ALETHEIA Vengsang Presby. Kohhran (Ni 15.1.2012)
Lalsangliana
THLARAU THIANGHLIM - THUTHLUNG THARAH.

Ref. Tirhkohte Thiltih 1:8; Galatia 5:22-23;  Johana 16:1-8.

    Thuthlung Thar hun a intan pat atangin Thlarau Thianghlim hnathawh leh thiltih a lo lang nghal a. Ching, khawvel dan anga fa hring tawh lo tura  rin, Baptistu Johana pianna tura Elizabethi leh Zakaria buatsaih a, Johana rawn piantirtu kha Thlaraui Thianghlim hi a ni. Tin, mipa tel lo va Nula thianghlim Mari hmanga Isua rawn piantirtu pawh kha Tharau Thianghlim bawk hi a ni. Krista  a hmuh hma lohva a thih loh tur thu Sumeoan hnena hriattirtu leh beiseina petu pawh kha Thlarau Thianghlim a ni. Tichuan, Baptistu Johana leh Isua Krista kawng lo buatsaihtu ber chu Thlarau Thianghlim hi a nih chu.
    Thlarau Thianghlim chu Isua nena inkawp tlat, then  hran theih loh a ni.Jordan luia Isuan Baptistu Johana kuta baptisma a chan khan, Thuro angin Thlarau Thianghlim chu a chungah a lo thleng a, a chenchilh nghal a ni.  Thlalera Lal Isua hruai luttu pawh kha Thlarau Thianghlim hi a ni. Lal Isua khawvela a lenlai ni-a a rawngbawlna reng rengah Thlarau Thianghlim hian a kalsan hauh lo.
    Thlarau Thianghlim chu Kohhran dintu leh a bul tanna a ni. Penticos nia harhna lo thlengah khan Krista zuitute chu tih chakin an awm a. A hmaa mi mal kal tlanga lo lang tlangpui thin kha, Penticos ni-a harhna lo thlen atang kha chuan thuk zawk leh nghet zawkin, chan ho turin ringtute chhungah a lo awm a, tun thlengin ringtute min tinsan lovin min tiharh fo thin a nih hi.
    Kohhranah leh ringtu mi malah Thlarau Thianghlim a lo thlenin a dawngtu leh changtute chu Chanchin Tha hril tulna a hriattirin thawk thei tur pawhin a thuam thin. Penticos nia  a lo thlen pawh khan an awmna hmun apiangah, an theih ang angin Chanchin Tha an hril a an vahvaihpui nghal a nih kha. Harhhna thlenna Kohhran leh mi malin Chanchin Tha puandarh hna an vei zui lo a nih chuan an harhna chan kha a famkim lo a ni ang a, harhna dik tluan tling a ni thei lo vang. Thlarau Thianghlim chuan ringtu chu Chanchin Tha hril turin a tir chhuak a, a hruai a, a chen chilh nghal thin.

    Thlarau Thianghlim chuan ringtute hnenah thuhril theihna te, tawnghriat loh te,  tihdam theihna te, hmangaihna te a pe thin. Hei hi mi zawng zawng hnenah erawh chuan a ni lem lovin a lang. A kengkawh thei awm, hmang chhuak thei awm hnenah a pe thin niin  a lang. Chutih lai chuan a pekte  hian a petu lam aiin a thilpekah hian kan tui lutuk ang a,  a petu hian chawimawina a khum phak lo vang tih a hlauhawm hle.
    Galatia 5:22-23  kan chhiar ang khan Thlarau Thianghlimin ringtu leh Kohhran a pawl thar hian a duh tawk mai lo va, anmahniah rah duhawm tak chhuahsak leh chhuahtir a duh tlat a. Chungte chu Thlarau hruaia awm ringtu nunah chuan a lang chhuak thin a ni.   Thlarau hruaia awm ringtu nun atang chuan felna rah chi tinreng a lo chhuak thin a ni.
    Thlarau Thianghlim chuan thil tha, nghet leh tlo ringtu nunah phun a duh a; chu chu a tum a ni. Kohhran leh ringtu chu Lalpa thutiama  lut turin nung takin a hruai a; a tul angin a thawk zel thin. Pathian fa chu Thlarau Thianghlim hruaiin a awm a, ngun taka ngaithlatu hnenah chu Thlarau Thianghlim hruaina chu  a thleng chawp zel thin. A Kohhran hote hian min hruaitu Thlarau Thianghlim hi ngun tak thlirin hma lam panin  ke i pen zel ang u. Lalpa’n a thu kan tan malsawm rawh se. AMEN.

INKHAWM  PROGRAMME

CHAWHMA INKHAWM
Pastor Induction Service

CHAWHNU INKHAWMThuhriltu    :    Rev.C.Thangthuama
   
ZAN INKHAWM
Thuhriltu    :    Rev.Lalparchhuana  Bialtu Pastor

K.T.P  TAWNGTAI INKHAWM
A hmun : Kohhran Hall   
Hruaitu : Isaac Lalhruaitluanga
Tantu    : Tv.Lalrinmuana
Thupui sawi : Kum 2012 KTP kaldan tur duhtusam sawi.
[A duh apiang tan sawi tur.]

