Souvenire min pe: 
Zotlang Branch YMA ten hmanni a Golden Jubille aan hman zawh taka Golden Jubille Souvenire an siam chu kan Branch Copy 1 (bu 1) min rawn pe a, kan lawm tak meuh meuh a ni.General Conference in report te: General Conference 2011 Kolasib-a kal tum in report te member 6 awmin in report hun chhung hi tawp tawhin heng in report te hi hun remchang hmasa berah inhmuhkhawm tum a ni.


MUP  Day
Nimin Inrinna khan Vengsang Upa pawl ten an ni pual (MUP Day)  lawmin Vengsang Branch YMA halla ah intihhlimna an nei. Nilenga intihhlimna an neih zawhah zanriah tuihnai tak an kil hobawk. Member kalte an hlimtlangin an kal tha thawkhat hle.


Vanapa Section 
Vengsang leh Section huam chhung tifaia hnatlang awmni kham in nimin Inrinni khan Section hnatlang koh a ni a, Member hnatlang a kalte ei in tum saktute hnenah lawmthu an sawi nghal. Tlai lamah ruai tuihnai tak Section hruituten an buatsaih sak a, hnatlanga thawkchhuak te an tlai hle.  



O.B Meeting:
Dt. 3.10.2011 (Thawhtan) zan khan Branch OBte Pu C. Chalthanga te inah inhmukhawmin he OB meetingah hian  State Level PYKKA Competion a kan Vengin kan mikhual tur Mamit District te lo hmuah dan turte leh thildang tul leh pawimawh an rel ho a ni a, tin, Branch Committee agenda tur pawh ngun takin an thlir lawk bawk.


Branch Committee:
Dt. 11.10 2011 (Thawhleh) 6:45 PM hian YMA Hall ah Vengsang Branch YMA Executive Committee pawimawh tak koh a ni a, Committee kohna hi sem chhuah a ni in kohna hmuloh palh kan awm anih chuan heihi kohna ah ngaih mai tur a ni ang.

Agenda :
1)Kuang siam dan chungchang.
2)YMA General Conference 2011 chungchang.
3)Lehkha lut
a)Sub-Hqrs YMA Champhai Kumpuan Sub-Comt (Awareness Campaign neih chungchang)
4) A.O.B


Branch Exe. Committee hi kum lai hawl lamah hian kan tam lutuk lo thin a, i ngai pawimawh thar theuh ang u. 


VCte chunga lawmthu : 
Vengsang VC ten YMA Information a hman tur Driver Unit 3 Cheng 4200 man min pe a,  kan VCte chungah Vengsang Branch YMA te an lawmin,  lawmthu an sawi tak meuh meuh a ni. 


Taitesena Section :
Ni 6.10.2011 (Ninga ni)  zing kar khan Section huam chhung (Project huam chin) thianfaia hnatlang neih a ni a, hnatlang an thawk chhuak tha hle. Tin, Vengsang VC-ten hnatlangte thingpui inna an pe a, kan Veng VCte chungah leh memberte chungah Section OBten lawmthu an sawi mawlh mawlh.



Branch Exe.  Committee
     Branch YMA Executive Committee pawimawh tak kohna siam tawh chu veng chhungah chhiattawk an awm avangin thulh a ni a, Lenkhawm zan 3-na Zirtawp zan (Ni 14.10.2011) Lenkhawm banah Branch Exe. Comt. ten Standing Comt. Tv Jonathana (Zaithiam Sumeona U) te In luah thar Pu Hmuaktea te In Vanapa Sec.ah neih a ni. He Committee ah hian Agenda pakhat chauh khel in; YMA General Conference Kolasob a kal dan tur chungchang sawi a ni a, akal turte chuan  Motor hman man atan cheng 500/- thawh nise tih a ni. 
      Tin, hun chep tak karah kan Branch inhlawhna leh sumtuak dan turte sawi khawm a ni bawk. Phal taka Comt.-na In hman tirtu Pu Tluangte chhungkaw chungah YMA in lawmthu a sawi mawlh mawlh.  
Neuva  Section
Section OBten Electrict bill khawn tura an ruatte, sawi nawn ngai lo a mahni bial chan theuh te arang thei ang bera khawn chhuak thin tur leh Section mipuite pawn Electrict bill khawn hlawh cheng 10/- ai tlemlo  lo pe hram thin turin an ngen nghal che u. 


Cultural dance Competition
Ni 14.10.2011 khan 10th Chief Minister Running Trophy in Cultural Dance Competition Ni 13-14.10.2011 chhunga neih chu zawhfel a ni ta. He Competion hi Central YMA leh Art & Culture Deptt. tangkawpin a buatsaih a ni a, Branch tel zawng zawng hi 49 an ni a, Aizawl khawpui pawn atangin Branch 11 an tel a ni.


Mikhual  thleng
Tun PYKKA sport neih zawh takah khan kan Veng in Mamit district kan thleng a, an ni hi veng mi tlawmngai leh  inphalte inah chaw ei darh in , YMA hallah riak khawm thung.


OB  Meeting
Ni 20.10.2011 zingkah khan OB meeting neih a ni a, hetah hian YMA General Conference kal dantur leh a tul ang angte rorel vawrtawp chu neih a ni. Kumin a Conference akal tur hi kan branch atangin member 8 vel leh barnch OB atangin Pu David Rualthankhuma (Asst. Secy) leh Tv F. Lalthanmawia (Treasurer) te an kal dawn a ni. Tluang tak leh hlim taka an hman nan duhsakna kan hlan e.


YMA   lawmthu
YMA General Conference 2011 a kalna turah Pu Lalremruata N Sec.         (Bialtu MLA Pu Sangtea Secy.) chuan phal takin Motor a thawh dawn a, Pu Ruata leh an chhungkaw chungah Vengsang YMA chuan lawmthu a sawi mawlh mawlh a ni.


Vengsang  MHIP-te sum pe
Kumin kumtir lama YMA hall tuichhe  paihna leh ruahtui paihna tur tui luan kawr tha tak mai Vengsang MHIP in an In leh YMA hall inkar an siamna senso phuhrukna atan Branch YMA chuan cheng 3000/- a thawh ve.     


