Vengsang Kohhran Chanchinbu [Aletheia]
Lalsangliana
KHUANG VUAK DAN (Solfa Hla)
 -  Lalromawia, Synod Music Instructor
I. Sawi Hawnna :-
Khuang vuak dan tiin thupui kan han dah mai na a Kohhran Pathian Biak Inkhawm (Worship) zai hruai nana Khuang hman kanzirhona a ni ber a; tun tumah hi chuan Solfa hla sak hruai dan kan sawi dawn a ni. Kan tih dan tha tawk lo lai siam tha tur leh hma sawn zelna tur kawng kan zawng dawn a ni.

II. Church Music :  

Siamthatna (reformation) hnu lamah ringtuten an thinlunga thu awmte phuah chhuakin, a thluk pawh vantlang nuam tih zawnga siam chhuakin tun laia kan hla ang hi a lo indin chhuak ta a. Siamthatna hmahruaitu Martin Luthera chu Thangthar Fakhla Pa ah an ngai nghet hle a ni. Instrument chuan Kohhran fak hlaah hmun a khuar nghet hret hret zel a. Mahse Church Music ah chuan mihring aw hi a bulpui leh a part pawimawh berah an dah reng a, hmanraw dang zawng zawng chu mihring aw chawih mawitu leh tanpuitu ah an ngai.

III.  A rin zawng : 
Kan sawi tawh angin Church Music-ah chuan mihring aw hi a bulpui ber a ni a, hmanrawn dang chu a chawih mawitu a nih avangin a awpui ber aia ring emaw, a mawina hliah khawpin emaw tum tur a ni lo. Chu mihring aw chawih tawk chuan khuang pawh vuak tur a ni a. Inkhawm kan tam dan leh kan zai rin dan ngaihtuah chungin, chumi chawih tawka ring chuan vuak tur a ni a; a ring lutuk a tha lo ang bawkin a zawi lutuk pawh a tha chuang lo. Zaiho zai rin zwng pawh chhut chuang lo, englai pawha vaw ring ringawt mai te, eng lai pawha vaw zawi reng ringawt mai te nih loh tur a ni. Zai chawih tawk zela vuak thiam tum tur a ni.

IV. A ran zawng :
Zai ran zawng hi a bi tuk lutuk theih pawh a ni awm lova, rang deuhva zai duh kan awm a, muang hreta zai duh zawk pawh kan awm bawk. Music lam thlirnaah chuan vantlang zai hi chu kan kawng kal pangngai ke pen rem tawka ranga zai turah ngaih a ni tlangpui a. Hei hi rang chuang lo, muang chuang lo, a laihawl vela ngaiin Moderato tiin an vuah. Hnam tin hi kan mawl lai chuan kan tawngte, kan kal leh kan che vel a muang tlangpui a. Kan lo fing telh telh a, kan remhriain tihtur kan ngah tawlh tawlh a, chu vang chuan kan hmanhmawh tial tial a, kan tawng rang tial tial a, kan kal chak tial tial bawk. Hnam fing leh changkang apiang an kal chak a, an zai rang tlangpui a, hnam mawl leh changkang lo apiang an kal muangin an zai muang bawk. Engpawhnise kan zai ran zawng hian kan Kohhran vantlang dinhmun a tilang tih chu hria ila a tha awm e.

        Hla zawng zawng rang taka sak vek tur tihna a ni lova, a thu hawi zawng leh a music inrem dan a zirin sak ran chi lhe sak muan awm chi a then theih ang. Fakna leh thu lawmawm min tur hmanhmawh tak, a thu atang renga rang deuha sak awm chi a awm a; chutiang bawkin thu urhsun leh lungchhiatthlak deuh, muang deuha sak awm chi te; thu tluang pangngai leh ringtu nun phung pangngai, moderato-a sak awm chi pawh a awm bawk. Hengte hi hre chunga a ran zawng awm tawka sakpui hi khuangpu tihtur a ni ang.


Inkhawm   programme
 Inrinni zan atang khan kan Kohhran Biak Inah Vengsang Pastor Bial Naupang Sunday School Inkhawmpui tan a ni a, Vawiin chawhma inkhawm atangin thu leh hla in tihsiakna neih a ni ang.

****Beihrual Thla a ni tawh vangin zan tin Inkhawm a awm tawh ang.****
   
 
THAWHTAN  ZAN
 Thupui     : Bible, rinna leh thiltih tehna dik lo thei lo.
Hawngtu    :    Pi Laldinsangi

THAWHLEH  ZAN
Thupui    : Pathian pakhat chauh biak tur.   
Hawngtu  :Nl Lalhmingsangi  

NILAI  ZAN
Thupui    :  Pathian pakhata minung pathum.
Hawngtu :   Pi Lalkhami

NINGA   ZAN
Thupui    : Mihring,Pathian anpuia siam.
Hawngtu : Pu HK Lungmuana

ZIRTAWP   ZAN
Thupui     :  Mihring suala tluk thu.
Hawngtu  :  Nl K.Lalengzuali

INRINNI  ZAN
Thupui    : Isua Krista leh a hnathawh.
Hawngtu : Nl Lalduhawmi

TAWNGTAI  INKHAWM   5:30Am
Thawhtan :    Tv Lalropuia
Thawhleh :    Pi Lallawmruali
Nilai        :    Pu PC.Liansailova
Ninga       :     Pi R.Laldinpuii
Zirtawp   :     Pu Chawngbuanga
Inrinni     :     Upa Lianzika
Pathianni :     Pu Zirthanga Pachuau



Branch Committee leh Group OB
Vawiin chawhnu inkhawm ban hian Branch Committee leh Group O.B te Kohhran Hall a thupawimawh tak sawi ho tur a awm a,kim tak a kal khawm tur ani e. 



NAUPANG SUNDAY SCHOOL INKHAWMPUI PROGRAMME
PATHIANNI   CHAWHMA
Chairman:  Upa.Lalngaihthanga
Tantu     :   Nl.Saithanmawii Hospital Veng

INTIHSIAKNA   (Junior Group)
 
    A.    Beginner Department
        1. Thu : Sam 134 : 1-3
        2. Hla : NPHB.No.3 ‘La Isuan  min hmangaih em em’
        3. Thuinchhang Part 1 Bung 2:1-10

    B. Primary Department        1. Thu : Johana 14:1-4
        2. Hla NPHB. No. 39 ‘Lal Isua  hnenah lo kal rawh u’
 
Recitation
    1.  Lalruatpuii,Primary Dept.Hospital
    2. Lalrintluangi,Primary Dept.Vengsang
    3. P.C.Lalremruati Beginner Ramthar
 
PATHIANNI   CHAWHNU
Chairman  : Upa Lalngaihthanga
Tantu        : Nl.Ngurbiakliani Ramthar

INTIHSIAKNA (Senior Group)

    A.  Junior Department
        1. Thu : Thufingte 22:1-9
        2. Hla : NPHB No.187 ‘Pathian  lehkha ka ring e’
        3.Thuinchhang Part111.Bung 5:1-10

  B. Intermediate & Sacrament  Department
        1. Thu : Jeremia 17:5-13
        2. Ha  : NPHB No119 ‘Min  hruaina ah chuan ka kal ang’
        3. Thuinchhang PartIV Bung 11:1-8
 
Solo   
    1. R.Lalhruaitluanga Inter..Hospital
    2. Lalhriattiri Inter.Ramthar
    3. Malsawmtluangi Inter.Vengsang

PATHIANNI   ZAN 
Chairman : Upa Lalngaihthanga
Zaipawl  : Bial Zaipawl
Thuchahtawi      :  Rev David Lalrinmawia Saili Bialtu Pastor
Lawmman semtu :  Upa K. Vankhuma Bial Chairman
    [Kan hriat theuh angin Naupang Sunday School Inkhawmpui kan kohhran in kan thlengin hun hman mek a ni a, kohhran mipuite inkhawm lamah tan la hram hram turin kan in ngen mawlh mawlh a ni. Tin.KTP te naupang inkhawmpui a nih vangin vawiin tlai Fellowship a a.wm lo ang]



P.C.I Gen. Assembly Organising Committee thu
P.C.I General Assembly nakum a  kan thlen tur a.Sub-Committee peng hrang hrang mawhphurhna chelh tur hetiang hian ruat chhuah an ni.