KTP INKHAWM
Hruaitu    :    Pu Lalremruata Sailo    
Tantu    :      Nl.R.Lalhmachhuani
Thuhriltu    :    Nl.Lalduhawmi
Thupui    :     Faith Promise Campaign    
Solo    :    Nl.Vanlalhriati (Sad)
Duet    :    Pu C.Lalengkima leh  Pu K.Zoramsangzela 
 
KOHHRAN HMEICHHIA
 Hruaitu : Pi Laldinsangi
Tantu : Pi Vanlallawmi
Thuhriltu : Upa Lianzika

NILAI ZAN
Tantu    :    Pi RL Thangi
Thupui    :    Chhungkua- a tlangpuia thlirna
Hawngtu    :    Pu Ngurthansanga Sailo

INRINNI ZAN
Thuhriltu    :    Pu Dangliana Ralte

ZING TAWNGTAI INKHAWM
Thawhtan : Pi Laltlanmawii
Thawhleh : Nl. Lalfakzuali
Nilai    : Pu Daithanga
Ninga  : Pi Vanlalthlani
Zirtawp: Pu PC Lianzawna
Inrinni : Upa Lallianluava
Pathianni : Pi Vanlalruati

=============================

CHAMPHAI VENGSANG PASTOR BIAL PASTOR DAH NGHEH PROGRAMME

A hmun :    Vengsang Kohhran Biak In
A hun    :    Ni 15.1.2012 (Pathiani)
Dah nghettu    : Rev. C.Thangthuama Synod ruat

PATHIANNI  CHAWHMA  INKHAWM
Hruaitu    :    Rev.C.Thangthuama
Dah nghehna : Rev.C.Thangthuama
Zawhna chhangtu : Bial Secretary
Zaipawl    :    Vengsang Pastor Bial zaipawl
Thusawi    :    Rev.Lalparchhuana Lawmthu sawi leh
Tawngtai sakna : Upa Lallianluava
Hlasak ho    :    “Aw Lalpa I malsawmna hlu” KHB 553
Banna    :    Malsawmna

PATHIANNI CHAWHNU INKHAWM
Hruaitu    :    Upa K.Vankhuma    Bial Chairman
Thusawitu    :    Rev.C.Thangthuama

PATHIANNI ZAN INKHAWM
Hruaitu   : Rev. C. Thangthuama
Thuhriltu: Rev.Lalparchhuana Bialtu Pastor



Tualchhung

KOHHRAN
Ni 12.1.2012 khan kan Bialtu Pastor David Lalrinmawia Sailo chu Kawlkulh a awm turin min kalsan ta a. Hemi ni hian kan Bialtu Pastor thar tur  Rev. Lalparchhuana te chhungkua chu tlai lamah lo thlengin Bial Committee ten lo hmuakin chaw hlui an kil pui nghal a ni.

KTP  BRANCH NEWS
Kum 2012 atan K.T.P Member lak zawh a ni leh ta a, kumin chhung hian Vengsang Branch K.T.P member 300 chuang lai kan tling thei a, a lawmawm hle a ni. Member lak laia awm remchanglo tan pawh Group hruaitute leh Faith Promise bialtu te hnenah in ziah luh theih reng a ni.

MEMBER THAR LAWM INKHAWM 
  Ni.16.1.2012 Thawhtan zan hian Vengsang Branch KTP chuan member thar lawm inkhawm neih tur a ni a, KTP member khaw chhunga awm zawng zawngte chu in khawm vek turin kan in sawm a, he hun hi memberten ngai pawimawh theuh turin kan in ngen a ni.
  Tin, hemi zan hian Faith Promise hlanna neih tur a ni a, bial neitu ten ngai pawimawha a hun tak a theh lut theuh turin kan in ngen a ni.

Mesaka : 
      Zirtawp khan Pu H.Thanhlira te chhungkuain an vawk phaltakin min talh tir a an chungah kan lawm em em a, tlawmngaia min sah saktu Pu Laihnuna Sailo hnenah lawmthu kan sawi mawlh mawlh bawk a, tlawmngaia vawksa min lei saktu te chungah kan lawm em em bawk a ni.
    Tin, Hmarcha phut kan rawn la zuar leh dawna tlawmngaih chhuaha min lo lei sak turin kan in ngen nghal bawk a ni.




JANUARY THLA KTP CHANVO

PANGPAR KHAWITU TURTE 
Nl. Lalchhandami
Nl. J.Lalawmpuii
Nl C.Hmingthanzami

THILPEK LA KHAWMTU TURTE
Nl R.Zatluangi
Nl Jenny Lalrinmawii
Nl Lalrodawngi
Nl Vanlaldiki

ZAI HRUAITU TURTE
Tv C.Vanlalchhuanga (Khuangpu)
Tv C.Lalrodinga (Keyboard)

HLA ZIR
    Zanin inkhawmban atangin Kohhran zaipawlten Bial KTP Conference a kan rem tur hla zir tur a ni a, Conference ah hian hla hnih lai kan neih dawna, hla zirna hun kan ngah tawh loh avangin memberte tha hnem ngai taka hla zir turin kan in ngen in kan in sawm mawlh mawlh a ni.