Ruang  chhuak
Ni 17.10.2011 zan khan Tuipui bula Pick up che suala boral Pu Suakzaliana kum 66, Teikhang khua chu Keifangtlang T Sec.-ah tlaivarpui niin post mortem a ni a; atuk Ni 18.10.2011 chhun ah an khaw lam pana phurhchhuah a ni. Kuang erawh Tuipui branch in an rawn siam thung.


Section news
Kum laklawh kan lo chuangkai leh ta reng mai a, Section hrang hrang te hmalakna liantham sawi tur a awm rih lo, hei hi in thlahdah vang a ni lo a, kumtin a thil thleng ve reng a ni e. Mahse inthlahdah lovin atul ang angah hmathar la turin puanven i sawichhing sauh sauh ang u. Section chak chu  branch chakna hnar ber a ni si a. 


YMA  park chungchang
Kan Veng YMA park land lease siam tha turin NOC sign tir ngaite Sign zawh fel tir tep an ni a,  Secretary, Excise & Narotic chiah hmabak a ni tawh. Hei hi Aizawl lama thawnthlak a, fel thei mai a ni tawh a ni.


Section Cencus update
Vanapa leh Taitesena Sectionte tun December chawlhkar hmasa chhung ngeiin  Census update fel thuai  tura ngen leh hriattir kan ni.


Information line siam
Tun nilai ni kalta khan Vanapa Section chawmtu line pakhat, hun engemaw chen ri tha thei lo Tower veng bik   information line chawmtu ruahtui in a tih chhiat chu siam that a ni leh ta. 


Section news:
      Nimin Inrinni khan nilengin Taitesena Section ten Section inhlawh hnatlang an nei a, Inhlawhna petu leh member hnatlang a thawkte chungah Section OBten lawmthu an sawi mawlh mawlh.  
Tin, Neuva Section hruiatuten  Section huam chhung electric bill khawntute hnenah a rang lama Elctrict bill khawn fel zung zung tura hriattir kan ni a, tunah hian a khawna tur bill pawh a lo thleng leh ta tih an hriattir e.


Ruihhlo man :
Ni 26.10.2011 khan New Champhai YMA te chuan an thudawn bawhzuiin nimin zing dar 8:30 vel khan Zote bul, Bulfek kawngah Heroin Can 7 an man. He ruihhlo hi Awingaihlun (40) w/o Vungchinlian, Bukphir, Myanmar kut atanga an manniin thu dawn a ni a, ruihhlo leh a neitu a puh hi nimin khan Excise kuta an hlan nghal. He ruihhlo hi local market ah Rs. 2800 man hu vel nia hriat a ni a. Awingaihlun hi kar kalta zirtawpni a Champhai Excise ten Ganja an man tuma an man tel Dallamkap farnu nia sawi a ni.


EDITORIAL

       Mizoramah hian pawngsual, a bik takin naupang pawngsual hi a thleng zing ta hle mai a. Kan CM zahawm tak pawhin mangan thlak tiin a hremna lam na tawk lo nia a hriat thute pawh a lo sawi hial tawh a. Hetiang thubuai nei tam tak hi rei lo te tangin an chhuak leh mai nia sawi a ni thin. Hei hi dikna pawh thui tak a awm niin alang a ni.
         Pawngsual hi a sarhu lai hi chuan kan rikpui hlut a, amaherawhchu thubuai kal zelah kan ngaihsakzui loh thin avang hian an phu tawka hremna hmu ngei awm takte pawh hian hremna an pumpelh fo a ni tih kan hriat a pawimawh khawp mai. Chuvangin pawngsual thubuai a awm chuan khawtlang hruaitu leh NGO-te tan pawha tih tur pawimawh tak chu thubuai kal dan enzui ve zel hi a ni.      Kum khat maiah thubuai hi chin fel a lo ni lo a, NGO lamah hruaitute an lo inthlak a, lo hriatzui leh bawhzui zel kawngah inthlahdah maite a awl a, chuvangin he lama thubuai umzui ngai awmte hi inhlanchhawn zel a, thu hretute Court-in a koh huna kal ngei tura infuih a, a tul anga sensote pawh inhuam a tul hle a ni. Police lamin an tih tur ang angte a hun taka an tih fel loh avangtein baila chhuah ngaih changte pawh a awm thei. An lo chhuak leh mai han hmuhin mipui rilru a na leh si a, he lai kar tak mai hi kan rilru tina thintu pakhat pawh niin alang.
    Pawngsual tawk an awm a, Pawngsual duh lohna kawngzawhte leh court tuala pun khawm luih luihte hi thil tangkai a ni lem lo tih kan hriat a pawimawh hle. A pawimawh ber chu dan ang a a hun taka charge sheet theh lut theih tura police lam puihbawm leh nawr chak te, a rei tawh emaw pawh nise thu hretu rintlak tak neih te, Court-in a koh hun huna kal zat zatte hi a ni. Eng pawh ni se pawngsualtute chungah hian a na thei ang ber hremna pek hi mipui chuan an duh. Mipui lam kan tangkai ve theih dan leh dan kengkawhtute kan puih bawm ve theih dan lam hi nasa zawka  inzirtir leh puanzar hi kan uar kan ngai tawh a ni  



EDITORIAL

          Kan Veng hi kan hnung mai,  ka lo hmuh ve phak mai ah pawh kan U-te ho khan kan Veng hming an lo chher thin a;   mimal takin thiamna lamah heng lekhathiam, music thiam leh khawvel tukverh changkanna chi hrang hrangah ‘a  ber’   chu ka ti ngam lo na in Veng dangte chung en leh ngaihsan khawp a thiam leh mi chungnung an awm   thin.  Tunah  erawh kan thiamna in tlin in, neihnunna lamah pawh tlin  em em mahse  kan hma hun  thlir ta lawk i la,  tun  atanga kum 5 vel hi han liam  ta se, ngaituah chian ngam awmloh khawpin  kan hmalam a thim in a  ni  kan ti tawp mai teh ang!
          Enge a chhan ni ber ni ang le? Kan thangtharte hian thil reng reng hi an la thutak lo ta lutuk hi. A  mimal takin lehkha zirna kher lo ah pawh                                    ‘Hei   hi  chu a la chhuanawm ang’   emaw  ‘A peihin a taima em a la thiam khawp ang le’    tih tur reng reng hi an awm ta lo. Thiam ve tho, khawih ve thei duam mahse ringtlak leh râwntlak     sawi tur an awm ta meuh lo. Tin, tunah hian Collage kal i han chhiar dawn teng u, an tlem bakah kumtin  an  tam lo  telh telh dawn tih a lang thei bawk.
        Thahnemngai takin thiamna lamah leh hriatzauna hawiah [engnilo mah i la]  Branch dang leh khawdang chanchinbu tih ngai miah loh  ‘A duh apiang te tan zawh theih kan ni’ kan ti chamchi a, mahse  kan thangtharte ah hian a englam hawi mah hi thiamchak leh zir chak zu awm ngai hlek lo a.  Internet lam han hawi thuak i la, Vengdang leh khawdang te thuziak leh an post thlir hian Social Networking kan neih chhun Vengsang Facebook a kan post te hi sawi pawh a zahthlak mai  dawn. A lut thin ten  mi dangte tlawh chakawm khawp a engemaw tal a kan buaipui a hun tawh a ni,  tun hun kal lai meka  kan  nihna dik tak lanna a ni si a. Hawh u Vengsang Nula leh Tlangvalte u, i harh  ang u, tuna pangin  ‘Thil mi lo siam / min lo tihpui ‘ kan tih mek  hi..!



