh pai, In leh Lo leh thamna sâng zâwk duhin lungawina zawngin kan tlân huai huai a, mahse, lungawina tak hmu zo meuh erawh kan la awm lo a nih hlawm hi maw le!
    A nih leh khawiah nge ‘Lungawina’ chu? Matt. 11.28 ah chuan Lal Isuan, “Thawkrim leh phurrit phurte” a hnena kala, lo chawlhtir tura a sawmna leh a nghawngkawl bahpui a nawmzia leh a phur zân zia hraittir a duh thu kan hmu. Natna avanga hrehawm tuarte, Lusûn khawhar mittui tlâk avanga lungngaihna in a tlâkbuak mêkte tân pawh a hman turin a nghawngkawl bahpuiah min sawm a. Isua nnghawngkawl bahpui a, a hnêna an ritphurh nghat tute chu thihna leh tahna ruam thûk bera an thut lai pawhin hlimna thurûk neiin hlimin an khat leh thin.
    Paula chuan Isua nghawngkawl bahpui nawmzia a hre fuh hle. Lungawina li puiah zuanglutin a nun a châwla. Hrehawm tinrêng sawisen rual loh a tawh mêk lai pawhin, “Kei zawng eng ang pawhin awm mah ila, lungawi zel ka ching tawh si a (Phil. 4:11),”


Inkhawm  Programme
SUNDAY  SCHOOL
Tantu : Pi Lalrinsangi   
Zirtlai : “Chhandam hlimnai”  ( Z- 44 )

CHAWHNU INKHAWM
Pastor Bial Fan Programme

ZAN INKHAWM
Pastor Bial Fan Programme

K.T.P  TAWNGTAI INKHAWM
Hruaitu: Nl.Vanlalmuanpuii
Tantu  : Nl.Lalhmangaihzuali
Krismas thlirlawkna : A duh apiang tan.


NAUPANG CHAWHNU INKHAWM     PROGRAMME 
CHILDREN  FOR   CHRIST
Hruaitu :Tv Isaac Lalhruaitluanga
Tantu: Lalrohlui (Junior Dept)
Games : Tv.K.Lalmalsawma
Thawnthu: Nl.R.Vanmawii

YOUTH  FOR  CHRIST
Hruaitu : Tv.F.Lalthanmawia
Tantu : Malsawmtluangi Sac.Dept.    
Thusawi : Pu.K.Zoramsangzela
Games : Pu.C.Lalengkima

SPORT
Ni 3.12.2011(Inrinni) hian Chrildren for christ te chuan Govt.Middle School field a sport neih an tum a, inbuatsaihna kalpui mek a ni a, Naupangte leh zirtirtu te he Sport neih tur ah hian an phur tlang tawh hle  a ni. Sport na tur ah hian Item chi hrang hrang nuam tak tak hman ga a inelna neih a ni dawn a, Group-3-ah inthen a ni . Nu leh paten kan fate lo hriatpui ila a tha awm e.

KTP INKHAWM : JOINT GROUP NITE
A Hmun: Kohhran Hall
Hruaitu: Pu K.Zoramsangzela
Tantu  : Nl H.Lalmuanpuii
Thusawitu : Tv.K.Laltanpuia
 
Solo: 
Nl Lalremchhungi
Nl B.Lalremruati
Tv H.Zirsangliana
 
K.T.P thiltumsawi rual
Buatsaihtu    : Tv Jocab Lawmsangzuala
Audio Quiz
Idol Thlan
K.T.P Award sem
Refreshment .... Refreshment

KOHHRAN HMEICHHIA 
Hruaitu : Pi Rothiangi
Tantu : Pi Laltlanmawii
THUHRILTU : Pi R.Lalpiangi

NILAI  ZAN
Tantu : Pi Siampuii
Thupui: Vanram nun dan tur
Hawngtu: Pi K.Malsawmi

INRINNI  ZAN
Pi R.Laldinpuii

PAVALAI  INKHAWM
Hruaitu: Pu PC. Lianzawna



EDITORIAL
Engtiangin nge kan inbuatsaih le?
     Kan nghah hleh em em Krista pian champha chu kan lo hnaih leh ta hle mai, kan tana inpe ral raih mai Lal Isua piancham pha hmang tur hian engtiangin nge kohhranhote kan inbuatsaih le?
    Kan Inbuatsaih dan inzawt ta theuh ila, athen chuan khawvel thil tak pawhin kan in buatsaih mai thei a ni. Tin, thalai lamte pawh kan inbuatsaih dan a dang deuh mai thei e.
    Kan inbuatsaihna chu eng pawh ni se, Krista lal na leh ropui ber na atana hun hmang turin inbuatsaih theuh ang u. Mi dangte tana malsawmna nih tum theuhin he hunpui kan hman tur hi i hmang theuh ang u. Kan inchhir leh na tur thil kan tih loh nan Lalpa hnena in hlan thar chung zelin he hun pui hi i hmang ang u.
    Tin,Kristian Thalai Pawl lam pawh tunah hian Biak In cheina tur leh kawn cheina tur bungrua dap khawm mek a ni a, kumin chu a hma lama chei tumin kan hruaituten tan an la mek a, he tiang lama kan inbuatsaih thei hi a lawmawm hle a ni. Memberte pawh hnatlang turin lo in ring lawk ang u.
    In lungrual taka kan thawh tlan chuan engmah hi huphurhawm a awmlo tih hria in phei khai zang takin inbuatsaih ang u.

BRANCH   NEWS 
#  Dt 4.12.2011 hian Champhai District Jail tlawha Krismas thilpek pek leh inkhawmpui tura ruahman a ni a, hemi ni hian ktp member atam thei ang ber kal turin kan sawm a, Sunday school banah biak inah thingpui in tur a ni a, inzawh velah a chawhma leh chawhnu inkhawm kar a programme hi hman tur a ni ang. Hruaitu Tv C.Lalengmawia Fin.Secretary. Tantu Nl R.Lalhmachhuani Cmt member, Solo Nl C.Vanlalhriati, Musical Drama Abednego group te hman tur a ni ang, Heng bakah hian Jail lam atangin thusawi tawi beisei a ni bawk. Member te thahnem ngai taka kal theuh turin kan in sawm a ni. Lirthei nei ten kan thawhchhuahpui theih chuan a lawm awm ngawt ang.

#  Branch KTP committee in alo rel tawh angin Dt 19.12.2011 thawhtan zan hian inkhawmah hian sum tuak nan nikhat tha pek bawm dawh tur a ni a, hei hi thawhlawm pangngai piah lama Branch sumtuakna tur anih avangin ni khat thapek atan hian member te lo inbuatsaih lawk ila, kan theih ang tawk theuh a thehnem ngaitlang turin kan in sawm a, tun atangin lo inbuatsaih lawk ila a lawmawm hle ang.

#  Kumin Krismas leh kumthar pualin Biak in kawn chei leh tur a ni a, hemi atan hian Branch comt chuan Sub-Committee te din fel tawhin tunah hian chak taka hma lak chhhoh mek a ni. Vengchhunga mi thahnem ngai leh vengmawina tur hria rawtduh nei kan awm anih chuan Sub-Comt hruaitute hnenah engtik lai pawhin thurawn pek theih reng a ni. He mi atana Khawtlang nu leh pa, VC leh YMa ten veng mawina tur hre chunga kan dilna te min tihhlawhtlin sak a vangin Branch comt an chungah a lawm hle a ni.

#  Kumthar leh Krismass hla zir a hun chho tan leh dawn ta a, member te thahnemngai taka hla zir tur hian kan insawm a, hla zir tur hian kan rilru pawh lo kau lawk ila, atam thei ang berin hla zir kan tum theuh dawn ania.  (KTP te hmalakna tur hrang hrang kan ngah leh dawn hle mai kan thei ang tawka inbuatsaihin tan ila thar zel ang u.)

B.S.I
Life Member
Malsawmzuala S/o Lalkima
Lalbiakmawii W/o David Rualthankhuma
Ramdingliani D/o  Lalhruaia
FAITH  PROMISE
November thla Faith Promise ah Cheng 10525/- (cheng singkhat sanga sawmhnih leh panga) lai mai hmuh a ni a, a lawmawm tak zet zet a ni. KTP memberte kan inpek naah hruaituten lawmthu an sawi mawlh mawlh a ni. Thilpek petu zawng zawngte Lalpan a let tam takin malsawmna in vur che u rawh se.

KOHHRAN   HMEICHHIA 
Ni.25.11.2011 (Zirtawp) zan khan Kohhran Hmeichhe ni Kohhran Hall ah hman a ni a, He hunah hian i tihhlimna chi hrang hrang leh thusawi rualna te neih a ni a, mimal Pahain fakna hla sak pawh ngaihthlak a ni bawk. He hun hmangtute hian hlawkthlak an ti hle a ni.

November Pathian Ram Thilpek
Pathian ram : 51,750.00
Ramthar : 35,465.00
Tualchhung : 70,930.00
Building : 1,20,830.00
Total : 2,78,975.00
 
Buhfaitham : 24,120.00
Thawktu chawmna : 24,440.00
Grand Total : 3,27,535.00
    
Kohhranhote thil pek lamah hma kan sawn zel a, a lawm awm tak zet zet a ni. Lalpa chu fakin awm rawh se.