 PANDAL  SUB - COMMITTEE
Chairman        : Pu R.Lalbiakkunga
Vice Chairman : Pu J.Ralkulhtawna
Secretary        : Pu R.Lalchhuanawma
Asst.Secretary  : Pu Rambuatsaiha  Chawnghlut

RECEPTION  SUB - COMMITTEE
Chairman        : T.Upa Lalrinawma Varte
Vice Chairman : Pu Lalthantluanga Tochhong
Secretary        : Pu R.Lallawmzuala
Asst.Secretary : Nl.K.Lalengzuali

USHERING  SUB - COMMITTEE
Chairman        : Tv C.Lalengmawia
Vice Chairman : Pu C.Lalengkima
Secretary        : Nl R.Zothankhumi
Asst.Secretary  : Nl Lalduhawmi

DECORATION   SUB- COMMITTEE
Chairman        : Pu Lalnunhlima
Vice Chairman : Pu K.Zoramsangzela
Secretary        : Nl R.Lalhmachhuani
Asst.Secretary : Nl V.Zothanmawii

LIGHT  AND  SOUND  SUB - COMMITTEE
Chairman        : Pu V.Lalduhzuala
Vice Chairman : Pu R.C.Ramhmingthanga
Secretary        : Tv K.Vanlalenkawla
Asst.Secretary : Tv Isaac Lalhruaitluanga

SANITATION   SUB - COMMITTEE 
Chairman        : Pu Rohnuna
Vice Chairman : Pu C.Zohmingthanga
Secretary        : Pu H.Remtluanga
Asst.Secretary : Tv Zodinpuia

TRAFFIC  AND  SECURITY  SUB - COMT.
Chairman        : Pu R.Lalrinsanga
Vice Chairman : Pu Ramdinthara
Secretary        : Pu Zirthanga Pachuau
Asst.Secretary  : Pu H.Lalnuntlunga

MEDICAL   SUB - COMMITTEE
Chairman        : Pu K. Lalchhuanawma
Vice Chairman : Tv. K. Lalmalsawma
Secretary        : Nl. R. Zatluangi
Asst.Secretary  : Nl. R. Vanmawii
    
Sub-Committee Chairman leh Secretary te hi Organising Committee member an ni nghal a, heng bakah hian Ex-Officio atan Kohhran Secretary leh Asst., Secretary te ruat an ni bawk.


B.S.I 
Life Member : R.K.Store
Owner          : Pu K.Zoramsangzela  Paul Zoramliana S/o Zothanmawia (L) leh
Vanlalnunpuii D/o Lallawmthanga





BRANCH NEWS
##  Sept ni 1 atanga KTP ten Bible chhiarchhuah programme kan kalpui mek chu chhunzawm zel a ni a.Zantin inkhawm ban atanga chhiar tan thin a ni a, bible chhiara mengrei te ei tur pawh Pi Vanlawmi leh a chhiar thin mi thahnemngai ten min tum sak zel a, a lawmawm hle a ni. KTP member te bible chhiar tur hian kan inngen thar leh a, Group O.B leh Branch Committee te pawhin tan ila thar lehzual ang u.

## Faith Promise lakkhawm a lo hun leh ta a, bial neitute leh member te kan in hriat thar tir leh a, Faith Promise-a thahnemngai tur pawhin kan inngen leh a ni.

##  Dt. 24.9.2011 hian Branch Committee member ten Retreat neih tur a ni a, a hmun atan Hmunhmeltha tawngtaina hmun a ni ang. Branch Committee member te tel thei ngei turin tun atangin lo inbuatsaih lawk ang u. Tin, Dt. 25.9.2011 Pathianni tlai Fellowship chu IIDC, Zote hmunah neih a ni dawn bawk a, memberte thahnemngai taka tel turin kan in sawm e...

##   8.9.2011 zan khan Sadraka Groupte chuan Group Budget Rs.4000 an pe fela, member Budget tuakna a in pe tak takte chungah Group OB ten lawmthu an sawi mawlh mawlh a ni.Tin, hun rem chang hmasa berah Sachek zawrh leh tur a ni a, memberte lo in ring lawk turin kan in hriattir a ni.

## Keimah ni lam : Chanchinbu a chhuah tur nei apiangin in thla hrung lova rawn thawh zel thei a ni a, thu chhuah tur nei te chuan a hma lamin kan in hriattir hram hram dawn nia chhanchinbu hi Zirtawp zanah chhut thin a nih avangin.




EDITOR              : C. Vanlalchhuanga         
JT. EDITOR        : Isaac.Lalhruaitluanga, Zodinpuia
NEWS  EDITOR    :K.Lalengzuali
CIRCULAR MAN.: All Groups Asst. Secy.
MANAGER         : Lalduhawmi


 


0 comments | edit post
Vengsang Branch YMA
Lalsangliana
Branch Executive Committee Vawi 10-na tluang taka neih a ni
The Vengsang  11th   September:
Vengsang Branch YMA Executive Committee Vawi 10-na Dt. 6.9.2011 (Thawhleh) zing khan YMA Hall Committee room-ah neih a ni a, Committee hi President Pu Hmingthansang’n kaihruaiin Commitee Member 16 kalin Tv. Lalropuia Committee Member in Committee hi Pathian hnenah tawngtaia hlanin an rorel tlangpui mipui ten kan hriat awm te.

Rorel 1-na : General Conference 2011 kal dan tur chungchang :
Kum 2011 YMA General Conference Vawi 66-na Dt. 25 - 27. Oct. 2011 chhunga Kolasib a neih turah Branch hminga Conference hi kal ve ngei nise an ti a, Member kal tum te chu tun thla September chhung ngei hian Branch OB te hnenah in report nise an ti.
   
Rorel 2-na: Lehkha lut hranga hrang:
        a) Central YMA : Pu Lalbiakzuala General Secretary CYMA hnen atanga lehkha an hmuh hrang hrang sawiho in hetiang hian an ruahman
        i) RSBY Enrolment chungchangah a tul anga hmalak nise.
        ii) Mau humhalh chungchangah atul anga hmalak nise.
        iii) Chief Minister Running Trophy in Cultural Dance ah erawh tel  loh mai nise an ti.
b) Sub-Hqrs YMA Champhai : Pu VL. Chama Hnamte Secretary Sub-Hqrs YMA Champhai hnen atanga Branch hmalakna tur hrang hrang lehkha an hmuh chu hetiang hian an rel.
 i) Ram dang mi leh hnam dang in tina lut a inzuar kual thinte kan Branch hmalak mekna chu tha hrih an ti.
ii) Mizo hming hawha hnamdang sumdawng tun  dinhmunah kan branch huam chhungah an awm lo ni a hriain hmalak ngai loah an ngai.
iii) Vai mistiri leh helper hlawh chungchangah hun remchangah kan branch huamchhunga Vai mistiri leh helper chhawrte inhrilhfiah nise an ti.
iv) Ram dang mi leh hnam dang mi laka ram hralh chungchangah atul anga chanchinbu a chhuah nise an ti.