EDITORIAL

    Mizoram hian thawh chhuah mumal nei lo mah ila, Cetral sawrkar hausakna zarah vantlang ram leh kawngpui te bakah thil dang dangah sawrkar hmalakna kan dawng nasa hle a, tunhnai mai ah pawh Champhai ah tui te pump chhuak in mipui hnenah sem chhuah a ni.
        Hetianga vanneihna kan dawnte hi mi tam takin kan enkawl danah mi ta, duat leh dim ngai lo anga hriatna kan la nei tlat hi hmasawn kan ngaihna tak pakhat a ni awm e. Kawngpui (Metal road) ah te a tichhe thei zawngin hna te kan thawk thin a, tin, tui point (Tee Cluster) kan neihte pawh dim na chang kan hre hek lo. Sawrkar bungrua a nih chuan dim ngai lo a ngai tlat leh mahni tana lo hman mai duh tawk kan la tam hle mai.  Kan in ennawn a hun ta a ni. Hetianga sawrkar in hma a lakna leh hna a thawhna chhan chu keimahni tan vek a ni a, sawrkar ta a nih chuan kan ta tho a ni. Chuvangin kan chheh vela vantlang thatna tura sawrkar hmalakna leh bungrua te hi duat tak leh dimdawi takin i enkawl tlang ang u. Kan neih ang chun chunte kan vawn that tlata kan venhim that chuan hma kan sawn zel ngei ang.  Sorkar thil kan dimdawh a, mahni thil ang a kan en theih vek hunah chuan  kan ram hi ava nuam dawn tehlul em!



EDITORIAL
EDITORIAL

        Kan vengah hian ran vulh kan thahnem hle a, a bikin ui, ar leh vawkte hi vulh a sam deuh avangin a nei pawh kan awm nual a ni. Ran te hi a ngainatu tan chuan an lawm awmin an ngainat theih hle a, abikin ui ngat phei chuan a neitu a tihlim thei hle a ni. Chutiang bawkin a ngaina lotu tan chuan tenawm leh ninawm an ni sam em em thung.
Ui leh ar te hi tlachhuak chi an nih avangin midangte tan an hnawk sam zual a, tin, vawk vulh pawh In hmun chep tak tak a awm kan nih hlawm avangin kawnga kalte leh thenawm khawveng tan rimchhia a siam awlsam hle bawk. Heng kan ran vulhte hian midang tan harsatna an thlen theih avangin khawtlang hruaitu VC lam leh thuneitu sang zawk pawhin khuahkhirhna dan an siam thin a, mahse ran vulhtute hian kan zawm tawk lo hle a ni.
Ram changkangte tihdan ngaisang hnam kan nih angin Dan leh Hrai an zawm that kawngah hian entawn ila a duhawm hle mai. Dan leh thupek a awm chuan an zawm mai a, viltu an ngai kher lo. Chutiang ang chuan Dan leh Hrai kan neihte hi ran vulh kawngah mai ni lo, a zavai in mimal tin hian kenkawh ila, kan harsatna tam tak hi kan pumpelh ngei ang.



EDITORIAL
Mizorama nitin chanchinbu-a kan chhiar tam ber zinga mi chu 'ruihhlo man thu' hi a ni awm e. Ruihhlo do kawngah Anti Narcotic Squad te leh YMA te an tangkai hle a, nitin deuh thaw ruihhlo chi hrang hrang manin, an mi man te pawh hrem thin an ni. Hetiang taka ruihhlo man tur a tam a nih chuan, kan ramah hian ruihhlo a tam hle emaw, ruihhlo tawlhrukna kawng lian tak emaw kan ni tih chu a chiang a ni.
YMA te leh Police te hian heng ruihhlo zuarte hi man ve bawk mahse, reilote an tang a, an lo chhuak leh mai thin niin an sawi a. An mi man thin te pawh hi mi tam tak ni lovin, an man tawh man nawn leh an ngah hle niin an sawi bawk. Hei hi a chhan ber nia lang chu, ruihhlo leh ruihhlo zuartute hremna dan kan hman mek, Narcotic Drugs and Psychotropic Substances (ND&PS Act) leh Assam Drugs Control Act, 1950 te that tawk loh vang leh chak tawk loh vang a nih thu an sawi fo thin.
Assam Drugs Control Act hi Mizoram chuan a hmang (adopt) a, he danah hian ruihhlo zuarte hremna hi a nep hle niin Dan lam thiamte chuan an sawi a. He dan hmang hi chuan a na thei ang berin hrem tum pawh nise, a tih tak tak theihloh niin an sawi bawk. Hetiang dan hlui tawh leh tha tawk lo hi engatinge kan hman reng tih hi zawhna lian tak a ni. Kan ramah dan siamtu (legislator) kan nei a, heng mite hian kumtin dan tam tak siamin, dan awmlai tam tak an siamdanglam (amend) thin a. Hetiang a nih laia ruihhlo zuartute leh a hremna dan mumal kan nei lo leh kan neih chhun pawh tha tawk lo tak kan hmang reng hi chu enfiah deuh a tul a ni.
Tunah hian The Mizoram Drugs Control Act tur chu buaipui mek niin an sawi a. He dan (bill) hi chak taka bawhzui a, central sorkar remtihna lak hmasak a tul a nih pawha rang taka tlan pui thuai thuai a hun niin a lang.
Ruihhlo zuarte hremna dan tha kan neih hma chuan, eng ang pawhin ruihhlo hi doin a titute hi man thin mah ila, 'Tui hnar lam nu, a mawng lama lo tihfim tum ang chauh' a ni a, awmzia a awm tak tak thei lo. Chuvangin a hnar lam kan tihfim hmasak theih nan, a hremna dan tha leh khauh kan neih thuai a tul a ni.
================================================================