“Thlarau sal tang chhuah nan Lalpan min au ve. Krista Palai zawngte harhin i thawk ang u..”
 ====================================================================
Editorial  board
EDITOR : C. Vanlalchhuanga

JT. EDITOR : Isaac.Lalhruaitluanga, Zodinpuia

NEWS  EDITOR : K.Lalengzuali

CIR.MAN.: All Groups Asst. Secy.

MANAGER : Lalduhawmi
              







 






      
0 comments | edit post
Vengsang YMA [27 Nov. 2011]
Lalsangliana
MIZO   HNAM   DAN   CHUNGCHANG

The Vengsang  27th   November.:                                              [Chhunzawmna]

Chang 66  : HMEI
Mipa, nupui pawm lai neiin, a nupui tak baka hmeichhe dang nupui angaa a neih hi ‘Hmei’ a ni. Hmei neih hi Mizo nun danah thil mawi lo taka ngaih a ni.

Chang 67 : KUT ZALA TLA
Nupui man ba chu man teltuin ama thuin man ba aiah a batu bungrua lo la sela, ‘Kut zala tla’ ani. Kut zala tla hian man ba aia tlem hu pawh la sela, man ba zawng zawng a tibo. Man hu aia tam lak phei chuan rukru anga ngaih theih a ni.

Chang 68 : REM AR TALH / ARZANGTUAK / REM AR TALH CHHAN
Mizo inneihnaah chuan palai hmangin mipa chhungte leh hmeichhe chhungte an inberem a, man an inhlan a, hmeichhia chu a pasal tur inah a lawi thin. Chumi zan chuan Sadawtin Khawnthiang a dawntir a. An sam zai nga vel ve ve thlang cvhhuakin, chhamphual chungin a suihkaihhlihsak a. Chumi zawhah chhamphual chung bawkin an sam suihkaihhlih chu a phelhsak a. Chumi zawhah mipa ar leh hmeichhe ar a la a, chhamphual chung bawkin buhtlei hman lai ngeiin an zangah a vaw hlum thin. Chutianga Sadawt ar talh cvhu ‘Rem ar talh’ a ni a, ‘Arzangtuak’ a ni bawk. Rem ar talh chuan inremna tur a entir a. Arzangtuak chuan malsawmna a entir.Chutianga inremna leh malsawmna chu Rem ar talh chhan a ni. Kawng dang a awm leh a. Nupui nei turin man pek tur zakhamna takngial pawh nei lo sela, engemaw zat chu a theih huna peka intiamin, innei turin inremna an siam a. Sadawtin mipa ar leh hmeichhe ar chu a la a, chhamphual chungin buhtlei hman lai ngeiin a tlah a; chu chu rem ar talh a ni a, Arzangtuak a ni bawk. Chutianga neih huna man inpek tura intiam/inrem chu Rem ar talh chhan a ni.

Chang 69 : INKAICHHUAK
Hmeichhia pasal sun, a pasal thih atanga thla 3 hnua a pasal laka inthen thianghlimna siam chu, ‘Inkaichhuak’ a ni. Inkaihchhuah hian hriatpuitu, thenawm khawvengte an awm ngei tur a ni. Chutianga kaihhchhuah thian hnu chuan pasal dang nei thei a ni a, mipa lakah chesual mah se uire a ngaih a ni tawh lo. Amaherawhchu hmeichhia, a pasal nena fate nei tawh pasal sun, thla thum hnu pawha inkaichhuak lo chu, Pa dinhmun luaha fate enkawltu a ni. A fate man leh a tu te Pusum pawh a tel thei. Chutiang nu chu Mizo nunah nu dik, nu rinawm,nu thianghlim a ni a; amaherawhchu, mipa danga laka a chetsual chuan uire a ni thung. Pasal sun chu, mitthi chaw pek a ngaih av angin a pasal thih atanga thla thum pumhlum a pasal inah a awm tur a ni a, chumi chhung chuan inkaihchhuah tur a ni lo. Thla thum tih hi ni 90 a ni; chumi chhunga inkaichhuak lui chu chang 75 a sawi angin, ‘Sumchhuah’ a ni.
Note : ‘Pasal in’ tih hian, la indang lova nu leh pa ina awm emaw, pasal pual ina awm emaw,mi in luaha awm emaw, an nupaa an awmna apiang chu a huam.

Chang 70 : MAKPA HNAMHRUAL CHAT
Miin nupui a sun chuan, a nupui chhungte nen an inzawmna a chah tak avangin, ‘Makpa Hnamhrual Chat’ a ni. Makpa hnamhrual a lo chah chuan nupui dang a neih leh hma chuan pawnpui laksak tur a ni lo. An makpa chuan nupui dang neih leh duh sela, a nupui sun taka man chu la ba si sela, a nupui sun taka chhungte chuan, an makpa hluiin nupui thar a neih theih loh nan, sumhmahruai leh mantang pe thei lo khawpin a man bat kha an thing tur a ni lo. Amaherawhchu, a nupui tharman a pek tlak hmain a hluii man a la bat chu a rul hmasa tur a ni.

(Mizo customary law hi kumin a kan chhuah zo hman lo a nih pawhin kumthar lamah chhunzawm zel tum a ni. Mizo kan ni a, kan Society kalphung zawng zawng hruat vek hi kan mawhphurhna a ni e.   Ed.)


Branch  Activities
Hnatlang
Dt. 26.11.2011 zing karah kuang siam a ni a kuang 3 siam a ni in member 10 vel an thawk chhuak. Tin, Dt. 28.11.2011 Thawhtan zing karah hospital road kawng chhe lai siam/thawm tha a hnatlan tur a ni a, member te thahnemngai taka hnatlang turin kan in ngen in kn in hriattir a ni. Mipa in bawngtutlawh leh suahdur ken tur a ni a, hmeichhia in leivung zawnna saiip ken tur a ni ang. Zing hma takah Pu R Lalruala kawt Liana Vengah inngah khwm tur a ni

Khuangchera Section
Hun remchang hmasa berah Section thutthleng rawng hnawih a hnatlang neih tum a ni.

Anti drug squad
Sub-Hqrs. Champhai hnuaia Anti Drug Squad hruaitute chuan Krismas leh Kumthar vuak veta mipui ten hlim leh zalen taka hun kan hman theih nan hmalak dan tur leh duty dan turte an sawi ho. Hetah hian Sub-Hqrs. Champhai hnuaia Branch hrang hrang aiawh koh tel a ni a, kan Veng atang pawhin aiawh pahnih tirh an ni. Ruihtheihthil engchi pawh zuar leh a ruite dim an ni dawn lo tih kan in hriattir lawk a ni.

Halpuah lamchi khapna
Champhai DC charge la mektu Addl. DC leh Addl. Magistrate R. Zarzosanga chuan Thawhlehni khan Cr. PC Section 144 tlawhchhanin khapna thupek a chhuah a. Champhai District huamchhunga mipui leh nunau him nan leh thlamuang taka Krismas leh Kumthar kan hman tlan theih nan Halpuah leh Halmawi chi reng reng zawrh leh hal a khap a. He thupek bawhchhia chu Dan hmanga hrem an nih tur thu sawiin he khapna thupek hi chhuah a ni atanga thla hnih chhung hman tur a nihthu a tarlang bawk.

Lawmthu sawina
Kan fapa Lalkrosthanga’n (44) Ni  8.11.2011 a min boral san chungchangah Vengsang Branch YMA in kawng tinrengah min buaipui a, vengchhung nu leh pa, nula leh tlangval leh mi tlawmngai tak tak ten kan harsatna min hriatpui a tha leh zung in senna zawng zawng ah thinlung takin kan lawm in kan hre reng a; engti kawng mahin kan rul seng lo che u a, in mi hmangaihna leh duhsakna zawng zawng te kan phu lo in he chanchinbu kaltlanga lawmthu kan sawi na hi in zavaia hnena kan lawmthu sawina a min pawm sak hram turin kan ngen a che u. LALPAN a let tamtakin malsawm che u rawh se.
 
In khawngaihna dawngtu
C. Lalrema te chhung
Hospital Veng, N Sec.


Tualchhung
Ni za inhlawhna
Ni 100 inhlawhna ni riat chhuak chu dakin lam inpeih velah rang taka sem tura ruahmanna siam  a ni tawh.

Vengchhung mipui te hriattirna
 Krismas leh kumthar thlamuang taka mipui te leh nunau ten kan hman theih nan leh dan in akhap angin halpuah leh halmawi chi reng reng vengchhungah hal leh zawrh khap tlat ani a thu pek zawm lo leh tilui in awm anih chuan dan anga hrem zel tur a ni.

Kangmei leh faina
       Khua alo thal leh hmun tin a ro leh ta hle mai. Kangmei laka mitinte fimkhur tur leh mahni ram leh huan halte pawhin kangmei chhuah lo tura fai taka meilam phiat fai hmasa zel tura ngen kan ni. Huan nei lo pawhin mahni in leh avel te fai tak leh uluk takin i vawng theuh ang
     Tin,  kan tui tlan lai te thianghlim tak leh fai taka vawng theuh turin kan in ngen a, hei hi abikin Tuikhur a Motor sil leh Insuk / inbual nana hmang thinten kan hrethar leh dawn nia.

