VENGSANG BRANCH YMA
Lalsangliana
MIZO  HNAM  DAN
MIZO   HNAM   DAN   CHUNGCHANG
The Vengsang 31st July 

Chang 19 HNATLANG AWL:
Mi tupawh roreltuten hnatlang thawk lo tura an tihte chu ‘Hnatlang awl’ an ni. Chu bakah, a hnuaia mite hi hnatlangah an phut ngai lo.
1) Hmeithai
2) Mipa kum 15 hnuai lam
3) Kun 60 leh a chunglam
4) Dam lo
5) Tawmkailo
Hmeithai hi hnatlang thawhah âwl mah se, an telna thlawhhma kawng hnatlangah chuanan âwl bik lo.

Chang 20 RAM THEH THU:
Sawrkarin phalna a pek angin, Khawtlang roreltuten ram an theh thei. Ram theh bak neih tuma vattu chu hrem theih a ni a, a vah sa pawh a nei tur a ni lo.

Chang 21 LO HAL:
 Lo hal dawn hian khawtlang roreltuten ram kang chhe lo thei tur ang berin an rel tur a ni.Fimkhur loh vang leh roreltute thu zawm loh vanga ram tikang chhia chu, chang 153 (2) anga hrem theih a ni. Ramri bul neih kum chuan hal dawnin khaw thenawmte hriattir tur a ni.

Chang 22 RAM VAK LEH RAMCHHUAK :
Zan riak lova Silai kenga sa zawnga ramhnuaia kal hi ‘Ramvak’ a ni a; zan riaka mi engemaw zat sa kah tuma a huhova kal hi ‘Ramchhuak’ a ni. Miin mi dang Silai hmanga sa a kahin, Silai neitu hnenah Sadar a pe thin.

Chang 23 RANVULH :
Khuaa mi cheng tupawhin a duh ang ang ‘Ran’ avulh thei. Chutianga vulhtute chuan mi dang tana hnawksak lo tur zawngin ran vulh chu an khuahkhirh tu a ni. Chutianga vulhtute chuan Bung 11-nain ranvulh chungchang a sawi angin an vulh tur a ni.

Chang 24 KHAWTHAR KAI :
 Roreltute remtihnaa khaw hmun sawn emaw, hmun hrang hrang atanga khaw awm ngai loha hmuna mi eng emaw zat awmkhawm emcaw chu ‘Khawthar Kai’ a ni. Roreltute phalna la hmasa lovin tuman khawthar an kai tur a ni lo. Chutianga kai lute chu hrem theih an ni.

Chang 25 THLAWHBAWK :
 Khuaa miten, an lo neih a hlat avanga kum khat chhung atana a huhova an awmchilh emaw, kawng dang vang emaw a nghet lova mihring chenna hmun chu Thlawhbawk a ni. Thlawhbawk chu khuaa chhiar a ni lo. Khawtlang roreltute emtihbnain tute pawhin lo beih awmchilha ngaih chuan ‘Bawk’ an khawh thei.Chutiang a thlawhbawk siamte chuan siam chhan an tih zawh veleh an let leh tur a ni.Thlawhbawk awm phalna chu a tul chuan kum tina siam thar zel tur a ni. Tupawh phalna nei lova bawk khawh emaw, phal bak awm lui emaw chu Dan anga hrem theih a ni.

Chang 26 KHAWPER:
Lal ram chhungah emaw, Village Council ram huam chhungah emaw, Sawrkar phalnaa mi eng emaw zat In leh Lo dina awmkhawm chu ‘Khawper’ a ni. Khawper chuan a khawpuia roreltute thu ang zelin ‘Thuneitu’ an nei thin. Chung mite chuan a tul ang zelin khawper atan ro an rel thin.   [chhunzawm zel tur a ni.]

BRANCH  ACTIVITIES
Chhiatni Fund
In 100 chuang in chhiatni fund  la pe lo kan la awm a, remchang hmasa berah  Branch OBte leh Section hruaituten a pe lo te dapchhuakin,  an rawn khawn tha leh dawn a, la pe remchang lo zawng zawngte kha lo inring lawk tura hriattir lawk kan ni e.

Information Line
Kan Veng YMA Information line, Mualbawk leh Industry bul chawmtu chu tun hnaia ruahsur leh thil thawin a line thenkhat ati chat a, Branch OBte leh Light & Sound Sub Comt. ten remchang hmasa berah siam an tum.

Section News
Section hrang hrangten tunlai hian Cencus update beihpui an thlak mek a, uluk taka an ennawn leh duh avangin an la thehlut lo. Tin, Vengchhungah chhiattawk tunlai hian a inthuah deuh avangin hmalakna liantham an nei thei rih lo. Section tina Electirc bill khawn tute khan hun tiam (Due date) hma ngei a khawnkhawm a, thehlut fel vek tawh tura ngen leh hriattir kan ni bawk.

Awmlai
    Pi Nosenhaii (Nuno-i) kum 66 Khuangchera Section a mi chu Ni 25.7.2011 (Thawhtan) zana dar 7:45pm khan an chenna Inah Cancer natna vangin a boral. A ruang hi tlaivarpui in, atuka vuiliam nghal a ni
    Tv John Zosangliana Kum 23, Pu PC Zaingena tupa  Vanapa Section, YMA hall bul a mi chu Ni 27.7.2011 zan dar 10:30pm khan Chennai-ah Lungphuchawl in a boral. A ruang hi rawn phurhchhoh tura buatsaih mek a ni a, he chanchinbu kan chhut laia an rawn phurh chhoh dan tur leh thlawhna a phurh chhunzawm zel dan tur thuchiang hriat theih a la nih loh avangin a vui hun a la hriat theih rih loh. Amah hi YMA member a ni a, lo hmuah ngei tum a ni. Chhiattawk chhungte kan tuarpuiin takzet zet a ni.

Tualchhung
 Veng chhung hmalakna
Vengsang huam chhung a Electric ban, mimal leh kawnghpui (Vantlang) tana hnawkzualte chu, VCte leh Power & Electric Dept. tangkawpin siam rem leh siam tha turin  hma an la mek a. Hemi rual hian kan Vengchhung a Street  light eng thei tur leh  siam tha leh turin ruahmanna tih  fel a ni ta. 

Lawmthu
Police lane chho (YMA hall bul kawngpui) YMA leh VC ten aba-thla a an lo black top chu RD Dept. atangin remchang hmasa berah sum hi pek tumna  a awm a hriat anih avangin Veng mipuiten  lawmthu an sawi lawk a ni.

Anganwadi Centre IV hmalakna
Dt 25.7.2011 ah khan Vengsang Anganwadi IV  tan Pi Chawngthankimi A.W.W thahnem ngaih na in nu leh naupawm,naupai leh naupang te hnenah nuten an fate an enkawl thiam theihna turin Nute zirtir an ni a, tunlai sualna pung zelah naupang te an fihlim theih na turin nute zirtir an ni bawk. Naupang 36 leh nu 30 an kal a, nuam an ti in hlawkthlak an ti hle.

Nula  chhuanawm
Nl Lalrinpuii d/o Lalzarmawia PHE Veng a mi chu Durtlang Nurse Trainning neih zawh takah khan lawmman  awm zawng zawng chu a zuk la fai vek a, kan chhuang takzet a ni. Chung a lawmman lak te chu. Best Nurse, Best Academic leh Nurse trainning chhung zawng a Topper anih avangin Merrit Prize pahnih a dawng bawk. Amah hian duhthlan tham hna a hmu nghal a,  tunkar chho hian a lo haw chhoh beisei a ni bawk. Kan Veng ti hmingtha em em tu Nula hmeltha Lalrini hi VS YMA aiawh in Ed. board ten  lawmpuina chibai kan buk a, tin,  a kal zelna turah duhsakna sang ber kan hlan nghal bawk a ni.