HRIATTIRNA   LEH  NGENNA
1) Vengsang Branch YMA Member YMA General Conference 2011 Kolasib a Dt. 25-27.10 2011 neih tura kal tumte tun thla September chhung ngei hian Branch OB te hnenah in report tur a ni in, in report tur tih  chhunga in report lo te chu kal lo tura ngaih kan ni ang.

2) Central YMA leh Mizoram Sawrkar Labour & Employment Dept. in Vai Mistiri leh helper hlawh chungchang ruahmanna a siam thar angin Mistiri Rs. 300/- aia sang lo leh helper Rs. 170/- chu Vengsang huam chhungah tun thla September atangin hman tan a ni a, chhungtin ten hriain zawm theuh turin kan inngen a ni.

3) Vengsang huam chhunga Thing leh Mau te theihtawpa humhalh turin kan inngen a, abik takin PWD Road Mau hmun khu kan veng huam chhung a mi anih angin mitin ten humhalh theuh turin kan inngen a ni.

 Sd/-                              Sd/-
(Hmingthansanga)                (C.LALMUANPUIA)
     President                            Secretary

Vengsang Branch YMA   2011   



Branch  Activities
Lawmpuina pe
Sun Hqrs huamchhung a Zotlang ‘E’ Branch YMA ten Kum 50-na Golden Jubilee Dt. 7-9. Sept. 2011 a an hman zawh takah kan Branch chuan Zotlang ‘E’ YMAte  Jubilee lawmpuina thuziak mawi tak pek a ni.

CYMA  Chanchinbu
Central YMA chanchinbu man la pe lo zawng zawng te tun thla chhung ngei a aman pe theuh turin kan inngen a, tun dinhmunah hian Khawpui pawn a CYMA Chanchinbu la tam lawmman la thei kan ni a, tlawmngaia latu zawng zawng te aman lo pe hram turin kan inngen nawn leh a ni.

Branch  OB
Vawiin tlai hian Branch OB te CYMA reoprt tur hrang hrang buaipui turin inhmuhkhawm an tum a, hei hunah hian kan hma lawk a General Conference lo thleng tur thlirlawkna ni in Report thehluh tur hi a awm nual dawn a ni.

Kuang  siamsak
Pi Lalhmunmawii w/o Pianga (Kama (L) monu) Thekte  chu Dt. 7.9.2011 (Wed) 7:00 AM khan Champhai Dist. Hospitalah Scrub Typhus natna avangin a borala kuang siamsakin a ruang hi an khua Thekte ah phurh phei nghal a ni a Tin,  Pi Lalhmunmawii hi Thisen pek ngaia awmin Pu Zothanpuia N. Sec chuan Thisen tlawmgaiin a pe bawk a ni.

GM Hallah Football khelh khap
GM High School Hall ah Naupang thenkhat ten Sunday ah Football in khel thin tih hriat a ni a, Hall-ah hian engtik hunah pawh Football hi khelh phal a ni lova, khel lui in awma man in nih chuan na taka hrem in ni ang.

Hmeichhiate'n puan bih ngei se
Gen Confe. vawi 66 na Kolasib-a thlaleh a neih turah Organising Comt. chuan hmeichhiaten puan bih ngei thei se an duh thu tarlan a ni.


Ram dang mi leh hnam  dang  laka  ram  hralh chungchang
    Mizote hi ngaihtuah chiang lova thil tih ching tak hnam kan ni a; Kan hriat lova kan ram leilung Ramdangmi leh Hnamdang laka kan hralh zel loh nan heng ahnuaia mi ang hian mahni huamchhung ah mipui hrilh hre tur leh Ramdangmi leh Hnamdang laka hmun lo ram hralh a nih loh nan hma la thin turin kan inchah a ni.
    1. Ram hrang hrang in aram mipuite chanvo a nei hrang theuhva, India mi kan nih anga kan chanvo pawimawh tak pakhat chu Hmun lo ram kan neih theihna hi a ni. Hmun lo ram kan neih theihna hi Fundamental Rights a kan chanvo a ni a, he chanvo nei ve miah lo Ramdangmi ten kan rama hmun lo ram an neih hi a remchang lo a ni. Chuvangin kan huamchhung a Hmun lo ram Ramdangmi te kut a hralh a nih loh nan theihtawp chhuaha hma la turin kan inchah a ni.
    2. Mizoram hian a bik taka humhalhna kan nei a, kan ramah hian Non-Tribal (Vai) ten Hmun lo ram an neih tur khapna dan a awm a. Non-Tribal (Vai) hnena ram hralh/hlanchhawn khapna te, engemaw vanga Non-Tribal (Vai) Mizorama ram lo lei tawh ten an tu leh fate hnena an ram neih an hlanchhawn khapna te hi ‘The Mizo District (Transfer of Land) Act 1963 Section 3(1)’ ah chiang taka ziah lan a ni. Hnamdang Non-Tribal te hian Mizo nupuia aneih, an nupuite hminga sumdawnna leh Hmun lo ram neih an ching a. Tribal in Non-Tribal pasala a neih chuan amah leh an fate zawng zawng pawh Non-tribal an ni nghal a. Chuvangin Mizo Hmeichhia Non-Tribal (Vai) pasala nei te pawhin Mizoramah Hmun lo ram an neih ngawt phal a ni lo (Ministry of Welfare, Govt. of India No. 12025/6/ 90 SEC/R.L.cell). Chumai bakah sumdawnna an khawih dawn anih pawhin Mizoram Sawrkar ah Liscense/Permit an dila an neih angai a ni tih hre chungin theihtawp chhuaha hma la turin kan inchah a ni.
-Issued by : Sub-Hqrs YMA, Champhai

RSBY   ENROLMENT  LEH MIZORAM  BAMBOO DAY CHUNGCHANG
1.    Hospital and Medical Education, Govt. of Mizoram chuan Mizoramah RSBY Enrolment ram pum huapin a thawk leh mek a, RSBY hi BPL chhungkua ten man chawi lova Damdawiin a an inenkawl theih na Programme a ni a, BPL chhungkaw te tan Rs. 30000/- thleng an hmang thei ang a, hemi aan hmang zo palh a nih pawhin Mizoram Health Care Scheme atangin Rs. 300000/- thleng an hmang thei ang.
    ‘Dam loh nikhuaa man chawi lova Damdawiin a inenkawl theih nan RSBY (BPL bik tan) ah inziak lut ve ta che. Inziah luh hi hi Health Worker ten an rawn hriattir ang che, chhungkaw kima inziaklut turin i lo inring dawn nia. Hemi rual hian APL chhungkaw tan pawh Mizoram Health Care Scheme-ah inziahluh nghal theih a ni bawk’
2.    Mizoram Sawrkar hmalakna in Kum 2012 atang hian Chapchar Kut tiak ni hi Mizoram Bamboo Day atan hman thin a ni tawh dawn a. He ni pual hian Bamboo Develpoment Agency, Mizoram chuan Mau ngah/humhalh tha khua thlan chhuahte hnenah lawmman tha tawk tak pek an tum a, hei bakah hian lawmman hrang hrang - Mau hmanga thilsiam thiamte, Mau atanga eizawnna hlawhtling din tute, YMA Branch zinga mau humhalh kawnga zirtirna pe tha (best campaign) lawmman te siam a ni ang.
Issued by : Central YMA, Aizawl : Mizoram

Tualchhung
VC  News
Tun kar cho khan Ni 100 inhlawhna Ni 10 thawk chuak chu hlawh sem a ni. Mahni thawh hlawh la la lo ten V.C Secretary hnenah ngaihven tur a ni ang.
Chhuah leh beisei :
Tunhnai maiah hian NI 100 inhlawhna Ni 7 thawk chu lo chuak leh mai tura beisei a ni a, Job card nei zawng zawngte inhlawh theuh thei tura lo inbuatsaih tura hriattir kan ni.