Editorial
     Lal Isuan leiah a tihtur a tih zawh hnuin vanah a lawn chho ta, a hnathawh chhunzawm turin a mah ringtuten mawhphurhna lian tak kan nei a ni. Fakhla siam tuin “I thawh loh avangin mi tam tak an boral” a tih angin kan tih tur ti lova, kan tih loh tur kan tih hian Pathian hmaah thil kan tisual a ni. Tunlai ringtute hi tihtur dik tak tih loh sual leh tih loh tur tih sual hian min man bet nasa hle tawh a ni. Chuvangin Kohhran hote kan in ngaihtuah chian angai hle tawhin a lang a ni. Lal Isua Krista in min chhandam chhan hi kan ngaihtuah chiang ngai em le? Amah ringtu ni a, awm mai mai turin min chhandamlo tih kan hriat a tha khawp mai. Kan phak ang tawk leh kan theih ang tawkin Chanchintha la hrelote hnenah athu puang darh zel turin min duh a ni. Kal chhuak kher lo pawhin kan chet zia leh keimahni nun hrim hrim ah pawh hian a rawngbawltua min ten min ngaih a min hmuh theih nan min chhandamin kan tih tur a  adah a ni si a.
============================================================================

Editorial  board
EDITOR : Isaac Lalhruaitluanga
  
JT. EDITOR : C. Vanlalchhuanga Zodinpuia 
NEWS EDITOR : K. Vanlalenkawla

CIR.MAN.: All Groups Asst. Secy.

MANAGER : Lalduhawmi
             




 




0 comments | edit post
Vengsang YMA (Ni 15.1.2012)
Lalsangliana
Vengsang Branch  YMA  2012  Exe.  Committee  Vawi 1-na 

The Vengsang   15th    January:
A hun    :     13th  Jan  2012 (friday) 6:30 pm
A hmun :     VS YMA Commitee Room
Chairman : Pu Hmingthansanga, President
Member kal  : 31     Pha : 12

Pu David Rualthankhuma’n  Pathian hnen a ahlan hnu in rorel te tan ani.

 ROREL-I NA :
Section chungchang :
(a) Section chungchang sawi ho a ni a,  Vengsang branch YMA hi kan kal dan pangngai ang in section 4 ah inthen leh nise, Section hming pawh angai angin Vanapa,Taitesena,Khuangchera,Neuva section ti in.

(b) Section hruaitu thlan leh ruat chungchang sawiho a ni a,member ten section hruaitu tur te thlan leh mai nise kan ti a,in thlan hun atan ni 24.Jan.2012 (Thawhleh ni) zan dar 6:30 ni se , inthlan na hmun atan hengte hi ruat fel a ni-

 1.Vanapa - YMA hall
 2.Khuangchera - Pu Lalrinsanga in
 3.Taitesena - Pu Thangkhuma in
 4.Neuva - Pu J.Ralkulhtawna in

 Section hrang hrang te in thlan puitu atan heng mite hi ruatchhuah an ni:

 Vanapa section - Pu David Rualthankhuma leh Pu C.Zohmingliana
 Khuangchera - Pu Hmingthansanga leh Pu Lalrinsanga
 Neuva - Tv Vanlalchhuanga,Pu C.Lalmuanpuia leh Pu R.Lalchhuanawma
 Taitesena - Tv V.Lalmuankima leh Tv F.Lalthanmawia te ruat an ni.
 Inthlan dan turah chuan a kalkhawm ten nominate siam in Post by Post ni se.

ROREL II NA:
Chanchinbu  chungchang
 (a) Central YMA chanchinbu :
Kum 2012 central YMA chanchinbu Agent atan Pu Lalrinsanga  Br.Asst Secretary ruat a ni a, remchang hmasa berah Sub agentte OBte nen an ruat leh ang.

 (b) Vengsang chanchinbu:
 Kum 2012 vengsang YMA chanchinbu chungchang sawiho ani a,heng ahnuai a mite hi kum 2012 chhunga vengsang YMA chanchinbu enkawltu atan ruat an ni

Editor        :     Pu C.Lalmuanpuia
Jt Editor    :     Tv Jonathan Zosangliana
News Editors     :    Pu H.Remsanga,   Tv  Zodinsanga
Manager     :     Pu R.Lalchhuanawma
Cir.Manager:     All section Asst secretary

 ROREL III NA :
Manager MIZOFED LPG Champhai atanga lehkha lo lut :
Gas connection thar pek turah Gas connection la nei lo mi 10 thlangchhuak tura tih kan nih angin ngun taka sawiho a ni a,YMA information atanga  chiang taka puan zar a,  dik leh falfai thei ang berin, arang thei ang bera hma lak nise tih a ni.


BRANCH  ACTIVITIES

Committee leh thuai dawn
 Branch  YMA kumthar inrelbawlna lam la rel kim a la ni lova, Section hrang hrangte inthlan zawhah a hma thei ang bera Branch Executive Committee koh leh thuai tum a ni.  Hetah hian chanvo hrang hrang leh Sub Committee peng hrang hrangte ngaituah ho leh a ni ang

YMA thutthleng
Chhiatni fund atanga kan lei thin YMA thutthleng siambelh tumna chu chak thei ang ber a kalpui  a ni daw. Thing zaitirna lam la ngaihchan rih a ni a , amaherawh chu arei dawna alan chuan hnaivai takah tlema to deuh pawh a thing lei tum a ni.

YMA bungraw hawh duh tan
Kan branch hi branch thilphal ber kan ni hial awm e, khawtlang thilah Kohhran angte atanga laklawh thila kan bungrua an  hawh a nih hian  kan chawi tir ngai lo a, mahse keini in kan kan hawh hian kan chawi ziah thung!! Nikum lam daih a Exe. Comt. in alo pass sa tawh angin mi tupawh in YMA bungrua a hawh dawnin a hawhman a awm tih kan in hriattir thar e. Mahse hei thu hi kan  inbiakrem dan azirin tih danglam nghal theih reng a ni.
 