ZUALKO
    Pi Bualthangi kum 88 M/o Pu Hauthuama, Khuangchera Section, Industry Complex thlang ami chu Dt 21.11.2011 zan dar 8:00pm  khan an chenna inah a boral.
    Tin, Pi Rosangpuii kum (27) Pu Lalngenga fanu K.Sec chu Dt 22.11.2011 zing dar 7:00am khan khan Aizawl Civil Hospital-ah thisen cancer avangin a boral bawk. A tuk Ni 23.11.2011 khan ka veng lo panpuiin zan dar 8 :00pm ah rawn thlenpui a ni. An pahnih hian Vengsang thlanmualah Hospital road ah vuiliam an ni a.  Khawhar chhungte kan tuarpui tak zet a ni. Tin RS-i hi kan Veng YMA tana mi inhmang thin tak, khawhar in kal taima leh hla hrilhtu ni thin a ni a, a mimal takin ka ui takzet  a ni.

Ran khuahkhirh zel ang
Khawlai a ui leh ar khuahkhirh loh te hi thenawm te leh midang te tan an hnawksak in an ninawm hle a, mitin ten kan ran vulh te tunai hian khuahkhirh leh zual thei ila alawmawm hle ang. Tin kan fa te kan hma Krismas thleng turah  khauh takin i thunun theuh ang u. YMA man mualpho chu thil zathlak a ni si a.

Chhiattawh chunga lawmthu sawina
Ni 21 .11.2011 zan dar 8:00pm a kan nu Bualthang’n min boral san chungchangah lawmthu sawina tur tam tak a awm a. Kan damloh laia min enkawl sak tute leh a boral thleng a thahnemngai taka min awmpuitute zawng zawng chungah kan lawm takzet a; kan mualphona tur zawng zawngah Vengsang Branch YMA atul apiang min thawhsak a, min tanpui bawk. Thahnemngai taka YMA in min tanpuina avangin kan lawm takzet a ni.

 In khawngaihna dawngtu,
Hauthuama te chhung
PHE Veng, K Sec

ZAWLAIDI  LEHTHEIH  TURIN PEKCHHUAH  A  NI  TA 
    Grape chingtute thar chhuah atanga siam chhuah Zawlaidi WIne chu nimin khan Tlangsama Winery atangin vendor ten mipui lei theih turin an la chhuak ta.
    Champhai Tlangsam a Winery ah hian kuminah Zawlaidi case 2080 siam chhuah a ni a, nimin khan Champhai Bethel kawna mipui lei tura zawrh chhuah tur leh Khawzawla zawrh turte chu pekchhuah a ni ta a, nimina latute hian case 160 an la chhuak a. Zawlaidi hi Winery atangin vendor te hian Rs. 130 in an la chhuaka , sawrkarin a rate a siam angin CHamphaiah chuan um khat Rs. 186 a hralh chhuah tur a ni a, Khawzawlah hian Rs. 187 a ni thung a. District hrang hranga Zawlaidi hralh chhuahna rate chu hetiang hi a ni : Aizawlah Rs. 193; Lungleiah Rs. 195; Serchhip 192 leh Mamit ah Rs. 194 te a ni.

Veng  Mipuite  ngenna
     Kumin hi tunhnai kum liamta thlira chanchinbu man la luh chhiat ber kum a ni hial awm e. Tunah kan herna man CK Offset a kan thla 3 bâ cheng 6450 lai chu kan pe tla thei hram a, tuna kan sum ballance chu cheng 400 chiah a ni ta. A luhai thlak takzet a ni. 
    Kan chanchinbu man pe mumal lo te  Ni 100 hlawh atanga  cut ve mai kan rel a, hei hi khawngai a veng mipuiten min hriatthiam kan duh takzet. Kan hma thla 3 la awm tur atan kan intuakna tur a ni.

EDITORIAL
MAHNI  INBUMNA?
       Kum 10 kalta ah khan eiruk hi suala ngai chungin lo ti ta ang ni la,  Sual ngawih ngawihin i inhriat phah ang. Sim lovin tun thlengin chhunzawm zel la, eiruk chu sualah pawh ngai tawh lovin tihphung pakhatah i ngai ang a, suala inhriatna pawh i nei tawh dawn lo tihna a ni. Eiruk sualna chu a ngai reng a ni a, kum 10 hnuah thil tha a ni thei chuang lo. Mahse, i ngaihdan zawk kha a inthlak tak avangin suala inhre thin khan sual lovah i inngai ta mai tihna a ni. Chutiang mi chuan, sual sim si lovin sual tehna an thlak a, sual dan ngai renga sual chungin kum 10 hnuah mifel niin a inhre ta tlat mai a nih chu!
       Mi thenkhat chu, fel tak tak miah si lovin, mi fel lem an chang thiam tial tial thei tlat!   Zing thawh tawngtai leh zan mut dawna tawngtai inkar zawng hian mi fel lem a chang ta ngat ngat mai a. Chhungrilah a fel tial tial miah lo, pawn lamah erawh chuan mi fel tihdan a entawn thiam tial tial a, a pawnlang hmutute chuan A va fel sawt em!    an ti a. Chutia kum tamtak a beih hnu chuan, a  lemchan chu amah chuan tak tak emaw a ti a, sual sim chuang miah si lo hian, mi fel tak tak emaw a  inti mai thin. Chutiang mi chu pawn lamah hahdam tak angin lang mah se, chhungrilah a hah kumkhua ang a, mi fel lohna zawn ching tak a ni bawk ang.  Chuvangin, mahni inbum ai chuan mahni inhriat a fing zawk. I inhriat danin i derthawng tial tial nge i ngelnghet tial tial?  Taksa hriselna mai piah lamah, Pathian hriatnaah te, hringnun zinkawng  chhenfakawmna hriatfiahna chungchangah te, i fiah tial tial nge i bo tial tial?
      Kum khatah vawi khat tal he zawhna hi i inzawt ngai lo a nih chuan mahni dinhmun inhre chiang lo takin i hun tamtak i hmang dawn tihna a ni. A hlauhawmzia i ngaihtuah thiam em? Kan zin kawngah hian mahni car theuh khalhin hma lam panin kan tlan a. Kan oil leh tyre dinhmun te chu, kan zinchhuah tirha mi ang kha a ni thei tawh lo. A khat tawka endik a ngai a ni. Kan engine dinhmun hi mi dang min hriatsak tur a ni lo (driver rawih theih a ni si lo!) he car chhunga chuang chunga khalhtu, keimahni ngei hian Pathian rawn chingin a khát tawka kan endik a ngai a ni.

TANPUINA   PE  DAWN
Champhai-a Facebook hmangtu pawl Champhai Blog member te chuan Krismas lo thleng tur puala miharsa tanpuina pek an tum a, tunah hian thawhlawm an khawm mek. Champhai Blog ah hian member 730 chuang an awm mek a ni. Sum pawh engemawzat chu thawhkhawm a ni tawh bawk. Hetih lai hian kan veng VENGSANG  FACEBOOK te pawh hian tih ve a tha hle mai. Kan veng rethei leh harsa zual (Mi hnawksak lo,taima leh  tanpui tlakte) te Chrismas carol sakte pawh a chakawm hle mai. Admin (Pu?) Robert-a leh Zosanga te khan ngaituahna lo hmang teh ukhai. 

Englo  huang
:)  Ka Monu kekawr ipte ka vuahsak a, akap hma lamah ipte kan vuah vah mai chuh.. Sorry ltukss -Pi Ruati  YMA hall bul

:)  Kei chu hmun dangah ka leng tha peih lo,thenawm ah hian alo tui theih khawp mai.              
-Patea T Sec.

:)  Vice principal meuhin Uchawi min tih chinah chuan lu phut kan hiat til ur ur mai alawm.....      
-Chawia  N.Sec
 
:)  Fa te awih mut hma a nupui te kheuh kheuh chu faten tih dan an zir an zir mai dawn alawm le.
-Sawmtea N.sec
 
:) Krista pasaltha team a athlawi rual han in hmuhkhawm tak thap thap mai chuh. Ropui dangdai tak a ni.
-Rsa, Zrcha, Lawmkima V Sec., Hruaitea N Sec.
 
:)  Ka pa ka room kan zauh ta bawka engtin nge ni zel dawn?
-Valtea V. Sec


====================================================================

Editorial  board
Editor    :      Lalsangliana     

Jt. Ed.     : H. Remsanga    

News Ed.  : Zodinsanga     

Cir. Manager:  All Section Asst.Secy. &  PC Lianmawia Keifangtlang                        

Manager: R.Lalchhuanawma

 



 

0 comments | edit post
Vengsang YMA Chanchinbu ( 20.11.2011)
Lalsangliana
Vengsang Branch YMA Executive Committee  Vawi 12-na neih a ni.
The Vengsang  20th   November.:
 
Vengsang Branch YMA Executive Committee tun kum a Vawi 12-na chu Dt. 15.11.2011 (Tuesday) 6:30 PM khan YMA Hall Committee Room ah thutkhawm ani a, Committee hi Pu Hmingthansanga President Vengsang Branch YMA in kaihruaiin, Tv. K. Vanlalenkawla Committee member in hunserh hmangin Tv. F. Lalthanmawia Treasurer Vengsang Branch YMA in sum dinhmun tlangpui leh YMA General Conference 2011 Kolasib a hman zawh tak report tlangpui pe in, Committee Member 20 kalin  an rorel tlangpui mipui ten kan hriat awm te

Rorel  1-na :   
Vengsang Branch KTP ten Biak In kawn chei tumin Vengsang Branch YMA ah tanpuina an rawn dil a Rs. 1000 (Chang sangkhat) a tanpui nise an ti.