Vantlang Inthiarna :
TSC hnuaia Sanitary Complex sakna kan dawn chu tunlai hian thawh mek a ni a, khua a nawm meuh loh avangin duh anga chakin hma lak a har deuh. Khua in a zir chuan tun thla chung ngeia hman theih tura buatsaih V.C te chuan an tum ruh hle.

Rukru :
Tunlai hian kan veng chhungah rukru, mimal thil leh sawrkar/Vantlang thil ruk ching an awm a, a bik takin Mualbawk vengah tunlai hian a hluar zual a. Heng rukru te hi Branch YMA chuan theihtawp chhuahin a vai reng a, man an nih chuan mualpho taka siam bakah thuneitute hnenah an hlan ang.

Vantlang kawng :
Kan veng chhunga kawngte (Black top) hi harsa taka kan neih a ni hlawma, chutih lai in a enkawlna phei chu vana rah ang mai a ni a, chuvangin mimal tin ten kan kawng neih sa ang angte hi i dimdawih tak leh duat takin mitinten i enkawl zel ang u.

Lawmthu
Khuangchera Section (PHE Veng) chuan an huam chhungah chhiatni fund kim takin an khawnchhuak ta. Harsatna leh chhuanlam siam buai miah lova petu an Section In tinte chungah lawmthu an sawi.

Keimahni
Ni 9.9.2011 (Zirtawp) tlai khan ‘VENGSANG’ chanchinbu enkawltu te inhmuhkhawmna neih a ni a, He inhmuhkhawmna hian thil man to zel avang a chanchinbu hre na man to zellaka in venna lam te, thuchhuah tur kawng a kan chanchinbu kalzel dan tur leh hmasawnna tur kan la neihte  kawng hrang hrangte thlir ho leh sawi khawm nan a hun hman  a ni.


CEC  Meeting thurel
Ni 2.9.2011 dar 1:00 PM khan Central YMA Executive Committee chu Central YMA Office, Committee Room-ah an thukhawm. CEC Meeting hi Pu Lal Chungnunga, President-in a kaihruai a, member 44 an tel. Nk. Vanlalrema Chite Veng tuitla ruang zawngtute ei leh in tan Rs. 2000/-, Lalbiaknunga, Sairang, tuitla zawng boral ral nan Rs. 1000/- pek  anih thute, CADS ten damdawi thahnem tak an man thu leh Tuikual South Branch YMA President Legal Notice pek a nih thute report hmasak a ni. Thurel tlengpuite 

YMA  GENERAL  CONFERENCE  AGENDA  THLITFIM :
YMA General Conference 2011 lo awm tura Aizawl khawpui chhung atanga Agenda lo lut CCC Meeting a chhawpchhuah turin hengte hi passed a ni.

YMA KHAWIH
1. Mizoram khawpui hrang hrang thlanmual intawm (Common Cemetery) kan neih theih nan Central YMA-in hma la rawh se.
2. Mizorama Project/Industry ah leh leilng hausakna haichhuah kawngah ram lei lung fate hamthatna an dawn theih nan Central YMA-in hma l rawh se.
3. Mizorama hnamdang dan lova sumdawngte hi YMA hian dapchhuah hna hi tun aia chak zawkin hma la rawh se.
4. Mizoram (India) tizim zawnga Border Fencing kal lai mek hi Central YMA-in enpuiin uluk zawka hmalak dan ngaihtuah rawh se.
5. Electoral roll Revision hrang hrangah khua leh tui dik takte chauh thun an nih theih nan Central YMA-in hma la chhunzawm zel rawh se.
6. Mizo thuam thilte uar zawka hmang turin Central YMA-in hma la rawh se.
7. Kan rama tuihna humhalh leh a awmsa tihpun zel a nih theih nan Central YMA-in hma la rawh se.

SORKAR  KHAWIH
1. School Academic Session tuna kan hman mek hi India State dangte tih dan milin April - March ah thlak ve ni rawh se.
2. Labour Law kan neih ang angte kenkawh kawngah Sorkar-in chak zawka hma la turin Central YMA-in ngen rawh se.
3. Pawngsual chungchangah thil tisualtu hremna na zawk siam thar ni rawh se.
4. Mizoramah hmun remchang chuh a hnamdang ten Bawk an khawh a khawper an din thin hi a awm tawh lohna turin hmalak ni rawh se.
5. Mizo hmeichhia Non Tribal pasal neite, an pasalte hnam vuan tura Dan (Supreme Court Rulling) awmsa khauh zawka kalpui nise, hnamdang Mizo hminga an hming thlak thinte hi ram leilungfate chanvo humhalh nan Sorkar-in khapna khauh takin siam rawh se.

KUMPUAN  RAWTNA
1. Khawtlang Nun Siamthat    2. Ram leh Hnam Humhalh    3. Ruihhlo Do
GURKHALI  OBC  STATUS- A  HLAN  KAI  CHUNGCHANG :
Mizorama Gurkhali te OBC Status-a hlankai tumna awm chu kum 14 lai an lo dil tawh a nih thute, Ministry kal tawhte pawhin an lo la pek duh loh  anih thute, Sorkar-ah pawh vawi duailo thlen a nih tawh thute ngaihthlak a ni a, tun hma atanga YMA dinna ngai reng kan hnam tana hi lo OBC dinhmun pek hi Central YMA chuan tha a ti lova, he thu hi CEC Meeting chuan a nemnghet leh a ni.

DAN  LOVA  HNAMDANG  SUMDAWNG  CHUNGCHANG :
Hnamdang dan lova Sumdawng YMA ten kan enfiah mek, a List kan neihte hi Sorkar, Chief Minister hnenah a tul anga an bawhzui turin pek nise, a copy ho Home Minister, Home Secretary leh Aizawl DC  ah thehluh nise, September thla chhung a tul anga ngaihchan a thlirzui nise.

LEHKHA LO LUT :
Khawzawl Group huamchhunga Chawngtlai Branch YMA atanga Indanga Chawngtlai Phai Veng Branch YMA dinthar chu CEC chuan a pawmpui. Vantawng Group huamchhunga PTC Branch Thenzawl pawmpui tura Sub-Hqrs. YMA, Serchip ten an rawn thehluh chu pawmpui a ni Aizawl Khawpui chhunga Branch ni thin, Lungverh Branch YMA ten Branch dinthar leh an dilna chu remtihpui a ni bawk. Life Member nih dil Branch 4 atanga mi 8 te chu pawmpui an ni.  Meeting hi tluang takin tlai dar 5:55 khan tluang taka  zawhfel a ni.