Hall chei zel tuma ni
YMA hall chung, Committee room luh chhohna chu mi tlak dal siam a ni tawh a, tin Computer leh printer dahna siam tum a ni bawk. Thingzai  kan neih hun huna siam nghal a ni ang.

YMA  Computer
YMA Computer hi password hmanga kalh a ni a, thenkhat ngaihdanah chuan ‘bik’ deuh in an hmang tih ang deuh in a ri fo. Hei hi a nihna zawk a ni e, a enkawltu mumal takte an awm hian pawl thil a tlo in a zahawm a, tin, a hmang duhte  chuan YMA hruaitute hnenah emaw chanchinbu lam enkawltute hnenah emaw sawi hmasak a ngai. Tu hman pawh phal a ni. Printer erawh chu Branch YMA leh Section thil pawimawh ang a nih loh chuan tuma hman phal a ni lo thung. 

Vengsang  branch YMA Executive Committeee Memberte

(1)Pu David Rualthankhuma        
(2)Pu J.Ralkulhtawna                   
(3)Pu Rohnuna                       
(4)Pu R.Lalchhuanawma              
(5)Pu K.Zohmingliana                     
(6)Pu H.Vanlalmawia                       
(7)Pu V.Lalduhzuala                        
(8)Pu B.Ramluahpuia                      
(9)Pu H.Remsanga                          
(10)Pu F.Lalchhantluanga
(11)Pu V.Vanlalfaka
(12)Pu Lalthantluanga Tochhawng
(13)Pu B.Lalthanpuia
(14)Pu vanrammuanpuia
(15)Pu Jc.Vanlallawma
(16)Pu Lalrotluanga
(17)Pu C.Lalchhuanawma
(18)Pu C.Lalawmpuia
(19)Pu Rambuatsaiha Chawnghlut
(20)Pu Pc.Vanlalsiama
(21)Pu Pc.Lalhmangaihzuala
(22)Pu Lalsangliana
(23)Pu H.Remtluanga
(24)Pu C.Lalengkima
(25)Pu Lalronghaka
(26)Pu Lianmawia
(27)Pu Thanglianmanga
(28)Pu Lalremruata Khiangte
(29)Pu Lalruatkima
(30)Tv K.Lalrolian
(31)Tv V.Lalmuankima
(32)Tv JC.Lalrammawia
(33)Tv Zothanpuia
(34)Tv R.Lalchhuanliana
(35)Tv K.Lalmalsawma
(36)Tv K.Vanlalenkawla
(37)Tv H.Lalremruata
(38)Tv Zodinpuia
(39)Tv K.Laltanpuia
(40)Tv Lalropuia
(41)Nl Jenny Lalrindiki
(42)Nl K.Lalnuntluangi
(43)Nl V.Zothanmawii
(44)Nl Lalrimawii
(45)Nl R.Zothankhumi
(46)Nl R.Lalrinpuii
(47)Nl Lalchhanhimi
(48)Nl R.Vanmawii  
(49)Nl Vanlalduati
(50)Nl Zothanpuii
(51)Nl Ngurbiakliani 
(52)Nl SH.Lalropuii 
(53)Nl Lallianzuali 
(54)Nl R.Lalhmingthangi 
(55)Nl Jenny Lalramluahpuii 
    
Tichuan  Branch OB paruk, President Pu Hmingthansanga, Vice President Pu C. Zohmingliana, Secretary Pu C.Lalmuanpuia, Asst.Secy :  Pu Lalrinsanga   Treasurer:  Tv F Lalthanmawia Fin. Secy: Tv Vanlalchhuanga te nen kan vaiin Executive Committee member hi 61 ni ta a ni. 


Tualchhung
 
VC  news
Police Thana thlang ah lungrem hna kalpui mek a ni a, he hna in BNRGSK in a chung siam a ni ang. Tin,  Champhai District ah tun tum VC inthlanna neih turah Champhai District atangin VC thar 4 a awm dawn a,  chungte chu-Vengthlang North, Zion Veng, Khawzawl Hermon leh Khawzawl Kawnzar te an ni.

Upa Pawl  Vengsang
      Kumin 2012 atan Vengsang MUP ten annual member fee Rs 10/- collector ten an rawn khawn dawn a, member ten lo pe nghal thei tura lo in kau lawk tur a ni ang. Heih rual hian member harsa leh tanpui ngaite tanpuina tur Charity Fund Rs 30  khawn a la ni bawk ang.
       MUP member ni thar duhten annual member fee a pek nghal theih bawk. Tin, tunah hian  Vengsang MUP  hruaituten bio-data uluk takin an endikin an  update mek a ni.

Vengsang  MHIP
Ni 9.1.2012 (Thawhtan) khan Pi Lalrengin te inah kumhlui/ kumthar hruaitu ten charge inhlanna an nei a, zanriah tui tak an kil ho nghal. Tin, Ni 20.1.2012  Zirtawp zan ah Vengsang Br. MHIP Exe. Committee pawimawh tak Vengsang YMA hallah koh a ni a, hetah hian memberte kim taka kal theuh tura hriattir kan ni.

YMA  khawlai  duty
Kan  vengah Drugs ti an tam  thara hriatna a awm avangin zan lamah YMA a duty  dawn a,  tihtur nei lova vah chhuah tam a tha dawn lo. Nu leh pa te pawn kan fate i thunun thar ang.