Rukru veh chhunzawm mek
Kan Veng chhungah mi huan thlai ruk ching man tuma veh mek an ni a, heng mi te hian mi Rawtuai leh Vaimim bakah an hmuh ang ang an ru thin. YMA chuan man ngei tumin hma a la mek a ni.
VENGSANG  GRAPE  GROWERS  ASSOCIATION  HRIATTIRNA

Dt 25.7.2011 (Mon) zing kara Vengsang Grape Growers Association members meeting YMA Hall a neih chuan ahnuai a mi ang hian ro an rel a, member tin ten zawm theuh kan tum dawn nia.
1. Kum 2011 a Grape lawh tur neite tan Winery atangin Plastic Crates (Plate) Vengsang hmingin 70 lakchhuah a ni a, kan lakchhuah zat hi kan thehlut kim leh lo anih chuan Crates (Plate) hmangtu ten kan Grape man atangin kan rul dawn a ni.
2. Plastic Crates hi Pu SH Lianchhunga te in ah dah a ni a, a enkawl turin Pu Chhunga hi ruat nghal a ni.
3. Plastic Crates hi rualkhai taka kan hman theih nan, a hmangtu reng rengin vawikhat a hman zawh veleh a kawltu hnenah a kim thapin a dah leh tur a ni.
4. Plastic Crates hi zan khat bak kawl awih a ni lo, engmah sawi si lo a zan khat aia rei kawl an awm chuan pakhat zelah Rs 10/- chawi tir an ni ang a, an chawi duhlo a nih chuan Plastic Crates hi an hmang nawn thei lo ang.
5. Plastic Crates hi a hmang tur reng rengin Winery atanga va phurhna leh nakina dah let lehna man tur atan pakhat Rs 5/- zelin a hmang thei ang.
    Hei hi kumina Grape lawh tur nei ten hria in i zawm tlang hram hram ang u. Mahni hma chauh sial loin midangte ngaichang leh i mamawh ang tho khan midang pawhin an mamawh ve a ni tih hriain a chunga tarlan leh rorel te khi i zawm hram hram ang u.
 
Secretary,
Vengsang Grape Growers Association.
================================================================ 
DAMLO
Nula K.Vanlalhriati d/o K.Doliana N Sec. te kar khat aia tam mah Damdawi ina an in enkawl hnuin tun nilai khan a lo chhuak leh ta, Pu Kapzuala Khuangchera Section a mi chu Inlama  enkawl mek a ni. Upa K Vankhuma N Sec. Hospital road a mi chu tunah hian Champhai District Hospitalah enkawl mek a ni bawk . Tin, Krosthanga S/o C Vanlalrema Hospital Venga mi pawh damdawi Inah enkawl mek a ni bawk.  Heng mite hi Vengchhung damlo  kan hriattheihte an ni a, hmaih palh kan awm chuan ngaihdam kan dil e.  

In luah chung chang
      Misual, rukru leh ruihtheihthil a kan lo fihlim lehzual nan  Veng chhunga In luah tur nei ten In luahtu tur chungchangah fimkhur theuh turin kan in ngen a, YMA leh V.C pem lehkha mumal tak leh belhchian dawl tak nei lo phei chu luah tir lo turin kan in hriattir nawn leh a ni.
       Branch YMA tam tak leh khawpui tam takah tharum thawhna, in rikrap leh rukruk ti zual tute chu chin hriat loh leh khawi lama tanga lo kal nge tih chian lo va rawn invawm lutte an ni a, mitinte i fimkhur lehzual ang u. 
========================================================================== 
Vengsang Cricket Club
Vengsang Cricket Club ten Under 14 leh Under 17 Super Six Cricket Tournament an buatsaih tura tel tumte tan heng ahnuaia mite hi hriattur a ni.

1. Tournament tan hun atan Dt. 3.8.2011 (Nilai) a ni ang.
2. Entry Fee Under 14 ah Rs. 50/-  Under 17 ah Rs 100 a ni ang. Entry Fee hi Pu David Rualthankhuma leh Pu C. Lalengkima te hnenah pek vek tur a ni. Tin, Entry Fee pek naah hian Team list leh Nu leh pa hming, pianni, thla leh kum ziah tel tur a ni.
3. Tournament a tel tum te Club Member nih angaia mi pakhatin Rs. 20/- Membership fee pek tur a ni ang.
4. Tournament ah hian akhelhna hmanrua Vengsang Cricket Club ten an chhawp dawna, akhelhna hmanrua ah buai loh tur a ni ang.
5. Tournament ah hian lawmman chi hrang hrang siam tum a ni a hetaing hian lawmman siam tum a ni.
        1st prize  -     Trophy + Cash
        2nd prize -    Trophy + Cash

Man of The Tournament leh Man of the match, thlanna neih a ni ang a, Match Money (Chak zawk leh chak lo zawk) pek an ni bawk ang.
LAWMTHU  SAWINA

Kan pa Aitea, kum 83, Dt. 18-7-2011 (Thawhtanni) 3:40 AM- a min boralsan chungchangah leh a damloh chhung zawnga amah lainat a tlawhtute leh sum leh pai a tanpuitute, tlaivarpui kan ngaihlai pawha Kohhran, YMA leh khawtlang nu leh pa ten theihtawp chhuah a min buaipuina zawng zawngah  lawmthu kan sawi a. A vuini a thlahtu te leh tun thlenga kan khawhar min hnem tura min lenpuitu zawng zawng chungah thinlung takin lawmthu kan sawi e. Kan chunga in thatna zawng zawngah hian Lalpan malsawm che u rawh se.


Zalawmi leh a fate
Champhai Vengsang 

Job Card  thlalak  that ngaite
Internet katlanga hmun hran (Ram hran) a miten Job Card neitute an lo hriat theihnan, chuta thlalak dan tur thlalak mek a ni. Nakut Thawhtan zing dar 7:00am ah Vengsang Br. YMA hall ah thlalak tur a ni. Mahni Job Card No. hi hlawh lakna Passbook khan a awm a, en mil mai tur a ni e. Heta la lo te chu Office lam atanga paihsak an nih pawn in sawisel thei lovang. Kan chhungte emaw kan thiante awmlo leh zinbo kan awm chuan kan VCte hnenah kan hriattir dawn nia. Hengte hi lakthat ngai Job Card No. te chu an ni e-

186, 196, 199, 243, 265, 266, 276, 295, 351, 357, 358, 364, 374, 397, 459,
475, 539, 556, 570, 577, 616, 621, 638, 647, 655, 656, 657, 668, 671, 690,
699, 724, 725, 729, 730, 731, 733, 735, 736, 737, 738, 741, 742, 743, 744,
746, 747, 748, 749, 750, 751, 752, 753, 754, 755, 756, 757, 758, 759, 760,
761, 762, 764, 766, 768, 769, 770, 771, 772, 776, 778, 780, 781, 782, 783,
784, 785, 786, 787, 788, 789, 790, 791, 792, 793, 795, 796, 797, 798.


CHHIAT TAWH CHUNGA LAWMTHU SAWINA
       Min hmangaih em em tu kan nu Nosenhaii(Nuno-i) in Ni 25.7.2011 (Thawhtan) zana min boral san chungchangah lawmthu sawi tur tam tak kan nei a, Vengchhung leh pawnah pawh  a mimial hnenah lawmthu sawi duh hle mah ila, kan tan thil harsa anih avang leh in awmna pawh kan hriat sen loh avangin hei hi inhnena kan lawmthu sawina ah min pawm sak tur in kan ngen hmasa che u ani.
    A hmasa berah chuan kan Veng Vengsang Branch hming a Damdawiina thisen min pe tu te chungah lawmthu kansawi mawlh mawlh a, reilo te damdawiin kan awmlai leh in lamah kan haw hnu pawha sum leh pai nen chatlak awm miah lovin min kan reng a, zan lamah pawh nise YMA nula leh tlangval,  Nu leh Pa ten kan mangan hlauin man men pui reng a, abikin Vengsang Branch YMA in adam lai in Branch hming in min kan a, Branch chungah lawmthu kan sawi tak meuh meuh a ni.
     Sum leh pai, bungbel leh motor phal taka min hmantir tute zawng zawng chungah lawmthu kan sawi bawk a, sawi vek sen anih loh rualin sawi hmaih tamtak kan nei ang tih kan ringa in mi hriatthiam na kan ngen bawk e.      
    Lawmthu sawi thiam lo mah ila keni mirethei te lainat leh hmangaihna thinlung petu leh lawm taka arawng kan bawl kan PATHIAN, ui nei hauh lova rul thin tu chuan tha leh zung sum leh pai in sen ral zawng zawng te alet tam takin rul vek che u rawh se.


In khawngaihna dawng tu
Apasal Vawmliana leh afate
Khuangchera Section, Champhai

KEIMAHNI
CK Press a kan chanchinbu herna  thla thum bill ( April, May , June) chu pek fel a ni ta. A her man hi cheng 5300 lai a ni, Agent ten kan chanchinbu khawnkhawm ang angte kan pekluh leh zung zung a  a ngai nasa leh ta mai le. Tun thlathar laihawl velhian inhmuhkhawm tum leh a ni a, thlathum chhung a kan pawisa khawndan leh thehluh zat  hre vek turin lo in buatsaih lawk tur a ni. Report la pe mumal thei lo te kan in hrethiam em em rualin tun chu felfai taka report tum tawh tur a ni ang.

ENGLO HUANG
:)   Sawmtea pawh  hi athleng phei thui lutuk reng reng phuar tel ve angai!
-Upa Dinga  V. Sec
 
:)   Maternity Leave ka la mek e
-Vl. Muana Zokongchho
 
:)   Ih.. ih..chhiattawh hnung ber tlaivar zan kha a mak reuh a sin..D..D Dar-thlalangtlang ka lam fiah thei leh ta lo!!
-Marova  K Sec.