EDITORIAL
Hnam   rilru
    Thla leh maia Central YMA khawmpui lian Kolasib-a neih tur-ah chuan Palai kal zawng zawngte chu khawmpui Organising Committee chuan Mizo thei ang ber thawmhnaw inbel a, hmeichhiate chu puan bih ngei turin an duh a, an ngen a ni.
    Tunlaiin Mizote rilruah hnama harhna eng emaw tak a tleng ti ila kan tisual lo maithei. A bik takin Mizo thalaite rilruah hnam rilru putna eng emaw tak a inmung chho mek niin alang a. NGO hrang hrangte ke pen dan leh hawi her hi hnam thil ngaihpawimawhna zawngin a inher chak hle kan ti thei ang. NGO-te mai an ni lo va, Kohhran thalai lamah pawh hei hi a ni tho mai, Kohhran thalaite hmalakna tamtak hi sakhua leh thlarau bakah hian hnam rilru a intuh chho mek niin alang. Hei hi ram hruaitute leh a zir mite chuan uluk taka vil chhoh a, chawm len a pawimawh ang a, a la tangkai thei hle ang.
    Tuna YMA khawmpui lo awm turah a huaihawttu Committee chuan Mizo thei ang bera inchei turin Palaite an ngen a, hei hian zawm pawh a hlawh hle ang tih a rinawm. Pawl leh Thalai tamtak zingah Mizo zia pho lan a, chawi nun leh duhna lo intuh thar chho leh mek hian kan hman kal zel turah awmzia a nei ngei ang tih pawh a rinawm tlat a ni. Pathianin hnamah min siam a, nihphung leh ze hran nei, tih dan bik neiin kan awm a, hei mai bakah ram min pe a, hnam hlawm fel tak, chiah piah lohin kan awm a, kan hnam a dal mai loh nan India danpui hmangin min hung a, min veng thlat a ni. He ti chunga kan hnam nun leh zia bo zawnga kan kal a, hnam tidarh zawnga kan khawsak a, kan ram hlutna chang kan hriat loh chuan Hnama min dintu Pathian pawi sawina tling ngei ang. Chuvangin kan hnam nun dal chho mek kan tih laia, hnam nun leh zia chawi nung thar leh zawnga boruak lo inher chho mek hi malsawmnaah kan chantir a va duhawm em!

ENGLO  HUANG
:) A ba mai mai ni lovin mahni ta ngei a ni ta, ba hauh lovin mahni tuak chhuah ngei in ka hlan fel ta e...
- Thlanawma V.Sec.
 
:) Nupui te hian khaw dangah nau nei reng mai se aw...
- Pu Kima N.Sec.

:) Ka pa ka nupui hi a man pek belh teh ang u, a rei tawlh tawlh a, chauh a hnehin a sa atha telh telh thei a nia..!!
- Sangliana K.Sec.
 
:)  Rei a ni tawh lo ang, traffic zam ka ngaipawh thei tawh lo rik san huk mai teh ang..??
- Tv. M.K-a T.Sec.

:) Ka nupui ti ngata ka lo sawi thin hi an chhoh tan fo chuan a rei a rei ah chuan a thu zawm fo a ngai ta mai!!!
- Pu Tawna N.Sec.

:) Nupui te u In sak chhunzawmna a hlawh nei lova contract han thawh zet chu... zo zial bung kan hmu tai hlur mai!!??
- Pu Mahnuna V.Sec.

:) Nei leh nei lova In han sak meuh chuan nupuite khel chang a ruak lo, kan uipui khelah pawh a hmul pawh a bet zo tawh lo !!!!
- Pu Thanzama K.Sec.
 
:) Zapar, ti teh keini Nuthlawi Mahajor pahnih hi inkawp tak tak teh ang, zawnglai tan tanlak a ngai ta e. Tin, In kawtah Bike a in hung fo tur a ni...
-Mapuii  V Sec. 

:) La hmeichhe hruaichhuak min hmu lo nge, ka insawi theih viau pawn min fiam duh chuang loh? Hmel hi..
-Babi-a  Vawmbal road

:) Chawngtlai taww rei tak CHALO!!
- UPu Chunga  Tower veng 



Editorial  board
Editor    :      Lalsangliana    
Jt. Ed.    :     H. Remsanga 
Cir. Manager:  All Section Asst.Secy. & PC Lianmawia Keifangtlang                        
Manager:  R.Lalchhuanawma  
 

0 comments | edit post
Vengsang YMA Chanchinbu
Lalsangliana
MIZO  HNAM  DAN
MIZO   HNAM   DAN   CHUNGCHANG
The Vengsang  4 rd   August:
 
BUNG - 3
NUPUI PASAL INNEIH THU
Chang 36 INNEIH CHUNGCHANG Hmasang atang rengin Mizote hi Palai hmangin mipa chhungte leh hmeichhe chhungte an inberem a. Sadawtin Rem-ar a talhsak a. Mipa chhungten hmeichhe chhungte hnenah nupui man an pa a, hmeichhe chhungten an dawng a. Hmeichhia chu a pasal tur inah a lawi a. Sadawtin innei turte chu an sam a suihkaihhlihsak a. Ar zangtuak talhin a inneihtir thin. Tun hnuah erawh chuan Sakhaw Puithiamte leh iunneihtirtu turta thuneiturten an ruat apiangin an inneihtir thin.

1) Innei/nupa :
Hmeichhia leh mipa,puitling, nupui pasal pawm lai nei lo ve ve, palai hmanga mipa chhungte leh hmeichhe chhungte inberema, man inhlan a,inneihtir theituin a inneihtir hi Innei an ni.Chutianga Inneite chauh chu Nupa an ni.

2) Man hlanna :
Tun hma chuan hei hi tawngkaa tih a ni thin a, lehkha kan neih chinah chuan ziaka tih a ni, hetiang hian :-
a) Inneite hming ve ve;
aw) Inneite kum zat ve ve;
b) Inneite pa hming ve ve;
ch) Inneite khua/veng ve ve;
d) Man zat;
e) Man hlan zat;
f) Man bat zat;
g) Thutphah zat;
h) Man hlantute hming leh signature;
i) Man dawngtu hming leh signature;
j) Hriatpuitute hming leh signature;
Man hlantute leh man dawngtute lam atangin;
k) Man hlanna hmun;
l) Man hlan hun leh ni;
m)Inneih ni

3) Nupaa chhiar theih loh :
Inluhkhung emaw, infan emaw, inru emaw, tlan dun emaw te chu eng chen pawh nupa anga awm dunin fate pawh nei hial mahse, chang 36(1)-a sawi anga innei an nih lohchuan nupaa chhiar theih an ni lo.

Chang 37 MAN LEH MUAL
Hmasang atangin Mizo Dana nupui pasala inneihnaah chuan, mipain a nupui man a pek thin chu ‘Man leh mual’ a ni. Man leh mual hi mihringte inleina a ni lo va. Nupui pasala innei turte leh an chhungte ve ve, chhung leh khata insuihkhawmna tura inremna entirna a ni. Chuvangin kawngro nei taka siam a ni.
Man teltu chu pa ber a ni a. Pa ber a awm tawh loh chuan, a aiawha pa chan chang apiangin an tel thin. Man teltu chuan Mo chu a theih angin a lawi ang a, mak chhiat a tawh pawhin a tuam hlawm tur a ni. Man leh mual hi tangkaa bithliah a nih hma chuan ro thil, thi leh dar te leh sial te an lo hmang thin a. Tin, bel leh hriamhrei thleng pawha hman a ni bawk thin. Hetiang huna an pawm dan tlangpui chu Se puitling hi ‘Sial’ an ti a. Se puitling lo hi ‘Tlai’ an ti a; chu chu ‘Sepui chanve’ anga ngaih a ni.             
[ A remchan dan zela chhunzawm zel tur a ni ]


Branch  Activities
OB  meeting
Kan Branch Office bearers te chuan Dt. 1.9.2011 (Ninga ni) zingkar khan Pu C. Chalthanga te inah Meeting an nei a, hetah hian Committee thu bawhzui leh atul apiang te sawiho in hmalakna tur chi hrang hrang rel a ni.