Rorel  2- na :
Sub-Hqrs YMA Champhai Kumpuan Sub-Committee in kum 2011 chhunga mahni branch huam chhunga zirna in hrang hranga Kumpuan ‘Khawtlang Nun Siamthat’ hmanga Awareness Campaign neih tur atih chu Branch OB ten lo ngaihtuah se a remchan dan angin hma la turin an ti bawk.

Rorel  3-na :
Kuang siam dan chungchang rel a ni in kuang siam nan hian thingphel a to leh avan tak avangin kuang siam nan hian Plyboard leh thingphel hman kawp tawh thin nise an ti.

Rorel  4-na :
YMA No lei dan tur chungchang relin YMA No hi tuna kan hmanlai hi thlak vek nise an ti a, no hi tuna kan hmanlai ang YMA No ang hi lei nise an ti bawk.

Rorel   5-na :
YMA Hall  Committee Room chei dan tur sawiho a ni a Committee Room  chhuat ah Floortile a chei/phah nise an ti a, a tul leh pawimawh chu Branch OB ten lo buaipui se an ti. 


Central  YMA  News
    Ni 14.11.2011-a Central YMA OB thukhawm chuan Pu Vanlalenga Sailo, Tlangnuam in Property Sub-Committee Secy , a chenna hmun a sawn dawn avanga a phatna chu pawmin a aiah  Nl. Irene Lalruatkimi, Tlangnuam Branch chu Property Sub-Committee Secretary atan a ruat a, kum 2011-2012 chhung atan CEC Member a ni.
    Assam Rigiment (Mizo Tlangval) pathumte Garmura (Assam)-a Assam Police ten an lo sawi sak chu Central YMA chuan a dem takzet a, Central YMA chuan a demna thuchhuak a siam (Download theiha dah a ni)
    Ni 16.11.2011 khan YMA General Conference thurel bawhzuina "Labour Law kan neih ang angte kenkawh kawngah Sorkar-in chak zawka hma la turin Central YMA-in ngen rawh se" a tih angin Labour Minister Pu Lalrinliana Sailo chu Central YMA OB ten a Office-ah an kawm.
    Mizoram Governor-in NGO te lenga a sawm angin Ni 17.11.2011 khan Raj Bhawan Durbar Hall-ah NGO hruaitu te nen an inkawm a, Central YMA OB te pawh an tel a, ramngaw leh nungcha humhalh kawngah leh tuihna humhalh kawnga MA hmalakna ropui a tih thu Governor hian a lo sawi nghe nghe a ni. Tin, Halpuah, Naupang silai lem zawrh leh hallo tura mipuite ngenna Central YMA-in a ti chhuak.


BRANCH   ACTIVITIES
OB Meeting :
Dt. 17.11.2011 (Thursday) zan khan Pu C. Chalthanga te inah Branch OB inhmuhkhawmin  Committee thu bawhzui ngai te leh tul dang te sawiin an thukhawm.

Thuthleng tur thingphel :
Branch Executive  Committee in thuthleng a tlem tak avangin in thuthleng siam a rel angin tunah hian YMA thuthleng tur Teipui thing Selam ah zai tir mek a ni a, an zai zawh veleh va phurh angai dawna YMA Member te hnatlang turin lo inrin lawk tur a ni.

Kan Hall alun hle:
Tunlai hian kan YMA hall alun hle a Dt. 17 leh 18.11.2011 khan Serchhip Higher School Science zirlai 50 bawr velin riah nan an rawn hmang a, nizan Dt.19.11.2011 nimin atang khan tunkar chhung zawng T. Romana College zirlai ten an rawn hmang lehin, tunlai hian kan hall alunin hetiang ang hall hman theih kan nei hi Pathian malsawmna liau liau a ni.

Zin mek:
Pu Lalrinsanga Branch Fin. Secretary chu Aizawl lamah a thang mek. YMA No tur leh Committee Room chei na tur Floor tile te rawn hrechiang in, hun remchang hmasa berah lei tum a ni. Dam taka alo haw leh thuai kan beisei.

Vanapa Section :
Tun Nilaithawhtan (17.11.2011) khan Serchhip Higher School Science zirlaite Study tour leh chuan intihhliamna ni pah fawmin  Rildil an rawn kal a, YMA hall an rawn thlan tlai hian Vanapa Sectionte Inhlawhna siam in eirawng an lo bawl sak a. He inhlawhna siam saktu leh sum thahnem tak petu Serchhip Higher School te chungah Vanapa Section chuan lawmthu a sawi mawlh mawlh a ni. Tin, remchang hmasa berah Section intih hlimna neih an tum bawk.



Tualchhung
Veng mipuite  ngenna
Mizoram Sorkar chuan kum 2011 Krismas leh Kumthar 2012 vuakvetah Halpuah leh Halmawi zawrh leh hal a khap a. Halpuah leh Halmawite hi mihringte tana tangkaina nei lo, hriselna tichhe thei, a lo thlawna sum tam tak sen ralna a nih bawk avangin, Central YMA chuan mitinte Halpuah leh Halmawi zuar lo tur leh hal lo turin a ngen a, mahni theihna zawn theuhva hma lo la turin min ngen a ni. Tin, Silai lem a mu kahchhuah theih naupangin an hmang thin hi Central YMA chuan tha lo a ti bawk a, heng silai lem hi mi tam takin chhiat phah nan an hman tawh avangin, kan fate lei sak lo turin nu leh pate min ngen bawk.

AIDS / HIV  inzirtirna
Nimin Inrinni (19.11.2011) khan Vengsang Presbyterian Kohhran hall-ah Conservative Seminar neih a ni. He Seminar ah hian YMA aiawh  Vengsang  VC  leh kan venga  Presbyterian Pastor bial Kohhran pathum (Hospital veng, Ramthar, Vengsang) atangin Kohhran Committee aiawh, KTP aiawh, Kohhran hmeichhia leh Pavalai aiawh te sawm an ni. He Seminar hi Dr. Sanghluna (Durtlang) leh a hote huiahawt a ni a, AIDS chungchang thu ngaihnawm leh bengvar thlak tak tak leh hriselna lamte ngaihthlak a ni. Tlai lamah Kohhran in chawhlui a buatsaih sak a,  akal ten hlawk an in ti hle.

Shawl bo zawnna
Pathianni hmasa kalta khan zan inkhawm nana ken Shawl a rawng pawl-eng leh a hring tihbo palh a ni a, alo chhar chuan  Pi Siami w/o Pu Sanglawma PHE Veng hnenah pe leh tura ngen i ni e.  A tihbina lai chu an In inkar leh Ramthar Preby. Kohhran Biak In inkar ah a ni e.

I sim mawlh ang u
Politics hmang a Champhai nitin chanchinbu lama Veng hming lang zawnga SMS thawn hi Veng mulaphona a ni. Politics hi kan tui tur a ni,  mahse a ruihchilh leh party dangte hêk zawng chuan om hram loh tur a ni.



SAWRKARIN  ZAWLAIDI  MAN  A  TI  HNIAM  LO
Champhai District Grape Growers` Assn. in Inrinni kalta a Zawlaidi siam chhuah sa grape chingtute hnena hralh an tum chu Champhai DC leh hotu dangte nena an inbiak hnuah an thulh a, November ni 17 thleng Sawrkar ngaihchan leh rih an sawi. Sawkarin Zawlaidi man a tihhniam duhloh lantirna`n Inrinni khan Grape Growers Assn. member thahnem tak TLangsama Grape tui sawngbawlna hmun ah an phungkhawma . Zawlaisi um lak chhuaha baa grape an lak sakte hnena Um khat Rs. 133 zela hralh an tum a. Police leh Excise  Official ten Winery hi kharin an lo dang a. Champhai DC Vijay Kumar Bishuri leh SP  Pu C. Lalthanmawia te an thlen hnuin Grape Growers Assn hruaitute nen an inbia a. District  thuneitute chuan Excise Minister-in Zawlaisi man chungchangah inbiak leh nise a tih thu an  hrilh hnuah an tin darh ta a ni. Grape Growers` Assn. hruaitute chuan tunkar ningani thleng sawrkar ngaihchan leh nise, an ti a. Thawhtanni hian Assn. hruaitu thenkhat sawrkar be turin an kal ang a, an kalna
senso hi Champhai DC in a tum dawn a. Tunkar Ningani thlenga sawrkarin a chinfel loh chuan District thuneitute`n dang bik tawhlo se tiin thu an sawi ve niin
Grape chingtute President B. Remmawia chuan a sawi. An thutlukna te:

1. Zawlaidi rate hi Rs.133/- bottle a nih theih nan sorkar in a rate hi Dt.17.11.11 hma  ngeiin min siam sak rawh se.

2. Kuthnathawk a grape chingtu ten kan grape atanga kan siamchhuah wine rate  kan siam theih nan Mizoram Excise & Narcotics Wine Rules sorkarin min  siamthat sak rawh se.

3. Zawlaidi aia alcohol sang zawk Myanmar atanga lokal Sozu (20.1% v/v) leh  Haidi (16% v/v) leh beer chi hrang hrang leh zawlaidi lem nasa tak leh zalen  taka hralh chhuah mek hi sorkar leh Kohhranin khuahkhirhin hma la rawh se.