:)   AIRTEL nen kan in be thin..!!
-Mathuama  [Project]  T Sec.
 
:)  Thil sawi mawi deuh ngai i neih chuan Pu Chhunga pan rawh..
-Pu SH Chhunga  T Sec.
 
:)   Min nei duh a nih chuan i fate chu ka fate an ni maii.. Ve cheee.!
-Tetea (Lalkhuma) V. Sec
 
:)   Nula Senior zuna uai zet chu Chhuihthangvala tan a na nge e..!!
-Zairema  Rahte Veng
 
:)   Lalroa’n (Rulngan Pa) nula a rawn luh pui, thutpui takngial poh a ngam lo khanglang a, ka tlawm la in Tape ka play a, kan Nu pawh zah zo lovin ka mawng kan Shake pui tak chiam kha..
-Hruaipuia  V Sec. 

EDITORIAL
TAIMAKNA  LAIMU
      Kristian tih awmzia chu Krista zuitu, Krista ringtu tihna a ni a. Ringtu hmasate khan hming hrang hrang an lo nei thin a, Kawnga mite, Unaute, Thuhretu te, Mi thianghlim te, ringtute leh Kristiante. Tichuan Kristianna tih awmzia chu Krista zuitu nihna, Krista ringtu nihna tihna a ni. Taima tih awmzia chu thawk reng mai, thatchhelo zamtha tihna a ni a, Taihhmakna tih awmzia pawh chutiang bawk chu a ni.
       Pathian thu hian thatchhe lo turin ringtute chu min fuih. “I dam chhung zawngin rim taka thawkin a rah chu i ei tawh ang,” a ti a ni.  Talent tehkhin thuah pawh khan Lal Isuan talent nga kawltu leh talent hnih kawltutena an puiin a kawl tir zat an rawn tihpun sak a vanga an chunga an pu lawm thu leh talent khat kawltu ina a tihpun ve loh avanga a puin, “Bawih sual leh zawm tho pa…,” ti a a hauh thu atang hian Lal Isuan thatchhiat a huatzia kan hmu. 
       Tun lai khawvel hmasawnna chak tak mai Globalization te, Media leh thildang te hian ringtute Kristian nunah leh taimakna nunah mi a fuih thar hle lai hian kawng leh lamah erawh chuan chhiatna leh beidawnna min siamtu a ni thung. Inbiak pawhna leh in kal pawhna a lo that tak avangin khawvel hi a lo zim zo ta a, ‘Global Village’-ah khawvel hnam tin te hi sawikhawmin, kan khawsaho ani ta ber mai. Hna lah chu a vang tulh tulh ta bawk, mahni ramah hian kan vakvai mai ang tih a lo hlauhawm ta hial a ni.
       Zirna lam te en ta ila, thingtlang lamah sorkar hna-School leh a dang te-a kan thawh peih loh avangin hnamdang-ten hum awl an luah a. Hun a lo kal zel a, tunah chuan dinhmun tha tak tak an lo chelh ta a. Hetianga dinhmun tha an chelh hian thenkhat chuan an mi leh sate in lak luh nan an hmang nge ni, hnamdang kan rama hnathawk an lo tam ta hle mai. Kan hun tam tak chu phone hman nan te, internet hmanga mi kawm nan te kan hmang a, kan eizawnna hna leh lehkha kan zirna tur hun tha tam tak kha kan paih phah a ni. tlawmngaihna te, thianghlimna te, tumruhna te leh taimak te hi a ni ngei ang Engpawhnisela heng zawng zawng khaikhawmna chu Lalpa tih hi a ni. Lalpa tih mi chu a taima thin a,  a entawn tlak bawk tur a ni.
=======================================================================
Editorial  board

Editor    :      Lalsangliana
     
Jt. Ed.    :     H. Remsanga       

Cir. Manager:  All Section Asst.Secy. &  PC Lianmawia Keifangtlang                        

Manager:  R.Lalchhuanawma   



Labels: 0 comments | edit post
VENGSANG BRANCH YMA
Lalsangliana
MIZO HNAM DAN
MIZO  HNAM  DAN  CHUNGCHANG
The Vengsang 17th July 
Hmasang atangin Mizote hian hnam inkaihhruai nan leh thubuai/hlabuai rel fel nan Hnam Dan an lo nei thin a; uluk taka la khawmin ziak chhuah a ni.

Chang 1 A HMING LEH A KAIHHNAWIH
1) A Hming : He Dan hi Mizo Hnam Dan a ni.
2) A huam chin : He Dan hian Mizo zawng zawng a huam a; Mizo hnahthlak hnam pengin tihdan bik an neih pawh a hnawl lo.

Chang 2 MIZO Mizo’ tih hian Mizo hnahthlak tawh phawt chu a huam vek a ni.

BUNG - 2
MIZO KHAWTLANG INAWP DAN
Chang 3 KHUA LEH A MI CHENGTE: 
Mizo te hi pi leh pute hun atang tawha khawbik neia awm thin an ni a. Thuneituin khuaa a puan apiangte chu ‘Khua’ tih a ni.Khua apiangte chuan ram chin bithliah an nei zel bawk a. A khaw thenawmte nen an inkarah ram inthenna fel tak ‘ramri’ an nei vek a ni. Khuaa awm nghette chu chumi khaw ‘khua leh tui’ an ni.

Chang 4 KHAWTLANG RORELTUTE:
Khaw tinin khawtlang Roreltu an nei a, chu chuan Khawtlang chungchanga thil pawimawh eng pawh a tul dan a zirin an rel thei a, Vantlang Inkhawm pawh an ko thei.

Chang 5 VANTLANG INKHAWM :
Vantlang inkhawm chu khawtlang roreltuten khawtlang pawimawh thila an khaw mipui an koh khawm hi a ni. Pawlhoin emaw, mimal tuin emaw, mipui tam tak kovin inkhawm siam mahse, chutiang inkhawm hu hemi dana vantlang inkhawm tih hi a ni lo. Vantlang inkhawm chuan thu tihtluk an nei the a, chu chu khawtlang roreltute pawhin an kengkawh tur a ni. Amaherawh chu, harsatna a awm chuan, a tul ang zelin khawtlang roreltute chuan an tidanglam thei.

Chang 6 SALAM LEH SUKCHIN :
Khaw chhungah thubuai a awmin roreltuten an rel thin a, chawitir ngai an chawitir thin. An lei chawi rual chuan roreltute ei atan a thu azira an chawitir thin chu ‘Salam leh Sukchin’ a ni.An chawitir dan chu hetiang hi a ni :

1) Salam :
Salam chu Vawkpui a ni thin; tangka hman hnuah chuan cheng nga (Rs 5/-) a ni.

2) Sukchin:
    Thil tihsual nep deuh Salam chawitirna tur em ni si lova an chawitir thin chu Sukchin’ a ni. Sukchin chu zu bel pakhat a ni .
    Lal rorelna tihtawp a nih hnuah chuan khawtlang rorelna chhunzawm zeltu chu Village Council a ni.Village Council chuan Salam leh Sukchin chu, rorel han man angin an la ei zwl a. He dan bu ruahman lai hi chuan cheng sawmnga (Rs 50/-) a ni. Tangka hlutna a danglam ang zel in Mizoram pum puia hman turin roreltuten Salam leh Sukchin chu a awm tawk an bithliah thar thei.

Chang 7 KHAW RAMRI LEH RAMRI LUNGPHUN
Khua atan Sawrkarin ramri a kham chu khuaa chengten anmahni thua sawn theih a ni lova. Ramri lungphun pawh tih chhiat emaw, sawn emaw phal a ni lo. Chutianga titute chu hrem theih an ni. Ramri chungchang chu sawrkar chauh lo chuan tihdanglam theih a ni lo.

[Kan Mizo Costomary Low hi remchang ang zela chhunzawm tur a ni]

BRANCH   NEWS
Training
Dt. 14.7.2011 (Ningani) khan Champhai Vengthlang Kohhran biakinah Land Reforms Seminar Mizoram SYNOD Social Front bultumin neih a ni a, hetah hian kan branch atangin heng Pu C. Zohmingliana, V. President, Tv. Vanthangpuia, Tv. TBC Lalbiakthanga, Nl. SH Lalropuii, Nl. Lalhmingthangi te an tel a, hlawkthlak an ti hle.

Committee ah tel
Pu Hmingthangsanga President chu kan veng huam chhunga MGNREGS hnuai mipui ten lungawilohna an neih te thlenna tur Committee Grivance Redressal Mechanism Committee ah  Branch aiawh tura ruat a ni.