Sporting  club
Under 17 a Jersey ha tute khan naktuk Thawhtan aia tlai lovah Vengsang Sporting club OB Pu Lalrinawma (Awmtea)  hnenah dah vek tur a ni. Tin,  Vengsang Sporting club jersey (kawr leh kekawr bul) a enga pawh la kawl chuan dah fel nghal  tur a ni. Kumin atang chuan hetiang lamkhawm ngai ang chi a Jersey hawhte an hak phalsak an ni tawh dawn lova, Sporting club hming a an chhuah pawh phalsak an ni tawh lo mai thei a ni.


2012  Kohhran thalai  hruaitu tharte

SAY  Champhai  Corps OB
Leader : Tv. C. Zairemmawia
Asst. Leader : Tv. VL Tlana Pachuau
Secretary : Tv Lalfakzuala
Fin Secy : Tv. Lalsangzela
Treasurer : Nl Zodinpuii
Fin Secy : Nl Ngurhmingthangi

Ramthar Presby.  KTP OB
Leader : Tv. H. Vanlalnghaka
Asst. Leader : Pu Dengrikhuma
Secretary : Pu Hmingthantluanga
Asst. Secy: Pu PC Lahmangaihzuala
Treasurer : Pu Lalchhandama Sailo
Fin Secy : Tv Zoramthara

Hospital Veng Presby.  KTP OB
Leader : Tv R. Lalchhuanawma
Asst. Leader : Tv KV Lalbiakthanga
Secretary : Pu Lalropuia hnamte
Asst. Secy : Tv TBC Lalbiakthanga
Treasurer : Nl Lallianzuali Colney
Fin Secy :  Nl S.H Lalropuii

Vengsang  Presby.  KTP OB
Leader : Pu Lalremruata Sailo
Asst. Leader : Tv C. Lalengmawia
Secretary : Tv V.Lalmuankima
Asst. Secy : Tv K. Vanlalenkawla
Treasurer : Nl Lalduhawmi
Fin Secy : Nl K. Lalengzuali

Zawlaidi  siam chawlhsan rih
       Mizorama loneitute tharchhuah Grape atanga siam, Zawlaidi hralh a kal loh avangin, a siambelh hna pawh chawlhsan rih a ni. Champhai Grape Grower SOciety Secretary Pu R. Thangseia hnen atanga thudawn danin, Krismas leh Kumthar hmaa Vendor te hnena zawlaidi tlem an pekchhuah bak lam belh leh an awm tawh lova, tunah hian Winey ah Case 2700 vel dahkhawlmek a ni a, hralhna a awm loh avangin tun thla atang khan hnathawkte pawh chawlhtir an ni. Pu Thangseia chuan zawlaidi hralh a kal loh chhan hi chhiah chawi a san avanga a man tihsan vangah a puh a ni.
        Zawlaidi hi fortified wine tih a ni a, hei hi siam a nih atanga thla 5 chhunga hralh zawh theih chu duhthusam ni a thudawn a ni. Mizoram pumah kum kalta khan Grape quintal sang 7 thar  a ni. Horticulture Dept. hotute sawi danin grape tharchhuah zawng zawng atanga qtl. 1682 chu CHamphaia grape sawrna hmun Winery ah chhun luh a ni a. Hemi hmang hian Zawlaidi bottle 165000 siam chhuah beisei a ni. Hnahlan Winery ah chuan grape qtl. 2023 chhunluh a ni tawh a. Zawlaidi pawh um nuai 2 vel siam chhuah beisei  a ni.


PASTOR  THAR  LAWMNA
Vengsang  Presbyterian Pastor thar Rev. Lalparchhuana te chhungkua chu Dt 12.1.2012 Ninga ni khan an chhungkua in Champhai an lo thleng a, Bial mipuiten lo hmuak in, tlaiah Bial Standing Committee-in chaw an lo eipui. Pastro thar lawmluh inkhawm (Induction Service) hi Nizan(Inrinni) khan hman  tan a ni a, vawiin chawhma ah lakluh inkhawm tak chu neih a ni ang, Induction nahi Kanan Pastor Rev C.Thangthuaman a nei ang, Chawhnu inkhawmah Rev.C.thangthuaman thu a sawi anga, zanah Pastor thar Rev.Lalparchhuanan  thu a sawi thung ang.  Pathianni ah hian Vengsang Presby. Kohhran bial chhung kohhran zawng zawngten Biakin kharin Induction Programme hi an hmang dawn.

Varanda light
Mipui rawngbawlna leh tun laia kan venga zan reia che thin misual leh rukru vanga thil bo neuh neuh atam tak em avangin mitinte  abikin kawngpui bula chengten varanda light  ON hram turin kan inngen nawn leh a ni. ‘YMA in bill min tum sak lo’ kanla tihfo chuan in  ennawn hle kan ngai. Kawngpui bula awm heng Hospital road leh Vawmbal road lama chengte abik taka On hram tura  ngen kan ni e.