Sub-Hqrs. YMA  CHAMPHAI
     Champhai Sub- Hqrs. YMA hnuaia Anti Drug Squad  te chuan sap zu um puitling local zu leh BEDC thahnem tak an man. Nilai zan 16.11.20100 dar 10 vel New Champhaiah Local siam zu Rs. 700 man hu vel an man a, hemi hnu dar 10:30 vel khan an thudawn bawhzuiin Vaihmunah sap zu um puitling 163 an man leh bawk a, hengte hi Mc Dowell`s um 156 leh SP Black um  te a ni a, McDowell`s hi almairah a dah niin SP Black hi ceiling chungah thuhruk a ni bawk. Zu an manna inah hian naupang chauh an awm avangin a neitu hriat chian a ni lova, tunah hian chhui zui mek a ni a, Nimin piah zing dar 5 vel khan Anti Drug Squad te hian Myanmar atanga hlawhfa in an rawn phurh sap zu um puitling 24 leh BEDC litre 42 an man leh bawk a, a neitu hi chhuizui mek a ni bawk. Kar liamta an an man zawng zawng hi hlutna chu  Rs. 1,32,150 man hu vel a ni.               
    Tin, Zirtawp ni khan Tlangrawtah Comt. neih a ni a, Internet-a  news  an dahluh ngailoh avangin karleh ah tihchhuah a ni ang.



Veng  ‘BER’   thlanna
 Kan Veng chhungah mi ‘aber’ kan tih  SMS  hmanga thlanna siam tum kha thlangtu  mumal  an awm dawn lo ni a alan avangin a hun chu tiam chin awm lova sawn hlat a ni.  Tlawmngai leh mahni veng History pawh hre lo khawpin kan awm te a nih chuan in ennawn a hun takzet, khawtlangah kan in hmang lo hle tih a lang tlat mai. Tin, kan Veng rau rau ah pawh tlema hawisang chinte ngaihdan Facebook Vengsang ah pawh ngaihhlut a hlawh lemlo!! Kan thangtharte hmalam hun mawlh hi a veiawm. Thu leh hla chu thu hran, tun dinhmuna kan nule leh tlangvalte  hawiher thlir hian tun atanga kum 7 hnu lamah chuan engang takin  VENGSANG hi  hruai tak ang maw???

ENGLO   HUANG
Kan chanchinbu buaisaihna a harsa lai ber chu ‘Englo huang’ hi  a ni. A ngai in kah vak vak a ninawm rualin a ngai lo kah tur kan hre ve si lo. In thawh loh chuan a hranpa a ngaihtuah vak kan tum ta lo mai
- Editor

Editorial
HLUT-NA
     Thil engkim mai hian hlutna an nei theuh a, hlu lo reng reng an awm lo tihna erawh a ni lo!Hluna reng reng nei lo ni awm tak,hlu lo mai pawh ni lova hnawksak zawk tlat an awm thin.Enge a chhan ni ta ang le?Hlutna nei theuh theuh hlu vek awm tak?A ni reng lah tak a,hlu vek sela chu he thu hi ziak lovin ka mu mai mai ang a, ka hahdamthlak zawk tur....tiraw?
    Hlutna hi mawinaah te, sum-paiah te, ropuinaah te, changkannaah te, thiamnaah te hian a awm ngawt lo va. A man tam tam (to to) hlu lah a ni na hek lo. Hlutna awmna chu nihnaah a ni. Thil reng reng hi a nih dan tur ang taka a nih hian a hlu a, a mawi a, a zahawm thin. Nihna chu mawh-phurhna hlenchhuahnaah a awm. A nih chuan hlutna awmna chu mawhphurhna hlenchhuahnaah a ni a tih theih ang.
    Kan duh reng vang ni lovin, mihringa kan lo pian vang hrim hrim zawkin tihhlawhtlin tur mawhphurhna kan nei a.Tui taka kan muthilh lai emaw, tui vak lova kan mut lai te pawh hian chu'ng mawhphurhnate chuan min delh betin min uap reng a ni. Kan hlut lehzual nan ti hian inhan in ngaihtuah lawk i la..Eng hun nge ka tawng? Mi thinchhia nge ka nih a, mi zaidam? Enge ka tuizawng ni a, enge ka tih theihzawng? Pawisa hman sen loh khawpa nei mi hausa ka ni em? Ramhuai be mai mai nge ka nih a, Pathian nung betu? Eng kawngah nge ka ram leh hnam hian min mamawh?.....etc. tihte hi hriat chian a tul a. Chutianga mahni inhriat chian a,mahni hma lam kawng thlir thiam, mahni tihtur dik tak hmu fiah thei,mahni tih loh turah inrawlh lo mi nih chu a tul. Mahni inhre chiang lote chu mihring hlu an ni ngai lo.Puitling si naupang chhe awma awm, hlawhtling si lo hlawhtling  thawka thaw, thiamna nei si lo mithiam lena leng, nei si lo nei awma awm,hre si lo hre ber anga insawi thinte hi mihring hlu an ni ngai lo va,mi hnawksak an ni zawk. Ni e, mahni hlu zual turin hun hmang teh ang.




EDITORIAL   BOARD 

Editor    : Lalsangliana      

Jt. Ed.   : H. Remsanga   

News Ed.: Zodinsanga

Cir. Manager:All Section Asst.Secy.& PC Lianmawia Keifangtlang                        
Manager: R.Lalchhuanawma  
Labels: 0 comments | edit post
Vengsang YMA chanchinbu
Lalsangliana
MIZO   HNAM   DAN   CHUNGCHANG

The Vengsang  13th   November.:                                    [Chhunzawmna]

Chang 60 KHUAL-KAI :
Nulain khaw dangah pasal a neih chuan ‘Khualkai’ a ni.

Chang 61 CHHUATKIL KAI MAN:
Hmeichhiain a laichin bul ni lo, midang in atangin pasal nei sela, a in neitu chuan chhuatkil kai man tlai, pa chan atangin a tel thin. Sumchhuah leh uire vanga inthenah chhuatkil kai man chu a chhuak ve tur a ni lo.

Chang 62 NUPUI MAN INKHALH :
Unau inkara upa zawkin man pe tla lovin nupui nei sela, a nupui pa chuan inneih dawnin, “I nau Sialin ka khalh e”a tih chuan nupui man inkhalh a ni. Chutiang a lo nih chuan a nauvin nupui a neih ve hma ngeiin a u nupui man ba chu a pe hmasa ngei tur a ni. Man inkhalhna hi pe tla lovin a nau nupui man pe sela, man inkhalhna Sial chu a nau nupui man tur atang chuan a khalhtu chuan a laksak thei.

Chang 63 CHARSUTPHAWI :
Tlangvalin nula unau zinga a naupang zawk emaw, a naupang ber emaw, a u te pasal neih hmain nupuiah nei sela. Charsutphawi a ni. Charsutphawia inneihnaah chuan hmeichhe man tlaiin a pung thin. A upakhat aia tam pawh neih khalh se, a man punna chu tlai aiin a tam thei chuang lo. Hmeichhia chuan sum a chhuah pawhin Charsutphawi man hi a chhuak ve lo. An makpa chuan nupui dang neih
leh duh sela, a nupui sun taka man chu la ba si sela, a nupui sun taka chhungte chuan, an makpa hluiin nupui thar a neih theih loh nan, sumhmahruai leh mantang pe thei lo khawpin a man bat kha an thing tur a ni lo. Amaherawhchu, a nupui thar man a pek tlak hmain a hluii man a la bat chu a rul hmasa tur a ni.

Chang 64 THISEN PAL :
Hmeichhia fa nei emaw, nauchhiat emaw chu, ‘Thisen pal’ a ni. Hmeichhiain sawnpaiin, a sawn paina chu pasalah nei sela, inneih hmain anmahni inah a hring emaw, inneih hnuah a pasal inah a hring emaw, thisen pal a ni. Hmeichhia, a pasal laka thisen pal lova a thih chuan man ba a bova, thisen pal erawh chuan man ba a bo thei lo. Rai lai mek ni sela,thisen pala ngaih a ni.

Chang 65  SEBO MAWH :
 Innei lova nula leh tlangval kara fa a lo pian emaw, a lo pian hma pawhin, sawn man pek a nihin emaw, pek a la nih loh pawhin emaw, nula leh tlangval chu an inneih leh chuan mipa lamin man pangngai bakah Sebo mawh,Tlai(Sawn man chanve) an pe tur a ni. Sawn man pek tawh a nih chuan tlai chu Sebo mawh niin,fanghmano eia ei tur a ni a, a chanve dang erawh chu man puiah rin nghal tur a ni. Sawn man la pe lo an nih chuan man pangngai bakah fanghmanoeia ei turin Sebo mawh ‘Tlai’ a pe tur a ni.        [Chhunzawm zel  tur a ni  Ed.]


Branch  news
YMA Hall hmang
Kar kalta Ni 9.11.11(Nilaini) khan Horticulture ten sunhlu chungchang training nan an YMA Hall an hmang a. Tin Vengsang branch KTP ten Ni 11.11.11 a one day hotel an buatsaihah YMA thleng 200 an hire tih Property Sub Commitee lam atangin thu kan dawng.