Thlanmual Sub-Committee
Vengsang Branch YMA Thlanmual Sub-Committee te Dt. 14.7.2011 (Ningani) zan khan YMA Hall Committee room-ah an thukhawm a, hetah hian thil pawimawh chi hrang hrang relin Branch Committee-a thlen leh tur engemawni zat an nei bawk a ni.

In luah chung chang
Misual, rukru leh ruihtheihthil a kan lo fihlim lehzual nan  Veng chhunga In luah tur nei ten In luahtu tur chungchangah fimkhur theuh turin kan in ngen a, a bikin hnam dang mi luah tir lo tur leh YMA leh V.C pem lehkha mumal tak leh belhchian dawl tak nei lo phei chu luah tir lo turin kan in hriattir nawn leh a ni.

Census  Update
Vengsang huam chhunga chengte recordna tunlai hian section hrang hrangten an update mek a, hei hi chhungtin ten ngai pawimawhin an zawhnate uluk tak leh dik taka lo hrilh turin kan inngen a, hei hi YMA Census a nih angin kawng hrang hranga tangkaipuina tur a ni a chhungtinte ngai  pawimawh theuh turin kan inngen a, uluk leh dik thei ang berin kan chhawngkaw details te lo hrilh ang.



Chhiattawh chunga lawmthu  sawina
       Min hmangaihtu kan pa K. Vanlalringa’n Ni 10.7.2011 a min boralsan chungchangah keini chhungkaw hnih te hian lawmthu sawi lo thei kan ni lo. A damlo atanga damna dil a min tawngtai pui tute zawng zawngte, chhun leh zan, khaw diak leh khawchhe hnuaia  Damdawi  In a min kan tu te, min awmpui tu te leh min tlaivarpuitu zawng zawng chungah lawmthu kan sawi a, atir atanga min thlahthlam ngai lo kan thian thate leh chhungkhat  laina, thenawm khawveng leh mi tlawmngai, bengvar  zawng zawngte chungah nen.
        Tin, kan khawhar zel hlau a In lama min awmpui reng tute zawng zawng chungah lawmthu kan sawi lo thei lo a, neih sum hlu tak seng tu te mai bakah, Kohhran pawl hrang hrangte leh abik takin kan veng YMA chungah lawmthu kan sawi bawk.
         Kan chunga in thatna te kan theihnghilh thei tawh dawn lova,engkim ti thei Pathian in malsawmna in vur zel che u rawh se.
   
In khawngaihna dawngtu,
Lalchhanhimite chhungkua
Vanapa Section, Vengsang  
=========================================================================== 
Section   News
Vanapa
Section  huam chhung a chhungkaw tin Cencuse update chu SectionOB leh Commitee  member ten ngawrh takin an buaipui mek.

Neuva
Vengsang, an huam chhung a Cencuse update chu a zo fel thawkhat ta. Tunah hian a bu pui lamah uluk takin an record tha mek a ni.





Central  YMA  News
Chhandamna Camping zawh a ni ta
Ni 27th June - 10th July, 2011 chhunga Krista Hnungzuitu Tawngtai Bethel Camping Centre, Chawnpuia Central YMA buatsaiha Ruihhlo ngai leh Hmeichhe rahbi tleute puala Chhandamna Camping a buatsaih chu Ni 10th July, 2011 khan a tiak ta. He Campingah hian Campers 561 (Mipa 447 leh Hmeichhia 114) an awm a, an vai hian Pathianah siamtharna an chang. Camping neih a nih theih nana mimal, pawl, kohhran leh Branch YMA te sum leh pai, tha leh zung senga tanpuina min pe tute chungah Central YMA chuan lawmthu a sawi a ni.

Ni 11.7.2011 (Thawhtanni) khan Central YMA chuan Pathian hnenah lawmthu sawiin Bawng an talh a, Campers ten Pathian fakin an zaikhawm a, Testimony ngaihthlak a ni a, tlaiah hlim takin Ruai theh a ni.

Khawbung Branch Kumpuan Bawhzuina
Branch NewsKhawbung Branch YMA te chuan Kum puan "Khawtlang Nun Siamthat" bawhzui nan Branch Executive committee te leh Section Office Bearer te tan Kumpuan Programme leh intuai tharna hun karleh Zirtawp zan hian an hmang dawn. Kum 14 hnuailam te tan leh Kum 14-19 inkar te tan an lo buatsaih tawh a. Branch Ececutive committee leh Section hruaitu te an tih zawh hian Khawbung a nula leh tlangval te tan Kumpuan Programme hi hman leh tura ruahmanna siam sa a ni bawk. Khawbung Branch YMA hian kumpuan bawhzuina Programme an hman tawh ah hlawk thlak an tiin zawngchhang thlak an ti hle a.

Tualchhung

Veng mipuite hriattirna 
Kan hnung deuh  atang khan mi huan a lut leh  mi thlai khawih ching RUKRU  an awm thar leh a, heng mi te hi kan hmu a nih chuan YMA hruaitute rang taka hrilh vat zel tur a ni. Tin, huan mumal nei lo thlai leh Rawtuai zuar kan hmu emaw kan hriat chuan rang taka report  pe zel tura ngen kan ni e. Hetih lai hian hetiang a thlai zuar kan hriat chian lohte thil pawh lo lei sak lo tura hriattir leh ngen kan ni nghal bawk.

Sporting Club  lawmthu
Vengsang Sporting club players-te registration na tura passport a thlawn veka print sak tu Madina (Two Brathers) chungah Vengsang SC chuan lawmthu a sawi mawlh mawlh a ni.

Damlo
Pu Aitea T Sec. a mi chu tunah hian ngun taka enkal mek a ni. Pu Kapzuala K Sec. a mi pawh enkawl mek a ni bawk  a, Upa K. Vankhuma Hospt. road a mi pawh in lamah ngun taka enkawl a ni. Zoramchhana (MPRO bul) leh Peka  mualbawka mite dam lohna in a tlakbuak mek a. Tin, Pi Ronghaki Hospital Venga mi chu tunah hian damdawi In a enkawl mek a ni. Damlo te an lo dam leh vat theih nan kan tawngtaina a kan hriat reng a tha ang.

Vengsang Cricket Club News
Vengsang Cricket Club ten U-14 & U-17 Super Six Tournament a siam tura tan hun Dt. 27-30 7.2011 a tih chu rokhawlhna avangin Dt. 3-6. Aug. 2011 a tan zawk tur a ni a, Entry Fee pek hun hi a ngai niin, adang chu remchangah in hriattir zel a ni ang. Tin, Dt. 20.7.2011 3:00 PM (Nilaini) hian GM High School Basket Ball Court ah Clinic neih tur a nih angin Tournament a tel tum zawng zawngte kal vek tur a ni a, hetah hian Sports Dress hak tur a ni ang, players ten ngaipawimawh a kal theuh tur a ni a, Birth Certificate emaw Baptisma Certificate emaw ken tel tur a ni.
Awmlai
Pu K. Vanlalringa (60) Tower veng V Sec. a mi chu Ni 10.7.2011 zinglam dar 4:45 khan District Hospital Champhai-ah pumna leh khawsikpui natna avangin a boral. Hemi ni vek hian Vengsang (Hospital road) thlanmualah vuiliam nghal a ni.

PROJECT  VENG  WELFARE  COMMITTEE
Project Veng Welfare Committee thu chhuak angin kan kawngte a lo tlo zawk nan kawngpui a motor sil a khap tlat a, tunlai hian Agriculture Office Gate bulah motor sil in awm thin tih hriat a ni a, khawngaih taka lo sil tawh lo tura ngen leh hriattir in ni a, tilui kan awm a inchunga action lak a nih pawh in, engmah in sawisel thei lovang.


Sd/-
Secretary


ENGLO  HUANG
:) Heiden trial over lai hallelui--ahh
-Zova (ted), V.President.
 

:) Transformer khawl ang mai ka ni, ka awm mai mai pawh hi ka ri vung vung zel
-Tv. Zoramthara,  N. Sec.
 
:) Chawlhni zingah ka lu a hai deuh a, vawksa lah ka lei thau tha ropui si, eitheih loh avangin tawkte ka ei teuh a ka BP kan check tir chu alo hniam zawk si.
-Pu Remsanga, VC Member.  

:) YMA Hall hi hetiang khawp hian a ni maw alo ngainat theih ni.
-Tv. Tpa, Secy  T. Sec.


:) Nula te u, Guwahati atangin ka lo haw leh ta e. Khulam chuan Tv. Doctor Mâikal-a tiin Biakin ah ka in ziak..
-Tv. Michaela (Kiss)   V. Sec.
 
:)  SU leader a tling tur chuan nula bula nuih dan leh tlangval bula nuiah dan neih hran thlap a ngai
-Tv. Siama, T.Sec.(Keifangtlang)
 
:)  Ka pa i muangchang emai, hetiang te chuan kan cher zo vek dawn alawm
-Tv. Enkawla, Asst.Leader  N. Sec.
 