PHE  Veng Welfare  2012

Chiarman : Pu Lalzuiliana
Vice Charman : Pu PC Lalhmangaihzuala
Secretary : Pu Lalrinsanga
Asst. Secy : Tv. K Lalroliana
Treasurer : Pu C Malsawmtluanga
Fin. Secy :  Pu Lalchhandama Sailo


EDITORIAL

Kumthar Thutiam
        Kum a lo thar hian mite thinlungah chin dan hlui paiha nunphung thar tha zawk neih duhna  a lo piang fo va, chumi mil chuan ‘Kum Thar Thutiam’ kan siam thin a. Keini aia khawsak changkang deuh nia kan ngaih  American ho pawh khuan an intiam kur ve luai thin a ni awm e. A tlangpuia an tiam thin chu hetiang hi a ni a, keini tan pawh a tawmpui chi viau mai thei
1. Chhungte nen hun tam tak zawk hman : Thil pawimawh tak a ni; chhungkaw nu leh pa te hian fate bulah tun ai hian hun hmang lehzual ta theuh ila, kan khawtlang sualna hi a kiam phah mai thei asin.
2. Hrisel nan taksa sawizawi uar lehzual : Hnam hrisel lo kan ni, tia kan au kan au rual hian  hrisel nana thaksa sawizawi hi uar thar a hun tawh e. India rama mihring dam rei chen, Life expectancy kum 66 a nih laiin mizo te zingah chutiang zat dam thleng zo lo kan tam tual tual ang tih a hlauhawm hlel lo ve
3. Thau lutuk lo tura tan lak : A harsa ve thin a ni! Ei insum, kut hnathaw, taksa sawizawi,etc.
4. Meizial zuk sim : Kum 2012 atan han intiam ve lehphawt ila; tipuitling ngei bawk ila a ropui dawn asin.
5. Nun nuam lehzuala hman : Nunnawm beiseiin sum pai zawn kawngah theih tawp kan chhuah a, chu chuan nun hlimawm min neihtir ziah kher lo. Mahni dinhmun anga nun hmang thiam te hi an awhawm a, mihlawhtlinga chhiar turte an ni reng zawk em?)
       Khing a chunga pahnih tal khi kan in tiama kan tih hlawltlin theih hlauh chuan kumin a hmasawn ber kan ni mai dawn a  ni. Kawng engkima hmasawn theuh turin kan Veng, Vengsang YMA mamberten puanven i sawi chhing in kum dang aia khawtlang lama inhman lehzual tumna nen hma i sawn theuh ang u.   

Englo  huang  

:)   Thianpa Valte (Baju), kei hla taka khawdur a mi mah ni mahse, TI RUAL ang aww..?
- Enkawla (Tuka)  N Sec.

:)   Tun chrismas khan kei leh kei lo angin kan nu (Zkch) te inah ka hmang miah lo..i duh duhlo ring teh u.!
-F Thanmawia Br. OB 

:)   Ka ngai thin mang e ..tuemaw chu..
- Sangzela  K Sec.

:)   Nula bula huai deuh dan min lo zirtir teh u keimah mai chuan ka in chawk zero zel.
-Patea  T Sec.

:)   Project veng lam hi alo nuam anih hi, makpa chhungkhung ka ni lo ang tih pawh a sawi theih ta miah lo.
-Ropuia (Tendulkar) V Sec.

:)   Thiannu Vavani tih hma chu ti bik dawn lo re re.          
-Duati   T Sec.

:)   Hmunhmeltha saw a free pawn ka tlan peih reng.  
- Siamtea  N Sec.

:)   Kumin chu tunge Khawimual ram lamah kan riahpui leh ang aw??
-Babi-a  Vawmbal road

:)   Chhek teng-hneng hu..hu...
- Hmingsanga  N Sec.

:)   Ka lo tum nasat teh reng nen nikum kha bo na tur kan hmuh loh tlat pek a, kumin chu ka ti tak2 tawh mah thei.. sipai chhuti lam... ehh?
-Muani Mualbawk

:)   A changtupa alo zin leh ta.. Nuthlawi Mahajor min ti thei rih lo..!
- Mapuii  BSNL Tower hnuai  

=================================================

Chanchinbu  thlahna

Kan veng YMA chanchinbu ka  khawih hnuhnun na turte pawh a ang dawn ta, a lunglen thlak dawn hle mai. A enkawltu  Committee in a ruat tharte duhsakna ka hlan rualin kan veng YMA chanchinbu  Pathian in nasa taka A malsawmna hlenchhuak ngei turin ka fuih nghal ni rawh se.





Lalsangliana
Tower Veng
0 comments | edit post
Vengsang YMA (8. 1. 2012)
Lalsangliana
  Joint meeting  neih a ni

The Vengsang  8th    January:
Ni 5.1 2012 zan khan YMA hall ah VC MHIP YMA ten joint meeting neiin New Horizon ho in AIDS vei te enkawlna tur hmun (damdawiin ang chi) kan vengchhunga luah an duh chungchangah joint meeting a ni.  He thil hi project thar anih avangin la hmelhriat loh thil a ni a, a guide line te leh hetiang enkawlna hmun awm tawhna lamte zir chian a atul anga sawiho leh nise an ti.  He Joint Meetingah hian VC aiawh-4,MHIP aiawh-6,leh YMA aiawh-4 te an tel a ni 

Hospital Veng Welfare Committee 2012
    Dt 30.12.2011 zan khan Pu R Mankima te In Hospital Vengah Kum 2012 chhunga Hospital Veng Welfare Committee hruaitu tur thlan a ni a, a hnuai a mi te hi hneh taka thlan tlin an ni.