Branch  Committee
Kar hmasa a Branch YMA Exe. Committee koh kha Veng chhungah chhiat tawk an awm avangin thulh a ni a.  Ni  15.11.2011  Thawhleh zanah YMA Committee roomah branch comt. kohna sawn hlat a ni. Exe. member kohna hmulo palh kan awm a ni chuan chanchinbu hi kohna a ngaih tur a ni.

Mikhual thleng dawn
Karleh 14&15 zanah khian Serchhip Higher Secondary school te chuan study tour an neih turah riahnan YMA hall min rawn dil tih thu kan dawng.

Neuva  Section
An Section huam chhungah member thar duhawm tak 3 an neih belh. Tunkar hun remchang hmasa berah Section Committee koh tum a ni a, Comt. memberte kim taka kal theuh tur a ni.

Kumdang aiin YMA khauh dawn
Kan hma mai chrismas lo thleng turah Phone hrui leh huan thlai a bo nasat em avangin Branch YMA chu kum dang aia nasa zawkin Vengchhung Venhim atum a, misual leh kawhmawh bawlte dim a tum lo. Memberten i thlawp vek ang u.

In luah chung chang
Veng chhunga In luah tur nei ten In luahtu tur chungchangah fimkhur theuh turin kan in ngen nawl leh a, a bikin hnam dang mi luah tir lo tur leh YMA leh V.C pem lehkha mumal tak leh belhchian dawl tak nei lo phei chu luah tir reng reng lo turin kan in hriattir nawn leh a ni.


Tualchhung

VC roll-a inthun thar duh tan 
Kan Veng mi leh sa dik tak, VC roll a thun hmaih palh leh in thun thar duh kum 18 chin tling ngeite tan dilna a VCP hnenah athehluh theih e. Dilna hi naktuk thawhtan thleng hun hawn a ni ang.

NLUP sum lak theih leh ta
NLUP-ah Horti Dept. hnuaia dawng tute chu an secount ah sum dah sak an ni tawh a. SDHO Office ah in report a, tul angte tihfelin 2nd installment lak theih a ni ta. Tin, thu dang deuh, DC Vijay Kumar Bidhuri chuan VC te hnenah hraittirna pein Hmar raltlan te Ration Card lo siam sak lo tur leh E/Roll a thun lo turin a hriattir.

Ninawm an ti hle mai
Ar chhuah hi dan khap tlat a ni a,tun lai hian veng chhung hmun hrang hrangah Ar khung lova chhuah in awm a, huan thlai an tih chhiat mai bakah thenawm khawveng tan an hnawksak in an ninawm hle a.  Mitin ten mahni rante khuahkhirh theuh turin kan in hriattir.

ZUALKO
Lalkrossthanga  kum 44 s/o C. Lalrema Hospital Veng acheng chu thisen sang leh zunthlum natna vangin Ni 8.11.2011   Thawhleh zing 6:45  khan a boral. Amah hi  kan YMA member pui  a nih ang in lenkhawm zan thumnaah YMA hming a ralna pek a ni. Khawhar chhungte kan tuarpui takzat che u a, in hma hun  awm zel turah  Lalpan veng in kaihruai zel che u rawh se.

Ui chhar a ni
Uite tibo kan awm chuan a nihna leh a rawng dik tak sawiin Pu Lianlunga Rahte Vengah ngaihven thei a ni.

Luidung nungcha
Champhai Sub-Hqrs. YMA Coordination Comt. thukhawm chuan Sub-Hqrs. YMA huamchhung lui dungah Nghafuan ven an khap a nih kha. Heng baka hian kan Veng YMA chuan Chakai tûr phul  leh Dynamo a Sangha hawlh a khap tlat.  A ti thin te chuan sim a hun ta e. Tun achinah a titu YMA  in hriat kan neih leh  phawt chuan mualpho takin Chanchinbua an hming kan tarlan bakah thuneitute kutah hlan zel an ni tawh ang. 

Zawlaidi   chungchang
       Champhai Grape Grower Society chuan zawlaidi hralh chhuahna man tur nikuma anhralhna  pangngai Um khat Rs. 133 tal ni leh tura vawi tam tak Sawrkar an dawrna chuan awmzia a neih loh avangin Nov. 10 thleng hun an pe leh a, Sawrkar-in thuthar a neih zui tak loh avangin Winery-a Grape petute hnenah an pawisa bat chu a bottle in an pe chhuak dawn ta a. Tuna kan chanchinbu buatsaih lai  Inrinni (Nov. 12) hian Tlangsam Winery-ah a bottle in pekchhuah tumin Grape petute an ko mek.
         Champhai Grape Grower Society hotute  chuan September ni 10, 2011 atang khan  ‘Zawlaidi’ hi hralh tur an nei tawh tih an sawi a, tunah hian case 2000 chuang hralh tur an nei mek  bawk. Zawlaidi hi a tirah khan um khat Rs. 133 a la in, Rs. 170/- in hralh a ni a. Hetihlai hian Winnery siamtute chuan a rate hi tha tawk lo an tih avangin tisang turin sorkar an nawr ve reng a. Congress Legislature Party thutkhawmnaah pawh a rate pangai aia Rs. 5/- a sanga  la tura rawt a lo ni tawh niin Winery siamtute chuan an sawi a. Mahse September ni 7 khan  a rate bituk thar chu sorkar-in tichhuakin, Rs. 102.38 -a lak turin a bithliah ta a ni.

Huanram  leiduh tan
Thlangtlak  mualah huanram chhungkaw rokhawlhna avangin tihral duh a ni a, a leiduh  chuan Phone No.  *** (A duhte tan kan veng mi zawhfiah tur a ni Phone no. hi security thil ah thup rih a la ni e.. Ed.)  ah hian englai pawh in biak  leh zawhfiah theih reng a ni. Aman pawh inbiak remna ang a  ni ang.

YMA  ngaihdan
£ Vengsang huam chhungah hian chhungkua 654 awm angin kan lang a, mahse a awm tak hi chu Chhungkaw 620 vel bawr kan ni. Mitthi an awma In khata No khat zel khawn anga chhut hian No 600 vel tal khawn khawm tura ngaih a ni a, chu chu Quintal khat leh achanve vel a ni. Mahse mitthi an awm in hetiang zat hi khawn tlin a ni ngai lo NUPA TANGTHEN ah phei chuan hemi let thawk hi a ni. Chuvang in hemi chung changa mawhphurtu te hian tan lak kan va ngai em.  -
-Vice president  VS  YMA
£ Christmass te a hnai ta hlse mai a, Vengchhungah ruih hlo leh a kaih hnawih in min chiahpiah loh nan mitin ten tan la theuh ang u......     
-Harhfima

[‘YMA ngaihdan’  hi aduh apiangte tan thawh theih a ni a, Mahse nakum mai hi VC inthlan a nih tawh avangin Politics lam chu thawh phal a ni lo   Ed. ]


Central  YMA  chanchinthar
     Ni 9th November, 2011 (Nilaini) Dar 10:30am khan Central  YMA Hall, Tuikhuahtlangah Central Coordination Committee (CCC) Meeting neih a a ni a, Meting hi Pu T. Sangkunga, President, Central YMA-in a kaihruai. He meeting-ah hian member 178 an kal a, member lo kal khawmte hi Bangladesh, Manipur, Tripura leh Mizoram hmun hrang hrang atanga lo kalte an ni. He meeting-ah hian YMA Kumpuan "Ram leh Hnam Humhalh" kaihruaina chungchang, 66th YMA General Conference 2011, ni 25th-27th, October, 2011 chhunga Kolasib-a kan neih zawh tak thlirletna leh thurel bawhzui dan tur an sawi ho a ni a. tluang takin tlailam 3: 30pm ah he committee hi zawh fel a ni.

District  Court  report
Champhai District  Court ah kar hmasa chhung khan MLTP leh ND&PS dan hmanga  man, Jail a khung mi 9 an awm a.  IPC dang hmanga man Jail a khung zat chu 12 niin misual thiam loh chantira convict 3, Jail-a tang mek an chungchang la rel fel loh court a hruai 51, bail a chhuah mi 8, leiba chungchanga thubuai rel 2, rokhawmtu nihna pek chhuah 1, succession certificate pek chhuah 1 an nei a. Tunah hian District Jail ah tang 91 an awm mek bawk.


Veng  Mipuite   ngen  thar  lehna
     Kumin hi tunhnai kum liamta thlira chanchinbu man la luh chhiat ber kum a ni hial awm e. Kan herna man CK Offset a kan thla 3 bâ cheng 6450 lai chu kan pe tla thei hram a, tuna kan sum ballance chu cheng 400 chiah a ni ta. A luhai thlak takzet a ni. Khuangchera Section bial lakkhawm a ni tawh a, Section dangte pawh lak khawm leh zel tum a ni.
    Kan chanchinbu man pe mumal lo te  Ni 100 hlawh sem hmasa berah cut ve mai kan rel a, hei hi khawngai a veng mipuiten min hriatthiam kan duh takzet. Kan hma ba pekna la awm tur atan kan intuakna tur a ni e. 