Branch Committee  kohna
Branch Executive Committee pawimawh tak chu Dt. 6.9.2011 (Thawhleh zing) 6:15 AM hian YMA Hall Committee  Room ah neih tur a ni dawn a, hetah hian thu pawimawh tak tak rel tur awm in, kohna sem chhuah  hmulo palh kan awm anih chuan Committee Member te chanchinbu hi kohna a ngaih mai tur a ni. Rorel tur Agenda hrang hrangte-
1) General Conference 2011 kal dan tur chungchang
2) Lehkha lut :

a) Central YMA
i) RSBY Enrolment chungchang
ii) Mau humhalh chungchang

b) Sub-Hqrs YMA Champhai
i) Ram dang mi leh hnam dang mi in zuar chungchang
ii) Mizo hming hawha hnamdang sumdawng chungchang.
iii) Vai mistiri leh helper hlawh chungchang.
iv) Ram dangmi leh hnamdang mi laka ram hralh chungchang.

Branch  hnatlang
Nimin Inrinna zingkar khan Jamadar Thlanmual bul, YMA grape huan tifai a hnatlang neih a ni. He hnathlangah hian mi 15-17 vel an thawkchhuak leh a ni. Tichuan tunah chuan YMA Grape huan chu sam zawh a ni ta a. tlawmngai taka hnatlang a thawkchhuak zawng zawngte chungah branch YMA chuan lawmthu a sawi mawlh mawlh a, branch hnatlang lehpekah chuan atam thei ang ber thawhchhuah tum tur a ni ang.


Tualchhung
VC  News
1) PHE Total Sanitation atanga hmuh Vantlang Inthiarna (Zunin leh Inthiarna) GMHSS Gate bulah siam mek a ni.
2) PHE Dept. atanga Inthiarna (Commode) dawng zawng zawngten hmalak vek tura hriattir kan ni a, hma la tawh emaw hmalak dan VCP emaw Secy hnenah tunkar  nilai ral hma ngeia in report kim vek tur a ni. 
3) Bank lamah pawisa a awm rih loh avangin Ni 100 thawhhlawh sem theih a ni ni lo a, tunkar chhung ngei a lak tumin VCte leh Post Office  ten hma an  la mek.   

Sporting  Club
Vengsang S/C Hockey player zawng zawngte naktuk Thawhtan zingkar atangin Govt. Middle School tualah kim taka practise leh tawh tur a ni.  Akal tha duh lo leh kal taima lo chu tournament a khelh phalsak an ni dawn lo.

Rukru
Tun nilai zan khan Project veng SB Office bulah telephone hrui ruk tum an awm a, an mahni hi hriatthawi an ni a, ngun taka chhui mek a ni. Tin, kan hnung deuh khan Tower Vengah leh Pastor veng ah te vawi 2 lai ruk a lo ni tawh bawk. 

Mi chhuanawm
H.Lalchhuanawma s/o Lalthlanthanga V.Sec  ami chu tun exam hnuhnung ber June thla a neih zawh takah khan MSC Environmental Science 1st Div. ah a pass a, kan lawmpui tak zet a a ni.  A kal leh zel naah duhsakna kan hlan e.

Sawhthing
Mizoramah hian sawhthing ching tu    chhungkaw tam tak an awm a,a hralh na man hi Silchar leh Bangladesh in an thunun a,hemi pumpelh tur hian Company din tum mek ani. Company din anih chuan company leh sawhthing ching tu te an in bia anga sawhthing hralh na rate ahniam thei angber an bithliah ang a, hnathawk tute hamthat na tur in rate hniam lutuk lo an bithliah lo tura ngaih a ni. Entirnan a rate hi Rs 10 emaw Rs 15 emaw nise kum tina tih danglam angai tawh lo anga Rs 15 anih chuan silcharah Rs 18 emaw Rs 20 a lei nghal angai dawn a ni.Tin, Champhai a rate hi alo hniam anih chuan a aia man to leh man zawk a hralhna a awm chuan englai pawh in an hralh thei ang, in khapna engmah a awm lo ang tih thu an hotote hnen tangin kan dawng.

Grape her tawh zat 
Champhai Winery (Tlangsam) ah kar liamta Inrinni thleng khan Grape quintal 1586 her a ni tawh a, Hnahlan Winery ah Quintal 1765 her a ni tawh bawk. Sawrkar in thutlukna a lo siam tawh angin kumin atang chuan zawlaidi Alcohol tel zat tur hi 11% a ni dawn a, Taxation department in VAT an la tawh dawn bawk a, hei vang hian Zawlaidi man hia to sawt turah ngaih a ni. Hetihlai hian CHANEM a Zawlaidi zuartu chuan tinah ian hralh tur an la nei nual a ni. Heng zingah hian kut hnathawktu, kan Veng atanga pe mi engemaw zat an tel ve a ni.

Section   News
Khuangchera
Section zinga Cencus update felfai taka thehlut hmasa ber an ni. A lawmawm in kum dangah pawh chin chhunzawm zel tlak a ni.

Neuva 
Chhiatni Fund la pe lo leh la pe kim lo te tunkar chhung hian an Section huam chhung In tinah Section OBte lutchhuak in an rawn khawn dawn a. La pe lo te khan  lo pek vek tura  ngen leh hriattir kan ni.

Taitesena
Tun Nilai (31.8.2011) zing khan Section huamchhung thianfai a hnatlang neih a ni. Khua nawm a, harsatna dang a awm loh chuan zingkar hnatlang neih chhunzawm leh tum a ni a, atam thei ang ber he hnatlanga thawkchhuak turin memberte Section OBten an ngeu che u.


Editorial
Ruihhlo  leh Chhungkua
Chhungkaw sawprawp, keh chhia (Broken family) kan hmu thin a, kan pung tual tual lehnghal. A chhan leh a vangte zawn chhuah anih vat loh a, siamthat hna thawh thuai a nih loh chuan hnam boralna hmahruai a ni ngei ang. Heng chhungkua-in a tawh langsar tak chu Zu leh ruihtheihthil a ni. Kan Bible chuan, “Zu hi nuihza bura mi siamtu a ni a, zupui hi insual bung bungna a ni” a lo ti a, thu dik tak a ni. Zu hi amahin sual a ni ngawt lova, a hmangtu-in a hman thiam loh vangin suala ngaih a ni mai zawk. Chhungkaw pa berin zu ringawt a buaipui chuan, chu chhhungkua-ah chuan hlimna tak tak a awm thei lo. Chhungkaw nitin khawsak a buai a, ei leh bar tur a harsa a, chutah innghirnghona a lo chhuak lo thei lova, thin thiin a mut theih ta thin loh. A tawpah chhungkaw lu ber ve ve nupa chu an lo inthen ta nge nge thin. An fate Lalpa laka an rochante chu thlabar leh mangangin an lo seilian ve ta thin a, chu chu a ni chhungkaw kehchhia lo pianna bul chu.
       Bible vekin “Insumtheihna hi thlarau rah a ni”  ti a sawi  laiin insumtheihlohna erawh hi chuan chhiatna tinreng a thlen bakah, hriselna   kan damchhunga ro hlu ber a khawih pawi thuai thin. Mahni tam lam phu tawka India rama ‘Ber’ kan kaina HIV Positive te, Cancer tihte hi kan ruihhlo - Drugs, Zu, zuk leh hmuam khawih nasat lutuk avanga kan hlawh a ni.  A tha ber chu, nu-in nau a pai lai atanga engmah ruih theih thil tih loh hi a ni a, a naute nen khan thawkna leh thisen inzawm vek an nih avangin. Eng thingpui leh Coffee-ah pawh hian tur chak tak Caffeine a awm avangin hengte thleng pawh hian tih loh vek hi a him ber.
           Adang leh chu Drugs hi a  ni leh a. Addict tawh tak tak hi chu mi rinawm an ni thei tawh lo. Mihring hi thil pakhata kan hlutna leh pawimawh ber chu ‘Rinawmna’ hi a ni. Zu leh drugs vangin kan chhungkua leh mahni in ti bawrhbang lovin, Kristian chhungkaw kan dinna tur kawngah ruihhlo hi  i do thar sauh sauh ang u.