Chairman        : Pu C Lalramliana
Vice Chairman : Pu R Lalhmunmawia
Secretary        : Pu HC Rohmingmawia
Asst Secretary : Pu B Lalmuanpuia
Treasurer        : Pu Vanlalzama
Fin. Secretary  : Tv TBC Lalbiakthanga

    Hospital Veng Welfare Committee hian kumin chhung hian hma lak an tum nasa hle a, chuvangin, an huamchhungah thilthalo tih ching leh tih tum an man reng rengte an dim dawn lo tih kan inhriattir lawk a ni.


Branch  Activities
 Charge inhlan
Niminchawhnu dar 1:00 khan Pu David Rualthankhuma te In ah Kum 2011 chhunga Vengsang Branch YMA Hruaitu te chuan Kum 2012 chhunga Hruaitu thlan tharte hnenah Charge an hlan a, tlaiah inthlanpuitu te nen zanriah an kilho nghal. Charge inhlan pah hian Kum 2012 chhunga Branch Executive member tur an ruat bakah Committee neih hm,asak ber hun tur an ruat nghal.

YMA lawmthu  sawina
Krismas leh Kumthar kan hman zawh tak chhung khan YMA Comt chuan Vengchhungah Duty ni rawh se a tih angin YMA Member te thahnemngai takin Duty thin a ni a, Duty te thingpui inna tur petu te leh theih ang anga lo tawiawm thintu te bakah tlawmngaia Duty chhuak thin zawng zawngte chungah Vengsang Branch YMA chuan lawmthu a sawi mawlh mawlh a ni.

Naute thar
Kan chanchinbu Jt. Editor Pu H Remsanga te chuan Dt 3.1.2012 khan fanu duhawm tak 3750 gram a rit Aizawlah an nei thar, kan lawmpui tak zet zet a ni. An zaina hmuamhma te a dam hnuah an lo haw ang.!

Neuva Section
Kumhlui (2011) a Elcetric bill khawn tura ruatte zawng zawng kha kumin 2012 ah pawh tlawmngaia khawn chhunzawm leh tura ngen kan ni.

Halpuah tel lovin
Zoram chu sawi phak a ni kher lovang mhase kumin kan veng chrismas chu halpuah lehhakmawi (zen lam chi) tel lovin hman liam a ni. Khawtlang hruaitute ngenna kan thlawp in thu kan awina hi a ropui a ni. Abik takin Naute nei leh tar leh upa tan a thlamuanthlak takzet, i vawng zel ang u. YMA Duty ten man tur tumah an awm lova, buaina siam an awm hriat a ni lo, tin ring uchuak leh midangte tana ninawm khawp a tape play an awm hek lo. Birth day kan lawmsak Isua lam hawiin kumdang a kan hman lehzelna turah pawh kan nun leh thinlung i ti thianghlim sauh sauh in, kan hmanna tur dik tak Biakin leh avelah kan taksa i hlan ral ang u.  


Tualchhung
Vengsang branch MHIP hruaitu thlanna
Ni 6.1.2012   Zirtawp zan dar 6:30 khan Vengsang  branch MHIP hruaitu tur thlanna Vengsang YMA hallah  neih ani a,kum 2012 hruaitu atan heng mite hi thlan an ni-

President    : Pi C.Rozari
Vice President: Pi R.Laltanpuii
Secretary    : Pi LH.Lalrengpuii
Asst Secretary: Pi Lalrambuatsaihi  & Pi Lianhmingthangi
Treasurer    : Pi Nuhliri
Fin secretary: Pi Lalkhami

Member 33 kalin an sawmna angin Vengsang branch OB te kaihhruaina in inthlanna hi tluang taka neih a ni.

PHE  Veng  Welfare
Dt 10/1/2012 ( Thawhleh) zan dar 6:30 hian Kum 2012 chhunga PHE Veng Welfare hruaitu thlanna neih tur a ni a,  hmun a tan Pu Lalchhandama Sailo in a ni ang. Inthlanna ah hian PHE Veng huam chhunga Chhungkaw tin aiawh mi pakhat tal kal ngei tur a ni ang. He hun a kal lo te chuan bungrua emaw welfare mamawhna an neia, harsatna an tawk a nih pawh in an sawi buai thei lo ang.

GAS Connection
LPG Manager hnen atanga lehkha kan hmuh ang in Vengsang huam chhung a mite tan Gas Connection mi 10 tan a pechhuak dawn a, a neilo dik tak hnen ah pek a nih theih nan Vengsang Branch YMA chuan hma a la leh dawn a, hun hmasa lam a Gas Connection la neilo    survey a  lo neih tawh behchhanin hmalak tur a ni ang.

Warning
Kan veng a (V Sec) standinga No 4 zuar kha sim ngei ngei tura hriattir i ni.

Life Music buatsaih tum a ni
Music lama kan veng, abikin thangthar music  tui te  zawn chhuah  runpui neih tum a ni a, atel tam dan athu in kumin ah vawi 2 pawh siam sak  tum a ni bawk. Tin, veng tan a nih chuan mahni neih leh music instrument leh atul ang angte pawh thawhphal hial  an  awm  a ni. He chance hi bawhpelh chi a ni lo ang. Group/ band/ Soloist te lo inbuatsaih nghal chur chur ru le, Sound track hman phal a ni dawn lova,  Vengsang mi tu pawh sawm kan ni a, zam miah lovin  band lo in siam tan ru. Engzat nge kan nih tih hriat  vat angaih avangin Project veng leh Vanapa lamten Pu PC Vanlalsiama hnenah leh  PHE veng  leh Hostital vengten Pu Lalsangliana (Editor) hnenah in report tur a ni.