EDITORIAL
Ngaihtuah chian a ngai
      YMA hi sorkar hian pawl rintlaka a ngaih a nih avangin a hman rim ber pawl a ni awm e. Dik taka kal kan duh chuan thil tha tak pawh a ni awm e. Chutih rual erawh chuan YMA pawh hi a in bihchiana a hming lana ringawt ngaihtuah lova a tobul atanga a chhut chian a tul hle awm e. Thil tam tak chu kan ziak lang seng lo anga, inngaihtuah chian a tul zia ti lang turin tlemte han thailang teh ang.
        A pakhatna ah chuan a telna thin tuna tel tlak tawh loha a ngaihna BBL leh AAY thlan chungchang hi han sawi ta ila. Tunhma khan Supply Department a BPL leh AAY thlanna ah khan YMA hi a tel thin a, chumi piah lamah Veng chhunga NGO hrang hrangte pawh an tel thin a ni. Hmun khatah ngaihtuah in a ni awma an ngaihte thlang felin Seal nena hming ziah hnanin Supply Department-ah theh luh thin a ni a, chutihlaiin a taka a lo chhuah meuh chuan thlanchhuah tawhte hming lang kim si lovin thlan loh zawte hming a lo chhuak leh thin. Hetiang hi anih thin vangin YMA chuan a thlanna ah tel tawh loh nise a ti hial a ni kha.
       Tin, tunlaia BPL te tana PHE Department hnuai a an sem Ek-in chungchang hi han sawi leh ta ila. A thlanna ah pawh tel hauh lo YMA chu an sem ngei a ni tih hriatpui tura beisei a ni leh a. Hei pawh hi ngun taka ngaihtuah ngai a ni. A tobul thatna pela a mamawh zawkte duhsakna aia mahni lamtangte duhsakna thil awm thei a nih avangin tel loh ngam hi YMA hian a thatpui zawk thei a ni. YMA in  inenkawlna atana sum leh pai a mamawh hi sokar chuan a pe thei teh meuh mai, chutih rual chuan YMA nihna hi ngaihtuah chian a tul hle awm e.

VENG  ‘BER’   THLANNA
Kan Veng chhungah mi ‘aber’ kan tih  SMS  hmanga thlanna siam tum a ni a, he thlanna hi a hautak deuh dawn avang leh a thlangtu awm mumal loh hlauhna a la awm avangin mipui ngaihdan thlira ni.  Thlan tur atana thu lut thenkhatte chu-
1) Kan veng mi tlawmngai ber
2) Zaithiam kan tih ber 
3) Veng Hostory pawimawh thenkhat
4) Mimala Veng ti hmingthatute

ENGLO   HUANG
:D Kan veng chhunga vai mistiri chhawr reng reng in BENGALI tawng a min be tawh lo turin in mistiri chhawr te lo hrilh teh u. SALA..
-Tv JC mawitea  N Sec.
:D Luck lutuk pawh hi a lo nuam lo re2. Rawngbawlpuite an hmai zahawm duh e mai. 
-Faktea  K  Sec.

======================================================================
Editorial   board

Editor    :      Lalsangliana     
Jt. Ed.     : H. Remsanga   
News Ed.  : Zodinsanga            
Cir. Manager:  All Section Asst.Secy. &  PC Lianmawia Keifangtlang                       
Manager: R.Lalchhuanawma 





0 comments | edit post
Vengsang YMA Chanchinbu
Lalsangliana
Central  YMA  Sub-Committee  puipa ruat  an  ni
The Vengsang  6th   November:
Ni 2 November, 2011-a CEC meeting chuan YMA Danbu Bung VI 32 (2) (c)-in a sawi angin a hnuai a mite hi kum 2011-2012 ( kum khat) chhung atan a ruat.

1.    Kumpuan Sub-Committee :
Chairman:    Lalbiakzuala, Vice President, Secy : Lalsangzuala Sailo,Tuikual N

2.    Building Sub-Committee :
Chairman: Lalhmingliana Colney, Tuikhuahtlang  Secy : JeffreyL.Fanai,Mission Veng
OB i/c : T. Sangkunga, President

3    Cultural Sub-Committee :
Chairman: B. Rothangliana, Tuivamit, Secretary:   Lalhmingmawia, Mission Vengthlang
OB i/c : R. Lalngheta, Treasurer

4.     Disaster Management Sub-Committee :
Chairman: Lalrammuana, Dawrpui,  Secretary:    T. Ngurkhuma, Chanmari West
OB i/c:  J. Lalsailova, Finance Secretary

5.     Documentation & IT Sub-Committee :
Chairman: Lal Rimawia, Khatla, Secretary: Rinzuala, Mission Veng North
OB i/c:  Vanlalruata, Gen. Secretary

6.    Education Sub-Committee :  
Chairman: Lalnunmawia, Ramhlun South , Secretary: Z.D. Sangkhuma, Dinthar
OB i/c : Lalbiakzuala, Vice President

7.    Finance Sub-Committee :
Chairman : R. Vanlalsawma, Republic, Secretary: Lalchangliana, Sakawrtuichhun

8.     Health & Sanitation Sub-Committee :
Chairman : Dr. Lalnghinglova, Luangmual,  Secretary : R. Lalnunmawia, Durtlang
OB i/c : R.L. Rindika, Asst. Secretary

9.    Legal Sub-Committee :
Chairman : Lalhmachhuana, Chaltlang ‘N, Secretary: Vanlalzuiliana, Dawrpui Vengthar
OB i/c : J. Lalsailova, Fin. Secretary

10.    Literature Sub-Committee :
Chairman : R. Vanlalawmpuia, Salem Veng, Secy:R. Lalbiakthanga, Zemabawk North
OB i/c : Lalbiakzuala, Vice President

11.    Press Sub-Committee :
Chairman : Laldawngliana, Kulikawn, Secretary: C. Lalnuntluanga, Chhinga Veng
OB i/c : R. Lalngheta, Treasurer

12.    Project Sub-Committee :
Chairman : P.C. Lalropara, College Veng  Secy.: Lallawmawma Chenkual, Bungkawn
OB i/c : T. Sangkunga, President

13.    Property Sub-Committee :
Chairman : Roneihthanga, Bungkawn Nursery, Secy.:Vanlalenga Sailo, Tlangnuam
OB i/c : Vanlalruata, Gen. Secretary

14.    Recreation Sub-Committee :
Chairman : Vanlaltluanga, Hlimen,  Secretary        :    K. Lalramhluna, Venghnuai
OB i/c : R.L. Rindika, Asst. Secretary

15.    Resources Sub-Committee :
Chairman: C. Vanlalsanga, Saikhamakawn.  Secretary : Lalrinmawia, Saron Veng
OB i/c  :  R.L. Rindika, Asst. Secretary

16.    Science & Environment Sub-Committee :
Chairman : J.K. Duailova, Bungkawn Vengthar. Secretary :  J.H. Vanlalhuma, Edenthar
OB i/c : R. Lalngheta, Treasurer

17.    Sports Sub-Committee :
Chairman : Lalrochuanga Pachuau, Zarkawt . Secretary:  R.Lalvensanga, Khatla South
OB i/c : Vanlalruata, General Secretary

18.    Training & Youth Affairs Sub-Committee :
Chairman : Z. Dengthansanga, Armed Veng. Secy. :  Vanlalmuana Pautu, Laipuitlang
OB i/c: J. Lalsailova, Finance Secretary

19.    Editor, YMA Chanchinbu
Laldawngliana Tochhawng, Kanan

20.    IGNOU Co-ordinator
Dr. C. Lalthlengliana, Maubawk


BRANCH   ACTIVITIES
Branch  hnatlang
Ni 31.10.2011  Thawhtan zingkar khan Thlanmual kawng ba sam a branch hnatlang koh a ni a, member hnatlang 200 chuang zet te chungah YMA  chuan lawmthu a sawi mawlh mawlh.

O.B  Meeting
Ni 3010.2011  Pathianni chhun dar 12 ah khan Pu C. Zohmingliana te Inah branch OBten thu pawimawh tak tak relin thukhawmna an nei.

Branch  Committee kohna
Ni  8.11.2011  Thawhtan zan khian YMA Committee roomah branch comt. koh a ni dawn a, Exe. member kohna hmulo palh kan awm a ni chuan chanchinbu hi kohna a ngaih tur a ni e.

Conference  lawmthu
YMA General Conference (25 -27 Oct)  Kolasib Diakkawn a hman zawh takah khan Pathian chungah lawmthu YMA chuan a sawi hmasa a, Vengsang Branch YMA hming a member kal zawng zawngte, akal nana Motor athlawn a thawhtu Pu Lalremruata S/o Laltluangi (Liana Veng) chungah te, Central YMA chanchinbu lawmman lak theihna tura Veng mipui CYMA chanchinbu latute, Sub Agent te leh a buaipuitu zawng zawng chungah Vengsang YMA chuan lawmthu a sawi mawlh mawlh e.

Section OBte hriattirna
Chhiatni fund khawn,  Ni 100 inhlawhna a cut  ve loh In thenkhat khawn zui tura Branch in Section OBte mawhphurhna apek chu Section pahnihten in la thehlut ve lova, awllen lai a nih tho avangin rang taka tifel tawh tura hriattir kan ni.

Vengsang YMA chunga lawmthu
State level PYKKA Competition neih zawh takah phur leh tha tho taka mikhual kan lo dawnsawna ah PYKKA Organising Comt. ten lawmthu an sawi.