:) Bial Zaipawl hla zir zan hi chuan mathlawn lovin Biak In kawtah in  report a ngai ziah thin.
-Nl. Mapuii  V Sec.
 
:) Ka hming thar chu Ngaiha BA a ni tawh e.
-Tv. Ngaiha BA,  V Sec.
 
:)  Pu nih ruala nau puak nghal ngai chu dar a inhniam hleih duh ngei mai..
-Pu Rka, (Hospt) N. Sec.
 
:) Khawnge, inthlahrung maih lovin zung teuh teuh mai teh ang.!!
-Pi Dintluangi, Pi Malawmi, Pi Ronghaki  V Sec.
 
:) Arei tawh  ngaihtuahin Remote pawh ka la chang pha lo...
-Tv. Jonathana, K. Sec.
 
:) FaceBook a *** ka  ngah ang hian atakah han ngah ila awwww..
-Tv. Mka,  T.  Sec.
 
:) Pathlawi zinga min sawi tel leh a nih vaih chuan Kau-a tih dan angin ka SU khum tawh ang che u. Suuuu...!!
- Rinawma (Dreamte-a)  V Sec.



EDITORIAL
Taimakna
   Ram leh hnam, chhungkua leh khawtlang dinchhuah nan taihmakna hi a pawimawh berte zinga mi a ni. Taihmakna tih hi negative leh positive zawngin a sawi theih awm e. E.g.. thenkhat chuan taksa hrisel nan leh sum hmuhna tur a nih phawt chuan eng hna pawh an thawk hreh lova, thenkhat ve thung erawh chu hnathawh aia nilenga mut reng peih te, mi ina leng reng peih te, mi dawra thu reng chi ang te leh awm mai mai nuam ti te an awm bawk.  Heng pawh hi taihmakna chi khat chu a ni tho awm e. Taima chuan tih tur a hria a, a thawk peih a, a hriat ang chu a thawk nghal a, a awm mai mai thiam lo va, thawh tur a ngaihtuah reng thin a, hnathawh chu a hlimna berah a hmang thin a ni.
      Zirna emaw, hnathawhnaah emaw, eng thil pawh ti ila, taihmakna tel lo chuan hlawhtlinna tak tak a chan theih loh a ni. Thufing pakhat chuan “Pathianin thil engkim min zawrh a, a man atan hnathawh a chhiar a ni” a ti. Pathianin mihringte hi kan thawh chhuah ngei ei turin min ti a, tluk chhiat hma pawh khan mihringte chu Eden huan enkawl hna thawk turin a ti a, tluk hnuah phei kha chuan rim taka thawka a rah ei turin leh hmaia thlan tui luang zawih zawiha thawh chauh a, chaw ei turin a ti a nih kha (Gen.3:17-19). Thlan tui chhuak khawpa kan thawh naah pawh hian taima taka thawk leh a hming leka thawkte rahseng dan a inang lo hle a ni. Taima tak leh tihtak zeta thawktu leh zirtu, thil ti thintu chuan hlawhtlinna duhawm tak a chang nge nge thin. Taimakna tawngtai kawngah te, hnathawh kawngah te, hlawhtlinna a ni tih i hre thar leh ang u. Leia kan damchhung hian kan nawmna leh kan thatna turin Pathian in kan ban phakah hausakna a dah a, ka theihna theuhah taima takin i zawng sauh sauh ang u khai.
=========================================================================== 
EDITORIAL   BOARD
Editor    :      Lalsangliana     

Jt. Ed.    :     H. Remsanga    
   
Cir. Manager:  All Section Asst.Secy. & PC Lianmawia Keifangtlang                        


Manager :  R.Lalchhuanawma 



 


0 comments | edit post
Aletheia Vengsang Presby Kohhran Chanchinbu
Lalsangliana
PATHIAN NENA LEN DUN

1. Engvangin nge he thu hi Pathian mite hnenah puan a nih? :
    Pathian mi Israelte khan Pathian biaknaa an tih thin pangngai inthawinate an hlan mup mup reng a, mahse a hlantute kha Pathian nen an lengdun si lova, thil chu an ti nasa a, a titute nun Lalpan a chang si lova, khawvelin a chang zawk tlat a ni. Pathian kiangah an awm peih si lova, an thinlung ngaihtuahna pawh khawvel thilin a khat si a ni. Chuvang chuan Pathianin ‘Thilpeka tlawn lungawi chi ka ni lo; Bawng no kum khat mi, Berampa sang emaw Hriak lui sing emaw hlan ngawt hi ka lawmna a ni lo, chung zawng zawng chu ka nei vek, ka ta a ni si. A hlantu nangmah ngei kha chan pumhlum che ka duh a, I lengdun teh ang’ a ti a ni. Keini ho pawh hi Pathian tan thil kan ti nasain tih tur tha thar pawh kan hre thei, thil lawmawm tak pawh a ni. Amaherawhchu kan nun Pathianin a chang si lova. Pathian lak atangin kan hla si a, lendun pui turin min ko thar leh ta a nih hi!

2. Enge lendun awmzia chu? :
    A chhanna chu ‘Pathian nen kal dun, engkim ti dun,’ tih a ni mai. Chu tak chu Pathian min siam chhan leh min chhandam chhan a ni. Keini hian Pathian tel lo programme kan siam fova, chu mai ni lovin kan thiltihnaah Pathian hi hnawksak kan ti leh tlat mai thin a nih hi! Ringtua inchhal Pathian bula awm peih lo, a aw ngaithla peih lo, a duh zawng tih peih lo leh tih pawh tum lo kan va tam em! Hla phuahtu chuan ‘Kan lengdun thin, kan inkawm thin, nun kawng zim takah hian,’ a lo ti a. Chu mai a ni lo Lalpa kianga awm hi a ngenin an ngen zawk a - ‘Lalpa, chak lo mah ila, nangma hnena awm zel hi, Aw Isu I phal lawm ni? Phal mai rawh,’ an ti lawm lawm zawk asin! Hawh u ‘Lalpa I tel lo chuan,’ ‘Nangmah nen zel aw,’ i ti ve ang u.

3. Kristian nun chu Pathian pawl nun a ni :
    Pangpar chu leiah zung a kaih a, pawn lamah a lo par chhuak thin a, ringtu nun chu Pathian pawlin pawn lamah a nung chhuak thin. Mosia chuan Pathian a pawl a, chumi zar chu Israel mipui ten an zo. Tuihal ten in tur an hmu a, riltam ten ei tur an dawng bawk a, khang zawng zawngah khan Mosia Pathian nen an lendun zar mipuiten an zo a ni. Tunlai Kristian rawngbawltute hi Pathian nen kan len dun zar khawvelin zo ve rawh se.

4.   Tunge sual hneh thin? :
    Josepha, Pathian nena lengdun reng khan tisa chakna sual a hneh. Engvangin nge hurna ah te, hleprukna sualah te leh Pathian duh loh zawnga kan inhman leh thin? Hnehtu Lalpa kianga kan awm loh vang a ni. Sual hneh kan duh chuan Pathian nen leng dun ang u.

5.  Tute nge Vanah a hruai? :
    Elija, Pathian bula awm reng kha (I Lalte 17:1) ‘A bula ka awm thinna Lalpa,’ a ti thin a ni. Enoka, kum 300 Pathian kianga awm peihte kha (Gen. 5:22-24; Heb. 11:5). Keini zawng Pathian bulah kan awm peih lo em a ni. He leiah pawh Pathian bula awm peih lote hi vanah hruai kan ni lo palh ang e, i hlau ang u.

6.  Tute nge Pathianin a hman thin? :
    Ama kianga awm peihte a hmang thin. Elisa rawngbawlna a hrei fang tuia ti tla chhar sak leh a nih khan thingtuai a hmang a, kha thingtuai kha thing tha bik (special) a ni lo. Mahse hman theihin a lo awm hnai a, Zawlnei khan a hmang mai a nih kha! Pathian pawh hian hman theih, a bula awm peihte a hmang mai thin a ni. Zei te, thiam te leh hriat tam te pawh a tha em em a, Pathianin a duh erawh chu hman theih, awm hnai peihte an ni. Mi fing pawh, mi mawl pawh hman theiha Lalpa nena leng dun peih apiangte a hmang mai thin a ni. A hman theih turin i hnai ang u.