NLUP   HRIATTIRNA
     Heng a hnuaia kan tarlante hian tunkar Ni 6.102011 ral hma ngeiin VC Secreary Pu Rambuatsaiha Chawnghlut hnenah kan Job Card a Epic No. leh Rural bank a kan Account No. kim lo lai awm zawng zawngte kim taka thehluh vek tur a ni.
     Kan hming zawnah a in ziak lo (Blank) atangin kan tih turte kan hre thei mai ang. Heng ti lo te chuan NLUP 2nd Installment-ah  Rural bank atangin kan Account direct-a an rawn thun tawh dawn avangin  harsatna a awm thei dawn a, ngai pawimawh vek tura hriattir kan ni.


NAME           FATHER’NAME  TRADE             
1.Lalhruaia               Liankhuma               
2 C.Malsawmtluanga C.Zoliana   
3 Hauthama               Hnudala            
4 K.Lalchhinga          Kapdaia     
5 Lalremrauta papuia H.lalpianga
6 J.H.Lalnunzira        Khawvelthanga
7 Zokaia        Zoliana(L)    
8 C.Rodinpuia           C.Ronghinglova 
9 Rosangpuii Lalngenga sailo
10 Lalthuami Liankhuma(L)  
11 R.Pachhunga         Kaivunga
12 C.Lalbiakliana Bawihlinga
13 Lalrinngheta Saithata
14 B.Lalnghakliana Thansanga(L) 
15 Lalbiakenga Rozama
16 Vanlalremi Lalmawia(L)
17 B.Lalremthanga Sapthanga  
18 Thandailova Vailiana
19 Laldika         R.Vanlalzauva
20 Eric Lalrinmawia Thanzama(L)
21 H.Lalramthara H.J.Lalchhuana
22 Lalhmingthangi Hautawna(L)    
23 Samuel Zodinsanga Famkima
24 Lalrintluanga         F.Tlanglawma
25 Lalluahpuii Kapkima
26 Ngurzuali Chhuanvawra
27 Zosanliana Durtea R.Chalhlira
28 Aitea(L)         Zalawmi
29 K.C.Rosangzuala Tualchhingvunga 
30 R.Lalhmangaihzuala R.Lalthakima
31 Ronghaki Pangthanga(L)
32 Lalparmawia         Lalsawma
33 Lalthianghlima B.Lalremthanga
34 Rohlupuii Doliana
35 Lalpiangthara         Pahlinga             
36 Doliana         Saptawna
37 Lalthakima C.Thangchuanga 
38 Vanramthanga Taithuama
39 V.Hrangdailova Papuia(L)
40 Rothangi Lalhela(L)
41. S Luni         Zapianga



NLUP hriatirna pawimawh
Ngurzuali  d/o Chhuanvawra Vawk vulh thlangtu khan arang thei ang bera Vety Office ah i  ID card number leh account  number report tura hriattir i ni a, i  in report vat loh chuan NLUP  2nd installment i dawnna ah harsatna i tawk a nih pawh in i sawisel thei lovang.


Sanitation Complex leh Ran khuahkhirnna
GM gate bula vantlang ekin leh zunin intawm sak lai chu hman theih a ni dawn hnai ta, reilote ah zawh tumin kan VC ten chak takin hma an la mek. Tin, tunlai hian ui leh ar chhuah kan tam hle a, heng ran khuahkhirh lohte hmuh a nih chuan hi kan veng VC ten dan dinglai angin an chawi tir zel tawh dawn a ni.


Vawmbal tuikhur
Vawmbal tuikhur tui tlan thin te ngenna ang in Vawmbal tuikhur bul vela cheng ten tui in pipe lui tlat duh a nih pawh in, in pipe lai a nih loh chuan tuikhur ti hnawk lo zawng a pipe dah fel zel tur leh tuikhura pipe chiah reng lo turin an ngen tak meuh a che u.     


Pawisa i lo chhar em?
Zirtawp ni khan Pu Lalkima K Sec. in leh PHE Office inkarah cheng 500 tih bo a ni a, a lo chhar in awm chuan K Sec  Secy. Tv  Marova hnenah in hrilh hriat ni se, mit var man  tha tak an lo pe dawn che u a ni.


Heti zawk hian 

YMA hi tlawmngai pawl, pawl thianghlim, Mizo zawng zawng lenna, Political Party leh Kohhran bik awm lohna a ni a. Kan hma lawka Central YMA hruaitu thlanna lo awm turah pawh hian thianghlim taka kalpui a nih theih nan Political Party emaw, pawl dang inrawlh leh inhnamhnawih hi Central YMA chuan tha a ti lova, hetianga inthlanna tibawrhbang thei zawnga che leh Party Politics inrawlh tumna a awm a nih chuan Central YMA chuan na takin a do let ang.



Central YMA atangin thu lawmawm tak dawn a ni a, kumin ah pawh khaw pâwna Central YMA chanchinbu la tha lawmman kan dawng leh dawn a, engzatna nge kan nih  dawn erawh an sawi lang lo. Hetih rual hian kan lakna pawisa hi Branch sum puk a ni a; Sub agent ten rang taka hnawhkhah leh vat i tum ang. Sum kan khawn loh  leh la pe lo te emaw, lo pêm an awm anih pawh report mumal tak pe in, mahni bial  tinte felfai takin in dapchhuak leh  teng ang.       


Grape chingtute tan
Assessment mumal tak neihna turah, in report lo kan la awm nual a, hetah hian  Grape chingtu hming, Grape chinna ram Grape chinna ram zau zawng, Grape chin zat, Kum 2011 a Grape thar zat leh  Kum 2011 a Winery apek zat chiang takin Pu C. Zohmingliana Neuva Section leh Pu V. Vanlafaka  Vanapa Section ah in report kim vek tura ngen nawn leh kan ni. Hamthatna in min kân paih ang e.