ENGLO  HUANG
:)  Mikhual nula hlimrui pawh in hei zozai Upa zingah min thurchhuak nalh zu nia..Chunglam hnathawhte pawh a ni lo ang tih tunge sawi thei??
- Upa Chhiara  V Sec. 

:) Thian pa Maruat, (VC Tlangau) Nuphal kan lo ni teuh hle mai, ka kekawrte bo i lo hak atang khan ineihna hi chiang taka chhui angai ang.
-Zova (K-Kawia)  T Sec

:) Bike chuan hi lo nuam ber anih hi, a pawl ai chuan a eng analh leh tawh zawk chuan pawh nuam zawk..
-Nunui  V. Sec.

:) Driving School hi siam mai a duh.. Tin, tuiah thaw lovin minute 1 ka awm thei... ka uang lo.!
-Jonathana (Zuka)  K Sec.

:) Tu emaw nen kan inbe tak tak hi chu ka phone a sa vur thei nia, lo lungphang suh aw.. Pui,,,
- Muantei (Vombal road)  V Sec.

:) Huiiii.... Kei chu hnianghnar tur pawh ka hmu zo lo a chhâ chu a ni e!
-Papari  YMA Hall bul

:) Anganwadi a Principal han nih meuh chuan in check up ka ngai ta reng mai UMapui...
- Biaktei w/o F Sangpuia  V Sec.

:) Rilru damloh sa naka laiin, ka ke kan tina lehnghal chu laktlak rêng ka awm ta lo..ti raw Kuspui..?
-Lalhmuna (TMC) Vawmbal road

:) Englo huan thawhte chungah lawmthu kan sawi a, hetih lai hian kan mi fiam turte, mi fiamdawl leh rilru zau tak pu, haw lo turte chauh thawh thin ni hram se a lawmawm ngawt ang.



Editorial  board
Editor    :      Lalsangliana    
Jt. Ed.    :     H. Remsanga 
Cir. Manager:  All Section Asst.Secy. & PC Lianmawia Keifangtlang                        
Manager:  R.Lalchhuanawma 
1 comments | edit post
Aletheia [Vengsang Preby. Kohhran]
Lalsangliana
    CHAWLHNA  ISUA  KRISTA.

    Ref. Joba 6:10; Sam 117; Habakuka 3:6-8; Philipi 4:11-14; Matthaia 11:28-30.

    Mihringte hian thlarau leh taksaa kan nun tihrehawmtu leh tibuaitu, phurrit phurh  kan nei theuh va. Chu ka phurrit leh a rih dan erawh chuchu a inang lo viau ang. Kan chhungkuaah harsatna, vanduaina a lo thlen chang hian hahchawlhna kan duh em em a, chhawktu kan ngai em em a; kan theih ang  angin hahchawlhna chu kan nun hian a dap ruai ruai thin. Krista tel lova retheihna, lungngaihna leh harsatna tawrh chu a beidawnthlak em em thin a, chu chuan chhiat lehzualnaah min thlen fo thin. Hetih hun lai hian ringtu kan nih angin Krista hnenah tlu lut ila, Krista chhawk zawh loh phurrit a awm lo tih hriat fo a tul khawp mai.
    Krista tel lo hausaknaah hahchawlhna a awm loi tih i hria ila. Zan a thim poh leh thla leh arsite an engfiah sauh ang mai hian, harsatna a nasat a, phur a rih poh leh Krista ena thlir thlattu tan chuan Krista chu a eng fiah mai thin a ni. Tin, harsatna hnuaiah awm mah ila Krista eng chu keimahniah hian a eng fiah tur a ni zawk ang.
    Chawlhna Krista chuan kan phurrit min chhawk a duh reng a, a hnena kan phurrit thlen turin min sawm reng a ni. Piantharna kan chan hian a tawk mai lo va, nun bul- Kristian nun bul kan tan chauh a ni. Heti hi a nih avang hian Isuan a hnena zir turin min hrilh a. Chu nun min zirtir chu kawng hnih chauh han sawi ila :
 
(1) TLAWMNA : 
Tlawmna nun, chhiahhlawh nun hi Kristan  min zirtir a  duh chu a ni. Tlawmnain thlarauvin a fa ni turin min hring a. Tlawmna nuna rawngbawl tur leh ram la tur  kan ni. Jabok lui kama Pathianin Jacoba a buan khan, Jacoba chakna thapui ber tih pelhsawlha a nih hma kha chuan Pathianin hnehtuah a puang lo; mahse, a chakna thapui ber, a khel ru chuktuah Pathianin a tih pelhsawlhsak khan Jacoba a tlawm ta. Mahse kha a tlawmna khan Pathian rinchhannaah a hruai a, Pathian chuan hnehtuah a puang ta hlauh a nih kha. Kan nun kawng hrang hranga harsatna kan neih thin te, Kohhran leh pawl leh khawtlanga harsatna kan tawh fo thinte hi a chhan bul ber chu chungnun kan duh vang leh chumi chu chan kan duh theuh thin vang a ni fo thin. Heng hunah hian tlawmna nun kan tlachham fo thin. Ringtu nun tehna tha ber chu”A TLAWM EM ?” tih hi a ni.
 
(2) LUNGAWINA :
Krista’n a hnen atanga zir tura min duh leh chu  Engkima Lungawina nun hi a ni. Khawvela ro hlu ber chu ‘lungawina hi a ni’an ti thin.  Sum leh pai, ei leh bar ngahah hian lungawina  chu awm bawk mahse a  kumhlun lo. Pathian Kristaa lungawina neitu chu - harsatna, lawmna leh lungngaihna vawr tawp an tawh changin an buai ve lo. Hei hi a chhan chu Pathian atanga chhuak  lungawina an neih tawh vang a ni thin. Paula’n,”Kei zawng, engkima lungawi ka ching tawh si a,” a tih hi ringtu nun tur chu a lo ni. Lungawina nei lo mi chu mi azawnga mi khawngaihtlak ber an lo ni. Isua hnena chawl tawh ringtu chuan nun hahchawl a nei a, a chunga thil thleng apiangah a lung a awi a, tlawmna nunin, chawl chungin rim takin Lalpa tana thawk tawh mai thin.
    Hring nun khawvelah hi chuan lungawina hmuh tur a vang thin khawp mai. Lungawina hi mihring nun  tihausatu, thlarau lam nun hausakna thuruk a ni tih hi hre reng ila. Chu nun thuruk chu  Kristaah a awm a, chu chu Isuan min zirtir a duh a ni. Kristaa lungawina neitu chuan a thil tawn apiangah lungawina a hmu a, lawmna a chhar thar zel thin a lo ni e. Lalpa’n a thu malsawm rawh se.  AMEN.

Inkhawm  programme
SUNDAY  SCHOOL
Tantu    :    Pi Thanzami
Zirlai    :    Ram leh hnam chhandamna (Z- 33)
 
CHAWHNU  INKHAWM  
 Thupui    : Isua thupek zawm a tul
Hawngtu  :T. Upa Vawmsuala
   
ZAN  INKHAWM
Thupui     : Chanchin Tha hi kawl ringawt tur kan ni lo.
Hawngtu  : Upa C.Chalthanga

Beihrual Thla a ni tawh vangin zan tin Inkhawm a awm tawh ang.
   