7. Lendun puia min sawm hi khawngaihna a ni :   
Mihringte chuan kan aia sual leh tawp deuhte chu an kianga awm kan peih lo fo. Khawvela mi ropui leh mi lian ten chenpui atan min sawm lo, Pathian erawh chuan keini misual leh tling lote hi a kiangah, a bula awma lendun puiah min iai ve reng reng lo. Hei tak hi ‘Pathian Khawngaihna’ chu a ni. Tin, Pathiana thiltha kan mamawh zawng zawngte hi ralkhat chan a ni lova, heng - pianthar, harhthar, ngaihdamna te hi ama hnena awm chilha chan vek a ni (Joh. 5:39, 40; Heb. 7:25). Khawngaihna dawng tura min sawmtu Pathian hnenah i awm reng ang u

INKHAWM  PROGRAMME  SUNDAY   SCHOOL

Tantu    :    Pu V.Thankhuma
Zirlai    :    Sual thupha chawi            ( Zirlai -26 )

CHAWHNU INKHAWM 
Thuhriltu    :    Upa Lianzika

ZAN  INKHAWM 
Thuhriltu    :    Pu Pc Zaingena

K.T.P  TAWNGTAI INKHAWM
A hmun     :     Kohhran Hall
Hruaitu    :    Pu K.Zoramsangzela
Tantu    :     Nl.C.Vanlalhriati
BMV    :    Tv Raymond Lalnunpuia

KTP   INKHAWM
Hruaitu    :    Pu Rambuatsaiha Chawnghlut
Tantu    :      Nl. R.Lalhmachhuani
Thuhriltu :    Nl. Zaihliri

KOHHRAN   HMEICHHIA
Pi Puii Group Nite hman tur a ni a,Kohhran Hall a hun hman tur a ni ang.

NILAI ZAN
Tantu    :    Pi Rothuami
Thupui    :    Lal Isua lokal lehna
Hawngtu :    Pu R.Lallawmzuala

INRINNI   ZAN
Thuhriltu    :    Pastor Bial fan  Programme

TAWNGTAI INKHAWM  5:15Am
Thawhtan    :    Upa Lallianluava
Thawhleh    :    Nl Lalfakzuali
Nilai    :     Pi Laltlanmawii
Ninga    :     HKL Thanga
Zirtawp :     Pi Lallawmruali
Inrinni   :     Upa Lianzika
Pathianni:   Pu PC Liansailova

Kohhran hote inkhawm kalhma lamah tan ila hram hram ang u
KTP
July 11.7.2011 ( Thawhtan ) tali dar 6 : 00pm  khan Central KTP buatsaihin member hlate puala chawngeia, tawngtaina neih  a ni a, member pawh an kal tha hle a ni. Tin Kumpuan Sub-Committee buatsaiha Zirtawpni tlaia chawnghei Programme chu la chhunzawm zel a ni a, tihluihna awm lovin a duh a piang tan tel theih a ni. Tin, kar hmasa Ningani zan khan Branch Committee neih a ni a, Branch dang tlawh chung changte leh thil pawimawh dangte ngaihtuah a ni a, Memberte hmalakna tur leh tih tur tam tak kan hmaaah a awm dawn a, lo in ring lawk ila atha awm e.

B.S.I
Life Member
K.Vanlalruatfeli D/o K.Doliana
K.Vanlalhriati D/o K.Doliana
Pc.Lalpeksanga S/o Thankhuma(L)



NAUPANG CHAWHNU   INKHAWM PROGRAMME  

YOUTH  FOR  CHRIST
Hruaitu    :    Pu K.Zoramsangzela    Surprise Programmee a hamn tur a ni ang.

CHILDREN  FOR  CHRIST
Hruaitu    :    Nl K.Lalnun tluangi
Tantu    :  Lalrohlu (Junior Dept.)
BMV    :  Nl.H.Lalmuanpuii
Special Items    :  Tv.Zodinpuia
Zai hona a tam thei ang ber neih a ni ang.
Thu Tawi!
 
* Nawmna hi chuai thei pangpar ang a ni a,kan hriatrengna zawk hi a rimtui chamhlen tur chu a ni.
* Boruak zau tak leh vante kian Pathian ropuina an puang chhuak a. Amah anga a siam mihringte hian a ropuina hi kan puang chhuak ve tak tak em le?
* Lalpa hnen i thlen ngei theihna turin i hun hman kawng tin rengah Lalpa chu bel tlat ang che. Engtik hun ah nge Lalpa alo kal dawn kan hre si lo.
============================================================================
SUNNA
      Kohhrana kan rawngbawlpui duhtak mi tlawmngai leh mi taima em em mai  Pu.K.Vanlalringa’n hunlo taka min boral san hi pawi kan tiin kan ui tak zet a ni. A kalsan tak a nupui fanau, atu leh fate, he thihna in a, atih nat zawng zawngte Lalpan thlamuanin vengin awmpui zel rawh se tih hi kan tawngtaina a ni.
            Thihna te hi Lalpa hnen kan thlen theihna tur a, kan kailawn a ni si a.


CHAMPHAI VENGSANG KOHHRAN
 =========================================================================
EDITORIAL
VANNNEIHNA
    Mizote hi Pathianin  malsawmna tam taka min vur zia hia kan ngaih tuah chiang ngai em aw! Kan ram India ah hian zuk kal thlang deuh ila, Mizoram mipui aia tam deih mai kut dawh leh chenna in neilo tam tak, hmun rem chang apianga riak kual thin leh mi ei nawi tlana vak kual thinte kan hmu awm e. Tin, ahmuna la kal kher lo kan nih pawhin TV velah pawh kan hmu tawh ngeiin a rinawm. heng kan hmuhte hian kan vanneih zia kan hria em le?
    An duh dan leh an suangtuahna ah chuan chenna  in neih ve a, chhungkuaa hlim taka awm te , mite hmusit reng bik nih loh a, nuamsa taka awmve te pawh a ni ve ang. Mahse an tan chuan vana arsi lak tum ang mai a ni si!!
    Mizoramah pawh mi hausa tam tak an awm ve tawh laiin, mi rethei tam tak pawh kan awm a ni. Amaherawhchu Vairam te anga chenna hmun neilo leh mi ei nawite changa tei rawlai mai mai khawpa rethei chu kan awm awm lo ve. Ringtute kan vanneihzia hi a van ropui tak em? Lalpa hnenah lawmthu sawi mawlh mawlh mai tur kan ni asin!
    Tin, Ringlotute’n an neihve miah loh harsatna te, mangannate, lungngaihnate kan tawh chang pawhin mi tanpuitu leh min hnemtu Pathian kan nei hi a ni. Lalpa hian amah ring ngamtute leh arawngbawltute hi engtiklai mahin eitur kan neih loh a phal ngai lo.
    He khawvel a kan awm chhung hian  Lalpa hian harsatna  kan tawh te hi a phal vek a, amaherawhchu amah min hnaih tir  tu atan a hmang thin a ni. Hei pawh hi kan vanneihna a ni. Ringlotute chuan harsatna an neihin chhawk tu an nei ve lova, an mahniin an tuar tlawk tlawk mai thin a ni. Lalpa hnenah Lawmthu i sawi mawlh mawlh ang u,.





EDITOR        :     C. Vanlalchhuanga 
JT. EDITOR   :    Isaac.Lalhruaitluanga,  Zodinpuia  

NEWS  EDITOR :     K.Lalengzuali
 CIR.MAN.                     :     All Groups Asst. Secy.
MANAGER       :     Lalduhawmi
                     


0 comments | edit post
Vengsang Branch YMA
Lalsangliana
YMA KUMPUAN THUPUI
‘KHAWTLANG NUN SIAMTHAT’ 2011

The Vengsang 3th June                                                                        [Chhunzawmna]
 
Mihring puite hralh (Human Trafficking) :
        Sumdawnna atana mahni mihring puite hralh (Human Trafficking) hi Mizoramah pawh kan lo hre ve tan ta. Mi thenkhat chu sal ang maia hnathawk tura hralh an ni a, mi thenkhat erawh chu mipat hmeichhiatna thila inzuar tura hralh an ni bawk. Mizoram atang ngei pawhin naupang leh hmeichhe thenkhat chu State pawnah inzuar tur leh thil danga chhawr turin hralh chhuah an lo awm ve ta. Hetianga mihring hmanga sumdawnna hi khawvel sorkar hrang hrang pawhin a
buaipui mek a nih avangin fimkhur taka inzirtir ni se. Sum tam tak hlawh theihna hna, awlsam taka hmuh theih anga zawrh chi reng reng hi inbumna a ni deuh zel. A tirah tha viau dawnin a lang a, a hnu lawkah nawmsipbawlna tura buatsaiha lo ni leh thin a, chhanchhuah ngai an awm mek a ni. Zirna hmun tha taka awlsam te a luh theihna ni awm taka zawrhte pawh, inbumna a ni duh hle. Buaipui man hlawkna tel duh vanga hnathawh tur leh zirna tha insawihmuh hi mihring puite inhralh dan tlanglawn tak a ni tih hriat a tha. India Hmarchhak mite hi kan dinhmun a hniam avangin zuam kan hlawh bik thin a, buaina tawk pawh an tam viau nghe nghe a ni.