PHEK   KHAT
Dam sam lohna leh chhungkaw thil eng eng emaw vangin tun Issue chu kan phek khat ta mai. Tin, kan chanchinbu ti kimtu hriselna leh hriatzauna  lam lah chawlhkar 2 dawn chu Internet a chhiat  tlat avangin kan kût lo chi hawi ta mai mai, in hriatthiamna kan ngen e.



Awmlai
Lalchhanhimi kum 35,  apa Za-ngama Rahtea veng chu Ni 11.10.2011 (Thawhleh) zing dar 6: 15am khan Civin Hospital Aizawlah Cancer natna in a boral. Aruang hi tlaivarpui in atukah Jamader thlanmuala vuiliam a ni. Lusun chhungte  thinlung takin kan tuarpui takzet a, Pathian thlamuanna dawng zel turin duhsakna kan hlan e.


Motor chahbi i chhar em?
Tun Ningai ni khan 407 chahbi tihbo palh a ni a, a lo chhar emaw, a chhartu hria chuan Tv Lalrinsiama (Rintea) Zokawngchho Ph.9862******  ah hriattir ni se a lawmawm ngawt ang.


    Sum indaih lohna a nasat em avangin  uluk taka sum lut zat enchian kan duh a, chuvangin kan Agent tinten mahni bialbu te kan Manager Pu Chhuanawma hnenah emaw Editorial board (Section hruaitu ni lo) hnenah tunkar chhunga thehluh vek tur a ni e.
    Kan sum dinhmun leh kumin kan la pek turte nena enfiah a, chak taka hmalak tum a ni a, Agent ten ngaih pawimawh theuh tur a ni ang.   



VC  News
        Pu R. Chalhlira kawmthlang kawng (GMHSS  kawng) chu tunah hian siam that / cheithat mek a ni a, Vantlang ekin /zunin GM gate bula mi pawh ngawrh taka sak mek a ni bawk.
       VCP Pu Huzama leh Pu Mathanate tunah hian khawtlang tana thil pawimawh buiapuiin    Aizawl an zin mek a, an zin chhanah an lawm hle tih thu kan lo dawng.


NLUP  Mont. Comt.
Central Sorkarin NLUP,  Village level monitoring Committee aruat  tharah  heng mi te hi  kan Veng atang apuipa turte chu an ni-
Chariman :  Pu R. Vanlawma
Secretary :  Pu Rambuatsaiha 
Memberte: Pu Lalchhanhima,  Pu C. Ronghinglova,  Pu Chalthuama leh
Pi Laltluangi.  


Electoral roll  2011
Election Commission  of  India in thupek a chhuah angin Special Sumarry Revision of Photo Electoral roll 2011 chu October Ni 1 atanga November  inkar chhungin neih tur a ni a, hming dah thar duh, siamtha duh leh paih duh neite chuan dilna a thehluh theih ang. Diltu chu kum 18 atling ngei ni tur a ni a, In thunthar duh  chuan passport  copy  khat ken angai bawk.  BLO dilna turte-
Pu C. Zohmingthanga  (Neuva & Khuangchera huam chhung)  
Pu Lalthanthanga  ( Vanapa  &  Taitesena]


News Editor thar
In mi hmuh angin kumin chanchinbu enkawl (A chhutu) hi mi 2 chiah kan ni a, kan la chhangchhe em em zui. Branch Secy. MP-a hi awm lo phei se chuan kan nasa lo ngawt ang le..! Tichuan kum laklawh pawh nise News Editor thar atan Tv Zodinsanga  V Sec. [YMA hall hnuai] chu lakthar a ni a, kan indaihlohna nasa taka a ziaawm ngei kan beisei a ni.


Ngafuan ven khap
Champhai Sub-Hqrs. YMA Coordination Comt. thukhawm chuan Sub-Hqrs. YMA huamchhung lui dungah Nghafuan ven an khap. Forest Dept. nena tang kawpin Branch YMA leh Group YMA te an duty dawn a,  Nghafuan ven tum lo turin minchah a ni.



VC  News
Pu R. Chalhlira kawmthlang kawng (GMHSS  kawng) chu tunah hian siam that a slap mek a ni a, tin, BNRGSK in vantlang mipui hman tur chu Project veng (T Sec. ) ah siam a ni bawk.


Health Care Scheme
Mizoram Health Care Scheme hnuaia dilna siam thar duh te tan tun thla Ni 13 (Nilai) ni thlengin dilna Channem bulding-ah a thehluh leh theih ta. Hun tiam chhunga dil lo te erawh Nilaia an thawnthlak tawh dawn avangin  pawm a ni tawh dawn lo thung. Hemi chungchang hrechiang duh te chuan    Pi  Chhuangi Hospital road (N Sec.) ah zawhfiah theih reng a ni. 


Mi  chhuanawm
Kan hnung deuh a Zorampum huap Taekwodo  Festival Aizawl a neih zawk takah Vanlalpekhlua  s/o Dr. Lalbiaktluangi (Hospt. Quarter) a mi chuan Gold medal a la a, apumpuiah Champhai hi District  chu 4-na an zu ni nghe nghe. Kan veng ti hmingthatu  Peka hi kan chhuang takzet a ni.


Politics leh kan chanchinbu
Kan hriat angin nakum mai hi VC  Inthlan a lo ni leh dawn ta reng mai. Hei vang hian akumkhaw thu a kan fimkhur em em na thin,  party leh politics lam hawi thei ang chi reng reng chu thailan a ni ngai dawn lo. Kan hnung deuh khan mimal zalenna angin NGAIHDAN  tarlan thin a ni a, mahse thui tak kan ngaituah hian tih tawh rih loh mai hi kan ti tlu ta.  SMS hmang emaw pawn helam hawi hi chu rawn thawn tawh lo hram turin kan in ngen a ni.  Hetih rual hian kan veng a thil thleng ang chi hi chu tarlan zel a ni ang a; mimal emaw, eng party pawh  lo thlang lal i la, fak phu te leh  fak tlakte  erawh uar takin kan fak  zel dawn.


In luah chung chang
Misual, rukru leh ruihtheihthil a kan lo fihlim lehzual nan  Veng chhunga In luah tur nei ten In luahtu tur chungchangah fimkhur theuh turin kan in ngen a, a bikin hnam dang mi luah tir lo tur leh YMA leh V.C pem lehkha mumal tak leh belhchian dawl tak nei lo phei chu luah tir reng reng lo turin kan in hriattir nawn leh a ni.