Tualchhung

VS  Sporting  Club
Kan hma lawkah khian Champhai District hockey  tournament mipa leh hmeichhia a awm dawn a. VSC Hockey player  zingleh tlaia lo inbuatsaih tan tawh turin hruaituten an hriattir che u.

Rukru
Tunlai hian kan veng chhungah mi huan thlai ru leh Phone hrui rukching in awm a, nang mahni pawh hriat in ni.  PHE tanky hnuaia huan siam tu te thlai pawh vawi tamtak in lo khawih tawh a, hetiang  mi  veng chhunga in awm hi apawi takzet a,  veng tan mi hnawksak in nih avangin IN TI  NAWN LEH chuan in chungah  ACTION nataka lak a ni ang.

Phone bo chhartu misual
Project veng  Argi. Office leh Pu Hranghleia te in inkarah reilote phone tih bo a ni a. A chhartu hian vawi 2 an Ring-na ah a Off nghal. He Karbon K495 IMEI hi Pollice kutah pek a ni tawh a, Sim card i dah ruala man mualpho i nih hma in, in Veng Section hruaitute hnena pekir tura ngen i ni a, i pe kir anih chuan ngaidam a, i hming pawh thup tlat a ni ang.  

NLUP  2nd Installment 
Kan veng pa,  Pu TT Zothansanga, Champhai North Bialtu MLA chuan Vety Dept. hnuaia  NLUP trade vawk leh ar thlangtute 2nd Installment sum semna hun a hmanpui. Champhai khaw chhung a  NLUP Vety Trade a Vawk thlangtu mi 570 te hnenah hian mipakhat tan Rs. 14,150 theuh a pek niin avaiin Rs. 80,65,500 semchhuah a ni a. Ar thalngtu mi 150 te hnenah mi pakhat tan Rs. 14,900 a pek niin a vaiin Rs. 22,35,000 sem chhuah a ni. A pumpuiin Rs. 1,03,00,500 sem chhuah a ni.  NLUP semna inkhawm kaihruaitu Dr. Laltlanmawia, DVO chuan NLUP hi kumin Krismas hma ngeiin 2nd Installment pek vek tum an nih thu a sawi bawk.

PHE   Dept.  ngenna
PHE Dept. in mipui hnena Tui an pekna GI  Special (Socket, Niple, Valve, Band etc) ruk an ching a, hetiang anih fo chuan mipui hnena PHE in tui an semna a khailak mai dawn avangin lo venpui turin PHE Dept. in Veng mipui te min ngen.


Section   News
Taitesena 
Kar hmas Inrinni (29.10.2011) khan Section Inhlawh hnatlang neih  a ni a, Member 30 chuang zet thawkchhuakte chungah OBten lawmthu an sawi. Thla thar a lo ni leh ta , Electrict bill khawn tura ruattten mahni bial vawn theuhte khawn fel leh tawh tura ngen kan ni e.

Neuva
Thal tir apianga sawi nawn ngai lova kar hmasa ber a Electric bill khawn turin in OBten an ngen che u. A khawnhlawh lamah pawh Section mipuiten nasa zawka Bill khawntute  te  lo duhsak zual turin an ngen bawk che u.

Sub Agente ngenna
66th YMA General Conference 2011 a Central YMA chanchinbu latha lawmman kan lak theih nan khan Branch sum puk a nih kha. Tun thla chhung ngeia hnawhkhat tum a ni a. Tifel vek turin Central YMA chanchinbu la tu kan Veng mipuite leh a khawntute ngen nawn leh kan ni.


Editorial 
     ENGE  NIH KAN  TUM?
     Kan naupan laiin zirtirtu ten    ‘I len hunah enge nih i tum?’  ti in min zawt thin a, kan rilru a lo langte phur takin kan sawi thin. Khang kan thiltum te kha atak tak han ni thin tehreng se la chuan Zoram khawvel hi aletling thei hial ang tih khawp in a ropui ang! Tin, ziak leh chhiar thiam State, India rama 2-na ni reng tawh si heti em em a Lehkha kan zir sang lo hi kan vei nawn leh teh ang.
      Ka hmuh phak ve tawk han sawi ve dawn i la, Mizo Sipai emaw Vai Sipai emaw lak a nih dawn hian mihring sang chuang teh meuh kan intlar thin a, Certificate lak khawm a nih hian achanve ai tam fe chu Under Matrict, Matrict pass an awm ve nel nual a. Abak zir thleng phak chu tlem te an ni tawh thin. Chu chu ka mit ngei in vawi 2 ka hmuh ve tawh a ni. Kan zir san lohna chhan hi a mawhphurtu chu keimahni kan ni chiang mai. Nu leh pa emaw, Zirtirtu emaw, retheih vang emaw a zahzel siam hi a pawm tlak a ni lo. Kan tum loh vang a ni mai. Tin, lehkhazir kher lo pawh eizawnna tlaka kan tui zawng leh thiam zawngte kan tih peih loh vang a ni tal ang. He ti em em a kan retheih-harsat reng mai hi.
      Keini Mizote zingah tum tlatna  nei hi sawi tur an tam lo a ang viau. Tum nei tha tak tak, hlen chhuah har si tam tak a awm theih ngei ang. Mizo thufing kan hriat lar em em chu  ‘Tum a san leh tlakna a sang’  tih hi a ni a. He thufing  awmzia kan tum han ni pha chiah lo mah ila kan thleng sang ta hrim hrim tihna a ni. Khawvela mi ropui Albert Einstein-a kha pawl 4 thleng chauhva lehkha zir a ni a. Mahse tum tlatna a neih avangin Physics Subject-a a theory hmuh chhuahte chu vawiin a Ph.D tan pawh tih mai mai a ni lo. Zirlai kan nih hian eng nge thlen kan tum? Vâi ram School / Collage/ university ah Mizo min duh lohna chu kan Zirlai a nihna tak kan thiam loh vang a ni. Exam dawnah chiah kan zir chiam a, kan exam zawhah kan hrezui tawh lo, Ni e, enge kan zir san chhan awm reng ang? Zirlai pass mai kha chu a harsa lo a ni thei e. Mahse nih i tum tak kha i nih hma chu i la hlawhtling lo a ni ang. Thlen tumna nei ila, chu hmun kan thlen hma chu i bei fat fat tawh ang u. State dangin kan nihna dik tak hi min rawn hre chiang palh ang e!


Central YMA  CEC Member 20 ruat an ni
Dt. 31.10.2011-a Central YMA Office Bearers thukhawm chuan YMA Dan Bu Bung VI, chang 32 (4) (b)-in a sawi angin kumhnih (2011-2013) chhung atan a hnuaia mite hi Central Executive Committee Member atan a ruat.

1.    Pu Lal Chungnunga, Ramhlun North
2.    Pu J.H. Zoremthanga, Vaivakawn
3.    Pu Vanlalrema Rokhum, Zemabawk
4.    Pu K. Sapdanga, Aizawl Venglai
5.    Pu Lianzuala, Electric Veng
6.    Dr. K. Rokhawla, Durtlang North
7.    Pu C. Lalzamlova, Zotlang
8.    Pu K. Lalthlantuma, Armed Veng South
9.    Pu Lalthanruma Sailo, Chaltlang
10.    Pu J. Chamliana, Republic Vengthlang
11.    Pu B. Lalruma Sailo, Chawnpui
12.    Pu Lalhmangaiha, Chanmari
13.    Pu R. Thanga, Zonuam
14.    Pu C. Zoliana, Dam Veng
15.    Pu H. Lalsangzuala, Ramhlun Vengthar
16.    Pu V.L. Chhuanga, Venghlui
17.    Pu R. Lallungawia, Ramthar Veng
18.    Pu Lalrinmawia Sohnel, Bethlehem
19.    Pu K. Lalrohluna, Bethlehem Vengthlang
20.    Pu Lalrinawma, Thakthing

November ni 2 tlai dar 3:00 hian CEC Meeting neih a ni bawk a, Sub-Committee Puipa tur (Chairman leh Secretary) an ruat.
 

Englo huang
:)  Sakei aia ka hlauh tlukloh Sesihah pawh an tam hle mai.!
-VL Muana  Zokawngcho

:)  Tractor hnungah nula kan kuah ve chat chu....
-Pu  Chhuma  V Sec.

:) Nula senior an lo awm hi chu a vanneihthlak hle mai.
-Tv. Upa  Chhiara

:)  ABC (Area Baptis Council) khawmpui-a loan dil chu hmuh ahar duh ngêi mai...   
-Lata  VC  Secy.

:)  Kei leh Malawmi hi chu  Zotlang Presbytery a Mipa zunin a zung pha chin ngat kan nih hi....!
-Dintluangi  Pastor veng

:)  Kei zawng Makpa thirchhia mai kha ka la ni  reng a, thu leh hla engmah ka nei ve thei ta lo.
-Kawlni-a Vombal  road

:) Ngatinge ka ‘High -ling’ apianga Ui chaw kan zawn vak zel le?
-Machhani (Dr Zones) Tower hnuai

============================================================

EDITORIAL    BOARD

Editor    :      Lalsangliana      

Jt. Ed.     : H. Remsanga   
News Ed.  : Zodinsanga     
     
Cir. Manager:  All Section Asst.Secy. &  PC Lianmawia Keifangtlang                        

Manager: R.Lalchhuanawma 

   
0 comments | edit post
Make Flying Twitter Bird Gadget