Kut tling lova thil neih :
Kut tlinglova sum lak luh hi sual a ni a, kan dodal tur a ni. Sorkar sum leh bungrua mimal tana lak te, hlawkna um luat avanga bungraw chheprelh leh to taka bungraw zawrh te, depde taka Contract hna hrang hrang thawh leh hmantlak loh bungraw supply te, bumna hmanga pawisa inlaksak te hi khawtlang nun ti bawrhbangtu langsar zual an ni a. Mi awmloh hlana thlai, bungrua leh rohlu in ruksak te leh kut tlinglova thil neihte hi kan endawng ngam tur a ni. Kuttling lova hausakte, hnathawk lova sum awlsam kan um lutuk hi bansan a ngai.

MHIP Day  Programme

A hmun : Vengsang Br. YMA hall   
A hun : Dt 6.7.2011 (Nilai) 10:30Am
Chairman : Pi Lalrengi 
Tanna hla : Aw Pathian nang Lalber i ni.
Tantu : Pi Lianmawii   
Secy. Report : Branch Secretary
Fin. Report : Branch Finance Secy.
Thite sunna : Pi Lianhmingthangi
Hqrs. /Sub Hqrs atanga thu chhiarchhuah : Asst. Secretary
Thusawi : Mi sawm bikte atangin (10 Min.)
MHIP member kum 70 chin chunglam chawimawina

INDOOR  INTIHSIAKNA 
Hruaitu : Pi Lalrambuatsaihi   
1. Section kaltam chhiarna  
2. Lengkhawm zai (Pawh fuh)   
3. MHIP Thuthlung       
4. Quiz
5. Solo (kum 40- 50 inkar) 
6. Kum 60 chin in elna
Solo : Ni. Lalnunsangi

OUT DOOR  INTIHSIAKNA
Hruaitu : Pi. R. Laltanpuii
1. Musical chair         
2. Nit tuama khuang vuak
3. Kawi inkah siak 
4. Spoon race
5. Volley ball  
6. Result puan leh lawmman sem

         RUAI----- RUAI......RUAI----- RUAI......RUAI----- 

BRANCH   ACTIVITIES
Branch Hnatlang
Dt. 30.6.2011 (Ningani) nilengin Branch hnatlang YMA Hall-ah neih a ni a, hnatlang ah hian Kuang siam, bungbel tihfai leh atul apiang te an thawh a ni.  Member 30 vel an thawk chhuak, hnatlang zawng zawng te chungah Branch in lawmthu an sawi tak meuh a ni.

Peace Rally
Dt. 30.6.2011 (Ningani) zing karah Remna Ni lawmna chikhat  Peace Rally Kahrawt Field - Bethel Kawn thleng Rally neih  a ni a, kan branch atangin member 30 vel an tlan a, lawmman Rs. 2000/- an dawng a, member he Rally a kal zawng zawng te chungah Branch in lawm thu an sawi tak meuh meuh a ni.

Branch  OB
Tunkar chhung khan Branch OB te Dt. 27.6.2011 (Thawhtan) zing karah DC hmuin an leng a hetah hian Material Component YMA Hall bul kawngchho siam tawh sum la chhuak lo chungchang an sawipui a, Tin, Dt.28.6.2011 (Thawhleh) zan khan OB meeting YMA Hall Committee Room-ah an nei a, hetah hian Branch hnatlang tur chungchang leh Committee thurel bawhzui ngai chi hrang hrang an sawiho a ni.

Chanchinbu  man
Kum danga lawmman kan lak thin na ah kumin hian Central YMA chanchinbu man a la lut kim lo nasa hle. A khawntu lamten tan nasa taka kan lak thar ngei a pawimawh ta. Kan hriat angin YMA General Conference a lo hnaiin he huna lawmnan siam a nih avangin alakna man kan tihfel loh chuan kan dawng thei dawn lo a ni. 

 
Vengsang  Cricket  Club
    Vengsang Cricket Club te Dt.30.6.2011 (Ningani) zan khan YMA Hall-ah an Committee a Committee naah hian thilpawimawh chi hrang hrang relin an rorel zingah, Vengsang Cricket Club Inkaihhruaina Dan te siam a ni a. Inkhelhna hmanrua henglaia kan hmuh zinga atha ber pawl chi hrang hrang Rs. 10000/- man vel lei nise an ti bawk a. Tin, tunkum July thla chhung hian Catch Them Young policy in vengchhungah Cricket Local Tournament Super Six Age Group Under-14 leh Under-17 ah siam ni se an ti bawk. He Tournament an siam tuarah hian Naupang zawkte Cricket khelh zirtir chho zel na tur bakah atha zual Academy thlenga zirna zawn sak kawnga hmalakpui na tur a ni dawn a ni. He Tournament ah hian atam thei ang ber tel turin Vengsang huam chhunga Kum 14 leh 17 hnuailam te min ngen a, lawmman tha tawk tak leh mimal titha lawmman siam tum a ni.
    Vengsang Cricket Club-a Member ni duh tan kum khatah Rs. 20/- heng ahnuaia mite hnenah hian pekin a nih theih ang.Tin, Cricket Tournament Super Six U-14 leh U-17 atel tumte tan Member nih ngei ngei angai.
   
Membership Fee pekna turte:
Neuva Section        -    Tv. K. Vanlalenkawla leh Tv. Lawmsangzuala
Khuangchera Section -    Tv. Jonathan Zosangliana leh Tv. Lalropuia
Taitesena Section    -    Tv. Zodinpuia
Kefangtlang tan      -    Tv. Isaac Lalhruaitluanga
Vanapa Section       -    Pu David Rualthankhuma leh Tv. C. Lalmuanpuia

Super Six khelh dan tlangpui:
1. Super six ah hian team khatah miparuk an tel thei ang. Over 6 a khelh a ni a, mipakhatin Over 1 chiah a vawm thei ang. Tennis Ball hman tur a ni.
2. Khelhna tur hmun hi Basket Ball Court Tiat emaw Volleyball Court tiat a ni ang. Puan Feet 4 vela sangin hung chhuah a ni ang.
3. Over 6 tur anih avangin mi pakhat in Run 30 aia tam siam theih a ni lo.
     Abak hrechiang duh kan awm anih chuan Super Six tournament hmain a khelh dan Instruction hun remchangah Practical a inhrilh hriat a ni ang

Central   YMA  News
Ruihhlo ngaite pualin Camping a buatsaih:
    Ni 27th June - 9th July, 2011 chhung hian Krista Hnungzuitu Tawngtai Bethel Camping Centre, Chawnpuiah Ruihhlo ngaite leh Hmeichhe rahbi tleu tawhte pualin Chhandamna Camping a buatsaih.  He Camping-ah hian Pu Lalsanglura Ralte, Sons of God Ministry chu Speaker-ah hman a ni ang. Campers mi 500 vel awm thei tura inbuatsaihna kalpui a ni a, He Camping-ah hian Campers 498 (Mipa 392 leh Hmeichhia 106) lai an lut a ni. Camping a hlawhtlin ngei theih nan Mizoram mipui zawng zawngte tawngtaipui turin min sawm a ni.
    Camping buatsaihna tur Krista Hnungzuitu Tawngtai Bethel Camping Centre-a in sak belh hna chu ni 22.6.2011 khan CEC, Kumpuan Sub-Committee member te leh CADS member te chuan hnatlangin an thawk a, member 50 chuang an hnatlang a ni. Camping neihna tur atan Branch hrang hrangin Central YMA-ah tanpuina an rawn chhung lut a, Branch 55 atangin Rs. 1,60,900/- bakah Holy Cross Bakery, Tuikual North hnen atangin Rs. 10,000/- hmuh a ni.
    Camping inbuatsaih nan hian ni 23.6.2011 tlai khan Central YMA Committee Room-ah Central YMA OB, Kumpuan Sub-Committee hruaitute, CADS hruaitute, Sons of God Ministry te leh Krista Hnungzuitu Tawngtai Bethel Camping Centre-a hruaitute chuan Meeting an nei a, Camping inbuatsaih dan thlirhovin zanriah an kilho. Ruahman dan chuan he Centre awm sa bakah Central YMA hnuaia Ruihhlo Do Pawl CADS te min man, chhanchhuah ngaite dah luh belh an ni ang . Krista Hnungzuitu Tawngtai Bethel Camping Centre hi YMA Day khan Branch YMA leh mimal hrang hrangin tanpuina an pe a, an lawm em em a, lawmthu an sawi mawlh mawlh a ni. 
Tualchhung
V/C  hriattirna
Ni 8.7.2011 dar 10:00am ah Vengsang Branch YMA hallah MGNREGS Awareness Campain neih tur a ni a,  hei hi Job Card nei zawng zawngte tan Ni khat inhlawhna anga ngaih a nih dawn avangin a kal lo ten Ni khat hlawh Cut sak in nih pawh in in sawi buai thei lovang. Chuvangin  V/C hruaituten kim taka kal ngei turin min ngen a ni.