Job card thar
Heng a hnuaia kan tarlan Job Card nei thar turte  hian,  kum 18 chin hnathawk thei ngei chuanna passport size copy 3, VC Secretary     Pu Rambuatsaiha Chawnghlut hnenah arang lama thehluh tur a ni ang.
1) Larinfela  s/o  Lalhmuaka
2) Hriatpuia  s/o  B. Robula
3) V.L Thafala  s/o  Laltana


Ni 100  inhlawhna
MREGS hnuaia Ni 100 inhlawhna Ni 5 thawk chu tunah hian a chhuak dawn a, a semtu Dakin (Post Office)  lamte hman hun hunah thawhhlawh hi Veng chhungah sem a ni ang.   


Vengsang  MHIP lawmthu
MHIP in leh YMA hall inkar tuichhe paihna leh tuiluan kawr siam zawh takah  Vengsang branch YMA chuan an thilsiam senso phuhrukna atan pawisa fai cheng 3000/- lai a pe a, kan veng  YMA te chungah Vengsang branch MHIPten lawmthu an sawi mawlh mawh a ni.


Faillui  leh Khuailui  
Kan veng hian ta neih theih luite pahnih Faillui leh khuailui kan nei a, heng kan lui 2 te hi a ruka Chakai tûr phul ching kan awm thin a. Lui nungchate tan a pawi chang a ni lo a, a eitu mihringte tan a hlauhawm em em bawk, Tin, kum tin mai Dynamo a Sangha hawlh rêm vek duh kan la awm fo lehnghal hi chu sim a hun takzet  a ni. Tun achinah a titu YMA  in hriat kan neih leh  phawt chuan mualpho takin Chanchinbua an hming kan tarlan bakah thuneitute kutah hlan zel an ni tawh ang.


Sangha dil siamte  hriattirna
Vengsang huam chhunga Sangha khawitute tan Sangha dil tanpuina DFDO Office Kahrawt ah dilna theuhluh theih  a ni a, he dilna hi Ni 31.10.2012 hma a tihfel hman vek tur a ni bawk e. Hrechiang duh tan mahni veng hnai ber OBte hnenah a zawhfiah theih ang.






VC  News
BNRGSK  atanga  vantlang mipui hman tur chu Project veng (T Sec. ) chak taka hna chhunzawm mek a ni. 


Phone  hrui ruk ching
Tunlai hian kan vengah Telephone  hrui ruk ching an che nasa in hmun 10 aia tam ruk a ni tawh. An phone hrui satchat lai hmuthawi awm in, an pianhmang chhinchhiah  fel an ni tawh a,  kan veng  YMA leh Police (MPRO) ten man chhuah ngei an duh a, heng misual te hi Case lian tawk tak awrh tir a, District Jail a thawn leh Veng atanga hnawhchhuah an ni ngei  dawn a ni.   


Sawhthing 
Tunah hian Sawhthing buaipuitu Company din tum mek a ni a, khaw hrang hrangah Sawhthing chingtu Association din mek a ni.  Sawhthing Associationte hi kohkhawm a, Sawhthing rate a tha thei ang bera bithliah tura ruahmanna kalpui mek a ni. COmpany neitute nen inremna kawng zawhin an la inbia ang a, Bangladesh leh SIlchar atangin rate hniam lutuk an rawn bithliahte  thin te tih tawp beisei a ni.


Zawlaidi  chungchang
Champhai leh Hnahlan Grape Growers Society General Body Meeting, nimin piah a  Venglai Community Hall a kalkhawm chuan Zawlaidi man a tan Rs. 102  bituk sak chungchang ah thla leh November ni 10 ral hmaa an beisei ang a Zawlaidi man sawrkarin a bithliah sak lo a nih chuan Winery a Grape petuten a Um a insem vek nise an ti. Winery hi Self Help Group hmangin  Rural Bank ah Cheng nuai 125 puk atanga din chhoh a ni a, hnathawktu mi engemaw zat an ruai a, loan Interest rulh tur tam tak an nei mek bawk. Pawisa ba te hi Zawlaidi  hralhna atanga  rulh tur  leh a ni a,  Winery thuneitute chuan hetiang a nih chuan an leiba te an rulh theih dawn loh  avang in a man bithliah sak tha leh turin Chief Minister, Horti Minister, Excise Minister leh Parliamentary Secy. a mi pawimawh te be turin  lamkal  tirh  an tum mek a ni. Kan veng atang pawhin huan neitu mi engemaw zatin Winery ah hian Grape an thar ang angte an chhung a, thil duhawm lo thleng lo hram se a duhawm hle mai.


ZUALKO
Pi Bilheli kum 68, BSNL ramri,Helipad hnuai Neuva Section a khawsa chu Ni 25.10.2010 Thawhleh zingdar  7:00am khan an chenna Inah a boral a, aruang hi vuiliam nghal a ni. Lusun chhungte kan tawrhpui takzet a ni.



Kan Nu Chawngchhingi’n  Ni 12.9.2011 chatuan ram min pansan tak avangin Veng chhhung nula  leh tlangval, nu leh pa, YMA, HMIP, MUP leh Kohhran ho ten atul ang zawng zawng  min buaipui avangin in chungah kan lawm takzet a, in tha leh tui leh sum leh pai senna zawng zawngah Lalpa’n alet tam takin rul che u rawh se tih hi kan tawngtaina a ni.
Chanchinbu kaltlanga kan lawmthu sawina hi in zavaia min lo pawmsak turin kan ngen a che u.






A hmasain, Vengsang Branch YMA chanchinbu kaltlang a kan lawmthu sawina hi, min lo pawmsak turin kan ngen a che u.
Ka thian nu, Lalchhanhimi’n min boralsan avanga khawtlang nu leh pa te leh thenawm khawveng ten tha thulh mai ni lo; sum senga min hmangaihna in lantirna te, kan khawhar hlauva tun thlenga min lenpui a, min tawiawmnaah te khan in zavai chungah kan lawm takzet a ni.
Kan chunga inthatna leh min hmangaihna hi alet tam takin Lalpan rulin malsawm che u rawh se.





Kan hriattlan atan
Chhiattawh lawmthu a thlalak (photo) hi ngei ngei in a awm tur tihna a ni lova, tarlang duh lo te kan awm ve tho thin a, hei vang hian inthlahrun chuan loh tur.