EDITORIAL
Inenfiah nan hmang ang
     Mizoram Police te chuan kumin January atanga September thla thleng khan hmeichhe chunga hleihlenna (crime against women) case 137 an ziaklut tawh a. Kum 2008 a\ang phei kha chuan hetiang case hi 639 ziahluh tawh niin, heng zingah hian 303 chu pawngsual case a ni.
       Hetih rual hian New Life Charity Society (NELICS)-in an chhinchhiah chinah kumin chhung hian mahni intihlum 53 an awm tawh a, an zingah 15 chu hmeichhia an ni. Hmeichhia heti zat mahni intihlum an awm chhan hi, hmeichhe chunga hleilenna case tam hi factor pakhat a ni ve maithei a ni.
      Pathianin hmeichhia te a siam hmangah hian mipa aia derdep, awmnem leh enkawl ngai deuh an ni a, chu chu Bible pawhin a sawi dan a ni. Heivang hian hmeichhiate chunga kuthhlak te, hmeichhe chunga hleilen te hi 'pa' nihna-a kan la ngai fo reng a nih chuan, kan 'pa' lutuk chiah tawh lo deuh tihna a ni thei ang.
      Hetih rual hian hmeichhe thenkhat chu mipa tan pawha zilh deuhhlak ngai an awm ve bawk thin. Hmeichhe lu chu mipa a ni a, Mipa lu chu Krista a ni tih hi Bible min hrilh dan a ni a, chuvangin inrem tak leh lungrual taka khawsa ho tur chuan hmeichhiate hian mipa zah dan leh an thuhnuaia awm dan pawh an zir a ngai ve bawk.
      Chhungkaw kehchhia (broken family) kan tihte hi nupa inlungrual loh avanga inthen vang emaw, inthen em lo pawha chhungkaw khawsak ho nawmlohna a ni thin. Kan ramah pawh hian In khat a cheng, inbe ngai lo leh chhungkua an nih pawh hriat mang lohva inmikhual pelh mai mai te pawh an awm nawk tawh mai. Heng te hi mipa in a lalna leh thuneihna a hriat lutuk avanga chhungkua a enkawl thiamloh vang te, nu berin pa ber zahna chang a hriat tawk loh vang te a ni thei bawk.
     Chuvangin Kristian za-ah za nia inchhal ngam kan ramah hian chhungkaw lungrual, Kristian chhungkua ni awm renga nun dan kan zir deuh deuh a tul a. Tuna hmeichhe chunga hleilenna data atang chuan hetiang chhungkua hi lo, chhungkaw inenkawlna tha lo hi kan ramah a tam hle tih a lang thei a. Chu chuan rilru hrisellohna (drepression) thklenin mahni intihhlumna hial pawh a thlen thei tih a lang a. Chutah chuan mipa leh hmeichhia ten kan nihna tur ang taka nundan kan hman thiam a pawimawh hle a ni.


Englo  huang
:)  Keini chu kan che Eco ltk..puan kan lei te hian Zorini nen kan in bun hmawk thina sum a save raps
- Lalmami T. Sec (Pawh-hawn bul)

:)  Kumhlui thlah zan khan phailam return tlangval ti in Maikala YMA lungphun bul kan hman pui ve a atuk zingah an Laptop bo vangin Police in min ko rem rem mai chu pui tak a ni..!! 
-SH ropuii & Hmingte-i  N.Sec

:)  Xmas,  thiante thlim meuh a vah chhuah ruk pawh awmzia ka la nei lo, Ka sam hi pawh ngil tir i la hei ai hian ka luck deuh lawng maw Pu Mahnun?
- Rintea (Zokawngchho)

:)  Kumthar  kan lawm theih thin nen azing ta mah mah.. rilru a a thawhdan a dang ta tlat.. Ehemz hrethiam mai em Tlangvalte u?
- Lianzuali  N Sec (Hospt)

:)  Kum 2012 alo thlen  meuh chuan a hrasa sa a Kanan a camping aluh pawh a lo sawt chuang keu vel lo a nih hi, kan kum-hlawi leh tho mai.. Hihihi..
-Marova  K Sec.

:)  Christmas zan hi chuan ril hmel deuhin mahni in chhuak ve nalh zel i la, engmah ti lo mah i la, nula hmanpui kan ang tho2..
-Apiana  T Sec

:)  USiama hi ka ngaihsan tehreng nen nupui min la hmuhsak thei lo reng reng!!
-Enkawla (Tuka) N Sec
:)  Semi final ka lut ve ta, TU BER hi nge ka final pui ang awww?-Sawmtea (Khuaia) Zokongchho

:)  Kumhlui thlah zana ka hmanpui tur thla an lakpui nasa deuh nge, thinrim vang em2 pawh ni lovin Motor na taka khar hnan pah in kan tlan-tauh  nghal chu..zia lo...
-TP-a  Project

:) Vengsang  Mantea intih kher hi chuh??
-Zoted-a Br. OB

 ===============================================================================

EDITORIAL  BOARD

Editor    :      Lalsangliana     

Jt. Ed.     : H. Remsanga   

News Ed.  : Zodinsanga       

Cir. Manager:  All Section Asst.Secy.  &   PC Lianmawia Keifangtlang                        

Manager: R.Lalchhuanawma




0 comments | edit post
Make Flying Twitter Bird Gadget