Job  Card
Ni 100 inhlawhna a Job Card dil thar tur reng reng in ID Xerox copy khat leh VC address mahni awmna VC te hnenah thehluh thin tawh tur a ni. 

MHIP  hriattirna
        MHIP day hmang turin Vengsang Br. MHIP ten member zawng zawng, tumah bo-bang awm lova kal theuh turin an member zawng zawngte an sawm a. A kal tur chuan thingfak khat leh buhfai No 2 ken theuh tur a ni  ang. Tin, MHIP daya vawrh turin Lucky Ticket siam a ni a, tlawmngai taka chhungtin ten lo leisak theuh turin min ngen a ni.
         Tin, Fatu tur ruat zawng zawngte vawin Pathianni tlailam dar 3:00 ah kim taka Pu Rohnuna [Mahnuna] Zokawngchho te in a kal vek tura ngen leh koh kan ni.

In luah chung chang
Misual, rukru leh ruihtheihthil a kan lo fihlim lehzual nan  Veng chhunga In luah tur nei ten In luahtu tur chungchangah fimkhur theuh turin kan in ngen a, a bikin hnam dang mi luah tir lo tur leh YMA leh V.C pem lehkha mumal tak leh belhchian dawl tak nei lo phei chu luah tir lo turin kan in hriattir nawn leh a ni.

DAMLO
Pu H Lalkima project veng chu tunah hian District Hospital Champhaiah enkawl mek a ni a, Achhuana [Liana veng] pawh Aizawl lama zai turin phurh thlak a ni. Lalhmagaihchhungi T Sec. apa Laltlanchhuaha pawh damdawi in ah an enkawl mek. Tin, Pu Kapzuala K Sec. pawh damdawi Ina enkawl a ni bawk. Tar chak lo leh In lama enkawl ngai Pu Aitea T Sec. leh Pu Lalliana Sailo V Sec. te ngun taka enkawl mek an ni bawk. Damlo te kan tuar puiin tawngtaina a kan hriat theuh a pawimawh takzet e.
Section   News
Taitesena
Section  huam chhung a chhungkaw tin Cencuse update tum a hmalak na kal pui mek zel a ni, Thla a lo thar leh ta a, Electrict bill khawn tura ruat ten khawn tan leh tawh tura ngen kan ni.

Vanapa
Section huam chhung Mualbawk Veng huam bikah Tv Lalthengliana leh  Nl. Lalhmingsangi te Electric bill khawn tura ruat thar an ni. Thla thar apianga sawi nawn ngai lova rang taka khawnchhuak zung zung turin a khawntu lamte chah nawn kan ni

Neuva : Champion lawmna programme
YMA day 67 Branch YMA in Section hrang hrangte Intihsiakna a siam a Champion Section an nihna chu ropui taka lawm an tum a, an programme tlangpuite chu-

Ahun :     Ni 7.7.2011 Ninga zan dar 7:15pm    
A hmun : Vengsang Br. YMA hall
Hruaitu : C. Vanlalchhuanga Leader
Tantu :    R. Lalhmingthangi
Thusawi : Pu R. Lalchhuanawma       
Report :  Secretary

Games: Nl. Lalropuii leh Nl Lallianzuali   
Solo : C. Vanlalhriati,     Ruth Lalrinkimi,
R. Lalrinmuana, Lalmuanzuala, Lalhrechianga

Thusawi    :    Branch OB atangin
Trio :        J. Laldinpuia,  R. Lalrindika leh JC Lalchhanhima
Zai hruaitu : K Vanlalenkawla, F. Lalchawiliana, R. Lalrinmuana
Request Programme : A duh apiangte tan

Refreshment  +++++  Refreshment ++++++ Refreshment  +++++  Refreshment  

ENGLO   HUANG
:D Thian nu Thanzam,  kan Upa tlangval  chanchin kha in sawi engah ka hre ve chiah.
-Pi Lalkhawchhani  V Sec.
 
 :D Kei pawh ka var ve chiah, tlai khawhnu lamah.. Ha ha ha..
- Pi Rêngi  [Project]  T Sec.
 
 :D Mi naran biak mai mai theih ka ni lo. Kâmding Nula ngat ka nih hi..
-Ngurbiaki  K Sec.
 
 :D Ka title thar chu Rulngan Pa ni tawh lovin ‘Bike-hnung-chuang-a’ ngat..!
-Lalrova  Rahte Veng
 
 :D Ar sual huai-a a ni zawk lo maw?
-Peka [MBBP]  Mualbawk  

 :D KTP Meet hi kartin awm mai se ka van ti em. Kanan ah hlir hian.. Hman zan pawh kha duh chuan SCOOTY a haw thei ka ni.  Mahse...
-Chamtea [Project] T Sec.
 
 :D Celebrites nih chu a har vak leu, Kanan lam pangah pawh fans kan ngah tawh khawp mai, a nuam reuh ngei mai..
-ZRCha & RSA (Baithak & Friend)

 :D Zuite.. Aww ... Zui-bawite...........
-Ronghaki  V Sec.

 :D Thian nu, I tuar rei lutuk.. em em a, kei pawn ka la hmuh zawh loh chiangkuan khawp hi,,!
- Dintluangi  V Sec.

 :D Zokawngchho Pathlawi rual in telkhawm chuan ‘Kawppui nei lova awm hi kan do e..!’
- Robert-a  (Bâtpuia) Zkch

 :D Kei pawh auh.......
-Rinawma [Dreamte-a]  V Sec.
KEIMAHNI 
Thla thar hun remchang hmasa berah kan account te a dik lo leh fel lo laite siam leh tum a ni a, Agent ten mumal takin kan pawisa thehluh dan leh a thehluh ni kan dah tha zel dawn nia. Kan chanchinbu herna CK Press-ah kan her man pawh neih ang ang te pek leh tum a ni a, chuvangin kan khawnkhawm ang te i thehlut fel zel ang.

EDITORIAL
THLAK  HRET A HUN EM?
    Min thlahtuten tuna kan Ram kan tih tak hi an rawn luah tirh lai kha chuan ramsa hlauhawm tak tak te tuallenna, ramngaw durkhup mai leh thing lian pui pui te an intawksirkhupna te,hrui hnawk leh ralsamkuai in a an bawm luk mai te leh pik eltiang mai te a ni a. Eizawnna a harsain, ram chhengchhia nen, ral hlau reng renga an khawsaknaah khan dam khawchhuah kha thil pawimawh tawp a ni. Chutianga awm tur chuan khawtlang tanrual a ngai,huaisen leh tawrhchhel a ngai a, inpeizawna, inhmangaihtawna, neih intawma an khawsak ho loh chuan dam khawchhuah kha thil khirhkhan tak zu ni a. Chutiang boruak atanga dam khawchhuak tura an beih naah khan “nunmawi” tia kan sawi kan chhuan leh kan lamrik chhen “TLAWM-NGAIHNA” hi a lo chhuak a ni.
    Khawhar ina riak tur ngah veng nih ai chuan phairama zirna in tha a zirlai ngah veng nih a ropui zawk a, khawhar in a thingpui lum taima aiin ruihtheihthila fihlim ten fak an hlawh tawh zawk a ni. Vengchhunga mitthi chhuanlama office thulh fo aiin tihtakzeta thawk te kan ngaisang ta. Eiru lova rinawm taka thawkte hi tunlai a mi tlawmngai te an ni tawh zawk a, zirna lama puitlin ngei tuma, rual pawh pawl tam loh phahte hi tlawmngai tia kan sawi a hun tawh zawk hle mai. zonun peng hrang hrangah khan kum upa zawk te an zah thiam em em mai kha chu tun thlenga kan hmaih hauh loh tur leh kan entawn tlak a tling a.Upa leh tar zawk zah thiam hian khawsakho a tinuam a, a hahdam thlak a, society kal zel atan pawh a pawimawh em em a ni.
    Kan tlawmngaihna  kha NGAI LO tam tak a awm tawh a, tuna kan eizawnna kan khawsak phung leh kan ngaihtuahna te mila tlawmngaihna hi kan hrilhfiah a kan thlir a ngai ta. Chutiang a kan ngaihtuahna kan hmanloh chuan TLAWMNGAI TUR kan inhmu tlem tial tial ang tih a hlauhawm ta hle mai. 
============================================================================ 
Editorial  board
Editor:      Lalsangliana    
Jt. Ed.  :     H. Remsanga       
Cir. Manager:  All Section Asst.Secy.  &  PC Lianmawia Keifangtlang                        
Manager:  R.Lalchhuanawma 



Labels: 0 comments | edit post
Make Flying Twitter Bird Gadget