Internet lamah
Kan chanchinbu hmun dang leh tlang danga awmte chhiar tura kan dah  [Up load] thin chu chhungkaw thil leh zinbo avangin vawi 2 ngawt kan update thei ta lo a, tun Issue nen hian akima dah tum a ni. Kan tum a nih chu..! Tunlai Server down nasat zia hi kan hre vekin a rinawm. Online lam lo chhiartu leh nghakhlel taka lo thlirtute hriatthiamna kan ngen.



Pawisa bag chhar a ni
Police Thana kawr velah Purse achhunga pawisa awm ti bo chuan a nihna leh pawisa zat chiang taka sawiin  Pu Hruaia s/o Rangkhumi (L)   K Sec, hnenah a ngaihven theih e.





 Mama hian engtik ah tak min rawn hruai ang maw khua ava har leh tawh ve. Zapari pawh ka tluk ta loo
- Mapuii V. Sec (Nt)


 Marova hriat lohvin keichu ka ti keuh mai alawm..
- Pu Denga. K. Sec (Nupui neithar)


Thiante tan chuan engpawh ka huam ania aww Ziaknu
- Lalngaiha (BA) V. Sec



Thlerpui lam khu ka tan chuan lum mai hlauhawm khawpin a kawng chhuk mahse ka ngaina riau......
- Rinmuana  N Sec.


 Hawh teh thiannu Ronghak, kan kawppui dil dan hi a la fuh tawk lo a niang.. sai ip sin leh lu a vaivut phul meuh in pasal i dil leh zawk teng. Hei kum aliam leh mai dawnnn....
- Dintluangi  (Pastor veng ) V Sec.


Kei chu tun thlasik khaw vawt tur ka ngai ngam lo. Kawmchhak ‘Runmawi’ a mi ngei khi la lut keih  tawh mai tengs...    
- Zarzova  K Sec.


 Ka la KZP  reng e Vawmbal road lamah ngei khann ..Mahse ka zep tlat!
- Zodinpuia T Sec Leader


 Lalkhuma bialnu hausa deuh kha lo zin leh se..Hotelah buh han bâr leh tak Het.. ka ngaihdan a ni lo Aizawl - Champhai inkar kawngah tunge min zawng ve ziah? Vanlalmuan

- Pu Rinsanga (Ziau) Fin. Secy


 Om om a nu... ava rei lo veee
- Pu Tluangtea Ex. Editor


 Malsawma zui chu kan hah thei lutuk motor kawng awm lohna ah pawh a hre hnem lutuk..
- David-a  Asst. Secy.


 Thil tak tak tih chuan ka va khur nasa vee.. ka hming sign pawh kha ka pa hming ani maithei ni ka hrechiang tawh lo.. Thlalak lai pawh ka hre mang lo..
- Pu Rka N. Sec (Nupui nei thar)


 General Conference 2011 Kolasib chu ka u akal chuan ka kal dawn leuu. a hei den rial theih dawn loh tlat...
- Zo-a (ted) Vice President


 Zosanga hi ka bengdar athat loh avangin midang bulah ring deuh deuhin min biak kher 
- Tv. Terema (Dr.) V. Sec


 MPRO Office chu kan in piah ah a awm..
- Tv. Sawma.. V. Sec (MPRO bul)


 Lalkhuma bialnu hausa deuh kha lo zin leh se..Hotelah buh han bâr leh tak tak i la...     
-Lalmama Vawmbal bul 


 Nupuite nau nei tur lo tahpui ngawih ngawih hi a mawi lohna ka hre lo.. Ka zan hnathawh vang a ni miau a! Sim theih a ni dawn si lo.. Huiss....
- Thate-a  (Fanu nei thar) T Sec.   


 A phar sang sang atan leh a hrut hniam2 atan chhawk hi chu ka chem kal ve na a nia..    
-Pu Ruaia T Sec.


 Ni kangah chuan bang awngah chhemthei rawlh in mi ka vau chhuak thei..!!   
- Kima (Liana Veng) N Sec.


 Hrui tel lo hian heti em em hian a lo in thlun beh theih tih hi ka hre ve chiah!!!      
- F. Thanmawia Br. Treasurer


 Mi chu an vawikhat sim hi a tawk mai thin a, kei chu sim reng mai ka ngai hi a buaithlak a ni..!!
- Pu SH R.K-a N Sec.


 Mi zawng zawngah kei chu nupui ka nei ber awm e. Tu dang zawng aia ka thlan ka nupui hi a va hlu tak em..
-Bine-a  Vawmbal road 


 Chawngtlai ka pem hma ngei hian ram riak leh hmak teng..
-Pu Chunga  Tower veng


 Â nì Zohming,driving lisence hi kum 18 chin tan a neih theih i tia, nang chuan 2 i nei thei daih tawh ti raw?? 
-Zarmawia fa te (Liana Veng)  N Sec. 



 Nupuite nau nei tur lo tahpui ngawih ngawih hi a mawi lohna ka hre lo.. Ka zan hnathawh vang a ni miau a! Sim theih a ni dawn si lo.. Huiss....
- Thate-a  (Fanu nei thar) T Sec.   


 A phar sang sang atan leh a hrut hniam2 atan chhawk hi chu ka chem kal ve na a nia..    
- Pu Ruaia T Sec.


 Chawngtlai ka pem hma ngei hian ram riak leh hmak teng..
-Pu Chunga  Tower veng



 Thil dang dang hi chu ka hrethiam, lei si lo, van si lova min khâi fo mai hi chu tawrhthiam har ka ti a ni..!!
- Zova Br. Vice.Pre.


 Kan hnung mai khan rannung seh tu Scrub  Typhus in min seh emaw ka in ti a, kan nupui Puitei bulah te, kan Inpuiah leh thiantha te bulah thuchah hnuhnung uluk-ly in kan thawn thlap2 hman a, CHINGCHIP seh lek chu lo ni in...Sala! Thih kan tum nasat teh reng nen... Zialo kher mai..
- Mawia (Auto Driver) Hospt.