Thawhtan Zan 
Thupui     : Chanchin Tha hrilna hmun.
Hawngtu   :    Upa K.Vanlalmawia

THAWHLEH  ZAN
Thupui    : Mizoten Chanchin Tha kan chhawrzia.   
Hawngtu : Upa K.Rochhiara   

NILAI  ZAN
Thupui     : Chanchin Tha hril tura inbuatsaihna
Hawngtu  : Upa Chalthuama
 
NINGA  ZAN
Thupui    : Awm hmunna Chanchin Tha hril.
Hawngtu : T.Upa Lalrinawma varte

ZIRTAWP  ZAN
Thupui     : Kal chhuaka Chanchin Tha hril.
Hawngtu  : Upa K.Thangkhuma

INRINNI   ZAN
Bial Naupang Sunday School Inkhawmpui kan thlen dawn avangin Inkhawmpui Programme a hun hman a ni ang.

[Kohhran hote inkhawm lamah tan la thar deuh deuh ang u. TIn, inkhawm kalhma lamah pawh tan kan lak a tul hle mai!!]

Tualchhung
BRANCH   KTP
Ni.01.09.2011 Ningani zan atang khan Bible chhiar chhuahna programme hawnna leh chhiar tanna hun hman  a ni a member 20 chuangin he hun hi an hmang thei a ni.. Bible chhiarna hun hi inkhawmban apaingin chhiarchhuah a nih hma chu neih tur a ni a, KTP Memberte zan tin kan theilo a nih pawhin kan theih hun hunah chuan Bible chhiar ve theuh turin kan in  ngen in kan insawm mawlh mawlh a ni.

KOHHRAN
Tunah hian tuikhuah(Tanky) siam hna kalpui mek zel a ni a, kohhran hmeichhe lamin hnathawkte thingpui an lum thin bawk a ni. Kan hriat theuh angin PCI Assembly kan thlen na tur atan kawng hrang hrangin hma lak chho zel a ni bawk a, sum mamawhna ala sang dawn hle mai! Kohhran hote thilpek ah tan kan lak zel theih chuan a lawmawm hle ang.

RAMTHAR
Ni.31.08.2011(Nilaini) khan Ramthar huanah Kohhran hnatlang neih a ni a, mi 36 lai an thawk chhuak thei a ni. Hnatlanga kalte hian Grape hmun an thlawh fai hnuah Tuikhuah,Grape huan hlanna hun Bialtu Pastor Rev.David Lalrinmawia Sailo in a hmang a, tawngtai rualna hunte hman a ni bawk a ni.

NAUPANG
Naupang Sunday Sikul naupang te Sunday sikul inkhawmpui na atan an inbuatsaih ngawrh tawh hle mai a, tlai tin thu,thu inchhang leh hlate an zir thin a ni. Inkhawmpui hlawhtling tak an hman theih nan Kohhran hoten tawng taina lamah i hre reng ang u. 


LAWMPUINA
Kan rawngbawlpui Tv.Lalsangliana’n CTH tha taka a pass hi kan lawmpuiin kan chhuang  tak zet a ni. A hun kal zel turah Kohhran tana mi tangkai tak leh mi hman tlak anih zel theih nan duhsakna sang ber kan hlan mawlh mawlh e.
Aletheia Editorial Board

B.S.I
Memorial Gift
Pu Aitea

TAWNGTAI INKHAWM  5:30Am
Thawhtan    :    Pu Daithanga
Thawhleh    :    Pi Vanlalthlani
Nilai    :    Tv Lalrammawia
Ninga   :     Upa Lallianluauva
Zirtawp:     Pi Laltlanmawii
Inrinni  :     Pu HKL Thanga
Pathianni    :     Pu Lalrindika

K.T.P  TAWNGTAI  INKHAWM
Ahmun  :    Kohhran Hall
Hruaitu :    Tv K.Lalmalsawma
Tantu    :   Tv Lalrammawia
Khawzawl Dinthar Branch K.T.P tlawh thlir letna.

BRANCH  NEWS
Member thar
 R.Lalrinchhana S/o M.S.Dawnga
Mesaka Group ah ziah luh thar a ni.

Faith Promise
Ni.10.9.2011 hma ngeiin Faith Promise bial vawngtuten Branch sum enkawltute hnenah thehlut tur a ni.Memberte thawhlawm lam ah hma kan sawnzel a,tun aia thahnem kan ngaih zual theih chuan a lawmawm hle ang. Lawmawm in Branch  chuan lawmthu a sawi mawl mawl a ni.

RETREAT
     September ni.24 hian nilengin Branch KTP Committee memberte Tawngtaina Tlang Hmumhmelthaah intuai tharna hun hman tur a ni dawn a, tun a tanga he hun hmang thei ngei tur hian Committee memberte lo in ring lawk ang u.
      Nih i tumah chiang phawt la, tih i tum chu hrilh ngai lovin i chiang mai ang.
“Damchhan tha i hmuh zawh loh rau rau chuan, thih chhan tha tal neih tum rawh,”
    
LAWMTHU SAWINA
Kan member Tv C. Lalrodinga (Mesaka Group ) a mi chuan K.T.P te tul leh pawi mawha hman atan sum thahnem tak a rawn pe a, hetiang ang kan member inpe kan neih hi a lawmawm in Branch  chuan lawmthu a sawi mawl mawl a ni.
   

Editorial
FAKNA/SAWISELNA
        “Sawisel sawisel suh u, sawisela in awmloh nan in sawisel ang bawkin an sawi sel ve ang che u”.
    Kohhran hote hi Isua Krista in min khawngaih em avangin leh min hmangaih vang liau liau in a khawngaih rawngbawlhna thawk ve tura min duh hi a lawmawm hle a ni. Mahse then khat chu lungawilohna tur zawng ve hrim hrim ni awm takin midangte rawngbawlnaa lungawilo sawi sel reng tum te, an chhiatna lai sawi talh tumte  pawh kan awm thei awm e.
    Mihring tungchhoa kal tawh zingah hian tumah hi fak na awka dawng duh lo kan awm awm lo ve, kan rawngbawlna ah pawh hianin midangte, kan rawngbawlpuite kan fak thin nge kan sawisel thin?
    Midangte kan sawisel hian kan tan sawtna a awm mawh hle mai! An thatna sawitur awm reng an chhiatna lai tak kan sawisak duh talh a nih chuan in ngaihtuah a ngai awm e. Midangte chhiatna lai kan hria a nih pawhin ngawihpui mai ila,  midangte hnena kan sawi chhuah avangin kan tan hlawkna engmah a awm ngai lo. Kan rawngbawlpuite kan thiante an that lohna lai kan hria a nih chuan hmai chhanah hrilh mai ila, kan hrilh mai lo a nih pawhin, midangte bula sawi chhuah mai ai chuan tawngtaipui mai ila a tha hle a ni.
    Midangte chhiatna leh thatlohna sawi mai mai ai chuan an thatna lai kan hriat te sawi thin ila, sawi selna aw ka ai chuan fakna aw ka hmang thin ila, chu chu Lalpa duh dan a ni. keimahni chanchin hi midangten engtin nge sawi se kan duh le? Kan chhiatna lai hlir hi sawi thin ta se kan duh el le ? Fakna aw- kan dawn changin tumah lawmlo kan awmlo ang hian midangte that lohna sawi mai mai ai chuan  fak leh chawimawi na aw-ka hman hi ringtute tih tur awm reng a ni.


EDITOR        :     C. Vanlalchhuanga         
JT. EDITOR   :    Isaac.Lalhruaitluanga, Zodinpuia
NEWS  EDITOR :  K.Lalengzuali
CIRCULAR MAN.: All Groups Asst. Secy.
MANAGER        :     Lalduhawmi
           

0 comments | edit post
Make Flying Twitter Bird Gadget