 Nidangah chuan Chamul pawh pack 1 kan lei thin a, tunah chuan thahnem ngai takin pack 5 lei a ngai...Phone call pawh zanah chuan la ngai lo rengs!
-Muandova  Branch OB


 Rickshow atanga TATA  Ace kan  promotion meuh chuan mi nu mai ni lo, nuthlawi pawh fare fight ah ka cho ta zar mai. 
-Lalchhana (Liana veng)


 Mikhual nula an awm a, tunlai chu engdang ka ngaituah hman meuh lo. 
-Sawmtea (Khuaia) Zokongchho


 Kei pawh Keifangtlang lamah a ni tlai deuh, hmanhmawh zeta kan liamphei leh tak vut vut ni...
-Valtea (Baju)  Pastor Veng


 Ih ..ih.. englo... ih.. Bethel lamah kan tui thar leh ta kei poh.. ha ha haii.. a heidenrial ti tih khop mai...
-Marova  K Sec.


 Mizo novel ngaihnawm deuh tur ka ziak mek.. abu hmingah ‘UPA MAKPA’ tih a ni ang. Copy atam dawn lo.. a lei hmasa an vannei dawn!
- Jonathan-a (K Sec.) V Sec.





 Idol Lalthu-tha hian ka tlairawl zek zawk lai min han tawng se aw...sala..Umm khawnge kum dang ang bawkin tuilum ip lian tâwk lei leh luah teng..duh2 akuah leh soisak theih..
-Nl. Thanthuami Tower hnuai 


 Ka thiante hian mi fanute hi rei tak2 an zui bik2.. Kei zawng ka chemkalna a la ni lo tluang zel e.
-TP-a  [Project]  T Sec. 


 Youngest of the week ah ka inpuang!
-Zuali  [Hospt.]  N Sec. 


 Kuhva khehpui tu kan unau chuan kan nei tha CIAL  thin teh a niaaaa..
- Nunpuii & Rammawii MPRO bul


 Tunlai chu Zawhte tui-hâng hawp leh khelh2 ka va chak leh ta ve.
-Nunmawia  [Project]  T Sec.


 Kanan camping ka lut, ka harsatna ber chu HAF-Leluiah!! ka ti zel kha..
-Marova  K Sec.


 Nuthlawi lam hi ni..an zuna uai na em em an tih chu,tak2 ani mai lo maw?
-Ropuia  K Sec. OB


 Ni mai thei.......
-Sena  Police lane



Central YMA Hruaitu thlan tharte leh an vote hmuh dan:


President     -  T. Sangkunga         (Vote 1404/2640 - 53.19%)
Vice President   -  Lalbiakzuala (Vote 2087/2532 - 82.43%)
Gen. Secretary         -  Vanlalruata   (Vote 2006/2305 - 87.03%)
Asst. Secretary         -  R.L. Rindika         (Vote 710/2310  - 30.74%)
Treasurer           -  R. Lalngheta (Vote 960/2141  - 44.84%)
Fin. Secretary     -  J. Lalsailova          (Vote 887/1680  - 52.80%)







YMA   Khawih:
1. "Mizoram khawpui hrang hrang thlanmual intawm (Common Cemetery) kan neih theih nan Central YMA-in hma la rawh se" tih chu Pu J. Lalsailova, Fin. Secretary in a  sawi hawnga sawiho a nih hnuah pawm a ni.


2. "Mizorama Project/Industry-ah leh leilung hausakna haichhuah kawngah ram leilung faten a tam thei ang ber hamthatna an dawn theih nan Central YMA-in hma la rawh se" tih chu Pu Vanlalruata, Asst. Secretary in a sawi hawng a, theih ang anga bawhzui tura pawm a ni.


3. "Mizorama hnamdang dan lova sumdawngte hi YMA hian dapchhuah hna hi tun aia chak zawkin hma la rawh se" tih chu Pu R. Lalngheta, Treasurer in a sawi hawng a, uluk taka sawiho a nih hnuah pawm a ni.


4. "Kan ram tuihna humhalh leh a awmsa tihpun zel a nih theih nan Central YMA-in hma la rawh se" tih chu Pu J.H. Zoremthanga, Vice President in a sawi hawng a, uluk taka sawiho a nih hnuin pawm a ni.


SORKAR   KHAWIH:
1. "Mizoramah zirna a lo that zawk theih nan thingtlang leh khawpuiah rualkhai thei ang berin zirtirtu, Sorkar-in siksawi rawh se" tih chu Pu Lalbiakzuala, Gen. Secretary in a sawi hawng a, uluk taka sawiho a nih hnuah pawm a ni.


2. "Tribal hmaichhia Non Tribal pasal neite, an pasalte hnam vuan tura Dan (Supreme Court Ruling) awmsa hi Mizoramah khauh zawka kalpui nise, hnamdang Mizo hminga an hming thlak thinte hi ram leilungfate chanvo humhalh nan Sorkarin khapna khauh takin siam rawh se" tih chu Pu Vanlalruata, Asst. Secretary in a sawi hawn hnuah sawiho zui a ni a he thil hi CEC-in lo zirchiang sela a tul anga hmalak turin pawm ni rawh se tih a ni.


3. "School Academic Session tuna kan hman mek hi India State dangte tih dan milin April-March-ah thlak ve ni rawh se" tih chu Pu Lalbiakzuala, Gen. Secretary in a sawi hawng a,uluk taka sawiho a nih hnuah tawngkam tlem siam danglama pawm a ni.


4. "Labour Law kan neih ang angte kenkawh kawngah Sorkarin chak zawka hma la turin Central YMA-in ngen rawh se" tih chu Pu J.H. Zoremthanga, Vice President chuan a sawi hawng a, sawiho a nih hnuah pawm a ni.


5. "Mizoramah hmun remchang chuha Bawk khawha khawper din thin hi a awm tawh lohna turin hmalak ni rawh se" tih chu Pu R. Lalngheta, Treasurer in a sawi hawng a, sawiho a nih hnuah pawm a ni.


KUMPUAN:
Kumpuan atana rawtna pahnih - "Khawtlang Nun Siamthat" tih leh "Ram leh hnam humhalh" tih chu ban phara buk anih hnuah "RAM LEH HNAM HUMHALH" tih chu Kum 2012 kumpuan a tan pawm a ni.
Kum 2012 General Conference thlen dil awmchhun Kawrtethawveng Joint YMA chu 67th YMA General Conference, 2012 thlengtu turin pawm a ni.




EDITORIAL  BOARD 

Editor :  Lalsangliana  


Jt. Ed.: H. Remsanga


News ed. : Zodinsanga

Cir. Manager:  All Section Asst.Secy. & PC Lianmawia Keifangtlang